我倆的第二輯婚照 ~ 室內篇

倒數20日, 之前都講過室內相好多唔滿意啦(不過偏偏揀入冊又係咁多個景之中最多...都唔知點解...),唔入相冊o既就不看也吧,今次直接upload已修相o既室內入冊相俾大家睇!!!

呢個景我極唔鍾意,所以只揀o左呢張唔係好睇到後面張牆紙o既入冊!!

中間塊鏡本來有個人,不過執走左,唔講大家未必覺,不過只要細心留意鏡o既燈光倒影就可以發現到!!

呢張我第一次睇覺得一個望左一個望右好怪,但我屋企人又話唔覺,仲話幾自然!

無記錯,相中有兩個其他人,其中一個個頭被人執走o左...鏡中我鼻尖位置就係o個個無頭人喇...

我倆的第二輯婚照 ~ 紅葉篇

倒數30日, 送上入冊紅葉篇~~~

呢張我o地好鍾意,揀o左做24寸納米拉!!

我倆的第二輯婚照 ~ 第四擊

倒數40日!!!送上紅葉篇,d紅葉真係好靚呀,麥田修完相後反而仲無咁靚,所以我最後都係叫佢保留原相o既顏色呢!!

去相!!

呢個景真係一流,入相簿o既相當中,大部份都揀o左呢個背景!!

影完紅葉就影附近o既日落美景!

其實日落景唔知係咪用o左閃光燈,我覺得影得d人像幾靚,不過因為件黑衫太有'黑X婦'feel, 個人覺得唔多順眼,所以我只係揀o左一張入相簿!!

我倆的第二輯婚照 ~ 梅花篇

倒數50日,今次俾大家睇梅花景入相簿o既相!!!!

呢張我超級鍾意,因為影得我...唔錯...哈哈!!

呢個景一流呀,一定要做誇頁!!

呢張我o地揀o左做大油畫呀,因為個人夠大,我同honey個樣又同時OK喎,只係美中不足我覺得呢張影得我比較好肉地...哈哈!!!

=======================================================

另外,麥田修好o既相都收到喇,不過...除湖景外,我覺得都修得唔靚,硬係覺得唔修好過修,特別係梅花景同室內,修到個人面無血色咁...至於紅葉景,我要求自然,點知佢修到d樹面一d都唔紅,變晒黃色...都唔知想點!!!

大家幫手俾俾意見,睇下係咪我眼慣o左本來d色,所以唔慣執o左???我應該叫麥田點修好???

第一次修改:

硬係覺得我左眼似俾人打黑o左咁!!

第二次修改....叫佢'不要太淡'...設計師真係'不要太淡'....但仲係好淡...都睇唔出有咩分別...

第三次修改....因為我都識photoshop,所以圖文並茂整o左個word'教'個設計師跟我要求執,今次無咁淡色喇,大家又覺得點??