馬年到~~恭喜發財!!!

恭喜發財!!! 今日已經係年初八, 老公子放大假日日都出街, 所以超唔得閒, 搞到而家先出blog同大家拜年添...係就係遲o左d, 但遲到好過無到嘛, HAHA!!!

今年係我第一年一家四口過o既年...

年廿九晚, 自己屋企團年:

三餸一湯, 老公子買餸我做大廚!! 煮o左:

花菇白蘿蔔炆鵝掌海參: 落調味輕手o左, 味道淡o左少少, 有d對唔住炆到咁林o既花菇同鵝掌呢!

豆腐卜炆龍躉: 雖然真係好貴, 但啖啖肉好正!!

露荀蘿蔔炒帶子

年三十:

同Koey係屋企親子料理, 整湯丸!! Koey幫手搓o左d長條型, 但啡色太核突...

我最後幫佢改良做心心等型狀~

食得喇, 原來煮起d色會出好多o架, 不過我唔識包, 所以好厚皮同好少南瓜蓉...不過都食到少少朱古力同綠茶味~~

Koey有甜食就最開心, 食晒d迷你湯丸~

年初一: 

Koey & kobe恭祝大家新年進步, 健康快樂!!

講老實話, 其實我覺得著呢d賀年衫仔好娘好老套, 所以Koey細個無著過o架!!! 今年本來都無諗住買俾細佬著, 但上網見到呢件個款同色又真係幾靚唔娘, 終於買o左!!!

好like呢張合照!!! 多得Grandpa幫手引小朋友先影得咁靚!!!

之後去o左我婆婆屋企團拜~~

豬嘴Kobe~~~

去到5點先回程, 呢兩位攰到訓o左~~

年初二:

番娘家食開年飯~~

當日除o左我同Koey外, 全部人都著紫色, 使唔使咁夾??? HAHHA!!

o係Grandpa & Grandma屋企Bathing~~

之後傍晚就去爺爺麻麻度食開年飯lu~~~

之後年初三至初七我o地差唔多都有日日出街, 好耐無試過去咁多街, 我仲買o左5件新衫俾自己, 大大話話都有好幾年無買咁多衫喇, 真係滿足晒呢!!!

初三look~~~

 

初六look~~

haha, 兩母女一齊扮model影相, 好開心!!

Koey而家影相成日古靈精怪!!

最後, 再一次祝各位馬年行大運, 好似我o地食buffet咁, 豐富滿足!!

青醬意大利粉

 去o左Citysuper買材料整'青醬'!! 材料有: 鯷魚, 松子, basil, parsley, garlic, oil 同芝士粉!

只係o個盒細細o既鯷魚罐頭(48g only!!!) 同 100g 松子就已經加埋要$100, 呢個'青醬'真係富貴, 真係想知係咪好好味!!!

睇書話要用200ml 橄欖油真係嚇一跳, 飲油乎??? 雖然我有懷疑, 但又照跟...

結果搞出o黎好稀, 同書上面個樣唔同...

結果撈o左一半'青醬'落D天使麵度再焗, 食落...

...睇o黎書上o既食譜真係份量出錯, 因為食落成口油, 好快食到好滯, 味道亦比較淡, 唯一好彩o既係好有香草味, 所以都仲算入到口, 只係食得漏D滯D o者...如果連香草味都無, 睇怕成盆唔要得...

第二日...

之前一日食剩半碗仔'油'青醬, 今日唔忿氣用埋D材料再整過!!! 自己加重鯷魚份量同松子份量, 油就用番剩低o個碗醬o既一半再攪, 出o黎個樣似模似樣好多!!

真正o既青醬意大利粉登場!!! 雖然唔夠basil無咁香, 但味道好正好正, 老公子大讚!!! 以後煮意粉唔使成日用罐頭整忌廉白汁或用茄汁咁悶喇!!!

(個好似公仔麵o既意大利粉都幾有咬口, 唔錯!!)

冬菇瑤柱鹵肉飯 + 胡椒咸菜排骨湯

冬菇瑤柱鹵肉飯!! 跟食譜整, 用冰塘鹵肉好好味!!

香菇滷肉飯食譜: 

材料: 
五花肉 (絞碎) 600g
香菇 10朵
紅蒽末 30g (我無用)
高湯 700cc (高湯用金華火腿少許, 洋蒽2個, 水, 牛/雞/豬骨 煲1-2小時)

調味:
醬油 100cc
冰糖 1大匙
米酒2大匙
古椒粉 少許

做法:
1. 香菇浸軟切絲
2. 熱鍋, 加3大匙油爆香紅蒽, 備用
3. 熱鍋, 放入1, 再加五花肉炒至肉色變白, 再加入所有調味炒香後熄火
4. 用砂鍋 (我無用) 倒入3的材料, 再加入高湯煮滾後轉小火蓋上鍋蓋, 煮約1小時後加入2的紅蒽再煮約10分鐘即可

胡椒咸菜排骨湯

o係超巿第一次見到 (之前可能無留意!!?), 仲要特價$10, 即買!!!'淆'o左3個鐘, D排骨勁林, 個湯又好味, 正!!!

露筍炒帶子魚塊

上湯菠菜, 芫茜蒸蛋, 露筍炒帶子魚塊

初次炒魚塊, 好彩無散晒!!! 蒸蛋就一早上網睇蛋同水比例先整, 蒸出o黎面層剛凝固, 以為唔錯, 但入面就仲係好水, 有待改善!!

咖喱雞球

之前一直以為咖喱醬係用水開o黎煮, 點知錯晒!!! 我媽教我一定要用椰奶(唔好用椰漿), 同埋唔使預先熱鑊, 咁收o左水之後D咖喱先會煮到自動出紅油, 正!!!

咕嚕雞球

2012626: 超鍾意食咕嚕雞球, 以前試過自己用茄汁整o個糖醋醬, 早前買o左鎮江醋, 所以第一次整咕嚕

煎牛扒大成功!!

20120709: 再挑戰牛扒

今次跟阿Ching 俾我reference o既方法(http://blog.udn.com/ThomasChang/1844511)煎完再焗, 出o黎效果真係幾正, 又唔會生到仲見血水, 入面仲好juicy添!!!

焗吉烈豬扒 + 芝士火腿三文魚焗飯

20120619: 結婚周年老公子話可能要夜放工, 所以今日煮好D, 後日先出街食飯慶祝!

用食剩o既自製麵包整麵包糠, 唔想炸咁唔健康, 所以用焗爐焗, 都OK脆, 但老公子話食到好重麵包味!!

芝士火腿三文魚焗飯, 味道very good, yummy!!

雪梨雪耳糖水 + 蜜糖香草雞翼 + 豬耳鹵肉撈檬

20120615: 煮咁多次雞翼以o黎, 都係第一次唔係煎, 而係焗, 焗出o黎唔油條邊仲少少脆, 唔錯!!

開頭以為D檬煮到好林, 點知食落又唔係, 好彩無衰到咋, 唔係就waste o左D食送呢!!

牛扒菠菜意粉

次次一田減價都心思思買牛扒, 今次仲見到有芝士薯蓉焗蟹蓋添!!! 蟹蓋味道普通, 牛扒就煎到外熟內生, 老公子話剛好, 但我就覺得生o左D, 但味道唔錯!

地中海海鮮焗飯

又係睇書學o既!!! 今次係賣相勁OK, 而且落足料, 有帶子, 蝦仁同魷魚, 但味道就淡o左d, 應該係我用o黎煮開茄醬o既'上湯'(魚湯)唔夠濃, 下次應該落雞湯好D!!!

魚香茄子拌麵

魚香茄子拌麵

跟住早幾日買本書o黎整(食譜本身無茄子), 不過整出o黎無書影o既咁紅咁靚呢!!!! 另外, 本台灣書寫o既烏醋我誤以為係黑醋, 番屋企先上網查番原來黑醋用o黎整薑醋o架, 不過我照落少少去煮, 味道又OK, 咁都好D, 唔使waste o左支醋!!!

杏汁白肺湯

三餸一湯




焗釀吊筒, 塞得太爆, 煮時魷魚收縮o即番好多出o黎...多o左D肉用o黎抄埋白菜仔!!! 另外, 煎得唔夠'lone', 賣相差左少少, 但味道幾Good!!


粉絲豆腐九肚魚, 味道OK, 但九肚魚煮親都散晒...


超巿有洗乾淨o既豬肺賣, 於是試下煲白肺湯, 不過用電磁爐無得燉, 所以我諗味道差少少!!! 同埋我攪碎D杏仁隔左渣, 所以個湯唔夠白!!!



第二日番滾番尋日留o左o既湯, 加番隔出o黎D渣, 個湯即刻白好多, 不過亦因為有渣, 入口就鞋左D...

煮煮煮

20120402: 第一次煮魚香茄子


20120405


文也鯰魚柳

焗咸豬手

間單易整, 出爐即食, 味道good, 雖然好大隻, 但入口嫰滑, 老公子大讚!!! 唯一未夠完美係個皮唔知點解唔脆, 但我已經跟足食譜焗o架喇...

食譜: http://blog.yahoo.com/_5EKYMBHQLRGWCENMHFB4WKUFMI/articles/89767

腰果鮮魷肉片炒西芹

第一次煮腰果, 色水OK, 但唔知係咪最後加落碟o野時焗落o左, 外面變o左唔腃...不過鮮魷就炒得幾靚!