馬年到~~恭喜發財!!!

恭喜發財!!! 今日已經係年初八, 老公子放大假日日都出街, 所以超唔得閒, 搞到而家先出blog同大家拜年添...係就係遲o左d, 但遲到好過無到嘛, HAHA!!!

今年係我第一年一家四口過o既年...

年廿九晚, 自己屋企團年:

三餸一湯, 老公子買餸我做大廚!! 煮o左:

花菇白蘿蔔炆鵝掌海參: 落調味輕手o左, 味道淡o左少少, 有d對唔住炆到咁林o既花菇同鵝掌呢!

豆腐卜炆龍躉: 雖然真係好貴, 但啖啖肉好正!!

露荀蘿蔔炒帶子

年三十:

同Koey係屋企親子料理, 整湯丸!! Koey幫手搓o左d長條型, 但啡色太核突...

我最後幫佢改良做心心等型狀~

食得喇, 原來煮起d色會出好多o架, 不過我唔識包, 所以好厚皮同好少南瓜蓉...不過都食到少少朱古力同綠茶味~~

Koey有甜食就最開心, 食晒d迷你湯丸~

年初一: 

Koey & kobe恭祝大家新年進步, 健康快樂!!

講老實話, 其實我覺得著呢d賀年衫仔好娘好老套, 所以Koey細個無著過o架!!! 今年本來都無諗住買俾細佬著, 但上網見到呢件個款同色又真係幾靚唔娘, 終於買o左!!!

好like呢張合照!!! 多得Grandpa幫手引小朋友先影得咁靚!!!

之後去o左我婆婆屋企團拜~~

豬嘴Kobe~~~

去到5點先回程, 呢兩位攰到訓o左~~

年初二:

番娘家食開年飯~~

當日除o左我同Koey外, 全部人都著紫色, 使唔使咁夾??? HAHHA!!

o係Grandpa & Grandma屋企Bathing~~

之後傍晚就去爺爺麻麻度食開年飯lu~~~

之後年初三至初七我o地差唔多都有日日出街, 好耐無試過去咁多街, 我仲買o左5件新衫俾自己, 大大話話都有好幾年無買咁多衫喇, 真係滿足晒呢!!!

初三look~~~

 

初六look~~

haha, 兩母女一齊扮model影相, 好開心!!

Koey而家影相成日古靈精怪!!

最後, 再一次祝各位馬年行大運, 好似我o地食buffet咁, 豐富滿足!!

小朋友最愛: 雪榚&漢堡包 (健康版!!)

雪榚同漢堡包, 相信係唔少人o既童年, 甚至係而家o既最愛食品!! 

雖然而家天氣好凍, 但如果而家屋企冰箱有雪榚o既話, 相信我都會忍唔住捱凍食幾啖, 甜一甜, 慰勞一下辛苦o左成日o既自己!! 不過呢, 年紀真係大喇, 雪榚呢d糖份咁高o既食物, 食得多真係好易肥...點先可以又有得食, 又食得健康呢?

就等我教大家DIY 健康雪榚啦!! 冬天先o黎教人整雪榚?? HAHA, 其實我夏天尾o個陣睇雜誌學番o黎o架喇, 只係一直無時間寫blog記低佢, 呢排同Koey整開親子甜點, 咁咪順便寫埋囉!!

DIY健康士多啤梨雪榚

材料: 

香蕉2-3隻切片, 早一晚放冰格冰過夜, 整雪榚前於室溫解凍15-20分鐘!

士多啤梨6-7粒

HiPP 牙仔餅

步驟:

1. 士多啤梨3粒切大粒, 其餘切細粒作裝飾用~

2. 用攪拌機攪碎HiPP餅乾備用

3. 用攪拌機攪爛香蕉及士多啤梨粒至稠身

4. 將攪拌好的香蕉士多啤梨雪榚上碟, 並灑上餅乾碎及士多啤梨粒裝飾!

完成!!!!

係咪超級容易整呢??!!! 一粒糖都唔使落, 只係用新鮮生果做材料就可以做到軟滑美味o既雪榚, 再加上HiPP呢款有機餅乾, 絕無基因改造、農藥或污染成分, 真係食得開心又健康!! 

俾少少Kobe先~

wow, 好凍呀!!!

咩o黎o架?!!

睇o黎太凍, 細佬未識欣賞!! 之後我再俾Koey 自己decorate雪榚~

灑朱古力粉~

放士多啤梨~

完成~~ 賣相都唔差喎~

仲好美味添!!

開心到!!

食完雪榚, 不如試下'漢堡包'呀!!! 不過今次只係形似咋, 其實都係同Koey旨在玩下~~

材料:

HiPP牙仔餅

HiPP 米糊

香蕉

步驟:

1. 香蕉切2片 

2. 用溫水開米糊, 將米糊塗在餅乾上

3. 再放上兩片香蕉 (或其他生果)

4. 再塗一層米糊, 最後放上餅乾!

完成!!

haha, 雖然呢個漢堡包有點hea, 不過對於小朋友o黎講, 有得玩有得食都已經好滿足, 最重要都係可以享受一下親子時間, 大家話係咪??

假日親子甜點: 大B版'木糠布甸'

上次整完Baby版木糠布甸俾Kobe仔品嘗, 無理由唔整番個大B版俾Koey o既!! 今次唔用糊仔, 整蜜糖慕斯俾Koey試試先!!

先預備材料:
1. HiPP 大B餅乾適量!! 同上次一樣, 又可以好好咁消滅埋唔完整, 甚至碎o左o既餅餅!!!
2. 魚膠粉 2g
3. 淡忌廉50g
4. 蛋黃1個
5. 砂糖5g
6. 牛奶50g
7. 蜜糖25g
8. 朱古力粉/肧芽粉 (份量隨意, 不加亦可!)

1. 用攪拌機打碎餅塊備用~ (由於上次用人手整好耐先碎, 亦唔夠細碎, 所以今次用機打!)





2. 用電動打蛋器以中至高速打起淡忌廉備用
3. 用打蛋器打散蛋黃和砂糖至稠身


加砂糖


攪拌均勻

4. 牛奶和蜜糖放小鍋中以細慢火加熱, 然後倒入蛋黃混合物, 再打牛奶混合物倒回鍋中, 以細慢火拌勻加熱至稠身



5. 加入魚膠粉攪拌至全部溶解, 關火, 倒入已打起的淡忌廉, 以膠刮拌勻



6. 於容器灑一層餅碎, 再淋一層慕斯, 亦可以隨意灑上朱古力粉或肧芽粉, 重複直到容氣盛滿! 
7. 放入雪櫃冷藏至凝固!

完成!

好味道, Yummy!!!