婚禮之最

學各位blogger,容我以婚禮之最為fc620作結!!

最打風都打唔甩

當然係我同老公子!!大日子時係1號風球呢!!

最靚

當然係各位賓客充滿祝福o既笑容以及我同老公子幸福o既笑容啦!!

最醜

um...呢最相o既作用,應該係要驚剔自已...下次興奮得滯記住唔好申長條頸...

最型

我覺得老公子型就梗o架啦...但fc620當晚,老公子唱住'永遠愛著你'由門口大踏步走入會場o既身影,真係好impressive,型到爆,搞到我暈得一陣陣...haha...

最無聊

一早上好妝著好褂行出廳一刻真係感覺好怪,因為唔知自己有咩做...!!另外,o係房等老公子開門都係好無聊,好彩有媽咪陪住!!

最幸運

嫁到老公子當然幸運,但呢一樣應該比嫁俾老公子算係更幸運吧!!婚前2星期爸爸公司安排抽簽,決定從7份申請(我爸叫o左2位同事幫手申請,所以我o地佔o左當中3份)中抽出620當日可以使用遊艇o既職員,結果,成功中簽的竟然正正係我爸自己o個份,都咪話無結婚當旺呢件事呢!!到而家每次睇番d遊艇相,我都有覺得好幸運o既感覺!!

最自由

同伴娘伴郎兄弟姊妹同坐一間Van時真係勁有旅行feel,差在未o係車上唱歌仔咋!!而且又唔使影相扮靚,只係坐係度同人吹水,勁free!!

最性感

我件深綠色deep V都未算性感,最性感係我一班姊妹,仲記得我o係車外望番坐o係車內o既姊妹們,剛好只見到姊妹們o既肩位對上,只係見到姊妹裙o既肩帶,o個刻真係俾到我唔少暇想,so sexy!!...可惜無相為證...

最火爆/最混亂

證婚後影相環節出現混亂,o係第二次被請落台而仲未同到只o黎觀禮o既賓客影相一刻,真係火都o黎...haha!!

最唔聽話

當然係我啦!!大日子向長輩敬茶要跪絕對唔過份,但我事前無考慮過著住大deep V敬茶會有咩後果,所以我為免走光,向奶奶反抗,只係企住敬茶,希望各位長輩見諒!!

最有趣發現

一向以為dummy cake話明係dummy,當然係有條預設o左個杭俾我同老公子扮切落去啦!!點知原來唔係o架喎!!!我o地當日切呢個蛋榚係無杭o架,任我同老公子切邊都得,而且切落去手感同切真蛋榚無咩分別,只係實少少咋!!我同老公子大日子當晚講起覺得好得意,覺得係'驚人大發現'呢!!

最感動

感動1: 同我婆婆敬茶或敬酒o既時候,我都有'非常感動'o既感覺,眼淚都湧晒出o黎...問我點解,我又唔係好講得出...可能因為婆婆係我親友中年紀最大,而且我係佢長孫/外孫,第一個孫/外孫成家立室,我主觀上認為婆婆都會好感動吧,所以自己又感動先...haha

感動2: 爸爸大清早將我交俾老公子o既一番說話

最驚喜/最喊包

驚喜/最喊包1: '永遠愛著你'剪奏再加老公子o既獨白忽然響起,我決堤了!
驚喜/最喊包2: 好姊妹Betty o係新娘房訪問我感受時忍唔住講到流晒淚呢!!

最熱情

當然係我班姊妹啦!!另外有幾位賓客(應該係6299朋友)都好熱情,不斷讚我靚,當我公仔咁捉住我影合照,搞到我都差d唔係幾好意思!!

最High

老公子讀U住hall d朋友,勁酒後我行親埋去佢o地都圍住我一斷講o野,嚇到我有d驚...其中一個仲'了'我姊妹,斗膽!!

最快

Maggie手快係人都知,夾埋手快o既姊妹再加埋自己,魚尾裙轉銀色晚裝前後應該用o左5分鐘左右,應該仲快過超人變身(超人底蛼變面蛼應該幾花時間!)!!

最閃

閃石涼鞋、閃石額頭、閃石bouquet holder都唔夠我腳指甲上貼o既水晶閃,可惜無影到相,不過姊妹們最後o係更衣室都大讚o架...haha!!

最失魂

失魂1: 伴娘散席後將我裝有信用卡o既卡套交o左俾我媽帶走,好彩急call爸媽時佢o地架車仲未開走,有驚無險!!
失魂2: 拎番我張信用卡諗住有錢埋單啦,點知老公子張卡信用額得番1萬,結果要我簽埋其餘部份,齊齊儲miles賺機票夢碎...及後先知,老公子之前找卡數誤找o左落同一銀行另一張卡度,銀行以為佢欠卡數所以信用額得番1萬...失魂到死,可惡!

最輕飄飄

輕飄飄1: 婚前其實無刻意減肥,但大日子上到酒店房一磅先知自己得番102磅,比normal體重輕o左10磅有多,勁surprise,一日可以輕咁多真係好神奇!!(比起最瘦一刻,而家體重反彈番晒,差在未重夠20磅...就快變肥C9...)
輕飄飄2: 上船後我坐o左係度俾攝影師姊妹係咁影,好似自己係明星咁,唔覺得輕飄飄就假,haha!!

最難食

難食1: 兄弟一早就有各式醬料做早餐,聽聞最難食唔係wasabi,而係大大pet o既蝦醬!!
難食2: 開席後我其實好多時間食o野,但girdle札實我個胃,頂住個肚搞到我有得食都食唔落!

最浪費

浪費1: 上船時叫o左3個Pizza大餐,結果食左2個都唔知有無,剩低o既留番晒俾船長!!
浪費2: 大日子當晚o係酒店海景套房訓,不過我太excited,全晚個腦不斷loop住大日子片段,完全訓唔著,張床幾大幾好訓都享受唔到!另外,明明帶o左相機foro o係酒店放影相,點知無電...只能用手機影,d相好肉酸!!失敗!!

最有耐性

係你o地呀!!!!你o地咁有耐性追足半年睇我update大日子,當然要讚啦!!多謝你o地呀,大日子blog終於完滿落幕喇,下一篇帶大家番去半年前,一齊去瑞士囉!!!

婚禮後感

遲了七個月o既'婚禮後感'...自己都有d唔好意思...

===================================================

簽字後,朋友對我說: 能夠在大日子成功註冊,那便是一個成功的婚禮了!!

無錯,係'婚禮'後感,唔係'婚'後感!

今時今日,為了可以在週末預訂一個靚場地擺酒最少要提早年半至兩年,花足心思時間找資料、格價、DIY究竟是否真的有需要??大日子前,我跟大部份準新娘一樣,對一生人一次的大日子充滿幻想充滿期望,日以繼夜為婚禮忙忙忙,甚至婚前一段日子捱到樣子又殘,身心疲累至完全不懂為自己結婚而興奮...

其實婚前最辛苦o既一段日子,我真的開始禁不住問'咁辛苦為咩?'...

大日子後,我對'大日子'有另一番體會...

原來,一個婚題禮入面,最重要並唔係華麗的布置或高貴的婚紗晚裝,而係祝賀新人的每個眼神、每個笑容、每份心意!!透過賓客眼神,雖然只是短短握個手的時間,但對方是'真心'還是'應籌',我跟老公子都完全能夠感覺到,這種體會,是我大日子前從來沒有想像過的!!

幸運地,'應籌'的賓客並不多,不提也罷!!真正窩心的,反而係親朋好友,甚至係第一次見面的賓客的一個笑容、一句祝福、一個擁抱!!這種窩心感覺還簡單而直接地拉近人與人之間的距離,而且不限於大日子當天,事實上,我婚後跟不少之前比較少聯絡的朋友多了聯絡,我認為,呢樣先係我同老公子在大日子中最重要的得著!!

所以,還在為大日子忙到殘的準新娘們,千萬不要太在意那未完成的DIY,因為,還有更窩心更重要的東西在大日子等著你去感受呢!!

fc620 ~ 造型篇

haha,估唔到最終都要隔咁耐先出到造型篇添!!!

上次無乜人估(好多謝午夜飛行 俾面估,哈哈!!),咁都係等我直接開估啦!!

我大日子總共有:

6件衫!!

9個造型!!

係咪好多呢???HAHAHA...

其實本來我都唔係咁貪心,追求大日子造型多多o架,不過因為6點證婚o既關係,迎賓晚裝同婚紗前後穿多過一次,結果o係Maggie巧手下,我就多o左幾個造型喇!!

衫方面,除o左魚尾裝外,全部都係羅浮宮租o既!!

褂, 大路款式, 雖然唔係特別,但每個女人一生入面,真係要著一次!o個種囍慶感覺,真係唔係婚紗晚裝可以造到出o黎!!

右上: d花係我早一日自己買o既!
左下: 龍鳳耳環!

老實講,婚紗絕對唔係我心目中o既the one,不過自落訂後,一直抱住o係有限之中搵最好o既心態,所以對the one 並沒有過大期望!!幸好,o係無upgrade o既婚紗當中,都搵到呢件俾我有'好清'感覺o既婚紗,簡簡單單又有少少閃閃水晶,good!

o係Maggie巧手下,同一件婚紗, 竟然可以穿出三種不同感覺!

遊艇派對look!頭飾係Maggie o既,頸鍊好似係CDL!

證婚look!皇冠係Maggie o既,耳環手鍊同頸鍊係媽咪送o既嫁妝!

開席March-in look!頭飾頸鍊好似都係Maggie o既!

至於晚裝,其實羅浮宮d style真係太宮廷,我揀o左好耐都揀唔o岩,明明見到婚前佢o地番o左一批a-line款比較多,modern d無咁宮廷o既晚裝婚紗,但偏偏我去試o個日全部都無得試,真係無奈!!好彩,o係姊妹同我媽咪努力幫眼下,最後揀出呢三件晚裝都唔差!!

深綠色性感又神秘,紅色開心活潑,銀色簡約輕便,各有美態!

酒店拍照look!呢個髮型我好鍾意o架!!所有飾物都係CDL!

迎賓look!

敬酒look!其實呢件晚裝係韓式娃娃裙裝,haha,加埋韓式march-in look, 原來我呢個wedding都有唔少韓國味道呢!!

送客look! 繼續keep住閃石額頭look!!髮飾同閃石都係Maggie o既, 其實我自己都有閃石,但太細粒,無用到!

因為貪靚同以為有時間換多套衫,我o係5月時o係淘寶網買o左呢件白色魚尾裙晚裝!(exact link唔知去o左邊,但只要大家上淘寶search '創意狐' 就可以搵到呢個牌子o既晚裝o架喇!!)計埋運費唔使HKD400,平,靚,正!!

早知淘寶咁多靚衫我就唔幫襯CDL呢,橫掂o係淘寶買衫o既價錢仲平過o係CDL租,d衫仲可以自己擁有甚至賣番出去又得呢!!!!

大合照look! 呢條裙可襯金器, 閃石額頭係我自己諗o架!!

化妝髮型方面,真係要好多謝化妝師Maggie,讚美說話真係唔使多講,睇造型已經知!!

其實Maggie化妝set頭技術好外,最重要係夠快手!!因為證婚時間尷尬要換幾次婚紗晚裝佢都完全handle到,仲因此令我比人多幾個造型,對我o黎講真係一個bonus!!

Overall,要數最鍾意造型,我會揀證婚look同埋大合照look(魚尾裝!),雙冠軍!不過呢,其實褂裝同埋紅色敬酒裝都好多人讚!!唔知大家又鍾意邊個造型呢??

化妝師Maggie 有關我大日子化妝工作o既網誌: 分享高清噴槍-眼睛識笑既新娘化妝

講完我,當然仲要提一提老公子啦!!佢件禮服都係CDL租o既,禮服衫身暗閃,搶眼得o黎唔會太浮誇!!至於銀色花紋背心就中規中矩啦,其實CDL俾o左好少我o地揀,所以唔使1分鐘就決定o左!!

右上: 朝早老公子唔著背心,打bowtie,所以overall全日都叫做有兩個造型,嘻!!
左下: 禮服真係幾閃, 感覺既smart又大體, 襯埋我送俾老公子o既閃閃襟花托,成個look好靚仔呀!!

fc620 ~ 謝幕篇

著住魚尾裙晚裝怱怱影完合照已經趕住要送客,本來Maggie都話換唔切,但佢都好明白無理由租o左衫唔著嘛,所以佢最後confirm問多我一次, "係咪真係想換?" ,我答 "係"!!

於是...

姊妹+Maggie再加我自己,七手八腳除金器戴鑽飾除衫著衫set頭髮,絕對唔係誇,超人變身都無咁快,我估前後5分鐘就搞掂,然後我就即刻出去送客喇!!

排排企準備好送客喇!!

睇?晚宴去到尾聲,老爺奶奶心情似乎都輕鬆晒呢,笑容比之前寬容好多咁呢!!

簡單握個手、講句恭喜、說句再見,原來送客都幾開心o架!!

呢張奶奶好搞笑呢!!

一睇就知兄弟Antony已經進入半醉狀態喇!!

好少見到我媽笑得咁勁!!哈!!

呢張相又係好搞笑,感覺好似我個中學同學同我奶奶好friend好熟咁!!

送客送到一半,工作人員話backdrop好快拆,叫我o地把握機會上backdrop影相,於是賓客都未走晒,我同老公子就衝番入去backdrop度影相,有d朋友仔好醒目,上台影埋一份,不過亦有唔少朋友直接走出門口...無送到大家,唔好意思呢!!

呢張好靚,我好鍾意!!

呢班就係好醒目,識上台捉住我o地合照o既朋友仔喇!!

呢張好靚呀,點解我同老公子無o係蛋榚前影相呢...!!!Kathy同阿東,呢張好似你o地結婚相咁呀,等飲你o地o個餐o架!!

送客呢套衫,我媽後尾講番,話件衫係咁多件入面最麻麻...um...唔係呀,我覺得都OK喎!!

多謝晒Kathy同阿東幫手做司儀呀!!

我可愛o既肥表弟,佢好尊重場合,特地買o左套裇衫o黎o架,好俾面呀!!不過唔知係咪唔慣著裇衫,佢影相好似好唔自然咁呢! 

我鍾意呢張!

姊妹們都眼紅紅!!

姊妹們俾o左我一個熱烈擁抱, 我除o左 "多謝", 還是 "多謝"!!

有你o地祝福,我好感動!!

最後,經過一整日開心o既勞累,fc620終於完滿落幕!!YEAH!!

多謝大家陪伴我同老公子渡過我倆第10年的最後一天,多謝大家有份成為我倆10年回憶o既一部份,多謝!!

==================================================

結婚半周年都o黎緊,終於俾我update完大日子o既一切點滴,多謝各位blog友支持同不厭其煩咁等我update...其實我仲有好多想分享,好似婚禮後感,對各vendor o既評價等等,我諗唔使揀相加水印落相,以後update速度會快d o架喇,haha!!

下一篇講o下造型!!

而家先考下大家心唔心水清!!大家知唔知我全日總共有幾多個造型呢???