整理文件

前幾日睇到Menu話要學理財,其實自五月份開始我都開始學習管理自己o既財政狀況,用o左個excel mark底自己每月支出o左d咩!!!由於想條數清清楚楚,所有消費單據我都儲起o左,但由於小妹興趣太廣(又玩手機又整網頁又要搵工...),所以一大堆單據亂七八遭,仲惹了一些迷你昆虫(專係紙張發現,細到得一點o個種),所以今日決定執執個財政excel file!!!仲諗住開多幾張spreadsheet記底MPF,儲蓄同投資戶口o既狀況,然後張個file放入手機(當然要加密啦!!!),咁之後使o左錢就可以隨時隨地用手機修改excel!!!我仲諗住張所有卡片,同事同朋友o既contact資料用excel幾底,咁就可以掉晒所有卡片,唔使係屋企惹昆虫,又可以學o下d大班用手機處理財政事項,yeah!!!!

不過聽日有兩份工要in,所以今日整口唔晒,今晚又想睇世界杯,所以而家都係早抖先喇!!哈!!!!!

旺

呢幾日真係好旺,今朝一早收到兩個interview電話,呢兩份都係兩星期前apply,仲用緊舊resume,兩份都係research o既工作,都約o左星期四interview,又會咁'橋'o既!!!

下午又出灣仔見工...位置都幾偏僻,實際上o係跑馬地,好彩都順利到達!!!呢份工係做programming,1年contract,但renew機會好大,因為呢個大project o既first phase都預計做三年!!!!First in見o既係兩位technical人,傾完後就再直接同Project Manager進行2nd in!!!今日interview自問表現唔錯,至少我似乎開始掌握點樣講到份工同我career target好相關,仲用番尋日interview聽番o黎o既少少terms o黎應對,睇我以咁o既電腦background都過到頭兩個人o既關就知!!最後Project Manager話今個星期完成2nd in後,如果有消息o既話下星期會進行埋final in,希望順利!!!!

ERP,CRM,SAP,ORACLE,DW/BI...

八點幾起身裝身出門去灣仔見工,尋晚上網知道係細公司,上到去得番老細一個,其他consultant出晒去,所以老細用o左好多時間講解份工o既資料,好似ERP,CRM,SAP,ORACLE,DW/BI...仲有好多好多terms...份工其實係要CS background,加上呢份係我in o既第一份同類型工作,所以自己都唔太了解份工其實係咩!!!聽完講解後,老細忽然俾份個半鐘長o既SQL workshop我做...唉,我學database已經係三年前o既事,而家咩都唔記得,最後交白卷咁滯,心都灰晒,因為本來傾計時我覺得自己都有d機,奈何而家最basic o既database skills都show唔到俾人睇,都係算啦...!如果我要o係呢方面發展,我似乎要revise番以前d電腦notes先得喇!!

番到屋企食完外賣冷麵,沖完涼後又收到interview電話,所以聽日又要出灣仔...但我呢幾日無乜心機咁,似乎唔在狀態...有少少唔想見咁...!!!不過,自從我revise o左我resume後,似乎真係多o左interview呢,多謝clok!!!!Resume中其中一樣改動就係我o既相,Clok話太細個會令人覺得唔pro,所以我改o左張由專人化妝後影o既,而家應該望落去pro好多!!!

下午三點幾同媽咪睇真人版小丸子,我其實約o左我媽睇好耐,今日佢特登唔午睡陪我睇,嘻,做小丸子o個個女仔好可愛呢!!!

zzz...

Sleepy for the whole day!!!...

今日好眼訓,尋晚睇完波五點訓,今朝九點幾就醒o左,由lunch同屋企人去味千食o野到下午整手機主題再到夜晚睇超模Where the girls are?都一直keep住不斷食蚊...真係好眼訓呀!!!!

捱眼訓

今日朝早用o左好多時間幫手機整主題,就咁就成日!!!到夜晚睇波,第一場英格蘭對葡萄牙,我當然想前者幫手踼走踼荷蘭出局o既葡萄牙啦!!點知睇o左成場都無入球,由於想睇巴西對法國,所以我無睇加時同十二碼,賽果都係我三點起身打俾Honey先知!!!到巴西對法國,雖然好眼訓,但都有頂硬上睇晒!成場波明顯法國踼得好d,特別係防守方面,巴西d人進攻親都出現一對二、三、四o既場面,所以巴西d波成日都會俾法國搶番,最終法國嬴o左,我諗好多巴西fans會失望,最慘係朗拿甸奴今年世界盃未入過波,又要等四年喇!!!!...終於睇完八強,綜觀我發現我有睇o既幾場波,只要我支持o既隊都會輸波...真係無癮!!!!而家四強中無乜心水球隊,或者支持o下就退休o既施丹啦...ZZZZZ