Kobe仔滿月 & Koey 2歲生日

18 May 2013: 


大家好, 我叫Kobe!

我今日1個月大喇!

想同家姐合照, 但家姐怕o左我 (Koey怕整到細佬...)

細細個o既我已經好Man!!

今日爸爸幫我拎o左出世紙喇~

坐完月, 媽咪話要帶我去戶外接觸下陽光~

呢位就係陪月姨姨, 唔止Kobe仔, Koey都好喜歡佢o架!!

夜晚食蛋榚仔慶祝Kobe仔滿月!!

擺個大爺pose~~

家姐唱o左生日歌俾我聽, 仲幫手吹蠟燭添~~

19 May 2013:

Kobe仔滿月手印腳印~

媽咪第一次幫我沖涼~

兩父子...

Kobe仔第一次夜晚出街wet~

因為今晚慶祝Kobe仔滿月同埋Koey 2歲生日!!

酒樓太嘈, Kobe仔全程都訓唔到, 猛扭抱!

呢幾日Kobe 同Koey都收到好多禮物, 真係多謝大家厚愛!!

長輩們o既心意, 多謝晒!! 祝蛇仔Kobe健康伶俐, 聽教聽話!

20 May 2013:

陪月 EE last day, 佢送o左好多禮物俾Koey, 多謝晒!!

原本想去睇巨鴨, 但佢扁o左...所以唯有一家四口近近o地去食buffet!!

不過我o地大頭蝦, book位時無講到Koey生日, 所以酒店無預備蛋榚, 我o地唯有拎D buffet甜品當蛋榚算...對於Koey o黎講應該無乜分別...HAHA!

Koey好多食物都唔肯試, 但就食o左超過廿粒車厘茄~

至於Kobe仔, 佢全程只係訓得一陣, 其餘時間都要抱住, 所以雖然只係出一陣街, 但到攰到我同老公子散o左...

至於Kobe仔, 佢全程只係訓得一陣, 其餘時間都要抱住, 所以雖然只係出一陣街, 但到攰到我同老公子散o左...

呢份就係爸媽送俾Koey o既生日禮物!!

Koey短短幾日收到好多煮飯仔玩意, 呢個Little Shop就o岩晒Koey當做廚房或小賣部!!!

希望你鍾意爸媽o既禮物同呢個小天地啦!

21 May 2013:

 砌o左個little shop之後, 我決定的起心肝整埋個DIY廚櫃俾Koey!!! (自從o係fb睇到人share DIY kitchen後儲低o既紙盒同其他'廢物'!)
整o左2日, 終於完成喇!! 有齊sink盤(X罐曲奇), 水龍頭(廁紙筒), 爐頭, 櫃入面包o左雜誌紙, 再放幾個盒放廚具/食物同埋微波爐~

重新適應

因為我唔係新手媽媽, 所以Kobe仔出世後, 無論餵人奶, 換片等, 好多照顧BB o既技巧我都好快可以pick up番!! 但始終一家3口變4口, 生活上難免有好多轉變...

對我同老公子o黎講, 最大轉變就係要重新分配時間去照顧2個小朋友!! 由於Kobe仔仲細同埋每2-3小時就要食奶, 所以我就要由主力照顧Koey退居為副手, 主力o既責任就交俾老公子!!

就係咁, 老公子終於o係Kobe仔出世後, 變為Koey o既保母, 開始o係陪月唔o係度時, 幫Koey沖涼換片 (Koey出世到Kobe仔出世前, 沖涼次數應該只係3-4次!), 同埋o係我坐月期間單拖帶Koey去玩去書局, 等Koey唔使陪我坐月咁悶!! 以前成日覺得老公子唔係一個太稱職o既父親, 估唔到迫到埋身都算做得唔太差, 合格啦!! 



至於我, 因為有陪月幫手同Kobe仔沖涼換片, 同埋照顧我o地一家大細三餐, 所以, 我o既工作暫時只係埋身餵奶掃風同埋繼續照顧Koey, 同以前分別唔係太大, 適應上, 暫時困難唔多!! 之不過, 到陪月走o左, Kobe仔又訓少o左, 多o左扭眼訓時, 我o既挑戰先真正開始...到而家我都唔敢想像, 我到底應唔應付到!!!

最需要重新適應o既, 應該係Koey!!! 



唔好以為人仔細細就乜都唔識, 雖然Koey未識表達佢o既感受, 但從Kobe仔出世後Koey o既言行, 就睇到Kobe仔o既出現, 唔多唔少對Koey有點衝擊!

Kobe仔出世後一至兩星期, Koey明顯有情緒反應, 多o左為一D好小o既事喊同發脾氣, 仲要成日好大聲假喊, 應該係想得到我o地注意!! 開頭我真係俾佢煩到人都癲, 成日想發惡大聲鬧佢o架, 但明白到佢細小心靈可能都正係度適應緊弟弟o既出現, 我再咁大聲鬧佢, 怕會有反效果, 萬一佢聯想到弟弟出現所以媽咪就對佢惡o左, 咁就仲衰!! 所以我都盡量刻制, 最多都係嚴厲少少不斷同佢講道理, 解釋佢咁樣亂發脾氣係無用同無謂o既, 同埋一定要佢收聲唔喊, 講出自己想點爸媽先會理佢!! o係我日鵝夜鵝, 同埋一次罰佢企o係門口之後, 再加上佢自己都可能開始適應同理解發脾氣係無用下, Koey o係弟弟出世後2星期左右, 終於開始少發脾氣, 亦無再無緣無故大聲叫喊, 我同老公子亦總算無咁辛苦, 唔使再忍受Koey日嘈夜嘈!! 



除o左情緒反應外, Koey仲要適應照顧者o既轉變!!

以前Koey起居飲食都係我一手包辦, Kobe仔出世後, 由於我要坐月盡量唔好掂水同埋要分身照顧Kobe仔, 所以煮粥煮飯, 沖涼, 帶Koey出街玩, 甚至tum訓覺 o既重任就要交俾爸爸/陪月姨姨/Grandma!! 仲記得o係我初初有o左時, Koey出街只肯俾我抱, 唔肯跟爸爸, 但o係我, 老公子, 仲有4大長老日夜提醒下, Koey好快就明白"媽咪唔抱得沛藝, 因為有弟弟"!! 自此之後, Koey開始主動指明出街要爸爸抱, 再加上Koey開始大個, 明白媽咪係主力照顧佢, 而爸爸先係同佢玩到癲o個個, 就係咁, 佢慢慢開始好跟爸爸, 所以Kobe仔出世後, 我雖然要分身照顧弟弟, 但Koey o係適應爸爸照顧方面, 只係好間中會作出反抗, 問題唔大!! 至於陪月姨姨, Kobe仔出世前Koey第一次同陪月姨姨見面已經笑晒口面, 似乎幾like呢位姨姨, 到我坐月時日見夜見, 佢開始同姨姨熟落, 所以俾姨姨同佢沖涼都無問題, 有時仲熟到對姨姨唔客氣, 大大聲叫姨姨陪佢玩!! 

最後, 要慶幸o既係, Koey總算係鍚弟弟o既!!!

Kobe仔出世前, 我同老公子已經幫Koey做足心理準備, 經常提醒Koey "弟弟係BB", "BB會成日喊", "家姐要幫手tum番弟弟", "媽咪第二時會成日抱弟弟, 因為弟弟成日要食奶", "弟弟食手指要幫手叫佢唔好食" 等等等等...由於Koey理解能力都OK, 佢似乎對於"媽咪生弟弟 / 弟弟由媽咪個大肚DUM走出o黎" 一D都唔覺得出奇, 弟弟第一晚出院Koey已經拎佢最鍾意個玩具公仔Eeyore放o係弟弟側邊, 話係'送'俾弟弟, 陪弟弟訓, 我當初見到呢個情景真係覺得Koey好生性o架!!! 當然, 其後o既情緒反應的確令我煩o左一段時間, 但隨住近排Koey o既情緒回復番正常, 亦經常主動o係我幫弟弟換片或tum弟弟訓覺時幫手, 我就知道佢真係知自己係家姐, 要照顧細佬!!! 

"第二時弟弟都會陪沛藝玩XXo架~", 無錯呀, Koey, 你要同Kobe仔相親相愛呀, 媽咪都好期待睇住你o地大個D手拖手一齊玩, 一齊成長呀!!!

Koey & Kobe, 你o地要手足情深呀!!

Kobe仔DIY初生寫真

見到人o地D初生B去影樓影寫真好靚, 於是襯Kobe仔仲係初生樣, 試下DIY (上次Koey無影過呢!!), 點知一除衫仔就醒晒, 影唔到訓緊覺個樣, 影多兩影仲喊晒, 失敗, 係得下面幾張見得下人, 不過影出o黎呢個大頭仔個頭太有份量, 唔係好似初生...!!!

======================================================================================

3/5 (day 16)

再接再勵, 今次有初生feel喇!! 不過天氣太凍, 無得影裸照, hehe~

初生先有呢個皺皮樣, 要好好留紀念!

Kobe仔, 訓得甜D喇~