新加玻親子遊@2014~Day2: 大鬧Legoland!!!

20140702

起身喇起身喇, 今日去Legoland喇~~~~~~


兩個小朋友訓飽飽後精精神神o係張大大大大床度跳o黎跳去, 充滿活力!!!

食過早餐 (真係好好好好多謝May o既細心, 半夜煮定熟蛋俾我o地一朝食!!), 9點鐘就落樓坐車 (包車資料: 阿順Ah Soon, Whatsapp +60108832323)向位於馬來西亞Johor Bahru o既Legoland進發!!!

出o左境, 過條橋就到馬來西亞喇!!!

大半個鐘左右就到喇!!!!我o地先去酒店放低行李, 之後就去Legoland喇!!! 由於一朝只係食o左隻蛋, 我o地諗住買d o野食入去Legoland一邊玩一邊食, Legoland外o既食店都係剛開門, 要等15分鐘...

15分鐘對於大人都已經唔短, 更何況已經等到好心急好想即刻入去Legoland o既Koey!!!!

由於Koey不斷問幾時入去Legoland, 我就自己先帶Koey & Kobe行去Legoland門口俾佢o地睇o下先, 再邊等爸爸!!!!

因為太曬, 又唔見o左爸爸, Kobe仔開始發脾氣, 至於Koey, 因為Legoland在望, 笑容還可以~~~

Kobe仔開始扁晒嘴喇...

終於爸爸到喇~~~~但大合照唔可以唔影...辛苦晒喇!!!

o係台式食店買o既早餐!!! 新鮮出爐味道唔錯, 之但係...

等o左15分鐘先到o既食物...竟然唔可以帶入Legoland!!!!!!!!!!!!!!!!

實在係激死人喇!!! 

職員著我o地食完再入場...Koey又點肯呀, 佢開始發脾氣, 唔願食, 只係一味話要入Legoland!!!! 我同老公子唯有努力咁將d熱食猛塞入口...

唉!!! 為o左呢份早餐搞o左半個鐘都有, 真係早知唔買好過!!!!

好喇好喇, 終於入得場喇!!! 由於7日前網上購票有8折, 所以我係網上訂飛o既, 點知去到Counter

先知網上訂飛唔會有真飛俾番你, 對完資料就咁用自己print o個張紙入場就OK!! 

老公子: 那就沒門票留念囉??

好彩老公子多口講句, 就係咁, 職員就隨手拎o左張門票俾o左老公子~~~ 

有張門票留念點都似樣d嘛, 雖然張門票又真係無乜特別, 唔算好靚, 嘻!!!!

好喇好喇!!! 真係入場喇!!!

一入到去先見到一個人扮o既Lego人, 即捉佢佢合照!!! 之後經過d賣o野o既舖頭轉右, 見到有d lego車同lego人, 後面有個小賽車場, 本來Koey已經入o左去等玩, 點知佢見到Kobe係場外張台砌lego, 佢就一支箭走番出去話唔玩駕車, 要砌lego!!!

叫o左好耐Koey先係繼續向前行, 我o地去o左排坐船~ 呢個game應該係o係Legoland全日遇到最多人排隊o既一個game喇, 等o左10-15分鐘先有得玩!!

我同老公子一人一部相機互影!!!

細佬b唔識欣賞, 扁扁嘴!!

Koey就好有興趣駕船, 但佢未掌握到點轉, 成日搞到隻船U Turn做o左對頭船, 要我搶軚轉番o岩, 搞到Koey有d嬲我成日唔俾佢玩!!! 不過正正因為Koey亂咁o黎, 隻船成日撞駁, 都幾好玩!!!!

玩完船船經過一個有cover o既playground, 兩個小朋友唔使曬又有得o係個波浪形凹凸地上面亂走, 夠晒新鮮好玩, 生猛晒!!!

俾o左10-15分鐘小朋友亂走, 為免玩唔切後面o既, 點好玩都要催小朋友走喇!!! 小朋友嘛...當然係抗議啦!!! 特別係室外間中都幾猛太陽幾熱呢!!!

跟住玩駕飛機, 細佬唔夠高無得玩~~~

老公子同Koey玩得好開心, Koey笑得好大聲, 仲要玩完一轉唔夠再encore!!!! 父女倆呢刻o既笑容, 真係無價!!

玩完飛機, 再玩救火!!!

Kobe仔見爸爸又走o左, 爆喊!!!

呢個game嘛...

...其實有d後悔點o左老公子玩, 因為完全體力勞動, Koey唔夠力泵水或泵車, 只係爸爸一個人用力玩, 辛苦晒~~

兩父女玩完一輪, 我o地去火車站打算坐火車, 呢個時候11點幾, Kobe仔又喊o左一輪, 以為佢會攰會訓, 點知上到火車, 佢又生猛晒喎!!! 

架火車好靚呀, 我o地排隊時送車尾, 所以排最前, 可以坐車頭!!!

睇o下Kobe仔, 笑晒呢!!!

左下: Koey好溫柔咁咁細佬坐定定唔好亂郁~~

扮火車'勁共勁共'~~

坐完火車, 求其揀o左間o係附近o既餐廳食lunch!!!

左上: 叫o左意粉同燒雞薯條!!!味道不過不失!!

左中: Kobe仔第一次正式跟大人食lunch!! 唔知係大人o野太難咬定本身太熱扭計無胃口, 餵到一半開始難餵, 要一條薯條一啖粉咁餵!!!

涼完冷氣食完o野, 老公子話要去睇場中央o既大型Lego Display!!!

好多世界各地o既名勝, 好似去o左小小世界, 好靚!!!

不過正直正午, 太陽太猛喇, Koey行行o下開始大喊, 喊住話要走, 要離開Legoland!!!

我o地又tum又抱, Koey都仲係好扭計, 好彩附近又有個有cover o既室內playground, Koey入到去唔使曬, 又有得玩射波波, 心情先好番起o黎!!!

就係呢個地方, 全靠佢先tum番Koey有興趣繼續玩!!!

左上: Kobe呢個時候捱唔住了!!!

Kobe仔訓o左, Koey笑番, 跟住我o地就繼續玩喇!!!

由於一心想試Koey, 我唔想俾機會細膽Koey考慮, Koey同爸爸玩完射波出o黎, 我就手快快指住呢個BB跳樓機: 呢個好得意喎, 玩呢個囉~~

Koey: 好呀!!

就係咁, Koey開開心心上o左去~~~

(我平日都唔敢玩跳樓機, 呢個o岩晒我!!!)

結果嘛...

左: 上升後第一下跌落o黎Koey已經爆喊喇!!!! 個樣好可憐呢!!!

部機上上落落4-5下吧, Koey一直喊到機停 (右下) 我先得閒tum番佢!!!

嚇破膽囉今次!!!! 

事後佢都唔算喊o左好耐, 到及後問番佢, 佢形容呢個遊戲: 上得好快落得好快，跟住沛藝喊o個個!!!

玩完跳樓機, 側邊就係下面呢個game!!! 開頭見黑文文, 以為又係好驚, 為免再嚇到Koey, 我o地先問下工作人員玩咩!!! 原來架車行得好慢o既, 我o地話俾Koey知唔快, 佢又OK肯跟我入去玩喎!!! 算佢recover得快, 讚!!!

入面冷氣較大, 好涼快舒服, 仲有好多靚靚lego人, 又有得玩射槍 (同HK Disney 個巴斯光年一樣!), Koey玩得好開心!!!

玩完再Encore到爸爸陪佢玩!!!
左下: 老公子29000, 我得8000, Koey兩次都係0!!! :p

玩完又笑番晒喇!!!

再往前, Koey見到呢個話係爸爸拖住沛藝!!!

仲攬實'爸爸'影!!

左上、右上: 唔o岩Koey玩o既game~~左邊會濕身, 右邊要靠體力拉自己上頂!!

巨形Lego Dinosaur, 長頸鹿, 仲有好像真o既鸚鵡!!!

經過觀光塔同4D立體影院, 但Kobe仔仲未訓醒, 所以我o地繼續向前行, 又去o左個好大有cover o既playground!!!

入面好多枱lego任小朋友砌, 好似好好玩!!!

仲有個細火車, 開頭見咁細以為大人唔可以陪小朋友玩, Koey差d唔肯玩, 後尾知道大人可以陪, 結果... 

玩得幾開心!!!

不過為免Koey掛住砌lego唔願走, 我o地都無提佢呢度可以砌lego, 玩完繼續睇下一個機動遊戲!!!

轉轉轉呢個得個轉字, 唔好玩, Koey睇見亦唔敢玩!!

到騎馬仔!!! 之前上網見人玩覺得好得意, 可惜Koey見只可以一個人坐, 點都唔肯去玩...可惜!!

再行, 見到有shop, 睇o下有咩買先~~

好多Lego人匙扣, 其實都唔平o架, 要幾十蚊一隻, 但Koey揀晒我o地一家四口, 又好難唔買...

左: 壓錢錢!! 不過壓出o黎係條龍, 好似代表唔到Malasia/ Legoland, 早知唔壓!!

Shopping完, Kobe仔訓醒喇!!! 我o地見到有座城堡咁, 幾靚!!! 

原來係玩過山車呀!!!!不過呢d太剌激喇, 唔o岩玩!!!

之後我o地行番轉頭去觀光塔~~~

其實個view就普通啦~~~~ haha!!但有冷氣涼又可以睇o下風景, 都唔錯!!!

之後再去埋隔離睇4D Lego 電影!!

未開場前~~~

完場後!!!!

發生咩事, 點解全部變o左落湯雞???

我其實都想知發生咩事, 4D電影有d水花噴下都好正常, 但點解呢個4D電影d水大到好似落雨咁!!!!!!!! 佢又無警告, 我d袋, 相機等隨生物品全部都濕晒, 如果咁樣壞o左真係多得佢唔少!!!!

雖然我有d不滿咁濕, 但Koey就好似覺得好好玩, 佢雖然濕晒, 但出到o黎笑笑口!!!!

之後我o地繼續行, 就快番去出入口位置, 近呢邊d遊戲大多數都好剌激, 唔o岩小朋友玩!!!

右上, 左下: 愛因斯坦好靚, 入面係機械人o黎, 俾6-7歲以上o既小朋友入去上堂, 好似好得意, 但我o地無份玩!!!

好靚o既lego八爪魚!!!

呢個game側邊有d掣一襟就會爆d水上o黎, 幾得意~~

之後, 我o地見到地下o個度有噴水設施, Koey見到好開心呀~~~

我同老公子見時間尚早, 出口呢邊又無咩o野再值得玩, 就任呢兩位小朋友玩水玩o左大半個鐘!!!

右: 跣低緊都仲笑!!!

洗頭!!!

濕晒, 但笑得好開心!!!

又跌低~~

企番起身又玩過!!!

好喇好喇!!! 玩o左好耐喇, 三催四請, 終於肯著鞋走喇!!!

成身衫到呢~~~

由於酒店就係側邊, 唔想小朋友濕身冷親, 我o地繼續往出口走, 盡量唔停留...

見到出口間大shop, 老公子同Koey入去睇, 我同Kobe等~~~

Kobe指住呢個lego人er er er , 點知一抱佢去隔離坐又唔制!!

老公子同Koey出o黎後, 我叫老公子去買雪榚~~~

等爸爸其間又搞lego公仔~~

有得食喇!!!!

wow, 凍冰冰甜甜o地, 開心到呢~~~

全日最sweet相片之一~~~~ 

老公子唔食雪條, 走o左去砌人仔~~~

走lu~~~

bye bye Legoland!!!

隔離就係酒店喇~~~

正確d講, 呢度係Legoland酒店o既'後門'~~~

後門都好靚~~~

Legoland 大堂!!!! 

大堂有好多lego砌, 不過怕Koey & Kobe濕住身掛住砌唔願走凍親, 所以唔俾佢o地玩住!!!

 
登記完可以上房喇!!! 呢個lift真係好靚, 入一次lift忍唔住讚一次!!!

入房喇!!!!!

wow, 間房好大好靚呀!!!地下, 牆, 全部都係lego!!!

Kobe仔唔知係邊拎o左箱Lego出o黎, 兩個小朋友又掛住玩喇!!!

好不容易同兩位主子沖完涼, 我同老公子都沖一沖身休息下!!!!

咁大張床, 緊係happy啦!!!

跳!!!

玩咩??

爸爸又同Koey玩!!!

俾我捉住影合照!!!

大約6點半啦, 我o地又出動喇!!! 去睇下今晚食咩先!!!

disco-feel lift~~~

我o地先o係酒店間buffet睇, 不過事前睇過其他人o既blog話唔好味, 老公子去望過都似乎唔吸引, 於是我o地就走番去Legoland對出有食肆o個度搵o野食!!!

有間泰國菜睇落'似樣'd 呢, 於是就入去喇!!!

環境唔錯, 食物都唔算貴, 味道係唔錯o既, 不過原來每份份量唔多, 個菠蘿炒飯只係剛夠分俾Koey + Kobe!!! 

由於唔夠飽, 老公子就去o左附近便利店買d snacks番酒店!!

Legoland大門夜景, 都好靚呢!!

酒店仲靚!!!! (相中人影就係老公子, Koey& Kobe!)

答應o左Koey, 所以佢o地就算好攰好眼訓, 都要去砌Lego!!!

右邊d大形軟Lego好適合Kobe玩!!!

左下: 有得玩跳舞機~~睇人o地跳好得意!! 

玩o左20分鐘, 我又叫走喇...無錯, 做媽咪有時就係咁掃興!!! 無法子啦!!! Koey一早起身到而家都無訓過, 仲要體力勞動同曬o左成日, 佢成個攰樣已經出晒, Lego再好玩都應該要休息喇, 之後一日行程比較輕鬆, 應承Koey第二朝再俾佢砌砌砌!!

酒店天井, 都幾靚o架!!! 我o地Room Type係Premium Adventure Themed, 門口都好靚!!

番到房, 爸爸帶領住拎住張提示紙玩尋寶game!!!

點知...老公子睇錯晒題目, 搞o左好耐都開唔到!!! 就算後尾我o地搵到上手住客張提示紙答案, 我o地都唔識開個鎖!!!! 最後唯有先叫Koey Kobe訓, 等佢o地訓o左我同老公子再研究!!!

左上: Legoland戰利品!! 其實都唔係買o左好多!!!

左下: 好體貼咁有小朋友洗手盆同杯仔!!

右下: 老公子買o既宵夜!!!

Goodnight Koey & Kobe!!!

唔單止Koey, 我都期待已久o既Legoland之旅完結喇!! 

Legoland真係比想像中好玩, 好開心今日天公造美, 陽光雖猛, 但間中都有雲, 唔算太熱太辛苦!!! 我同老公子都覺得好玩過HK Disneyland, 唔知係咪隔離飯香或多d新鮮感所以咁覺得呢?!! 而且, Koey同Kobe今日真係好投入好enjoy, 我o地都份外開心, 唔知Koey大個會唔會有少少記得今日呢個Legoland之旅呢???

新加玻親子遊@2014~Day1: 出發喇!!!

20140701

出發喇出發喇!!!

繼上次一家四口遊澳門後, 我又挑戰高難度, 一家四口去新加坡!! 呵呵, 今次有得坐飛機喇, 終於俾餓o左2年無坐飛機外遊o既我恨到喇, yeah yeah yeah!!! 

雖然今次唔係跟團, 但2年前已經去過新加坡一次, 再加上今次可以住o係朋友屋企有照應, 所以我少有地出發前無咩plan行程, 輕輕鬆鬆出發!!!

出發前幾日執定行李!! 一向去旅行都唔多行李, 所以無買寄艙, 只係10kg hand carry! 由於今次唔使帶煲同吹氣浴盆, 執完每個gip都係6-7kg, 仲有好多空間!!

(帶BB去旅行o既準備checklist可參考呢度: 帶BB去旅行: 準備篇)

出門口前落雨, 好彩最後出門口時無雨, 可以行去巴士站等A車!!

兩個小朋友心情都好好呢!!!!

等o左10分鐘先有車!!! 不過真係好好彩, 我o地一上車先落大雨, 我o地一d都無濕!!

坐o左大半個鐘, 到機場喇!!! Koey知道自己去旅行, 好開心!!!

坐個lift都好興奮, 猛話d lift好大!!!

去到Terminal 2等check-in!!! Kobe嘴扁扁開始唔耐煩!!!

Koey 3歲大個女!!! 佢真係知知o地自己去旅行, 所以心情好興奮, 整古造怪!!!

仲要等幾耐o架???

好喇!! Check-in完原來又要過番Terminal 1入閘!! 之後就過安檢!!! 本來一切都好順利, 點知...

Koey過完安檢爆喊!!!

當時我過完安檢拎番d行李, Koey突然出現o係我腰邊大喊, 嚇一嚇我同d安檢人員!!! 原來爸爸拖Koey過安檢, 爸爸身上doo 一聲, 所以一過完度安檢門就被人拉埋一邊再檢查, Koey以為爸爸有咩事, 嚇親所以爆喊!!! 

其實爸爸只係行開o左1分鐘左右, 轉個爸爸已經出番現, 但可能一切太突然, 我o地事先亦無解釋過安檢係做乜, 所以Koey o既小小心靈就咁被嚇親!!!! 

之後Koey一路喊唔停, 直到o係大X樂爸爸行開去買o野食佢都仲係喊住咁叫'爸爸, 爸爸'...呢個場面真係唔知話佢好笑定可憐好!!! 不過最開心應該係爸爸, 原來Koey都好著緊爸爸o既, 識擔心爸爸有事!!!

由於時間緊迫 (相都無影!!), 我o地喊完食完就快步去閘口喇!!! 去到閘口已經寫住'Final Call'!!! 

我同老公子輪住去toilet, 此時Kobe仔極眼訓, 是但見到我或老公子行開都狂喊!!!

Koey亦因為好想快d上飛機, 結果臨上機前o既相兩個小朋友變o左咁o既樣!!!!

影完相, 我就用hip seat抱細佬!! 點知佢今日唔知咩事, 唔要我抱, 只係要爸爸!!! 結果我o係shuttle度就俾番Kobe爸爸抱!! 個hip seat亦由呢一刻開始, 唔知道去o左邊喇!!!! (我到第二日先諗番起個hip seat, 我估應該係上o左機放o左係行李位就忘記o左佢lu...)

坐shuttle睇到好多大飛機, 問o下Koey想唔想坐先~~~

落shuttle, 手快快幫Koey同飛機影相!!!! 之後我就俾工作人員驅趕喇!

上到機, Kobe仲係黐實爸爸!!

Koey坐窗口位睇飛機!!!

起飛喇!!!!

起飛完問Koey起飛係點, 開頭佢講得好得意o架, 拍片時要佢再講已經無咁得意lu!!!

Kobe仔好大聲扭計, 嘈住好多人, 好彩無俾人鬧!!! 幾經辛苦訓o左喇, 終於耳根清靜!!

Koey就有新o野玩!!! 坐飛機咁耐, 預備定d小玩意俾小朋友係必需o既!!!

同媽咪自拍先!!!

wow, 飛到咁高o既, 好似上o左太空咁!!!

細佬訓o左一陣又醒, 應該係訓唔夠, 仲係好扭計, 要爸爸抱住企o係走廊先唔喊!!!

唔知搞o左幾耐, 又訓過!!!

開始降落喇!!!!

落機後Koey 同Kobe都生猛番喇!!! 離開機場我o地就直接打的去阿May屋企喇!!!

wow, May屋企好大呀, 個play area好闊落, 雖然Kobe仔開頭都仲係好扭計, 但咁多o野玩最後都肯落地玩喇, 唔再一味貼實爸爸!!!

睇相, 9個月大o既Max 呢日個樣cool cool o地, 可能諗緊做乜咁多人忽然走去佢屋企, HAHA!!

我早一日整o既練奶麵包o係泛人問津下, 接近原封不動咁空運到May屋企!! 唔知係咪Koey 同Kobe太餓, 焗番熱後兩個竟然好俾面咁食唔停, 好快清晒!!! 總算俾番d面我!!!!

旅行第一站~~~ 影番張相先!!

Koey其實唔願影, 但tum完佢埋位佢又俾面笑, 算你啦!!

合照!!! Max個肚dum你好cute呀!!!

由於時間尚早, 坐完飛機小朋友都攰, 所以我o地亦無安排行程, 等小朋友舒舒服服沖下涼先再出去食晚飯!!!!

你睇Koey沖得幾梳乎!!! 佢一見到d玩具就好唔客氣咁玩, 當正自己屋企咁!!!

梳洗完出發喇!!! May EE帶我o地去坐巴士!!! 我都唔記得Koey咩事咁開心咁喇!!!

如果唔係有阿May帶住, 自己去旅行真係未必識坐巴士!!!

我o地本來想自拍, 有乘客主動幫我o地影, 好nice呀!!!

到喇到喇!!! 相信係是次行程老公子最期待o既節目之一: 食蟹!!!!

我o地去番兩年前第一次去新加坡 o個間 o既分店食 (帶BB去新加坡之旅: Day3, Mellben Seafood)!

上左至右:  豆腐, 豆苗, 牛油蟹

下: 蟹湯米粉

可能係之前食過, 今次感覺無上次咁大, 不過依然係好好味好好味!!! 特別係個蟹湯米粉, Koey一向唔好殿粉質, 但對住個巨蟹米粉都得番兩句: 淨係要蟹, 淨係米粉!!!!

食呀食, 爸爸們仲未拆完蟹, 但Koey同Kobe已經因為整日行程太攰, 特別係無訓過o既Koey, 佢其實未開飯前已經謝晒咁款, 見到大健叔叔叫極都唔肯同人打招呼, 佢好少係咁, 相信真係攰到極心情差先會連打招呼都唔願...最後佢食到尾聲忍唔住猛叫攰, 不斷問我o地幾時走, 差點想喊想發脾氣咁!!! 所以最後我, May就先帶Koey打的番去刷牙訓覺先, 成日'唔正常'地只黐爸爸o既Kobe仔就留番俾爸爸, 等爸爸食埋先走!!!

同Koey刷完牙, Kobe仔同爸爸都番到喇, 兩位小主子太攰喇, 10點前極速訓晒!!! 我就可以舒舒服服咁執定聽日去Legoland o既行裝!!

辛苦晒May預備o左間客房俾我o地, 仲細心咁舖張同Koey屋企張床一樣o既床單等佢多d親切咁, 呢幾日真係打搞晒喇!!!!

世上最常見又最鮮為人知的畸形: 耳前瘻管

最近有網友o係fb post o左佢仔仔耳前瘻管發炎o既事, 於是開o左個group叫有相似情況o既人 "正視" "這個病", 有"患者/同路人"一齊"分擔"擔憂"...

um...

點講好呢???

我擁有呢個耳前瘻管超過30年, 我婆婆有、媽咪有、舅父有、姨姨有、Koey有、Kobe有...可以話係家族遺傳咁滯...而家無啦啦俾人話"有病", 仲叫我"正視" 佢...我心入面硬係覺得好唔自在!!!

基本上, 我係明白呢位網友係出於好意, 想開個group等同樣有呢個瘻管o既朋友傾下交流下!! 不過睇o左幾句佢o既留言, 我覺得佢實在有點危言慫聽了...

或者...網友自身無呢個瘻管, 見到自己小朋友咁細個就要受發炎同做手術之苦, 所以'放大'o左成件事吧...

由於我見到有兩位認識o既媽媽朋友都o係group度留言, 表現'緊張', 我真係忍唔住pm佢o地解釋一番, 以下係我o既見解:

- 首先, 醫學上定議我唔識, 但以日常理解, 我個人覺得呢個絕對唔係病!!!!! 我寧願認自己係'畸型', 就好似有d人會多o左d手指腳指一樣, 只係我多o左個瘻管!!! 

- 只要注意日常衛生, 基本上唔使理呢個lone! 平時, 我唔會主動去接觸佢, 唔使掂佢理佢, 佢間中會有d淡黃/綠色有(或有時無)味o既, 好似濃咁o既o野自動流出o黎, 唔痕唔痛, 用乾紙巾印走佢就OK, 完全唔需要特登去唧佢!

- 不需要因為有瘻管而避免游泳!! 當然, 我唔係醫生, 唔敢百份百否定游水會增加發炎機會呢個說法, 但歸根到底發炎唔多唔少都係因為唔夠衛生/有細菌引起, 個人覺得都係注意衛生就可以!!! 好似我媽咪唔游水, 一樣會發炎, 根本避無可避亦無得預計! 

- 有瘻管唔一定會發炎!!! 環顧身邊人, 就算有注意衛生都有可能發炎, 簡單講, 發唔發炎係無得預計!! 好似我同我婆, touchwood未發過, 我媽咪就1X, 2X同4X歲都試過發炎, 最後o個次終於割o左一了百了!

- Touchwood真係發炎, 唔好自己處理, 要睇醫生! 我問過我媽咪, 做手術割o左個囊並唔係最痛, 最痛係發緊炎去診所'放濃', 因為成隻耳發炎腫痛, 但又要夾硬唧d濃出o黎, 如果唔係消唔到炎就無得做手術, 呢度先係最麻煩!! 不過都係o個句, 成個過程搵醫生處理, 唔好自己亂o黎!

其實我都有留言問網友發炎點算 (我見佢開得個group, 諗住有d咩心得...), 但對方都係話千萬唔好自己處理, 有事要睇醫生之類...

...um...咁即係成件事同我原本理解完全一樣: 

唔需要特別'護理'耳前瘻管, 注意日常個人衛生就足夠, 發唔發炎根本無得預計無得預防, touchwood發炎搵相關專業醫生處理!!!!

咁...強調係'有病', 要'正視', 找'患者'之類, 係咪有少許誇張, 少許危言慫聽了??!!

或者我講個比喻, 好似大家都有手有腳一樣, touchwood你整親自行處理傷口時衛生唔好, 都會有機會發炎, 咁我無理由話你'有機會發炎'而話你'有病'嘛!!! 同樣道理, 我亦唔會因為自己有手有腳, 而無啦啦日日擔心自己手腳'有機會發炎' 一樣!!!! 就算發炎, 割o左佢就唔會有事, 呢個瘻管唔係cancer唔係咩魔怪, 比起好多疾病痛症, 相信只係好小毛見大毛!!

大家明白嗎? 

希望大家睇完我呢篇後個心會無咁驚無咁醫張!!! 其實真係好小事, 擔心都擔心唔o黎嘛, 放鬆d, 唔需要將未出現o既問題放大!

最後, 分享我2008年一篇blog, 內容正正關於'耳前瘻管', 可惜內文o既news link已經失效, 只係得番個header : 原來我係“世上最常見又最鮮為人知的畸形”!!

Wikipedia解釋簡而精, 有時d o野唔使諗得太複雜, 係咪? 耳前瘻管 wikipedia

Less is More 育兒心得

"Less is More"!

呢個唔係廣告Slogan, 而係我試圖summarize我o既湊B 經驗時, 腦入面浮出o黎o既字眼!!!!

環顧身邊朋友或透過不同社交網絡認識o既媽媽, 我發覺o係呢個咩都講求物質, 講求資源o既社會環境下, 同我一樣抱住 "Less is More" 信念o既媽媽的確少之又少!!

食奶嘴? 玩iPad? 買玩具? 番學前班興趣班? 做功課?

yes, 係我心目中, 統統less is more!!!

唯一唔係less is more o既, 係兄弟姊妹, 愛同時間!!!!

點解我會無啦啦發up瘋, 分享咩湊B心得?

其實都唔係無啦啦...近來又有報道指 90後：人工無10萬，點生仔？ , 唉, 有時真係想問, 點解現今社會好似越o黎越畸型??

有時我都好想o係facebook寫status發表下意見, 但好多時都因為想保持客觀同得體, 亦唔想令人覺得我硬套自己意見去他人身上...最後都不了了之!!! 如果唔係忍住, 我諗我真係會寫千字文去舉10萬8千個理由去支持我o既睇法!!

不過, 做了三年媽媽了, 唔知係經驗慮積定真係人越大越有自己一套 (...即係越大越'盟塞'), 又或者...身邊人從來無表達過欣賞或感謝 (唉!!做全職媽咪已經同失去自我無咩分別...!)... o係無人支持下, 我自信心唯有不斷自我膨脹吧...如果連我自己都唔認同自己o既存在, 我諗我真係隨時抑鬱都似!!!

3年了!!

Koey眨o下眼已經由一個7磅重BB長大成近30磅o既3歲小朋友喇, 估唔到全職媽咪o既生涯係過得咁快呢!!

...所以...

我決定今日起要wear爛塊面了, 有咩育兒心得想分享就分享、對外界育兒歪理有咩不滿要鬧就鬧吧, 唔好再在意咩大方得體了!!!

育兒心得???? 係, 我知比起好多有經驗o既媽咪, 3年只係好短時間, 但以一個唔請姐姐幫手, 真正獨力一湊二o既全職媽咪o黎講, 我有信心我3年o既經驗, 實際上又可能比好多人多...無錯, 我唔係咩專家, 心得就算講唔上, 湊B經驗倒真係有唔少想同人分享!! 當然, 我不求大家都認同, 但真係想發表意見, 抒發一下!!

雖然Koey & Kobe仲細, 我心目中呢套'好'定'唔好'有排都無定論, 但當自己抱o既信念唔係大眾方向時, 我真係好需要能量去堅定自己信念...寫blog可能係其中一個好方法吧, 認同又好, 唔認同又好, 至少有個空間俾我自我淘醉都好嘛...

希望大家唔嫌棄就好了!!!

下篇不如講o下現今社會普篇生1個o既現像吧?! 等我!!