爸爸媽媽生日快樂!!

尋日係媽咪生日, 今日係爸爸生日, 所以今晚又食生日大餐喇!!!

今年細佬同佢女友都係去帝苑買蛋榚, 上年個朱古力蛋榚真係好正, 今年就試芒果林明頓, 清d無咁漏, d cream仲好好味, 忍唔住食晒!!!

另外, 佢o地仲買o左3件細cake試, 不過我覺得呢3件味道普通d!!!

之後就食伍仔記+東江雞外賣, 好豐富!!!

當然仲有我媽整o既美味沙律啦(不過無影相!!), 食到好飽好飽呢!!!

祝爸媽生日快樂呀!!!

虎虎生威!!恭喜發財!!

恭喜發財!!!祝大家如虎添翼,虎虎生威!!!

尋晚十二點...

我: 虎年快樂!

老公子: 情人節快樂!

我: 噢!

haha...之前太集中注意力係辦年貨同過年,我真係差D就完全忘記情人節呢!!

anyway!!!今日大年初一, 我同老公子都過得好開心, 因為由朝到晚都熱熱鬧鬧呀!!

(haha,由於無係屋企影相, 屋企張揮春又貼到好開...唯有key我o地張相係中間啦!!!)

 

 

恭喜發財!!

踏入大年初一...

我: 虎年快樂!

老公子: 情人節快樂!

我: 噢!!

...

過年前一段時間, 我太集中注意力係辦年貨同大掃除,差唔多完全忘記o左情人節呢!!!

Anyway,今年情人節, 我同老公子都過得好開心好熱鬧, 因為今年唔係二人世界,而係同一大班親友一齊過尼,HAHA!!!

祝大家虎年虎虎生威, 如虎添翼, 龍精虎猛呀!!!

P.S. 舅母送o左呢樣賀年禮物俾我, 好靚好鍾意呢!!!!

恭喜發財!!!

踏入大年初一...

我: 虎年快樂!

老公子: 情人節快樂!

我: 噢!

...

haha,過年前一段時間我太過集中注意力係辦年貨同大掃除,差唔多完全忘記o左情人節呢!!

 

Family Lunch

番番o黎CWB番工後,我唔止食飯多o左好多選擇,連飯腳都有好多!!

除左舊同事外,我細佬同我爸爸都係我飯腳!!因為大家公司都係o係附近呢!!!!

細佬半個月前帶o左我去佢公司飯堂食有名o既煲仔飯!!

員工價都要$6X,好貴呀!!而且...唔係太好食...點講好呢...雞係滑,飯亦有雞油味,但係個飯唔夠熱,飯焦又un...!!!可能佢個飯要訂,我遲左D去拎啦,所以個飯唔夠熱吧...!!對比番我之前間公司Canteen $23一個煲仔飯,以前個飯又熱又即叫即整,飯焦香脆可口,即刻覺得呢個有名煲仔飯完全唔掂,點解稱得上係呢度o既三寶之一???!!

今日去我爸公司個Canteen食2食送飯!!

其實呢個飯無咩特別,但我爸同我細佬都叫佢做'肥仔餐',因為大件夾抵食!!!員工價$19 2食送,飯可以揀糙米, 又有中湯同糖水/水果, 極之豐富,我爸同我細佬仲成日讚D魚好味!!不過我今日無魚,但個排骨都真係唔錯,食完真係超飽,唔怪得我爸同細佬成日話咁食法一定變'肥仔'!!!

Lunch可以約到屋企人食飯,其實感覺真係幾開心,嘻!!!

我的聖誕假!

24/12

老公要去飲,於是我放工後就番娘家陪爸媽過平安夜(其實係佢地陪我過平安夜吧!!)!!爸爸買o左美味油雞/雞油飯,越式拼盤同米線番o黎做聖誕餐,嘻,好有新鮮感,至少唔係年年都食o既大家X牛扒餐呢!!

飯後我同爸爸玩Wii,因為爸爸借o左佢同事部機番o黎,兩父女玩到嘻嘻哈哈,我仲肉緊到手都軟咁滯,不過真係好開心(相信爸媽都一樣吧,嘻!!)

番到屋企沖埋涼十點左右,乖乖等老公子番,開頭仲以為我又要失望,點知老公子剛好o係倒數前15分鐘番到,好開心,話晒係婚後第一個平安夜嘛,老公子點可以唔陪我過!!

===========================================================

25/12

今日無節目,我同老公子不嬲都係懶鬼,連出街同人迫都費事,今日決定留o係屋企!!下午一齊睇幾年前o既"舞出真我",之後我就煮o野食!!!

大家估o下我o地聖誕大餐係咩??!!

哈哈,就係公仔麵+壽司喇!!聖誕節,我o地就係咁簡單渡過!!

============================================================

26/12

年年我屋企o個邊都唔會同親友過聖誕,不過今年好特別,舅父邀請o左大家去佢屋企開Party呢!!我就當然最開心啦,冬至無得同親友做節,今日可以補番,yeah!!

我o地一大班人11點半先去明星海鮮舫飲茶,咁大個女第一次去咋,不過其實無咩特別,係某D地方裝飾比較古式古香啦,不過我無帶相機,所以一張相都無影!!

之後大家就去舅父屋企喇!!舅父入伙時我好似搞緊wedding吧??所以我今日係第一次去咋,過千尺屋四正又實用,好正呀,廚房仲大到可以放台麻雀都應該仲有位行添呀!!爸爸仲叫我唔使羡慕,著我同老公子以此為目標努力喎,哈哈!!

我地2點就落去打波,因為舅父book o左羽毛球場同乒乓波俾我o地玩!!!我都係第一次同親友做運動咋,超好玩呀,我又打乒乓又打羽毛球,最後連籃球都打埋,玩足2個鐘呀,再加埋前日同我爸玩完Wii手臂已經痛痛地,今日又做咁多運動,真係成身散晒!!

下午四五點番上舅父屋企開始就不斷食,因為舅母預備o左好多美食,一睇就知舅母落o左好多心思預備呢!!

美食有桂花榚(仲要有三款味: 桂花杞子, 桂花桂圓同埋桂花雪耳!!), 吞拿魚Pizza (分辣同唔辣兩款口味!), 雞翼, 鮑魚雞湯, 鴨舌...

以上只係飯前小食!!正式開餐仲有: 羊肉 (超好味,好騷,正!!), 糖醋骨, 煎薯餅, 帶子剌身, 蟹柳, 鮮果沙律, 芝士通粉,同埋應節食品9磅火雞一大隻!!!不過食物份量實在太多太豐富喇,火雞又鞋口喎,所以咁多人只係消滅左四份一隻火雞都無,咁大隻火雞就要辛苦主人家處置佢喇!!

今日真係過得好開心,又做運動又食咁多o野,真係好盡興呀!!多謝舅父舅母招待呢!!

=============================================================

27/12

今日老公子踼波爸爸番工,所以lunch得我同我媽兩個!!食個lunch兩母女行o下超巿我就番屋企做家務喇!!

今晚有朋友o黎,雖然屋企本身都好整齊,但點都要執o下先見得人o既,今日仲抹埋窗添,真係勁污漕!!

夜晚8點半幾位中學同學都o黎到參觀,haha,大家都好似幾鍾意我屋企o既佈置呀,多謝大家呀,不枉我o地曾經花過心思呀!!之後大家又去參觀另一示範單位,haha~~大家今日o既目的好似變o左睇樓咁,好搞笑呢!!最後,本來我o地諗住去埋另一個屋苑o架,但太夜,於是決定再約過,期待下次再聚呀!!

舅父結婚喇!

11月17號係我舅父同舅母結婚o既大日子,亦係我呢位靚舅母o既生日,雙囍臨門,恭喜恭喜!!!

舅父結婚咁大件事,我當然要出席啦,所以無年假o既我今日sick leave!!

手機set o左震機,結果我遲左半個鐘起身,呢日氣溫比尋日降左幾度,天寒地凍下快手快腳換好特登買o黎飲o既靚裙,化個靚妝,十點半會合爸媽出發!!

我地先去藍田接我婆婆,之後就去香港公園!!

去到遠遠望見舅父,佢今日好靚仔呀,一見面當然要講句恭喜啦!!我睇得出佢知到我請假出席仲好開心添呢!!之後,男女家兩邊家人齊齊去左一間叫L16 o既餐廳食lucnh(幾好味o架!!)!!

我地一行近30人坐4張台,哈哈,由於突腳,我竟然被安排到坐主家席,同舅父舅母同埋男家三大長老(婆婆,舅公,舅婆)一齊坐,我爸媽同親友都笑我'升le',飯後又問我有無'口臭'(怕我同三大長老無計傾!),哈哈,其實都OK呀,因為我舅父多野講,舅公舅婆精神又好胃好又好,大家不知食得幾開心...HAHA,當然,食剩o既難免要我呢個'最後生'o既清理!!!

Lunch後我地陪新人係香港公園影相,雖然今日天氣好凍,但新娘子話佢'OK',其實係公園內周圍走,我都覺得唔係想像中咁凍,或者女士都係愛靚唔愛命啦,我記得我去深圳影婚照都係得幾度,但咪又係唔怕,哈哈!!

影到兩點半,係時候去紅綿路註冊處喇,估唔到係平日呢度都係人頭湧湧,我當然襯機望下其他新娘其他姊妹係點啦...HAHA,不過,呢日都係我舅母最靚,嘻!!

十五分鐘註冊儀式,來去怱怱,老實講,唔算感動,但一樣充滿雙方親友o既祝福!!

影多陣大合照大家大約四點就番到去德藝會晚宴場地!!是晚開五圍,簡單招呼

 

雖然,舅父舅母o既婚禮:

無兄弟姊妹
無感動o既註冊儀式(you know...註冊處怱怱15分鐘趕頭趕命,註冊處職員又交行貨...)
無Decoration
無結婚相簿
無大排延席

但,係我心目中,舅父舅母o既婚姻係目前令我最感動o既,因為佢o地兩個走在一起,並唔容易!!...總之,

同細佬去彭福公園影畢業相!!

今日十點半就出發去彭福公園,因為今日約o左我細佬同佢女友去呢度影我細佬o既Master 畢業相!!

彭福公園...我仲記得以前爸媽成日帶我o地去睇天鵝睇雀仔o架...可惜而家無晒lu!!

門口原來放o左支奧運聖火係度!!

去呢度影相,其中一個原因就係為o左我細佬女友呢兩隻寶貝喇!!!

雪橇, 灰色o既係狗女Roxy, 啡色o既係狗仔Ravin!!

由細到大都有d怕動物o既我第一眼見到佢o地都有少少驚o架,因為佢o地好大隻!!!好彩,呢兩隻狗都好乖,唔會核核突突咁亂lam人,所以我都好快唔怕佢o地,夠膽坐埋去同佢o地影相,到後來我仲夠膽同Ravin按摸,引到佢露出個開心表情影相添!!!

呢張係我o地第一張同Ravin影o既合照,其他相仲係我爸爸部相機度,遲d收到先後補!!

我o地係仲搵到來自我o地住o個區o既馬添!!

無聊自拍!!

置身狗公園入面,連一向對寵物無咩特別感覺o既我都有少少覺得d狗仔好可愛!!

幾型!!

黑漆漆一舊,但又幾得意!!

四圍都係狗仔o既足跡!!!

之後我o地一行六人去o左馬伕宿舍個canteen食lunch!!呢度我由細食到大,幾時d炒粉麵都係咁有鑊氣o架,好味道!!!

呢個係沙嗲牛肉包,以前我爸爸星期六當完更,好多時就會買呢個包俾我同我細佬妹食,好好味o架!!!今日特地叫o黎俾老公子食下!!!

預備拎車走時忽然見到呢個伯樂先師廟,咦???細個開始間中都會出入馬場,點解我今日先見到呢間廟o既...????

自上星期Halloween開始,我好似日日都有節目咁...特別係呢幾日,晚晚都玩到好夜...今朝又要咁早起身,真係好支力呀!!!下午兩點到屋企,終於都可以休息下,不過都仲要抹地洗衫...HELP~~~

====================================================

三個星期前,我爸爸俾o左呢隻蛋俾我種...

今個星期初開始見到佢有芽仔突出o黎,一直想影低佢,紀錄佢成長,點知成日唔記得,估唔到事隔幾日,佢忽然伸o左咁大忽出o黎....唔知呢棵係咩值物o黎o既呢??會唔會有花開呢????

中秋

今年中秋無得同親友過節,因為要去99屋企做節呢...雖然嫁o左去99度慶祝係理所當然,但都有少少唔開心o架...話晒今次其實係我婚後第一次見親友o既機會嘛...

十月一號提前去我媽咪度做節!!

至於10月1朝早,老公子去o左踼波,而我亦o係屋企好忙咁整'中秋節快樂'曲奇!!

仲整o左個雞批添...不過第一次整,賣相比較...

味道係OK o架,老公子讚個皮好好味!!

迎月當晚,我就同老公子靜靜o係屋企食冰板月餅同食埋之前煲o既紫米露!!

仲睇o左郭富城o既國慶show表演!!!其實郭富城係配角,因為我主要係睇我妹...雖然唔知邊個先係佢...

10月3號中秋節!!下午出o左沙田行o左陣街,仲見到商場有影子表演!!

中秋夜去o左99度做節,好開心同姑仔同佢BF一齊玩card games!!之後成11點半先出發去海濱公園...

以前11點半呢個時間我應該係玩完回程番屋企o架喇,而家就變o左11點半先出發...所以我當時好眼訓...

最後,我一點先可以走得...番到屋企2點幾先有得訓...至於99一家,佢o地原來玩到4點先番屋企,真係佩服!!!

回程時見到有人放孔明燈,於是企o係度睇,點知...

孔明燈一放就掉落海...

追月夜,老公子發現屋企樓下單位原來好有心思咁布置得好靚,估唔到新屋窗外都咁有中秋氣氛呢!!

妹!

我妹上電視呀!!!

自近排政府全城動o個個清潔運動廣告後,我妹又有機會上電視喇!!

聽晚(27/9)亞姐邵音音表演時會我妹同另一個女仔會為邵音音伴舞,另外2/10國慶show佢會同一班dancer幫郭富城伴舞呀,不過Aaron呢個佢話未必認到佢,因為所有dancer都無樣睇喎!!!

為o左捧我妹場,聽晚我一定要睇亞姐先得!!

羊胎素!!

尋晚十一點幾,爸媽終於由澳洲去完旅行番o黎喇,雖然好夜,但我都有落樓下八卦佢o地買o左d咩番o黎!!

我同我妹分別有一set頸鏈同手鏈,另外就係一set羊胎素cream同潤唇膏!!我開頭以為自己聽錯,不斷repeat咁問我媽'羊胎素定羊脂咋?''!!因為之前我爸d同事係澳洲番o黎送俾我o地o既都係含羊脂成份o既body cream咋,羊胎素真係第一次,感覺好似好核突咁,所以忍唔住不斷問...

拎住個盒睇清楚,咦?真係寫住'sheep placenta cream'喎,雖然話而家d明星打人胎素都係咁,我而家只係外敷,但硬係覺得怪怪咁,搽o左會點o既呢?潤d?定無咁易老...哈哈...

大家見到'placenta'個字嗎?

另外爸媽仲買o左好多o野食,但未得閒分配,遲d再share!!!

兩姊弟

今朝好勤力做家務,抹晒兩間屋o既地同煲水,見d盆栽仲有水,所以無加到水!!下午同honey出完街差唔多成七點先番,落車先醒起未買報紙,於是特登行去買,咁o岩就撞到我細佬,於是梗係等佢去買啦,而我就番屋企換衫拎食物解凍煮烏冬俾我同我細佬食!!

剛入屋收到細佬打o黎o既電話,問我使唔使買菜,其實媽咪一早買o左個大棷菜係屋企,但既然有新鮮o既,當然買好啦,估唔到我細佬又幾細心!!

細佬都番o黎喇,洗埋菜ready開火,咦??個爐頭唔著o既??試o左好多次都唔得,但明明聞到有煤氣味,點解呢??差d就想冒住俾我媽鬧o既危險,用飯煲煮麵,好彩,我細佬醒目,伸手入爐底發現原來個爐要入電(嘻,我係咪好無知...),於是即刻搵屋企有無大電再換入去,果然,個爐即刻開到火,勁呀,好彩有我細佬係度!!(有時d o野就係咁'橋',粒大電照理應該用到好耐,但偏偏就係我爸媽旅行先用晒!!)

終於煮得,其實所謂煮,出自我手就變o左'一鑊熟',話咁快食得,o係我細佬由沙巴買番o黎o既家樂牌冬陰公味精下,個烏冬當然係好好味啦,哈!!我細佬仲特登用手機影相send MMS俾爸爸,佢o地好快打番o黎,話睇唔到,可惜呢!!同爸媽update屋企情況後,我細佬就幫手換魚缸水而我就洗碗,兩姊弟分工合作,此情此景都真係幾難得呢!!

送爸媽機

今晚準時五點半放工出去機場,因為我爸媽今日出發去澳洲旅行兼探我媽中學老朋友!!

今次係我爸媽自我出世後廿幾年o黎第一次兩個人拍拖旅行,而我亦係第一次送爸媽機,感覺都幾得意,而且咁o岩佢o地飛夜晚,就到我放工join食飯,真係好難得!!

我o地一家三口去o左T2一間澳門餐廳食o野,其實當時好早無咩人o架,但我媽話呢間好似比較多人,所以就入o左去,味道就OK啦,無咩特別,最搞笑係我o地叫o既都唔係澳門菜,好奇怪!!埋單,原來全部食肆做緊機場員工八折,好抵!

由於我爸媽要趕住七點前去到閘口,所以我o地好快就行番去T1,而我就直接去坐E車,無睇住佢o地入閘,因為我仲要送Burger King番去俾我細佬做晚餐!!同爸媽分別後,我先醒起唔記得送番個goodbye kiss 俾佢o地添,失敗!!

番到屋企得番我同我細佬兩姊弟,呢十一日,我o地要睇實屋企,換魚鱙魚缸水,抺地,洗衫燙衫,幫盆栽淋水,照顧自己三餐,買報紙雜誌...努力呀!!哈哈!!

繼續周圍去!!

尋日同今日都陪媽咪行街...哈哈...ying該話係我迫我媽陪我周圍去先o岩!

尋日去o左沙田拜太婆,之後食o野再行玩具反斗城買Holloween裝飾品!!!嘩,都唔知自己有無十年無入過去囉,以前le間玩具反斗城係我三兄弟姊妹最愛o既'蒲'點',入面大到不得了,要行好遠先到細lo o既最愛lego同埋我同我妹最愛o既Barbie corner o架!!!...而家,間舖細o左好多喇,仲用晒白白灰灰o既燈,成個feel好'up dup',好似就執咁...!!!

行到賣Barbie o個個櫃...而家得番一角仔賣Barbie咋,仲記得以前係成條巷都係Barbie o架,只係配件都多到不得了,估唔到而家得番一角仔!!!仲要d Barbie好大面好醜樣,又無一件件衫賣,似乎而家d細路女唔再鍾意玩Barbie,搞到Barbie好似就執咁...真係好掛住以前同我妹成日去玩具反斗城幫Barbie揀靚衫o既日子!!!

行完反斗城再去o左一田個超巿買我最love o既冬陰公湯湯包,lum起夜晚o個餐都流口水!!是日一shop就shop到三點,行到好支力le!!

今日,又捉o左媽咪陪我出旺角,今次唔係shopping,而係去花墟睇花,嘩,雖然係假,但好多都好靚呀,價錢仲唔平tim!!!

舅婆大壽

今日節目好豐富呀!!!

等我honey打完Tennis後,我就同honey出CWB行街shopping!!!出到去已經差唔多三點,當然先去醫肚啦,本來我好想try吉列豬扒o個間,點知佢完o左午巿無開,不過就算有開,原來都好貴好貴,Honey話似乎食晚飯會好d,所以我dei就去o左泰簡單食!!!

左上角係上星期去澳洲牛奶公司食影o既,個蛋同多士真係好好味!!而泰簡單個炒季diu已經好正,yummy!!!

食完o野我dei大戰sogo,行o左好耐le!!!不過大部份店都換晒季,所以無平o野買...不過唔緊要啦,Honey有Sogo coupon,所以佢收獲都幾豐富,一次過用晒所有coupon!!!至於我le...我發現我買o野真係要幾耐...ying該話今日honey掛住睇佢o個d,好少睇我o既o野,o係無我最信得過o既honey俾yi見下,我咩都唔敢買...哈哈,睇o黎我都係'曼曼'o係第二d dei方睇o岩揀中後先一次過入Sogo掃好d!!!

===================================================

夜晚我入o左Kowloon Bay Tak藝會飲,因為今晚係我舅婆大壽o既大日子,延開四圍,好熱鬧呀!!!我表姨(即我舅婆個女)佢整o左段片段出o黎播,有舅公舅婆多年前o既拍'tall'相、結婚相,仲有我表姨o既BB,當然仲有我表姨個女o既相啦,雖然舅公舅婆得好少相,成段片主角好似變o左係我十一歲o既表妹(表姨個女),不過我估舅婆一定睇得好開sum!!!

之後我表姨就多謝佢爸媽,仲講到喊tim呀,場面好touching le!!!佢dei仲安排o左舅公送紅玫瑰俾我舅婆呀,而我同我細lo妹同表弟們就幫手拉花砲,不過好搞笑,一個表弟調轉o左支花砲,射親自已大脾,另一個就唔gau力拉,哈哈!!!!

之後表姨個女就親自派小香包俾每一位賓客,我o個包係玫瑰味le!!!

好,開餐喇!!!成場人一齊睇'家好月圓',睇到肉緊時表弟們睇到企晒起身le!!!

好豐富呀,雖然今次一圍圍食唔到d特別d o既食送,但份量依然大,而且味道一流!!

食飽飽,由於我舅父識大廚,所以問佢有無超好味o既芒果布丁,因為我妹無食過,不過可sik今日無,但有豆腐布丁,好似幾特別le!!!

味道唔錯呀,好gau凍,不過唔似豆腐,反而似杏仁呀,好香,唔太甜唔太淺,剛好!!!不過如果同芒果布丁compare就仲差少少,因為唔gau滑!!!

最後,舅婆仲俾o左一大包蝦片俾我dei呀!!!!哈哈,其實le d係'魚片'先o岩,bei蝦片厚同硬d,但我自己就覺得都好香o架,好有魚味!!!係出面bei較少見,因為全部都係舅婆家姐自己整o架!!!!自己整???係呀,因為我舅婆一家係印尼華僑o黎o架,所以我細細個開始,年年過年都有homemade o既正宗印尼蝦片同魚片食,最大塊有我塊面咁大o架,年年都tum都唔少大小朋友開sum le!!!

唔知大家睇唔睇到,下面相中最bottom o個塊好大塊o架!!!

今晚真係好開sum呀,等我係le道祝我舅婆身體健康,開開sum sum!!!!

P.S. 考考大家,大家知唔知舅婆即係我邊個???.....我honey竟然lum o左好耐都lum唔到,我一步步解釋佢都係lum唔明...