Koey的勇氣大考驗之一 ~~ 做花女@Betty & Vince's Wedding

2013年12月14日, 係我好姊妹Betty出嫁o既大日子!! 好多謝Betty同Vince俾機會Koey第一次做花女!!

由於Koey出名怕生保, 特別係怕同齡小朋友, 所以事前我都有同Koey做心理準備, 話佢知呢日佢認識o既Betty EE做新娘, 佢就要幫手做花女sum花瓣!!

一入酒店就見到佢o地個Wedding Logo投射, 好靚好型呀!!

由於我紮鬢辮唔靚, 所以要麻煩姊妹Clok幫Koey紮靚靚!!

新娘子Betty & 兩位花女: Freda & Koey!

Betty EE出現, Koey一時間好似未認得, 可能因為化o左妝啦, 不過我問佢Betty EE靚唔靚, 佢猛點頭!!

我要幫手帶Koey做花女, 老公子就幫手湊Kobe!!

靚靚Candy Corner setup中!

練習march in路線!! 花仔3歲幾, 第一次做花仔, 但佢唔怯場, 好淡定, 拖住兩個妹妹行, 好叻仔!!

至於Koey 呢, 比我想像中合作, 雖然花仔只係初見面, 但佢都肯拖住人!! 當然啦, 要呢位怕人妹妹笑就真係要等奇蹟出現喇!!

練習完, 周圍影o下相等證婚!!

恭喜Betty!!!

 

同細佬企埋一齊, Koey即刻大個女o左好多!!

Sweet Sweet笑容!! 如果March-in時都有呢個笑容就perfect!!

 

唔止新娘靚, 姊妹們都好靚o架!!!

Candy Corner!! 靚到我都差D唔捨得拎糖食!!! Clok幫Koey夾o左一細袋糖仔俾佢拎住, 佢除o左march-in外, 基乎全程拎住!!

好喇好喇, 證婚時間到喇!!! 多謝花仔爸爸send番段咁有紀念價值o既片俾我留念, 去片!!!

其實開頭Koey係甩開o左花仔隻手周圍望搵我o架, 但好彩只係剛開始行, 我好快走埋去叫佢拖番住花仔, 之後無再甩, 好險, HAHA!

Koey完成任務後, 番去同細佬爸爸一齊觀禮!

一對璧人! 學大家話齋, 男o既夠chok, 女o既夠索!

Kobe仔邊觀禮邊玩波波, 好開心!!

兄弟姊妹團大合照!

兩位可愛o既小花女!!!

Koey熱o左身, Freda熱情咁拖住佢, Koey都無好似以前咁甩開人!! 不過, 如果多D笑容, 同Freda可以齊齊笑住影相就好喇!!

 同新任伍生伍太合照!!!

大姐會大合照!! (仲差Emily大姐!)

影完相, 我o地就去o左photo corner度玩, 我未見過photo corner有咁多面具飾物揀o架, 所有賓客都玩得好開心!

睇下我o地一家打扮幾得意!!

Print 出o黎o既即影即有共兩張, 一張貼落送俾新人o既簽名冊度, 一張俾賓客做紀念!! 真係好有心思, 又值得紀念, 相信新人睇番簽名冊度大家D估怪扮相同祝福說話, 一定好開心!!

最後, 餵埋Koey & Kobe食o野後, 我o地就預備走喇!! 當時Emily剛好趕到, 但新娘要換衫, 雖然無得同一對新人o係台上合照, 但我o地9位大姐就o係新娘房截住Betty, 最終都影到張好有紀念價值o既齊人合照, 好彩呢, YEAH!!

(大姐會齊人合照後補)

影完合照我o地就離開喇!! 

由於Kobe仲食緊人奶, 我真係唔係太方便飲, 所以可惜一點, 無法留低飲Betty呢餐!!! 我o地8點幾打的走, 番到屋企搞兩位小朋友換衫訓覺都搞到我同老公子10點幾11點先可以食'晚飯', 都真係幾攰!! 

雖然係攰D, 但今晚真係好開心，除o左因為替好姊妹Betty出嫁開心同感動外, 仲因為Koey o既表現而覺得欣慰! 係, 雖然Koey全程笑容欠奉, 仲差D走失埋, 但以佢怕生保o既性格, 由頭到尾都叫做無喊無抗拒, 仲肯拖住初相識o既花仔哥哥, 佢呢點點進步, o係我心目中已經算超額完全, 真係好多謝你o既合作, 我o既乖女Koey!

最後, 祝福一對新人百年好合, 永結同心, 記得要三年抱兩呀!!

恭賀SparksFly開張~

恭喜恭喜!!

好姊妹Athena 位於利時135號舖o既服裝店SparksFly 於10月9日正式開張喇, 恭喜晒新任老闆娘呀!!

呢日我就同另一位姊妹Betty, 仲有Koey & Kobe呢兩位VIP去Shopping喇!!!

SparksFly

係呢間喇!! 睇廚窗都已經聞到陣'潮'味!!

恭喜晒老闆娘Athena!!!

大合照!!!

全店出售o既都係韓國服飾, 格調一個字: 型!!

型唔型?

 

型唔型?

d衫唔止型, 質料仲好滑好靚, 唔通坐飛機番o黎真係唔同D?

haha, 我呢位'少婦'雖然受唔起咁'型', 不過o係呢度都揀到心水o架!!!

型唔型?

型唔型?

睇o黎Shopping真係女人o既天性?

Kobe仔一於你有你Shopping, 我有我食...計數機!!! 未試過, 好味!!!

呵呵呵, 我都算餓o左Shopping買衫好耐喇, 番到屋企即試上身!!!

Fashion Show on my own runway featuring Koey Chau!!!! (外套 & 褲 from SparksFly)

顯醜了!!! 

都係睇番SparksFly FB page o既official圖片示範啦!!

 

型!!

睇到好姊妹由FB網上店開始, 到而家開埋實體店, 真係好欣賞佢對時裝o既熱誠!!! 開舖呢, 背後真係要投資唔少時間金錢, 仲要付出唔少汗水, 佩服佩服!!

加油呀老闆娘, 祝你生意蒸蒸日上, 賣衫o既買衫o既都開開心心!!!

店舖資料:

SparksFly
地址: 尖沙咀利時商場1樓35號舖
Facebook page: https://www.facebook.com/sparksfly.b

新張期內買2件仲有9折添!

Athena's Wedding

上2星期係大姐會張大姐o既大日子, 今日就係另一位大姐鍾大姐Athena o既大日子!!!

今日多得兄弟車我同rebec & karen入西貢女家屋企, 6點半出門口, 7點鐘就到達, 我第一次去Athena 屋企咋, 去到己經見到化妝師Maggie幫Athena扮靚靚, 仲見到鍾爸爸鍾媽媽同Athena 3位家姐姐夫同佢o地d小朋友, 成屋氣氛好熱鬧!!

左下: 鍾爸爸熱情咁招待我o地食雞粥做早餐!!

大門佈置!!

'我係橙皮人'遊戲物資!!

遊戲物資, 愛的宣言!!!

右上: 新娘子好'福氣'呀, 身上d金器勁有睇頭呀!!!!
左上: 我個妝ok嗎, 係karen幫我化o架!!
下: 姊妹團大合照!!

兄弟們比原定時間遲o左少少上o黎, 開頭有d怕唔夠時間玩, 點知原來我o地d game係兄弟眼中太'小兒科', 佢o地都好快完成, 最終時間剛好係預計時間內完成, 準時接新娘!!!

接完新娘, 因為極多親友要敬茶, 姊妹兄弟們就o係戶外休息!!!

兄弟中有4個都係住hall o既hallmate,一齊傾o下計好開心!!!
左下: 肥培極認真咁order緊pizza for lunch!!!

去完男家食完pizza, 我o地就出發去石澳影相!!!石澳好大風, 但今日真係天朗氣清,加上Athena外影個造型好正, 件衫極靚, 相信d相都一定好靚!!!!

4點半左右到達酒店, 新娘房極大, 好舒服!!!

reception後o既backdrop, 等來賓影相!!!

main stage o既backdrop!!!好靚呀!!!

Athena同沙煲o既證婚儀式6點鐘開始, 不過酒店到5點半個場都未完全set好, 開頭都有d擔心, 不過最後都順利舉行, 只係比原定時間遲o左10分鐘左右o者!!

靚靚新娘子!!!

sweet sweet!!!

我o係reception幫手!!!

大姐會陸陸續續到齊!!!yeah!!!

march-in!!!

酒店天花好靚!!!

cheers!!!恭喜晒athena!!!!

敬完酒, athena用香港小姐look出場同每圍賓客影相!!!

由於影合照影夜o左, Athena差點趕唔切送客, 等d客走得七七八八, 大姐會當然要捉住主角影番張大合照!!!

然後我o地又玩'12345678910'!!!

12點左右, 夜喇, 真係要走喇!!!臨走前俾新郎哥同一班兄弟叫住我o地, 要我o地飲番杯!!!Bess豪氣地做代表, 乾o左2杯馬爹利!!!勁!!!

臨走, 再同一對新人影番張合照!!!

是晚真係好盡興, 當然亦都好支力...haha!!不過睇住Athena同沙煲踏入人生另一個階段, 真係覺得好開心好開心, 係呢度祝福一對新人百年好合,永結同心, 快d生幾個小寶寶出o黎熱熱鬧鬧, yeah!!!