紀念刊

星期一我細佬幫我去拎o左奧運本紀念刊,好大本呀,入面有好多義工寫o既感想!!我記得我都有submit o架,但lap一lap 其他人寫o既就覺得自己寫o既太簡單太行貨,所以無放到入刊物入面喇...

紀念刊最尾幾頁有五個環(奧運五環),五個環係由所有義工o既名砌成o架...不過d字好細粒呀,我仲未的起心肝搵自己個名出o黎呢...哈哈!!

奧運馬術義工證書及感謝狀!

終於都拎埋奧運馬術義工o既證書同感謝狀喇,亦即係一切都正式結束!!至於Tech team整o既紀念刊,我最終都係無買到,原因就唔講喇,就當我花唔起錢買啦!!

激氣

尋日生日,我先知原來開o左facebook會有好多人'見到'(至於點見,我唔 係好知,可能我少玩,之前有friend生日我都唔覺facebook有o野alert我o既?)我生日,所以我都收到好多facebook留言,真係多謝各位!!

 

不過,開心o既同時,亦收到一個令我有點激氣O既電話!!事緣我唔玩facebook,最多只係有friend add我我會accept,有friend send inbox msg俾我我會reply,其餘o野o既alert我係關晒o既,因為N咁多friend,個個做少少o野都alert我真係幾annoying,所以簡單d講,我只係開o左個facebook acct,我事實上係唔玩facebook o既!!!

 

由於唔玩facebook,奧運馬術義工最近o係facebook搞o既informal gathering我一d都唔知,當然亦無出席啦,我諗就係因為咁,我就收到一位義工o既'生日快樂'call!!

 

表面上係祝我生日快樂,實際上係話我做咩唔去gathering!!!對方問我係邊,我話係街,佢就問我得唔得閒講兩句,OK,兩句當然無問題!!佢之後就'關心'我近排係咪好忙呀,哦~轉o左工,咁番邊呀,放幾點呀,星期六日使唔使番工呀...最後,重點到喇:義工再搞活動會唔會出席呀??

 

老實講,一年前好運北京開始我都無Join過任何formal/informal o既義工聚會,其實有時都想去,但通常D活動好遲先通知,有時又無比較熟少少o既義工一齊去,一次唔去,兩次唔去,就變o左次次唔去,亦無o左intension要去,就用番U時o既term,我絕對係'潛'!!

 

對方: 咁下次有活動你o黎唔o黎呀?
我: 下次有咩活動通知我啦,不過最好唔好平日喇,我係機場番工出去巿區好遠唔多方便!!
對方: 你住邊呀?
我: 大埔
對方: 你坐咩車番工呀,車程幾耐?
我:一個鐘三個字左右啦~
對方: 咁你覺得由大埔去機場遠定係屯門去數碼港番工遠呀?
我:咁應該係屯門去數碼港遠d o既~
對方: 咪係囉,小姐,我係數碼港番工都有出席活動呀!!
我:...哦,但真係最好星期六日啦...(心諗,出唔出席好似係我個人選擇喎,你住邊係邊番工,我住邊係邊番工同埋出唔出席活動好似無直接關係,亦無得咁樣比較o架喎!!!況且gathering o既地點點都係你放工會途經o既地點吧?我以前番灣仔我夠唔介意平日放工食飯啦,因為我過CWB又方便,就算係KLN,

我點都要過海實經過o既,但而家我係機場呀,放工真係要特登travel出城囉...)
對方: 但你星期六日唔使話要休下息咩?
我:哦,你又唔係個個星期有gathering,一次半次無所謂...(心諗,唔通你自己唔prefer星期六日?唔好強加你o個套落我身上喎!)
對方:咁當然唔係個個星期都有gathering啦~其實呢,除o左話出席活動,有時都想約o下你傾兩句計
我:...(心諗,出席活動同傾兩句計有咩唔同?開會?有咩好傾?我除o左知你個nickname同知你係義工外,好似同你唔多熟???)
對方:其實呢,我o地尋日gathering時都有提起你o架,你知啦,我o地整緊本書仔,知你畫o野靚呀,如果封面無你幫手都唔知點算

我:...(哦~到正題...)...哦,你o地有咩要幫手我無咩所謂o架,咪email我囉
對方:電話唔得o既咩?
我:得~~~
對方:其實你忙唔忙o架?
我:um...咁如果得個封面都OK,但如果所有內頁都要...
對方:哦,放心啦,呢D已經有人'啃'晒
我:哦,咁你o地有咩要我幫手email我啦,唔好意思,我而家係街,一係我遲d打番俾你...
對方:咁我夜d打俾啦
我:唔好意思,我今晚都幾夜...
對方:咁我聽日再打俾你啦
我:...(我得閒先打俾你唔得o既咩?)...OKOK

對方:咁本書仔我預你買o架喇喎,預埋你幫手整封面

我:...o下,本書仔我真係要諗下先...(心諗,本來我都無咩所謂買唔買,但而家你叫我買就買?你話我幫就幫??邊有得咁野蠻!!我偏唔答你我會買!!)
對方:生日快樂!byebye!

 

由於當時honey同個sales都眼碌碌望住我等我傾完電話,雖然係有少少無禮貌(對住d唔熟o既人當然比較講禮貌...可想而知有幾熟!!!),但我只好收線!!

 

離開舖頭,我忍唔住對honey bilibala講感愛,因為我好激氣,仲有有少

少嬲點解要係生日收到呢個激氣電話!!

 

成段對話雖然唔係exact wordings,但內容同語氣都差唔多,大家睇完覺唔覺成個call跟本唔係祝我生日快樂,好耐無見傾閒近關心我近況,而係'質問'我做咩唔去gathering,旁敲側擊'套'我近況以塞住我把口無excuse唔去gathering!!!

 

對方或者覺得咁樣o既溝通係佢o既skills,可以令我乖乖出席活動幫手整封面,但我唔受呢一套!!

 

每個人都有自己o既生活方式同交友自由,我覺得gathering會disturb我日常生活o既我出席亦未必'舒服',識朋友亦好講夾唔夾,唔夾o既話你不斷約見面亦只會無計傾同尷尬,跟本迫唔o黎亦好講緣份,你話我'電車'又好,'乾物女'又好,有時MSN/email send個msg,電話問候一兩句,我反而覺得自在舒服,雙方關係更keep得長久!!

 

雖然熟我o既都知我慢熱點(雖然talkative,但要同人真係'friend'都要一段幾長時間!)同深'歸'(我深得我媽遺傳,唔多好出夜街!!),但我自問本身唔係咩'怪'人,亦唔係難相處,我雖然同你唔熟,但我唔會無端端唔鍾意你,但'對方'今日咁'關心'我,我真係好反感,如果第二時有咩gathering,未通電話前我都覺我出席一次半次無咩所謂,但而家我覺得我就算出席都好似被迫咁,好勉強!!

 

你要我幫手整小冊子OK,打個電話send個email俾我我一定做,我從來都唔會拒絕一d我能力內做到o既o野,但對方而家好似唔理我意願就迫我當我應承做我絕對接受唔到,亦好抗拒佢先'打探'我得唔得閒再硬塞個task俾我!!

 

總之我覺得個電話令我好激氣,所以一定要係度寫底!!

 

其實真係好想好想公開呢篇blog,但顧累到我篇blog實在太易被知我名o既人search到,義工又人數眾多,是非太易一傳十十傳百,唯有只俾friend睇渲洩一下!!(唉,做人真無奈,寫篇日記都要顧累咁多!!)

義工紀念品

今日爸爸幫我去拎義工紀念品,估唔到又幾豐富喎,好開sum le!!!

福娃環保doi, 福娃同福牛MTR one day pass, 銀色2008奧運pins同埋paper造o既望遠鏡,好正le,個望遠鏡都OK遠,第二時睇concert大派用場!!!

爸爸仲幫我拎埋8月30出o個份義工newsletter tim,份issue有我篇義工sum聲o架!!!

做義工有優惠

今日yurt o左jenny食lunch, haha, 我發覺大姐入min同佢較有'食飯緣',無論我去到荃灣定灣仔都yurt到佢lunch,哈哈!!!

===================================================

另外,今日又收到奧運義工網通知MTR向義工提供一日任坐east rail, 'x'est rail同ma on shan rail o既one day 'x'ass, 都唔錯喎,可sik唔bao括dei鐵線..唔知好唔好特登入沙tin拎le估'x'ass好le...???

另外,其sak九月24前我仲可以free 去disneyland tim 呀,不過我兩年前先去過...唔去係咪好sai le???

 

我係報紙見到我的blog圖片!!!!!!!!

(我都唔知今日應該用咩表情公仔好,我諗我o既表情,應該係'充滿疑惑'吧?!)今日如常打開報紙翻看,睇到其中一版時,忽然有種好奇怪o既感覺...我都唔識形容...可能係有少少'不安全感'...

因為,我係報紙上見到我屋企o既室內照!!!!!!!!!!!!

正確d講,我係o係報紙上面見到自己早前於奧運義工uniform一文中貼過的奧運義工用品package圖片(後來發現online明報都有)!!!

點解咁肯定張相係我o既??因為係我親自排放義工物品再幫佢o地拍寫真嘛,個排位一模一樣,點會唔認得!!!仲有,貼o係報紙張相頂端的電線同'腳'係我屋企o既地櫃'腳'呢,連地磚都係我屋企o既顏色,唔認得就有鬼!!!大家唔信可以對比o下兩張圖呢:

2008-09-07 明報正版
明報online: http://www.mingpaonews.com/20080907/goj1.htm

我早前在奧運義工uniform貼過的圖片!!!

第一眼望見報紙張圖,真係差d唔信自己眼睛呀,於是再搵搵報紙有無寫出圖片出處啦,竟然一句'網上圖片'都無喎!!!

唔知...報紙係o係我o既blog直接搵到呢張圖定係o係網上其他地方搵到呢???睇怕,我呢張相亦可能出現o係各大拍賣網上面被人用來展示所要拍賣圖利的奧運義工物資吧???

不過,令我感覺最奇怪o既係,今次發現自己張圖o既地方,竟然不是'其他人o既blog',而係我日日都看o既報紙!!作為報章,應該了解甚麼是'版權'吧???!!!...雖然我個人唔太介意報紙用o左我親自影o既呢張相,就算公開了也無傷大雅,可能張相已經流傳到唔知咩地方,但報紙簡單寫一句'網上圖片'都唔係太難吧???

今次事件真係令我諗起好多問題: 究竟我於網上平台寫的公開日誌內容及圖片版權誰屬????當初於網誌平台登記時,我所'接受'的條款是否已表示網站同時亦擁有我網誌內容的'版權',又或者我的網誌一旦公開,便等同我放棄網誌內容的一切版權呢???

其實,讀過'新媒體'課程的我,對於網上博客'無私'地公開自己日常生活的現像亦有所了解,既然自己亦係一名活躍博客,我自己亦應該有'心理準備',自己的網誌一旦'公開',就等於默許其他人'窺探'自己的生活舉動,亦應該知道網上大眾可以簡單一個'right click'就copy我的圖片於其他地方張貼!!!

所以,我今次可能只係'大驚小怪'吧!!!

不過,今次事件,亦令我諗起早兩日好朋友BetBet o既blog忽然成為'精選blog'件事!!!!

好朋友o既blog每日人次忽然急升到五百幾人,雖然當事人未必介意網誌忽然被'公開'(其實網誌一被發表,如果你沒有選擇發表為'私人blog',就表示自己選擇網誌是'公開'的,現在被'精選',算是被'公開'嗎????),亦可能有好多人好想成為精選blog,但我真的很想知道當事人是否事前已'答應'被選為'精選'呢??

自己的'個人日記'(我不寫'私人'喇,網上世界似乎沒有'私人'這回事吧?)忽然被每天數百個陌生人參觀,若果當事人是在不被知會的情況下被'精選',與我今次網上圖片在不被知會的情況下,忽然於報章上'公開'的事件,性質算是相類似吧?????

究竟網上世界的'私隱'是怎樣的一回事呢??真的很值得大家深思...

奧運完喇,好唔捨得呀!!

夜晚睇閉幕,雖然無開幕咁震撼,但某d位都幾好睇,好似火炬熄滅咁,好唔捨得,但之後由表演者爬上'記憶之塔'上砌出北京奧運標誌'京'子,o係擠滿各國運動員o既會場中連場歌舞,真係好有開派對感覺!!睇住世界大同o既呢一刻,我真係好想自己都可以參與其中呢!!!

夜晚再睇新聞,有一段特別講今次奧運o既志願工作者,好開心呀,因為我都係170萬個志願者中o既一名,雖然未能親自去北京,但都叫做有份參與呢一屆大獲好評,兼o係中國舉行o既奧運會,真係覺得好榮幸同驕傲呢!!!

以上就係我自上年好運北京賽到今年奧運o既收獲喇!!!
包括義工制服、奧運五環手帶、北京奧組委工作證、香港奧運馬術公司義工證、好運北京o既cert、奧運義工pocket guide、北京奧運Official Spectator Guide、奧運馬術o既Training Guide、馬術義工指甲拑、北京奧運Pins、好運北京Pins、福娃迷你錦旗同埋福娃貼紙!!!

雖然我無機會接觸到觀眾或來自各國o既參賽者同工作人員,換唔到Pins亦無買可愛o既福娃紀念品,但我相信我帶走o既仲有美好o既回憶,就好似閉幕禮上o既'記憶之塔'一樣,將呢美好o既一切印於腦海!!!

P.S. 閉幕式見到阿Rain呀,佢終於剪番短佢把頭髮喇,即刻靚仔番呢,嘻!!!

最後一日: 1430-0200

今日最後一日奧馬比賽,心情無想像中咁唔捨得,因為前後十三日比賽我真係訓得好少,成個人有'筋皮力盡'o既感覺,真係夠晒皮喇...不過想早點完的同時,當然都有唔捨得啦!!!

由於最後一日賽事,今晚要送o既報告特別多,好彩無因為快打風而多o左adhoc報告!!!今晚各義工都把握時間去買福娃手信同埋周圍影相,我當然都唔例外啦,不過我部相機今日short short o地,所以全部相係其他義工朋友度,我諗要gather番都有d難度呢!!!

最後一日,我見到任志剛,點知原來有義工見到劉青雲添呢,仲要同佢影埋合照...噢,好羡慕呀!!!另外,完場時大會宣佈義工可以去會場中間影相,我一去到,嘩,五隻福娃係晒度呀,真係好想埋去同佢o地影相,不過真係好可惜呀,佢o地被無數義工包圍,我跟本埋唔到去,只可以遠距離合照,仲要只係影到佢o地頭頂...嗚...

連樣都影唔到,好可惜...

今日買俾自己o既多色晶晶鉛子筆!!右邊係今晚抽獎得到o既貼紙,有成二百張,好正!!

其實仲有好多靚相o架,希望可以快d gather番再post俾大家睇啦!!

綜合o黎講,雖然之前我對今次義工少o左份熱心,但呢次義工體驗都幾令人難忙,特別係今晚睇到其他義工剪輯o既photo slideshow,當中記載住上年好運北京測試賽到呢幾日奧運賽o既開心片段,睇完一刻真係幾令人唔捨得呢!!!最後,今次奧馬似乎都辨得幾成功,而且真係天時都夾埋,奧馬前後都打風,但奧馬其間就出奇地好天,仲要係天高氣爽o個隻,義工同觀眾都唔使太辛苦,真係要多謝天公造美呢!!!

餘下奧運賽事得番三日,希望中國可以成為奧運一哥啦!!中國加油!!!

P.S. 是晚好彩有加班車,我沖埋涼成三點先訓呢...

=======================================================

另外,經過咁多日奧運,我發現好多人都愛上o左福娃呢!!!仲記得中國開頭公佈奧運吉祥物係福娃時好多劣評,估唔到而家佢o地咁受歡迎喎!!其實福娃係各項比賽間場時都會出o黎表演,佢o地真係好搞笑,我都係睇北京奧運直接駁過o黎香港o既頻道先睇到咋,因為無線同亞視係呢d時間一定狂賣廣告,所以我諗香港觀眾比較少睇到福娃可愛一面!!!

而最令我印像深刻係睇乒乓時福娃晶晶大跳MJ式勁舞,真係好cute呢!!!

Rocking 貝貝

福娃賽跑

晶晶單腳跳

福娃大變身

福娃也跑馬

福娃繼續un

歡歡短腳?

籃球場上的福娃

呢段一定要睇,睇完你就知除o左佢o地係吹氣公仔所以行動比一般公仔行動便捷外,點解佢o地可以做d好靈巧o既動作喇!!!

第八日: 1645-0040

今日第八日喇,仲有後日一日duty咋,開始有d唔捨得呀!!!

不過唔知點解,可能係大家已經熟習晒要做o既o野,又或者係電視無乜精彩奧運賽事,甚至係大家都番o左咁多日開始支力,呢兩晚大家都靜o左,等report o既時候真係有好悶o既感覺!!!

由於就快完晒奧馬賽事,我今日特登跟第二個義工走去我o地其中一個client Sports Information Office度睇o下見唔見到Lisa S!! 去到喇,佢真係o係度呀,其實真係好想搵佢影相o架,但大家都做緊o野,都唔好意思開聲!!!不過佢真係好高呀,鬼婆輪廓真係特別sharp o架,淡妝都覺得佢好eye catching呢!!!

另外,今日義工報介紹我o地Tech Team呢!!

 

第七日: 1700-0000

噢,今日一早起身就覺得好眼訓喇,今日狀態麻麻,可能呢兩星期真係太忙吧...真係好想放一個星期大假乜都唔理...

今朝睇到劉翔跑百一米欄,其實佢起步前o既熱身已經睇到佢走動有少少'gut gut'下,都真係替佢擔心,點知話口未完,起步後有人偷步,劉翔急停時'gut'得仲勁,之後就見佢走離場喇,好可惜呢...

其實佢四年前都拎過奧運金牌,今年唔拎都唔太可惜吧...不過今年係o係北京,四年後佢28又年紀大喇,錯過今次,唔知四年後仲有無機會呢??

======================================================

今日好似係咁多日最早放工o既一日,番到屋企都係十二點咋,哈哈!!!

繼扮完歡歡同晶晶後,今日扮妮妮先!!

另外,尋日開始大會放o左塊大board係義工工作o既area度鼓勵大家呢,上面仲簽滿義工們o既加油字句同名,感覺都幾warm呢!!

我簽o左係歡歡頂帽度呀!!

第六日: 1100-1300; 2300-0220

今日要番早晚兩間,不過朝早o個間有d無聊,因為份report delay o左,而且大部份client都未番,所以好多都送唔出去!!!

到夜晚喇,放棄唔睇百米飛人,改為出去支持馬術賽,因為今晚多得仙廸幫忙,我終於可以做到觀眾喇!!!!

我大約十點去到會場,同仙廸周圍行同影相,嘻,雖然我都影過o架喇,但今次係著便服,感覺又有d唔同,至少唔使怕俾其他義工/職員話著住義工衫唔俾影相呢!!

著住義工衫最想做o既係同福娃影相,不過好可惜呀,太長龍喇,唯有o係側邊影算啦!!

哈哈,仙廸好喜歡晶晶呀,而我早幾日o係電視睇到晶晶跳舞,真係超可愛,我都好鍾意佢呢!!

Yeah,又做火炬手喇,不過好似著義工衫影出o黎型dd,哈哈!!

今日o既賽事係盛裝舞步,我十點入場時已經見到好多人走,入到場內大約得番一半人,我都有問仙廸佢悶唔悶,但佢話OK喎,於是我都乖乖做觀眾,試試學習欣賞咁多人話悶o既盛裝舞步!!!

o係收音機o既專業旁述同仙廸講解下(佢睇o左大半場,已經學識睇邊d馬表現好同唔好呢!!）,我都發現盛裝舞步都唔太難明呀,至少我都感覺到邊隻馬真係似'跳舞',動作效優美,不過,呢晚我都係睇o左幾隻馬,因為之後又要開工,唔知要我睇晒全場又會唔會覺得悶呢!!!

Yeah!!!難得可以上觀眾席,當然要影番張相留念啦!!

第五日: 1700-0120

呢兩日全民奧運,哈哈,應該話全office奧運先o岩,由於我番緊o個度得幾個人,呢兩日老細唔係度所以都有睇奧運,有時係睇無線,所以都睇到尋日楊威同今日菲比斯o既賽事,好好睇!!!下午老細番o左就就咁online睇住京奧個網refresh分數,下午一次過睇住女子乒乓球團體賽,男子乒乓球團體賽同埋男子籃球,哈哈,估唔到就咁睇住個分都可以好緊張,因為香港男子乒乓波成日duce,最終仲輸埋...

今日我第五日on-duty,而且今日我爸同我細佬仲o黎o左睇jumping添呀,不過我而家先知原來d飛畫晒位o架,仲諗住聽日仙廸入o黎睇時我去扮spectator添...睇o黎有d難度...

至於今晚d report都唔太多啦,仲有時間睇中國女排對美國,睇到我好肉緊呀,點知最後都...唉...

跑o左好幾日又睇o左咁多奧運賽事,忽然好想做番運動呀,我估我都有至少九個月無郁動過吧...筋骨都真係開始硬喇,不過呢排咁忙,真係唔知自己有無恆心做番運動呢!!

是日有義工朋友帶o左好美味o既酒店蛋榚俾大家分享呀,Yummy!!!

第四日: 1645-0200

對比番尋日,今日o既report數量少好多,天氣又涼爽o左,所以今晚都幾舒服,大家仲有時間週圍行添,我都係第一次行去spectator去o既地方咋,仲見到好多人排隊同福娃影相同埋買手信,好熱鬧呀!!

係Spectator入口外見到o既心型葉,一串咁好靚呢!!!

入口內的拍照景點,我背後右邊就係賣手信o既地方喇!!

Beijing2008, Yeah!!

呢張相影得超好呢!!

Yeah!!!我做o左火炬手呀!!

最後,呢晚放十二點多d,比原定兩點早,實在太好喇!!