那些年 我們一起追的女孩

由於要湊囡, 呢套戲上畫時我同老公子都無去睇, 但傳媒同朋友係facebook度不斷吹捧到戲有幾好睇幾感人, 搞到我同老公子都覺得唔可以咁out, 出碟時一定 要第一時間買o黎睇番~

早兩日終於買o左, 襯Easter假期乖豬夜晚訓o左睇番, 不過可能期望太大, 反而有d失望...

套戲其實都OK, 算好睇, 但話好好, 就唔覺喇, 除o左'OK'呢兩個字, 我同老公子都無乜其他comment喇!!

至於失望o既地方, 係個故事太簡單, 簡單到幾個字就講完, 而且結局男主角做o左網上小說作家又係無乜說服力, 同佢後生d性格完全唔match...最後就係片中男生打手搶呢d'中學活動'真係唔知有幾真, 共鳴感真係無, 我同老公子都覺得, 要懷念中學生活純真o既情懷, 睇'不能說的秘密'呢類以中學生活為故事背景o既戲就得, 呢套都唔算係營造得特別出色, 唯一比較有共鳴反而係男生o既'馬尾情意結'...最後, 都要讚番少少, 就係真係拍得女主角陳妍希好'女神', 好清純好靚!!!

我同老公子都覺得為o左呢套戲, 令幾年都未必買一次DVD o既我o地特登買o黎睇, 真係有d唔值...haha~~~

黃子華梀篤笑

今年係第二年俾我老公捉去睇黃子華, 印像中上年個show麻麻o地, 覺得內容無想像中咁有深度...

今年講娛樂圈血淚史, 擺明大眾化d,所以我又無咩期望, 出o黎覺得OK啦, 係就係由頭笑到尾, 但我又覺得我對呢d show真係興趣不大!!!

今年同往年一樣, 同好幾位中學同學一齊睇, 估唔到係貴飛, 其實talk show o者, 我覺得坐山頂都夠...

我o地係坐第4行, 真係好前, 好近個台, 嗚...點解我之前睇草蜢坐$4XX飛都未坐過咁前...

開SHOW喇, 氣氛好好, 其實都幾鍾意係無強勁音樂同吹氣捧下, 全場觀眾一齊歡呼拍手o既氣氛!!(開頭唔識搞部相機, 爆晒光!!!)

用番Manual mode, 又暗得滯...

終於set o岩光圈喇!!

個show 11點完, 黃子華真係一個人無停過咁講足2個半鐘, 勁!!

不一樣的草蜢25周年演唱會

多得強颱風鮎魚走o左,今晚草蜢25周年演唱會第一場順利舉行!!!

HAHA, 今次好似係我第四次睇草蜢演唱會喇, 本來上年睇完, 今年都有諗過唔去, 但咁o岩好友jenny想睇, 問埋我, 我當然忍唔住即刻應承啦, hahahaha!!!!

今次坐2百幾飛, 位置都唔錯, 向住正面台側少少o者!!!!

舞台設計比較簡單!!!

開show當然又係連場勁歌熱舞啦,不過今次好奇怪,因為段medley唱晒好多hit歌!! 點解o既?? 哦~原來今次搞搞新意思, 佢o地揀o左25首其他歌手包括梅艷芳、阿倫、張國榮、羅文和陳百強等的經典歌去唱, 所以今次演唱會比較少唱草蜢自己o既歌!!!

鐵幕誘惑!!

另外仲有好多歌, 但大多數都唔多識...

唱梅姐o既歌時全場high爆!!!

真係好high o架, 好多人企晒起身!!!

今晚嘉賓係軟硬,佢o地出場時好驚喜,佢o地改晒永遠愛著你d歌詞, 又係台度發up風o左成15分鐘咁耐,搞到成場都好high!!!

佢o地仲一齊唱絕對空虛添!!

不過, 可能軟硬發up風太耐, 草蜢怕超時, 所以最後一輪森巴舞後11點8個字就完場,我都係第一次睇草蜢concert無人叫encore咋, 可能大家都好滿意今次同以往不一樣o既草蜢演唱會啦!!!hehe...不過, 如果俾我揀, 我當然都係喜歡佢o地多d唱自己歌!!

10 Things You Need to Know About Sleep

明珠台最近呢個月星期三晚o既documentary 係有關sleeping o既, 對於一向注重睡眠o既我真係覺得好好睇同好有用, 上星期o個套係講10 Things You Need to Know About Sleep, 雖然有d sleeping tips 未必咁易做到, 但知道下都幾有趣, 以後想訓好D, 就要留意下喇!!

10 Things You Need to Know About Sleep

少女時代소녀시대

約一個月前連續兩星期日下午睇J2個K-pop節目後就愛上o左少女時代喇!!九個女仔又唱又跳真係好吸引,佢地跳舞真係好好睇!!邊睇SNSD o既MV就邊想學佢o地跳舞,可惜我根本唔識...

可愛又得!!

"Oh!" MV: http://www.youtube.com/watch?v=TGbwL8kSpEk

"Gee" MV:http://www.youtube.com/watch?v=i-aysIPxa2Y

型又得!!

"Run Devil Run" MV: http://www.youtube.com/watch?v=q_gfD3nvh-8&feature=fvst  

當中我最鍾意就係YoonA,佢真係好靚女!!!

haha,少女時代大部份成員都係90後喇, 我呢d快做中女o既呢個時後先o黎迷韓國年輕組合,我都覺得自己好似傻傻o地!!!!連老公子都無我咁好氣...不過有樣野好奇怪,明明呢班美女又青春又靚女,但我老公子對呢班妹妹仔竟然0興趣,反而係我先迷佢o地,點解咁奇怪o既??

少女時代中文官網: http://www.avex.com.tw/girlsgeneration/version05/

吸血新世紀

呢排期期雜誌報紙都講<<吸血新世紀2: 新月傳奇>>,等我又湊o下熱鬧講埋一份(心水清o既你應該又估到我係公司又試太得閒吧!!),不過我講o既係第一集而唔係第二集!!

因為知道呢套戲勁hit, 人睇我睇下上星期六捉住我老公一齊睇番第一集,點知...

好悶!!

其實故事好簡單,一句講晒: 靚仔(呢點我有D保留!)疆屍同人類美女o既愛情故事!!! 係咁多!!

話明吸血疆屍嘛,我expect個故事會幾刺激,點知原來我會錯晒意...唔怪得上網搵套戲時o係'科幻片' 搵極都搵唔到, 結果search先知原來group o左落 '愛情片'...

唔好話我老公子男人老狗本來就唔會buy愛情片,就連我都覺得套戲悶到不得了!! (不過,我不嬲都無乜少女情懷,中學時已經唔睇星座唔睇愛情小說!)

辛辛苦苦睇完2個鐘,終於明白套戲點解係 '愛情片', 因為疆屍間o既鬥爭應該只係佔o左整套戲15分鐘左右吧...其餘部份,全部都係男女主角o既大頭談情戲!!!聽聞男主角因為呢套戲而大紅,迷倒美國萬千少女...唔知係咪我d眼光同鬼妹有分別,我一d都唔覺得男主角靚仔!!!不過,女主角就的確幾標緻o既,如果女主角再醜樣D,我諗真係捱唔晒2個鐘!!!

<<吸血新世紀2:新月傳奇>>聽聞開畫大收,再展現刀仔剧大樹o既烕力,聽聞仲有第3同第4輯添!!!老實講,我真係理解唔到套戲點解可以hit成咁,或者咁樣證明o左我已經年紀大啦,無晒少女情懷...如果你自問睇完套戲覺得好好睇,仲迷上男主角,我真係要恭喜你呢,要好好保持住呢種少女心境呀!!!

求婚大作戰 プロポーズ大作戦

Natalie推介下,睇o左山下智久同長澤正美做o既<<求婚大作戰>>!!

睇完真係覺得好好睇,好感動,睇到喊不特止,仲令一向好少懷念中學生活o既我忽然懷念起中學生活...

故事講述男主角山下智久出席由細到大同佢青梅竹馬o既女主角長澤正美o既婚禮!!男主角後悔不已,好彩遇到精靈相助,多番回到過去,希望把握從前所錯過o既機會,勇敢向女主角表達心意,改變今日新娘結婚了,主角不是我的結局!!

故事主旨其實係想表達珍惜眼前人,把握現在,想做就去做以免令未來o既自己後悔o既意思!!呢個道理雖然人人都知,但知易行難,劇中男主角就係因為咁而錯過無數表達心意o既機會,眼白白睇住一直以為會留係身邊o既女主角跟別人拍拖、結婚!!

相信人人都有過後悔o既時候,我都唔例外!!不過好好彩,讀U時好姊妹Rebec同我講過,人生其實無咩事好後悔,因為o係做任何決定o既時候,你自己一定係做出自己當時認為最好o既決定!!無錯,無人可以預知未來,只要目前呢一刻盡力去做'最好'o既決定,便無需要後悔!!就係因為Rebec呢一番話,我想通o左好多,而家極少回望過去,對過去決定自怨自艾喇!!

講番套劇,呢套劇男主角山下智久o既情深亦係令人感動o既地方,劇集尾幾集都有唔少感動位令我喊o左出o黎!!!

其實今次我都係第一次睇山下智久同長澤正美o既日劇,長澤正美真係好清純好靚女,劇入面套婚紗同頸鍊都好靚,不過佢係套劇入面表現一般啦,或者因為套劇始終由男主角角度出發,女主角好少內心戲!!男主角山下智久由頭演到尾,戲份極重,雖然我硬係覺得佢對眼怪怪o地(我成日懷疑佢係咪戴左大眼con!!),但佢幾場喊戲都真係好感人,帶動到我,唔錯!!

呢套劇我俾十個推介!!!

官方網頁: http://www.fujitv.co.jp/propose/index2.html

他們的世界 그들이사는세상

今日係公司實在十級無聊...好悶...
唯有寫下無聊日記啦...

婚後生活o係兩三個月後已經適應o左,一個月前嘗試pick up番煲劇習慣,結果就揀o左玄彬同宋慧喬o既'他們的世界'作開始!!

大家有留意娛樂新聞應該都知呢套劇雖然有俊男美女,但收視唔好,原因好簡單...一個字講晒: 悶!!

全劇16集,我好辛苦捱到第7-8集先開始知套劇想講咩,劇情亦隨住男女主角鬧分手而變得比較好睇...

套劇名叫'他們的世界', 其實個名真係改得好好,因為充份表達o左劇集內容...就係講述一個普通人無法有共鳴,只有少數從事媒體製作o既人(編劇)先會明白o既世界!!!不過,劇中世界雖然難以理解,但劇集o係抽劃劇中人物個性的確細膩自然,劇中人物性格就作現實生活中的你、我、他,好真實,呢一點的確值得欣賞!!

不過...一個令觀眾無共鳴o既劇集背景,一堆性格就如生活中的你、我、他的劇集人物,試問套劇又點會有'趣味'呀...所以,為o左睇靚仔靚女而俾我捱完呢套劇,我都覺得自己算係咁o架喇...

最後評評兩位靚主角啦!!宋慧喬個短髮好清爽好靚,美人真係長短髮都適宜,至於演技呢...都係無咩特別,不過呢套劇都係第一次見到佢有咁多嘴戲甚至床戲咋,都算突破吧!!至於玄彬,可能對上一次睇佢已經係金三珣啦,今次o既玄彬無論演技定外形都令我眼前一亮,好charming呢!!

官方網頁: http://www.kbs.co.kr/drama/worlds/index.html

草蜢忘我演唱會

咁大個女俾錢睇過三次演唱會,而今次...亦係我第三次睇草蜢演唱會,哈哈!!!

裝修後o既紅館,當時仲表演緊幻彩詠香江,好靚!!!

其實場館裝修完同之前分別唔大,只係D座位改晒色同埋舒服o左!!

開show前!!好神秘,我開頭仲以為係打雷台!!

快開場,開始多明星到喇!!!仲記得上次見到o係紅館熄o左燈下仲可以戴住黑超o既四哥,而今次就見到剪咀所指,日日o係東張西望都見到o既陳總!!!佢後面右排近右方仲有'林氏宗親',林海峰彭玲林曉峰康子妮仲有林珊珊,不過望唔到佢o地有無帶埋小朋友!!!

仲有坐o係control前面o既一班明星,有蘇永康梁漢文同佢老婆,仲有張偉健吳國勁!!

就快好始喇,全場一齊打bom bom棒,大家都預備high番晚!!

睇我個樣就知我幾開心!!

開show喇,好靚呀個台!!

原來係Circus呀,感覺好華麗!!

同樣係$400飛,但今次坐o係台正前面,草蜢三子成日企o係我坐呢邊,好正呀,未試過可以近到可以睇得咁清楚o架!!!正!!

阿細同阿智爬到好高呀!!

演唱會正直清明,中段有一part草蜢唱o左一串梅姐o既名曲!!傑仔仲學哥哥一樣,著對白色高跟鞋(至少4寸,仲要係幼踭!)跳舞!!

另外,草蜢今次仲唱o左一首好特別o既冠軍歌,就係...伙頭仔昆布!!!!!哈哈,我記得我細個都好鍾意聽呢首歌o架,佢o地今晚竟然會唱喎,仲跳d好生鬼o既舞,好好笑!!!

今次個show慢歌較少,不過都有最正o既失樂園同情歌!!!聽親傑仔solo我就會有種好感動o既感覺!!!

以前未興bom bom捧時好多營光捧o架,而家d'星光'無以前咁靚!!

今次草蜢唱o左首慢歌,意思係叫大家互相表達愛心,共度時間互相扶持,仲叫全場觀眾手拉手,場面好壯觀o架,但honey無影到全場個wide shot!!!

尾聲喇,快歌下真係全場都企o架!!!我聽人講話識人o係紅館做,d職員都大讚係得草蜢先可以做到呢個人人投入o既高漲氣氛!!

大家睇o下我幾high!!(我honey唔識high,所以只係掛住影呢個high到傻o既我!!)

同樣係$400飛,今次比上次坐前五行左右,但感覺真係差好遠好遠!!!因為上次坐o係通道對上第一排,坐高o左,d人真係無咁熱情,身邊唔太多人好似我咁投入,但今次就唔同喇,我終於可以坐o係通道下面o既位置,身邊全部係草蜢fans,同我一樣咁high,大家一齊跳一齊叫,感覺係三次中最正!!!不過老實講,今次run down無上次咁正,氣氛亦應該唔及上次,因為上次我係睇尾場!!!!

今次好驚喜,因為我第一次見阿智咁大隻,佢一向o係三子入面身形無咁靚,但今次真係好驚喜,六舊腹肌好正,可見佢下o左幾大努力練好副身型!!!!(honey,你要學喇!!)

第一次encore,阿細都除埋!!

最後傑仔都除埋!!!

完show,今次同上次一樣,成場歌迷唔肯走,留足十幾分鏡,要紅館職員續個叫走,不過今次無好似上次咁dump地,上次我都好驚紅館會lum,哈哈!!!

我當然好滿意呢份禮物啦!!!其實今次我知佢o地開show,我都有諗睇唔睇,但最後都係想慳錢所以放棄o左,今次真係好多謝honey帶我去癲番晚,'忘我'一番,暫時放底d煩人事,嗌完一晚,心情真係好暢快!!!