yahoo甜蜜婚照比賽

睇到blog友小藍o既blog知道yahoo有婚照比賽, 雖然拍婚照都己經係超過2年前o既事, 不過貪得意都係參加o左!!!揀相時順便睇番d婚照...原來我以前咁瘦咁白...而家婚後肥晒兼一直曬得黑黑仲未白番...haha!!!!

http://hk.promotions.yahoo.com/wedding2010//gallery-details.html?id=301&page=1

 

婚宴音樂

我大日子用o既婚宴音樂!!主打係英文中板情歌,所有歌o既mood都幾一至,有賓客comment話聽得出我花o左心思去揀歌,好開心呢!!

婚宴音樂 (倒數9日)

以上song list中,自己比較推介"Devoted to You", "Longer", "If", "Three Times a Lady", "I knew I Loved You", 呢幾首個mood比較接近我想要o既feel!!

證婚March-In: Canon in D

開席March-In: Wedding March

乳豬歌: 用左龍貓一首歌,輕快又有操兵feel,個人覺得幾match上乳豬! (http://www.youtube.com/watch?v=7l6JNykdmHw&feature=related)

敬酒歌: 英文版Can't take my eyes off you!!首歌好熱鬧,好o岩敬酒用!

送客歌: Nothing's gonna change my love for you!! 首歌結尾不斷repeat,幾有散場feel又不失熱鬧!

終於收齊相喇!!

尋晚終於從攝影師小林同珍妮老公度拎到我大日子d相喇!!其實Snapshot d相我旅行番o黎已經o係攝影師Andersen度拎左o架喇,但我一直想等埋D正相先正式寫大日子o既日子!!而家收齊相喇,我會努力開始寫番大日子o既點滴同大家分享!!(不過尋日出街太夜,我仲未睇D相!!)

另外,尋晚約o左班好姊妹食飯,真係超級開心,除左因為今次係年幾以o黎再一次齊晒10個之外,仲好開心聽到其中一個宣佈佢o既婚訊,哈哈,真係覺得每次聽人宣佈婚訊仲興奮過自己宣佈o個時咁呢!!!

唔知係咪呢晚太興奮,夜晚竟然不知不覺同老公子傾計到三點先訓...而家好眼訓呢!!

 

 

買金 (倒數6日)

今日一早先去做信用卡送o既免費facial,買埋派俾同事o既囍餅後就帶媽咪上新屋幫我舖新床,呵呵,過千蚊o既大紅床舖真係特別靚...嘻...(不過我今日先知床'單'同床'笠' o既分別...!)

下午四點同未來99去沙田買金器,今日金價9320,係呢兩星期以o黎比較低o既一日,唯有當係好彩!!!

左睇右睇,過程順利,感覺上都好快揀到,但原來前後都睇o左超過兩個鐘!!!花鍊係我大半年前金價73XX時睇中,好彩今日仲有,呢條鍊我真係好鍾意,開頭仲怕金價咁貴未來99會只買金鈪,估唔到佢會買埋花鍊俾我呢!!好開心,多謝未來99!!

夜晚趕出西九龍搵MUA Maggie Yeung揀飾物同傾一傾當日rundown,老實講,佢D飾物麻麻o地,無CDL咁靚,唯有期待佢到時巧手將我扮到最靚啦!!!

P.S. 是晚為食同honey買o左兩支甜筒,點知其中一支即掀即中送多支甜筒,於是食o左三支,點知呢支又即掀即中送多支...如果唔係仲未過大日子,我同honey一定繼續食到無得送為止,哈哈!!

婚宴音樂 (倒數9日)

由決定結婚第一日開始,我就決定o左wedding上唔要出現有人唱o既廣東歌!

因為自小喜歡宮崎駿動畫,喜歡久石讓o既歌,我曾經希望用晒久石讓o既純音樂做wedding音樂...不過久石讓D歌好多時都太慘,再唔係就係隻歌太出名,一聽只會諗起龍貓,天空之城,同wedding格格不入,於是放棄了!!

之後我就向流行曲純音樂埋手,不過要搵好聽o既鋼琴版原來唔易,搵完一輪(其實我上年剛決定結婚已經搵)都只係搵到幾首好聽,而且部份音樂盒version仲被我honey評為'商場 toilet歌',於是,我就無再搵音樂喇!!

掉低音樂呢part超過一年,大日子快到,又係時候pick up番,好彩,我有個愛好英文歌o既爸爸,於是我將呢個重任交o左俾佢!!早幾日聽d歌, 有d好得,不過有d除歌名唔吉利外,歌詞都唔多好,有d又太慢,而家delete剩三十首左右,唔知夠唔夠??

兩三星期前急忙從我爸個list度揀o左當中一首bee gees o既歌俾錄影師整即日slideshow用,佢一聽就問我怕唔怕'古老,好似好驚訝我o地buy呢首歌,仲問我會唔會揀流行歌,當時我心中真想大叫'NO!!'!!

其實...都唔係好古老o者,有時越古老越有情調呀!!

進展順利 (倒數13日)

又係時候一周回顧喇!!

今個星期進展算順利,搞掂o左MC Script,簽名筆等簡單手作仔都搞掂,新屋地櫃又送到(間屋終於似樣喇!),仲終於買埋honeymoon o既火車證同旅遊保險,仲book o左其中一程post bus添,其實agent話呢程可以唔book o架,但呢程巴士一日得一班,巴士座位有限,就算係得好少機會會full,我都真係唔敢冒險,於是又俾多幾舊出去喇...!!!

o黎緊仲要努力o既仲有:

婚宴音樂
編坐位
pack物資
仲有無數濕碎o野買

努力!!

P.S. 今日o係新屋諗住收埋部抽濕機時竟然唔記得倒番d水就訓部機落床下底,結果...成間睡房水汪汪,嚇到我大叫...好彩放o係床下底o既其他物件未受影響,不過床下底D木板就要拎起晒o黎抺,之後仲要打開張床開抽濕機狂抽間房...忽然好慶幸張床o既木唔差,又係油壓床,如果唔係真係不磡設想!!

成長片完成喇!!! (倒數15日)

!!!

放棄了的table number card!!! (倒數16日)

我時日無多(睬!),一早用photoshop整好o既table number card圖片都係決定唔整喇!因為print完我都無時間心機去買卡紙貼貼貼喇!!

不過唔整都整o左,唯有係度post下啦!!

是日金價9720! (倒數17日)

有無眼花呀...金價又日日係咁升!!

我仲記得上年11月金價回落到7千幾時同未來99去睇過金器,當時佢聽師奶講話仲有得跌而無買,又話橫掂都咁貴,唔差在搏一搏,等到我嫁前唔買唔得先買,可能到時金價會再低...

好啦,唔買唔買,而家搏到個歷史高價喇!!!距離我大日子得番2個星期多少少,個金價睇怕都係咁上下o架喇...都有d替我未來99肉赤...唯有買細對D啦...

物資出售: 綠色幼tie

之前提過honey訂造o既兄弟tie並唔係我想要o既橄欖色,由於唔想浪費,所以想睇下有無人有興趣購下呢6條可憐o既tie!!有興趣請大家私人回應!!!Thanks!!!

100%全新綠色幼身tie: $28@ (最少買兩條, 一次過買6條價錢可以再商議!!!) (2 is sold, 4 left)

圖片可能有點色差, 真Tie顏色比較接近上圖!

此圖為閃光燈下效果!

為明天兄弟姊妹第一次gathering準備 (倒l數22天)

一朝忙到傻,先快手快腳send個最update rundown俾各兄弟姊妹,等佢地有時間睇一次,諗定問題聽日開會問!!之後就係print rundown for咁多位,再之後就落銀行唱錢同拎外幣,再再之後係一連串email/msn...哈哈,因為我衰,無問清咁多人聽日幾點available,結果原來大家都要遲,唯有再改遲d,咁都好,咁我同honey就多d時間prepare喇!

夜晚target:

執明天物資,執下舊屋,玩新手機,入低聽日meeting資料!!yeah!

過大禮 & 入伙拜神 (倒數28日)

剛過完大禮喇,是次過大禮係完全簡化版,只有利是,對聯,大發,煎堆及生果,咁簡單,我鍾意!!

好大個大發呢!!

好豐富o既早餐,招呼負責過大禮o既Honey同佢妹,不過太多喇,食唔晒呢!! 

=================================================

中午同honey入帖後就會合未來99去買衣紙入伙拜神!!!!由於怕未來99越問越多越做越多,所以我一定要在場控制場面,以及幫手記住拜神儀式注意事項,就係咁,我今日成個下午就變o左神婆!!!

本來拜神唔難,難就難在屋苑範圍唔可以燒o野,所以,我o地要係暴雨下拎個化寶盤出去屋苑範圍外燒,咁大雨,又要遮住自己又要遮住個化寶盤,我最後煙到成日'香'味,仲要被雨淋到濕晒,好難受!!!

夜晚,我帶住一身'香'味仲要出去同小學同學食飯兼派帖,件衫同手指被衣指同火機染到粉紅色,成件事都好失禮,仲要商場冷氣好凍,淋雨後o既我真係好驚會冷病,好彩小學朋友仔有帶風褸我先無咁凍,唔該晒呀!!!

今日一次過完成兩項中式儀式,可以正式派帖同隨時上新居訓覺(雖然有排都未ready!),太好喇!!!

P.S. 今日o既暴雨令我不自覺想起6月是雨季,看來我要為大日子會是下雨天做定一定心理準備!!

血拼 (倒數30日)

今晚決定殺入一田同各路C9鬥大出血,目標之一,係一套睇相頗靚頗適合當龍鳳被o既床上被舖,希望能夠買到手啦!

=====================================================

終於settle down...我大戰o左兩個幾鐘,滿載而歸,不過最想買o個套床單,原來唔係今日做特價喎...唯有星期日再作戰過啦!!

戰利品好豐富,拎到我同honey手都斷!!!最衰之前買o左gip,唔係今日就可以買埋gip塞晒佢o地入去!!

見火野麗小狗子之前玩得咁開心,大家又估下我呢個係咩....不過我估大家好易估到...

P.S.其實我帶o左兩個大環保袋去o架,但俾晒錢先諗起...又唔環保喇....

忙到人都癲...

我...真係忙到人都癲...整成長片只係整得三分一,周末兩日話咁快就過o左,成長片掂都無時間掂...明明好忙,但progress無乜,想點???

本周target:

16/5: 床褥朝早送到, 執屋, 開始入帖, 印帖信封
17/5: 約酒店及攝影師site visit傾細節, 入帖, 印帖信封

實際情況:

16/5:

• 床褥準時送到,但當晚睇報紙先見到消委會有報告話我買呢款床褥防火功能不及格囉...好彩我同我honey都唔係煙民,唔係就好易燒死...


• 執屋...理論上只係執o左衣櫃,廳無執過,仲係成屋紙皮同盒


• 入帖進度係零,忙到開始唔到


• 印帖封進度係零,因為我張帖封竟然唔上墨,d墨一噴上去就甩到成張帖周圍都係,D字好似甩色咁,等超過十五分鐘都唔乾,一抺就無晒...唉...


• 不過今日下午同honey一齊revise rundown,多得已嫁靚太姊妹Jenny指點,rundown大至完成!

17/5:

• 由於rundown 準備不錯,伴郎又盡責睇o左一次rundown,今日同錄影師Roger site visit男女家及酒店傾rundown一切順利,到時男女家setting,停車位置都傾好,不過就真係要麻煩伴郎到時control各大單位喇!!


• 傾rundown已經由朝去到晚,結果,今朝辛苦我爸借番o黎o個部laser printer要夜晚先試到,結果又裝driver又試,搞完一輪先成功,結果印o左十數帖封...至於入帖數量,依然係0


• 由於下星期過大禮,今日一次過執晒本來已經放係女家o既中式禮儀用品俾我honey拎番過男家,不過我o地發現我o地上次係大陸買得太少利是封...要再買先得喇!!
  

周末行程

成長片製作正進行得如火如荼, 做到我金精火眼,而且困難重重,真係好想放棄!!希望下星期一個月倒數前可以完工啦,如果唔係個熊貓印記就真係要伴住我嫁喇!!

另外,大家都知我honey係深圳番工o架啦,所以我其實得番好少時間搞埋個wedding!!之後所有weekend都已經排得好緊密喇,大家幫手望望,其實我知仲有好多小item要加落去,我一定有諗漏...

16/5: 床褥朝早送到, 執屋, 開始入帖, 印帖信封
17/5: 約酒店及攝影師site visit傾細節, 入帖, 印帖信封
23/5: 過大禮, 入伙拜神, 約派帖, 訂酒
24/5: SOFA地櫃送到, 完成成長片,完成rundown, 約派帖
30/5: 兄弟姊妹開會,姊妹傾遊戲, 整花車佈置, 簽名筆
31/5: 唱錢/提錢, 執屋, 派帖, 上大陸拎成品, 買兄弟太, 車窗簾, 買袋俾媽, 買手機, 唱新銀紙
6/6: 執屋, 派帖, 執旅行用品, 結婚用品, 完成script, 剪頭髮, 買主花球花才, 花球製作
7/6: 執屋, 派帖, 執旅行用品, 結婚用品
13/6: CDL試身, 執屋, 派帖, 執旅行用品, 結婚用品, 婆婆生日食晚飯
14/6: 執屋, 派帖, 執旅行用品, 結婚用品, 訂生果
18/6: 去化妝師傾造型, 執旅行用品, 結婚用品, 修甲
19/6: 去CDL拎衫, 未來99拎99衫, 拎物資去酒店,執旅行用品, 結婚用品
20/6: 大日子
21/6: 還衫
26/6: 出發去honeymoon

支持一下~

好想去日本,請支持一下~多謝, 嘻...!!

全城至愛新人大賞2009

勞動節

上星期三日假名付其實係勞動節...勞動到接近肌肉勞損咁滯!!

星期五: 由朝到晚為囍帖印上wedding logo,由於要烏低身係地下整,結果就換o黎嚴重腰酸背痛...!!!

星期六: 朝早一家七口(我的家越來越多人了!)去大學站Grand Hyatt食buffet慶祝我爸媽生日!!之後同honey睇傢俬,仲買o左ikea床頭櫃,砌櫃砌到好夜!!

星期日: 買sofa,地櫃同床褥,d錢倒水咁倒!!之後買材料整小禮物,本來想唔整,但又唔想浪費已買o既用具,結果再一次大費周章...都唔明咁低效益o既事,點解自己仲咁stupid去堅持...

另外,麥田執相o個度個設計師覺得我煩,想我直接上大陸傾,咁我當然唔想啦,於是叫佢改埋最後一次我仲係不滿先上去!!結果,設計師雖然無依我word document o既執相step去改,但今次d相好合我心意,面色膚色都紅潤自然,very good,收貨!!

排版方面我一早怕溝通問題,亦希望同HK o個輯設計統一,所以我一早排好左,設計師只要跟足就得,排好後大約15天就有成品,希望唔好出咩差錯,如果唔係都唔知大日子有無油畫俾人睇lu!!

姊妹裙造好喇!!!!

好開心好開心,尋日朝早收到訂造姊妹裙o個度通知,話我d姊妹裙造好喇,我心急到第一時間出去睇,好想知我揀隻色個效果如何!!!

結果好滿意呀,雖然比想像略為深色o左少少,不過我覺得好sharp好醒神,用閃光燈拍攝下,條裙反起光上o黎同我之前上網搵o既reference簡直一模一樣,真係好開心,好滿意,希望姊妹們同樣鍾意我送俾佢o地呢條裙啦!!!!

火野麗...唔知點解,我覺得你見到我呢張相,又會話我唔早d訓...哈哈...

舖頭名字: Formula
地址: 尖沙咀百利1樓102號舖
訂造價錢: 唔方便透露,因為我個姊妹識人所以平少少,大家有興趣不妨上去了解!!

========================================================

唉,豬流感呀豬流感,希望個役情快d受控啦,再咁爆發落去...我好怕我去唔成honeymoon...

復活節假期

四日假期話咁快就完o左...呢幾日Honey唔係要番工番大陸拜山就係去踼波,結果四日以o黎只分得一個下午俾我...就快倒數兩個月喇,數埋數埋,得番唔夠十個星期六日俾我用咋,加上honey呢排工事繁忙,放工後都仲要番屋企做公司o野,星期六分分鐘都要OT番埋工,唉...我一個人點可能plan晒搬屋,honeymoon,DIY帖,整成長片同rundown咁多件事...

講番呢幾日,我做得好少o野:
- 整o左兄弟襟花
- 整o左少少姊妹手花
- book埋最後一間honeymoon酒店買o左絲帶for花球1號
- 買o左電磁爐

有好幾樣task本來想完成,但最後都完成唔到:
- book honeymoon船飛同plan honeymoon每日行程
- 買花球二號花材!!因為缺貨買唔成,sales話唔知船期幾時,只知未來一個月都唔會番到貨...我真係想喊呀,因為花球2號先係我dream花球呀,大半年前開始已經見到有花材o岩,只係honey成日話唔使急唔俾我買,好啦,而家賣晒仲要唔知幾時番貨,唔通我注定同花球2號無緣???
- 搬o野上新屋!!呢幾日一次都無上過新屋,本來打算開始搬D書入書櫃,但honey去踼波,唔幫我搬,所以D書堆晒係屋企...!至於新屋仲未添置o既sofa,地櫃鞋櫃等等,最終都仲未睇成,亦無時間去問訂造o既可能...唉!!本來仲好理想咁諗住可以婚期搞house warming,睇怕而家無咩可能喇,最多婚前請到兄弟姊妹上o黎聚一聚...

不過,尋日出街都有驚喜,因為我o地撞到大減價,我同honey用$388買o左一大一細兩個gip,超抵,o岩晒我o地去honeymoon用呢!!

至於今日,驚喜更大...(其實係驚嚇!!),因為honey忽然話我知未來62要加多2圍朋友!!由上年至今一直都預男家3圍,做咩忽然加到5圍?仲要係尋日先講,我帖都印好先講,想點???而家要請o既由12圍變14圍,但我印得140張帖,好'文'(我同honey大部份friend都未婚)...唔夠派都唔出奇,點算好...

褂鞋

尋晚放工同honey出去拎印好o左o既帖同埋拎信用卡禮品,本來仲想買電磁爐,不過成條百老匯街都無做電磁爐promotion,所以結果都係無買到,今晚可能出沙田搵番做緊九折又有煲同鑊送o個間買!!!

臨走經過太子蔡生附近,順便去買埋褂鞋!!!本來我一直鍾情平底o個種綉花鞋(老北京布鞋):

不過我媽一聽就話唔好,話平底我咪會同我honey高度相差好遠喎!!!於是,我就放棄o左,乖乖o地去買番對高跟褂鞋!!

上到蔡生度,佢正同囡囡溫書,咁我就試鞋,最後買o左下面呢對!!本來呢對有少少頂,但蔡生好好人,幫我圈大o左,著落去都幾舒服!!對鞋只係$75,好抵,蔡生呢度真係平靚正!!

我幾鍾意佢d中國結同鞋身o既金色綉線,蔡生話呢款算係最好賣o個款喎!!!不過對鞋得兩寸,最衰無三寸啦,如果唔係就更perfect喇!!!