haha,唔好意思,造型篇未ready好,都係upload番我段成長片俾大家睇住先啦!!
段片其實無乜特別,我諗大家睇完一定唔會'嘩嘩聲', 不過咁簡單o既成長片,我實際上整左差唔多一個月,花左好多時間去夾聲畫同步, 好彩老公子老細心水清,佢話睇得出我係有放過心思落去夾音樂同畫面o既過渡,我o既心機總算無白費~~~
因為要買閃閃襟花托俾honey,我順手訂多個bouquet holder俾自己,呢個bouquet holder上網睇好靚,只係USD5(計埋運費大約HKD$70),見唔錯咪買囉...點知...點知收貨原來只係一個膠holder,都唔似網上睇咁通透o既,唔怪得咁平啦,可惡!!
於是,我又為o左唔浪費而再浪費多d錢去整靚個holder喇...方法就係:貼水晶!!
去深水土步買水晶,不過我好失敗,買錯o左唔係施華駱奇o既閃石,浪費o左$140...(唉,成日因慳變浪費...),之後先買番o岩,水晶粒總值$260!
萬事俱備,只欠花材!!
之前都講過,我o既褂花球只係誤打誤撞下誔生,我真正o既dream花球,其實係呢一個:
sorry...我唔記得個src...
可惜...我始終同dream花球無緣...
唉,今次又係要鬧我老公子,其實淡紫色花材我早o係上年9,10月時已經o係spotlight見到,點知次次經過honey都話唔使急,叫我唔好買住...
結果...結果咪搞到婚前無晒貨,spotlight當時話六月唔會番到貨,(結果我記得spotlight o係6月18號打俾我話有貨!!!但已經太遲!!!),最慘係我為o左呢個花球,好辛苦先搵到d紫色小襯花,估唔到最後我同呢個dream花球都係無緣,得個吉,真係欲哭無淚!!
Dream花球夢成空,唯有睇開d!!
最後,我婚前一個月o係spotlight買o左同淡紫色花同款o既淡粉色花材,造了一個淨色花球!!
雖然不是淡紫色,但老公子同我媽咪都話呢隻色比淡紫更精神喎!!
其實用單色做花球感覺都唔錯o既,好清新淡雅!
再襯埋閃石,大家又覺得點呢??
閃光燈下好閃o架!!
計埋褂花球(我第一個DIY花球),我花o係花球o既錢總共約$850!!!呢個應該係唯一一個item我由慳變洗突o左,仲要貴到同某名牌鮮花球價錢相約!!!雖然又貴又唔係鮮花(但我要強調我D花材唔差o架!),但我可以有兩個花球,款式又可以特別d,連閃石都有,我個人覺得都值o既,哈哈!!
遲d post o既晚宴March-in都會有呢個靚靚花球o架,大家記得留意喇!!
呢個bouquet holder有紫色又有綠色,match晒我個theme,簡直係dream bouquet holder!!!
不過印像中應該好貴,都係望下好喇...(sorry,我又試capture o左相無記低個source...)
話明係10年,於是我就o係pre-wedding相入面揀o左最鍾意o既10張整o左10款Thank you card!!為o左唔想Thank you card太平平無奇,我o地仲作o左10句有關我同老公子o既little fact印埋o係相上面,希望收到o既賓客會更了解我同老公子,嘻,呢個idea自問都幾有心思o架!!
10款Thank you card o既相, 大家記得睇埋d little fact呀!!
為o左照顧唔識英文o既賓客,晚宴時我o地安排o左司儀續張介紹Thank you card上句子o既含意,等大家了解我o地更多!! (以下係司儀稿原文!)
1. This is Chun and Feon's first love .(兩人都係初戀o黎o架!)
2. Chun and Feon's engagement ring is 1.0 carat (係extactly 1.0 carat,無多無少 o架!!)
3. Chun is elder than Feon by 87 days (得意o既係俊係o係8月7號生日喎!)
4. Chun first held Feon's hand on a train. (沙田火車站, 俊記得係o係退o左役,車箱係橙色o既火車上拖手,但Feon就話唔係,真係無從考究喇!)
5. Mcmug is the first present Chun gave Feon.
6. Chun always request Feon to wear her hair in a ponytail (俊話係街度望到速馬尾女子都會特別留意喎, 唔通好似劉華咁只愛長髮女子一樣,係情意結?)
7. Chun and Feon watched 'She's all that' for their first date. (中文戲名係’忽然愛上你’, 唔通俊同Feon就係睇完套戲忽然愛上對方?)
8. Chun and Feon had KFC as lunch for their first dating (當時Feon仲好失禮咁揀走晒D生菜唔食添!!)
9. Feon must chat on phone with Chun before she sleep (Feon好早訓,如果俊去夜街太夜先打俾Feon,又或者俊去o左篤波電話唔通,Feon會大發雷霆o架!)
其實整呢張Thank you card都唔太難,cut紙cut相印凸粉最多都係花時間,最難其實係要諗上面呢10句little fact,有時諗到一句,但內容賓客未必會有興趣或覺得interesting,所以呢10句都諗o左我o地兩晚時間呢,哈哈!!
10款Thank you card除o左俾賓客留念外,仲會係我婚宴上唯一一個小遊戲o既工具,想知詳情就要繼續留意fc620 o既分享喇!!
大家認得個公仔嗎???無錯,就係我好耐之前提過(Honey o既藝術天份! ),honey畫俾我o既愛心公仔喇,嘻!!
=======================================================
同場加映我N咁耐之前o係淘寶網第一次買o野而失敗o既簽名布(簽名布出事了!!!)!!!我最後都係o係香港造多張!!!
首先睇下乜都無o既酒店帖!
到帖內文喇!我o地選擇o左加錢印紅色,d字的確sharp d,又襯番張帖o既色調,好彩圍數少,加錢印紅色字都係廿幾蚊,絕對值得!!
最後到DIY部份,印上fc620 logo!
DIY方式一直未有定案,直到某日上blog見到blog友提及位於中上環o既paperart,於是決定去了解一下!!
嘩,原來印章+膠水印台+凸粉+熱風槍效果原來咁靚,就咁決定!!
下一步,造fc620 logo印台!!由於logo構圖較為複雜,所以預計要做10x10cm大,去中環d巷仔問價,造一個咁大o既印章最少要$400,好貴,仲要未計凸粉印台風槍錢,加錢叫印帖公司印埋個logo都只係俾多$300左右,差點令我放棄DIY念頭!!
好彩,又係淘寶幫了我!!(好似賣廣告咁o既...)
我o係淘寶網搵到有賣家造印章,仲要同paperart一樣有凸粉,膠水印台同風槍賣,於是就二話不說幫襯了!
10x10cm印章: 125RMB (抵到爛!!)
紫色大印台+金色小印台: 15RMB + 6RMB
銀色凸粉 + 無色凸粉: 38RMB + 35RMB (後尾先知係paper art買凸粉原來平d,仲多好多選擇!)
打花器: 12RMB (不過話咁快俾我整爛o左!)
運費: 35RMB
http://shop34787667.taobao.com/
再去埋paperpart買多樽閃凸粉(~$35)同租一個星期熱風槍($50),成個DIY大約花o左近$400...再加埋印帖費,平均我花在每張帖o既錢為$5.35,貴唔貴值唔值,真係各人有各人睇法喇!!
在租來的熱風槍幫助下,雖然一天就印好所有囍帖(比想像中快!),不過過程比想像中辛苦,logo效果亦未如想像般理想(可能因為我的logo印台太大,難於平均印上顏色!),花時間之餘收到o既賓客亦未必會明白背後心思(辛酸先o岩...),其實都有d後悔DIY,早知叫印帖公司代勞更實際...
好彩,o係各位收帖人士俾面下,張帖得到唔少讚美同掌聲,總算係一點安慰...不過,如果俾我再揀,我諗我都唔會DIY喇...哈...
令我有呢個idea,其實係徐靜雷呢相:
因為呢張相,我就開始幻想成個wedding由中國結去貫穿:小禮物啦,花車布置啦, backdrop decoration啦,姊妹伴娘裙啦,帖啦...
我,連教織中國結o既書都買埋,結果...
現成中國結飾物太少,笋崗大大個如意結係就係大,但d色好核突,充滿'娘'味...自己織如意結又太花時,我連學都無時間去學識,更何況去親手織!!!
所以,呢個idea最後只有胎死腹中!!
如果大家有時間,又對中國結有濃厚興趣,不防諗諗呢個wedding theme!!
其實我送俾honey o既係一個blink blink襟花托!!
剛決定結婚後猛搵資料,見到原來新郎都可以有blink blink襟花托做飾物,send過俾honey睇,佢話好靚,好鍾意,於是我就靜靜雞search下邊度買到,結果得d外國網頁有,於是就托朋友幫忙o係美國訂購!!
其實呢個托一d都唔貴,只係USD$8,不過計埋運費就好甘喇(我已經有friend幫o架喇!!),計埋計埋,個托大約要HKD140!
個托真身無上網睇相咁閃,但望落都幾grand,仲好重手下,我honey收到呢份禮物當然好開心啦,起碼佢都可以o係大日子閃下,唔使俾我D鑽飾搶鏡嘛,嘻!!!
至於我個襟花球,我個幾月前都同佢縛番d絲帶喇!!!!YEAH!!
呢個logo由構思到完成我諗都有近三星期時間,係我最滿意o既設計作品!!!!希望大家睇得出當中心思同含意(有個含意好似比較難發現咁...)啦!!!!
襟花大路款,其實自己覺得整得麻麻o地...特別係近睇,不過遠睇都尚可o既,勉強見得下人啦!!!
o係家政行見到有D類似太夾o既物體,幾有用,夾係襟花度攝係西裝袋應該OK!!
手花其實似花環款,靈感來自下面張圖,我當然整唔到咁靚啦!!
不過而家效果都唔太差o既,又襯得番兄弟襟花!本來我想用白花代替紫色花,因怕姊妹裙唔襯,不過白色好似太GWA...anyway,紫+綠係我個theme,我諗都襯到D姊妹裙o卦!!
手環效果,唔錯o架!!嘻!!!希望D兄弟姊妹鍾意啦!!
