份tmp就快完喇!!

份temp就快番完喇,預計番埋下星期一,最多都係星期二咋,之後我又試可以舒舒服服咁係屋企做剩下o既o個份part-time喇,我媽媽話我即係可以陪佢辦年貨喎,哈哈,係呀,可以陪o下媽媽喇又,真係好,不過我最擔心就係我一放假lunch又會同媽媽食得好豐富喇,而且年近農曆年喇,咁多過年食品,睇怕我又會再肥d喇...唔制...

發達夢

係人都想做有錢佬o架啦,今晚六合彩五千萬呀,我都有襯熱鬧買番張電腦飛,o岩o岩電視開獎,我最多中o左兩個子,睇見人o地頭獎一注中有成五千五百萬呢,真係好誇,唔知我有呢五千萬我會做乜好呢...我諗第一件事可能係買番兩間豪宅,一間自住一間收租/炒,哈哈,諗o下都開心...雖然我連廿蚊都中唔到,但有時用少少錢買個夢,買一日o既開心都係幾果癮o既事,何況d錢係去o左做善事,無壞呢!!!!!!!

手痛

可能係連續幾星期做data entry時打字姿勢唔正確啦,我今日右手手腕好痛呀,忽然令我諗起曾經睇報紙話有人忽然痛到打唔到字,好驚,我要小心d,打字其間要記得拉下手,鬆o下d筋先得!!!!

去旅行????

我honey忽然話想襯佢農曆年放大假去旅行喎!!!!!雖然我正失業唔使怕請唔到假,但忽然又要用咁多錢,我無乜心理準備呢...其實會唔會做多幾年o野賺多d生活穩定d先去好d呢???如果真係決定去就要快喇,得番一個月咋...要報團就要快喇...

夜晚同honey相討,最後我都係覺得唔去好d,因為我好想慳番d錢去d更遠o既地方,我o地應該有計劃d,望遠d!!!!!!!!!!

初めまして

 初めまして ...呵呵呵...又會咁o岩o既...

今朝我又跑步喇,之後就好無聊咁係度狂煲'浪漫滿屋'...大約一點拉,我同honey去o左大埔墟食好好味o既豬排麵,不過今日我o地太遲去到喇,所以無晒炸醬呢!就係我同honey等緊d o野食時竟然撞到...噢...又會咁o既,雖然場面無乜尷尬...嘻,anyway,我覺得今次偶遇反而係好事...

食完飯我就番o左屋企做公司o野,本來都真係唔多想放假做o野,但唔想聽日太多o野做咁辛苦,加上今日又真係無乜o野做,所以都係清一清啦!!!