夢遊歐洲

今日陪o左我媽出沙田睇醫生,順便幫佢拎去歐洲旅行o既資料,因為佢正考慮遲d同親友一齊去,所以睇定d資料!!!雖然唔係我自己去,但去旅行社拎資料真係一樣好開心o既節目,只係望o下d行程,想像o下自己去到唔同國家遊歷已經令人好興奮呢!!!!!

我細佬聽日都同d大學同學去歐洲做電波少年喇,好羨慕,真期望我未來幾年可以踏足歐洲呢個遙遠國度呢!!!!!?????而家呢刻,我只好發住我o既白日夢,當自己夢遊緊歐洲算啦!!!!

清爽髮型

今日終於係屋企附近再剪過!!!!如果講尋日我剪o左三成髮,睇怕今日剪o左有一半...!!!!!真係一d都無誇張,因為個師傅見我頭髮厚(但佢唔知我其實尋日已經剪薄o左...),於是揭開我外層o既頭髮,剪掉我低層o既頭髮,剪到只剩下大約1cm o既長度,佢呢個舉動其實都幾嚇人,我都係第一次咁樣俾人剪走咁多頭髮!!!!!!!!!

而家髮尾短o左,(雖然我仲想短多兩寸,好奇怪尋日同今日個師傅都係將髮尾剪成V形,唔知係咪今年流行呢????)摸上手真係少o左好多煩惱絲,好清爽,成個頭輕晒,感覺好正,哈!!!!!不過我有少少膽心我埋在頭頂內o既(手產)青頭長長o左會唔會叉出o黎俾人發現呢...

未解決!!!!(呢個標題出自我honey!!!)

今日我上o左深圳,記得我上次提過我好想剪頭髮,今日終於有機會喇!!!!上到去首先洗頭,原來呢度興洗頭時做埋按摸,一洗就半個鐘,都算按得幾舒服!!!到剪髮喇,開頭本來有一位師傅幫我剪,點知佢俾一位女士搶走o左,於是就換o左另一個,呢兩位師傅都不約而同咁建議我唔好剪太短,但我己經keepo左呢個咁長o既長度好耐,夏天到,真係好想剪短五寸清爽d!!!!點知個師傅聽完我意見後話唔好,話我頭髮又多又厚,建議我剪有層次感o既髮型,咁我唯有信佢啦!!!!剪完喇,一照鏡,點解後面仲係咁長o架???好似無剪過咁,層次感係有,而且都有偷薄度我把厚頭髮,手勢又唔係唔好,但我明明想短d嘛,短到o岩o岩紮到辮就得...於是我就同師傅講要短d,但佢好堅持,仲話我剪短唔好睇...爭辨o左一陣之後,我最終都係決定投降!!!真估唔到呢度d師傅咁有原則咁堅持!!!!

其實今次唔係第一次,之前都有師傅唔跟我要求剪咁短,但絕對無今次咁離譜,髮尾長度真係好似無剪過咁,實在激死我,唔通o係髮型師o既專業角度之下,我真係適合長長頭髮????!!!!!好彩今日都係用左$50, 雖然個頭唔係唔靚, 但我真係好想短d, 而家件事未解決,睇怕聽日都係o係香港再剪過...貪字得個貧...嗚...

心中發毛

窗外佈滿團團轉o既蚊滋,好恐佈,由於屋企大廳隻窗太遲先關,於是就俾好幾十隻蚊滋侵佔,情景好恐佈,深深感受到咩係"心中發毛",冷顫都打o左幾個,實在太太太恐佈喇!!!!!好彩d蚊滋無係屋內周圍飛,只係係窗邊遊走,而且都唔係太大隻,最後我同我妹合力清理晒佢o地...但我仲係覺得好得人驚!!!!!

=========================================

唉,yahoo email個server又short o左,我check唔到email,變相搵唔到工...,因為我習慣睇求職網時將所有想apply o既工email晒去自己email,之後先一次過apply,而家入唔到email,真係麻煩呢!!

無乜特別

今日都係係屋企搵工啦,無乜特別!!!!但我今日已經係連續第三日(唔計尋日假期)打去我正在等消息o既公司度(我只有通知我Interview那HR小姐的台頭電話),但每次都係留言信箱,而家我真係好膽心,好無安全感,都唔知我之前email去o既功課reference同Thank you letter對方有無收到...唉...