一家四口澳門豪食豪住之旅@2014 ~ Day1

Yeah, 去旅行喇!!! 雖然只係短途旅行, 目的地仲係咁近o既澳門, 但2年無出遠門o既我真係餓o左好耐, 去澳門都夠開心!!

媽咪永遠係全屋最早起身o個個!!! 無法啦, 唔係邊個打點一切?

煲好粥仔, 出發!!!

見爸爸拎gip出trip多, 今次到佢有份用, 係度搞搞震!

上船喇!!!

本來Koey好期待坐船, 但個位唔近窗無風景, 又無o野玩, 佢坐到好悶~~

終於捱完一個鐘船, 入境後我o地先去酒店check-in同寄存行李, 由於已經近2點, 大家都好肚, 所以決定打的去官也街Lunch!! 

早一日openrice過見呢間叫波爾圖o既餐廳食評唔錯, 所以就去試下!! 

左上角係是日午餐: 牛腩意粉, 味道幾好, 而且夠大碟!! 

右上: 炸馬介休球, 似薯仔波, 無乜馬介休味, 普通!

左下: 炸軟縠蟹, 好味!

右下: 葡式乳豬飯, 又脆又好味! 

細佬全程搞搞震, 而家越大真係越難搞, 我諗只有佢訓o左我o地先會有啖安樂飯食!

Koey好鍾意個馬介休球~~

食完lunch步行番去酒店, 原來行番酒店好近, 早知去o個陣唔坐的士啦!!

到酒店時剛好3點有得拎房, 好期待呀!!!

點解咁期待??

因為今次係我同老公子10年內第4次澳門遊, 唔計同6299一家去o個次, 次次我同老公子都係中獎所以去澳門, 住親d酒店仲好正添呢!!

澳門遊@2005

聖地牙哥古堡酒店

中獎內容: 老公子買童軍獎券中o左中旅社$1000 coupon, 於是我o地就買o左$1600聖地牙哥古堡酒店package, 當時呢間酒店係咁多澳門酒店package中第二貴o架, 不過真係好有特色, 我仲記得佢o地英式早餐好好味好豐富呢!!

澳門遊@2010

十六浦Sofitel酒店

中獎內容: 寫希臘瑞士遊記獲得新城舉辨o既遊記比賽冠軍, 得到價值接近每晚1萬8千蚊o既澳門豪華住宿2晚!!!!! 當時我剛有o左Koey 3個月, 雖然未見肚, 但都特地帶埋衫去自拍大肚照! 間酒店真係好靚, 有兩層, 有jacuzzi, 再加埋個inclusive o既room service早餐...總之就係正到暈啦!!

詳情可以睇番: fc隨處飛 - 澳門免費豪華住宿之旅@2010 

至於今次呢...

澳門遊@2014

Galaxy Banyan Tree Hotel (老公子揀o既!)

中獎內容: 老公子o係公司Xmas Party時抽中澳門2日1夜澳門$3500 coupon, 但帶住2隻馬騮, 2日1夜真係唔多夠, 所以自己貼錢住多一日!

睇相唔清楚? 不如去片參觀下:

為公平, 特登request o左2張BB床, 原來仲有小朋友浴袍同拖鞋仔, 好可愛呢!!

兩位小朋友一入房就周圍跑/爬, 仲齊齊跳床仔, 睇o黎佢o地都好鍾意呢度呢!!

呢晚book o左位要出番新馬路o個邊dinner, 本來打算順路帶小朋友去Science Museum, 但一o黎時間好似好緊迫, 二o黎見間酒店房咁正, 唔o係房休息下玩下好似好對唔住自己...HAHA, 最後我同老公子決定唔去科學館, 就咁舒舒服服o係房度同小朋友玩下游下水算!!

Kobe仔糟質緊爸爸~~

蘋果又玩一餐~~

咁影好靚呢~~

我又唔執輸, 要同Koey影~~ 

老公子影到out focus, 但又好似幾特別喎~~

好彩都有張focus到, 只係多o左Kobe仔做路人甲!! :p

Kobe仔發現浴盤邊有石春玩, 超興奮~~搞到周圍都係石頭~~

好喇好喇, Koey猛話要落去游水喇, 好啦, 幫你換件靚泳衣先~~

呢d相, 幾年前我或者想老公子幫我影...(仲要影極都未必合我心意, 最後要我自己set機影...), 而家, 有個囡做我小model, 就算自己無得影都好夠滿足~~

細佬, 又俾你發現有石春添...

hahaha, 呢d攪亂檔o既玩意, 小朋友就最鍾意!!

使唔使咁chok!! (可惜out focus了!!)

又out foucs...

呢幾張好自然呀, 好like!!

到Kobe仔落水喇!!! 開頭笑晒好happy...

點知...就係我影影下相o既時候, 佢無啦啦向後反, 成個人浸o左入水, 嚇到手腳硬晒登大眼...

o係水中救番Kobe仔之後, 即刻幫佢戴番水袖, 不過池水唔夠深, 其實水袖都唔係好浮到...

結果Kobe之後就不斷大喊, 抱到實都未必有用...陰公呢, 就咁嚇怕o左佢, 唔肯再玩水...

我呢...好可惜'唔方便', 無得落水玩...咁我唯有做攝影師算喇...

三連拍, 無張全部人都靚, 中間o個張兩個小朋友目無焦點, 好搞笑!!

好喇, 玩完水沖埋涼, 6點我o地又出發, 去好多朋友都向我推介要試o既 〝8〞中菜館晚飯!! 

Koey見到張sofa好大好似好開心, 全晚碌o黎碌去坐唔定!!

上菜前職員送上三隻小杯, 然後倒d水入去, 跟住有d 白色o野'生'出o黎...

原來係抹手巾, 好似Magic咁變出o黎, 我都係第一次見呢種玩意, 好得意, HAHA, 唔知係咪我大鄉里呢!!??

本來想試有名o既脆皮柚子手撕雞...點知正正呢日開始澳門停活雞供應, 所以無得食...好可惜呀!!!

左上、中、下: 前菜 (柚子鮑魚同唔知咩, 送o既) 、法國鵝肝金錢雞、麻油雞絲粉皮

中上、下: 龍蝦 (半隻)、原隻乳豬焗飯

右上、中、下: 咕嚕肉、雜菜粉絲煲、奶茶葡撻 (送o既)

乳豬焗飯!!! 真係好好味, 個皮好脆, 又唔會食到成口油, 值得推介!!!

成晚坐唔定o既Koey好似變o左百厭妹咁!! 

件葡撻甜甜o地, 諗住佢會鍾意, 點知食兩啖就話唔食!!

樣樣都好好味, 唔怪得朋友們同飲食男女都推介, 食完真係大滿足, 可惜乳豬食唔晒要打包!! 臨走又經過餐廳呢條通道, Koey覺得好得意, 猛問係咪真o既!!

好喇, 離開新葡京已經9點, 雖然夜o左少少, 但順路點都要去埋澳門地標影番張相...話晒Koey & Kobe都係第一次o黎澳門嘛!!!

沿路地上面好多圖案, 有海馬、蟹、星星、太陽等等, Koey睇得好開心!!!

平日、夜晚、旅遊淡季, 估唔到周圍咁少人!!

議事亭前地

夜晚o既大三巴! 為免Koey嫌悶, 我o地話俾Koey聽呢間'屋'得一面牆, 不過我o地只係遠觀, 相信佢最後都係睇唔清楚, 完全唔覺得特別, HAHA!!

影完相打的番到酒店都10點幾, 兩位小朋友都好攰, 10點45分左右齊齊進入夢鄉, 我同老公子終於有得休息~~

兩位小朋友訓晒, 酒店房忽然變得好寧靜!!

有無留意到Koey攬住d咩?? 係佢最愛個枕頭呀, 我靜雞雞拎埋去旅行, 佢臨訓前忽然見到佢好開心, 夠晒安全感喇o卦~~

大人梳洗完畢, Kobe仔出奇地訓得好, 無醒叫食奶, 我同老公子就襯機會o係靚靚酒店影o下相, '扮' o下嘆世界!!!

um...早知我著番件出街衫影...

食埋打包o既乳豬, 個皮唔脆又凍o左, 浪費o左d美食添~~

呢個室內池真係好正!!

同小朋友打完一日仗, 我o地都散晒!!!

是晚Kobe仔唔知係咪好攰, 比平時醒少o左食夜奶, 但衰鬼唔知係咪我飲o左杯奶茶, 我成晚眼光光, 唔係覺得張床/被太熱就係好精神...結果全晚我只係訓o左2-3個鐘...

就係咁, 眨o下眼就第二日, 又要同兩位小朋友打仗喇~~~

我來保護你!

今日去公園有個男仔 (唔太識睇幾大, 可能10歲左右~)係都唔俾Koey爬梯上去Sir滑梯, 之後仲追住Koey伸手唔知想打、捉定摸Koey!!

當時Koey o係地面, 我就一手抱住Kobe一手拎住相機 o係滑梯o個層, 開頭我都只係以為個男仔唔禮讓o架咋, 但o係Koey附近o既一對夫婦似乎都覺得個男仔行為有異, 於是幫手保護Koey, 擋住個男仔唔俾佢接近Koey!!!

呢個時候我開始心急喇, 急步跑番去滑梯另一邊落番地面, 再快步番去拖住Koey, 但個男仔仲係不斷跟住我o地, 叫佢唔好再跟 (廣東話同普通話都講晒!) 佢都唔理, 仲係追住, 一有機會就伸手掂Koey, 好似聽唔明咁, 問佢o野又唔答, 答o既時候又好似外星話咁唔知佢講咩!!

於是我o地行去疑似佢媽咪o個度話佢知個男仔追住我o地, 個阿媽(帶口音)只係問我o地個男仔有無打人 (又好似係話個男仔唔會打人), 之後佢係咁二阻止個男仔再跟, 之後又唔多理咁繼續不斷襟電話, 完全唔當個仔騷擾到人係一回事!!

Koey呢個時候開始因為我o地拖走o左佢無得Sir滑梯開始喊, 為方便保護Koey, 我要放番Kobe落車仔, 但Kobe又因為我放低佢而大喊, 當時真係好手忙腳亂, 不過好彩幫手保護Koey o個對夫婦一直陪住我同幫手擋住個男仔, 唔係我一個女人仔要應付咁o既突發事真係幾驚!!

之後我同幫手保護Koey o個對夫婦一齊行去公園另一邊繼續玩, 個男仔o係遠處仲係不斷望住Koey, 都咪話唔得人驚!! 之後我寸步都唔敢離開Koey, 個男仔一行近我o地就拉Koey去另一邊玩!!

同o個對夫婦分別後, 我都要帶Koey & Kobe番屋企, 離開公園時, 我望到個男仔仲係望實Koey, 之後我就o係公園門外停低拎水俾Koey飲同整理行裝, 點知呢個時候o個對母子又走近, 個男仔一度o係我一米附近, 而佢媽咪就o係3-4米外繼續襟電話!! 我當然提高警覺啦, 好彩個男仔都無再進一步走近或作任何騷擾行為, 之後離開公園先真正擺脫佢o地喇!

事發前影o既~

左上角就係o個對古怪母子, 右邊位大肚媽咪就係幫我o個對夫婦之一~

第一次遇到呢d事, 都真係都幾驚!! 我第一次感受到為o左保護自己仔女, 勇氣真係會忽然注滿全身o既感覺!!!我覺得自己真係好似玩麻鷹捉雞仔o既母雞咁, 麻鷹再可怕都會勇字當頭保護小雞咁...好彩, 今日個男仔年紀仲細, 都唔係咩麻鷹, 如果只得我一個, 就算個男仔郁手郁腳上o黎攻擊性應該都有限吧!!

今次件事, 真係好感激一直陪住我o個對夫婦, 佢o地真係好好人, 有佢o地幫手Koey先無俾個男仔嚇親, 我亦可以定d無咁驚!! 無可否認, 有起急事上o黎有個男士o係度真係安全好多!!

事後, 我當然有同Koey解釋番件事, 不過佢仲細根本上唔識驚, 只係覺得奇怪做乜拉走佢唔俾佢Sir滑梯, 亦未識睇個男仔係咪古怪, 做乜事追住佢! 不過好認真, 原來我要開始教Koey保護自己了!! 我同Koey講, 頭先個男仔猛咁追住你, 媽咪同頭先d叔叔姨姨都覺得佢好奇怪, 所以先會拉開你唔俾你Sir滑梯, 亦唔俾個男仔行近你, 怕佢唔知會唔會打到或撞到你, 下次你再遇到人覺得奇怪記得一定要同人講'NO', 同埋要即刻搵爸爸媽媽, 咁先可以保護自己!!

Koey似明似唔明咁...唔緊要, o係你未識分辨好人壞人之前, 就等我同爸爸一齊保護你先啦!!

事發後完全唔知咩事o既Koey繼續開心笑~~

算吧, 人世險惡都係遲d明白o既好, o係你未識保護自己前萬大事有我同爸爸保護你!! 

馬年到~~恭喜發財!!!

恭喜發財!!! 今日已經係年初八, 老公子放大假日日都出街, 所以超唔得閒, 搞到而家先出blog同大家拜年添...係就係遲o左d, 但遲到好過無到嘛, HAHA!!!

今年係我第一年一家四口過o既年...

年廿九晚, 自己屋企團年:

三餸一湯, 老公子買餸我做大廚!! 煮o左:

花菇白蘿蔔炆鵝掌海參: 落調味輕手o左, 味道淡o左少少, 有d對唔住炆到咁林o既花菇同鵝掌呢!

豆腐卜炆龍躉: 雖然真係好貴, 但啖啖肉好正!!

露荀蘿蔔炒帶子

年三十:

同Koey係屋企親子料理, 整湯丸!! Koey幫手搓o左d長條型, 但啡色太核突...

我最後幫佢改良做心心等型狀~

食得喇, 原來煮起d色會出好多o架, 不過我唔識包, 所以好厚皮同好少南瓜蓉...不過都食到少少朱古力同綠茶味~~

Koey有甜食就最開心, 食晒d迷你湯丸~

年初一: 

Koey & kobe恭祝大家新年進步, 健康快樂!!

講老實話, 其實我覺得著呢d賀年衫仔好娘好老套, 所以Koey細個無著過o架!!! 今年本來都無諗住買俾細佬著, 但上網見到呢件個款同色又真係幾靚唔娘, 終於買o左!!!

好like呢張合照!!! 多得Grandpa幫手引小朋友先影得咁靚!!!

之後去o左我婆婆屋企團拜~~

豬嘴Kobe~~~

去到5點先回程, 呢兩位攰到訓o左~~

年初二:

番娘家食開年飯~~

當日除o左我同Koey外, 全部人都著紫色, 使唔使咁夾??? HAHHA!!

o係Grandpa & Grandma屋企Bathing~~

之後傍晚就去爺爺麻麻度食開年飯lu~~~

之後年初三至初七我o地差唔多都有日日出街, 好耐無試過去咁多街, 我仲買o左5件新衫俾自己, 大大話話都有好幾年無買咁多衫喇, 真係滿足晒呢!!!

初三look~~~

 

初六look~~

haha, 兩母女一齊扮model影相, 好開心!!

Koey而家影相成日古靈精怪!!

最後, 再一次祝各位馬年行大運, 好似我o地食buffet咁, 豐富滿足!!