做冬

今日朝早又同Papa跑步喇,不過今日超凍,如果一日早知咁凍可能我都唔願去跑呢!!!

夜晚出o左梨木樹度同親戚做冬,因為我舅父識人,所以今晚d食送碟碟都好足料好大份,特別係煲魚翅同燒鵝,真係好好味!!我o地都食得好飽呢!!!

今日見面,本來我想同我表妹雪婷坐o架,但最後都係無得一齊坐,本來想關心o下佢近況,陪佢傾o下計,不過見到佢幾精神都幾好!!!!而細表弟健朗依然好似個'波'咁,哈...不過另一位表弟就變o左好多,成個人瘦到得番一半咁...而且無厘神氣面青青,黑眼圈好深,眼又下垂,好似無訓過咁,仲'寒'背添,十足十一個道友...佢而家中二,正處於最反叛o既時期,唉....我o地講乜都應該無用,只會令佢變本加勵同反感...希望佢唔好行錯路同生性d,唔好要d屋企人擔心啦...