我的名字叫金三顺 내 이름은 김삼순

今日終於睇完"我的名字叫金三顺 내 이름은 김삼순"喇,好好睇,結局雖然係意料之中,平平淡淡咁但又好有味道,成套劇俾人感覺都好舒服,唔似一般催淚式韓劇般要生要死,過於轟烈,可能就係咁,反而平淡得容易令人產生共鳴,加上入面每個角色都好討人喜愛,特別係女主角,佢d演技真係好自然,唔怪得拎咁多獎啦!!!!!!!今日睇完我急不及待就下載o左套劇o既原聲o黎聽,精彩o既故事真係值得令人回味再回味呢!!!!!!!!

<=如果識做蛋榚,都好難唔肥囉,呵呵!!!!

大團圓~好sweet!!!

<=金三順(金善雅),其實都幾清幾靚o架,只係劇情要佢又肥又豪爽咋,睇NG片段覺得佢超可愛!!!!!同埋佢識彈琴呢,係劇入面都有大顯身手呢!!!!

<=玄真賢/三石(玄彬), 好靚仔,有錢書生形,好似d漫畫人物咁青靚白淨,雖然係劇入面做有錢仔,但好可愛,特別係佢發現自己鍾意三順後成日癡實三順,哈哈,不過佢做戲差D,我成日覺得佢d喊戲好假,好似喊唔出咁,唔眼紅又唔流眼淚,嘻,不過真係幾可愛!!!!

<=俞熙真(鄭麗源),做三石前女友,好靚女,佢笑起上來真係好甜,女仔都會好鍾意,不過我覺得三石移情別戀唔鍾意佢同佢講分手都幾可憐o架,男人貪新忘舊唔要得呢!!!!!另外,佢真係好瘦,好似風都吹得起咁呢!!!

  <=Henry(Daniel),勁靚仔,係套劇入面全英語對白,有d似吳彥祖(大家都叫Daniel呢!),好陽光,佢係劇入面學韓文時超可愛,而且對熙真一往情心,黙黙照顧住佢,好似守護天使咁,so cute!!!