Let's Dance

滿懷期待o既舞動派對終於到喇!!!我大約十二點到達九龍灣德福會合Cindy同Emily食午飯,由於要著貼身運動背心,為免肚腩仔唔聽話走出o黎見人,所以我o地只係叫o左兩個午餐,不過都幾飽呢!!!!大約一點,我o地坐接駁巴士去展貿,去到時已經見到唔少女士喇,照現場所見,大部份都係廿幾歲o既女仔,其中唔少一睇就知係Dance Team,個個都露腰,身材好fit,而師奶級o既女士都唔少呢!!!!放低隨身物品後我o地去o左個back drop簽名,我用白色筆畫o左我個'嘜頭'卡通公仔,係眾多簽名中特別顯眼,嘻...可惜大會講明唔俾影相,搞到我無帶相機,唔係一定要影低呢!!

今日o既話動安排如下:

Nike Rockstar Workourt Hip Hop Dance (1 Hour)
Nike 舞動賽決賽
Body Combat (30 Mins)
Nike Cast Walk
Float N Flow (30 Mins)
Nike Rockstar Workout Sol (30 Mins)

以上有寫時間o既都係我o地要親自跳o既部份,其實跳完第一part Hip Hop已經無乜氣,不過warm up 過後全場氣氛都幾好,所有人即刻投入晒!!!!四種舞中我覺得Body Combat最用體力,不過亦係最易學,我跳完後特別覺得三頭肌好支力,我諗想減Bye-bye肉o既女士最o岩玩!!雖然跳到無晒你,但大會都好細心,安排o左水,乳酪,能量飲品,同美心新出o既蛋榚俾我o地保充能量呢!!另外,除o左有得同成千位女士一齊集體跳舞外,仲有Cat walk同Dance Competition睇,而嘉賓鄭融同廖碧兒都有各位表演,廖碧兒跳Hip Hop,佢身型一流,唔太瘦,骨肉均稱,跳舞又跳得好,加上笑容甜美,所以大受歡迎,我都不禁狂讚佢'好靚'呢!!!睇見咁多dancer同明星d身形都咁fit,我真係好羡慕,等我同Cindy完成呢個學期功課後,一定要相約emily去今次活動送o既健身中心coupon同跳舞堂試玩先得!!!

由於短短四個鐘學o左四隻舞,我而家已經唔係好記得d舞步係點喇,仲諗住今日贈送o既VCD中會有番今日教o既舞,點知得少少咋,噢...好想記番起d舞步呀,咁係屋企都可以自己玩嘛...嗚...真係可惜呢!!!!可能今日血液循環太好,所以而家呢一刻我兩塊面珠仲係紅卜卜,而兩手兩腳都仲好酸軟乏力,名副其實成身散晒喇,今晚實訓得好好...Anyway,今次活動$60又食又拎又有得玩,好抵,出年都可以再去!!!!Yeah!!!Let's Dance!!!!

今日o既贈品:
由世界知名o既靚仔Jamie King偏舞,歌手Rihanna唱o既舞步教學VCD
Nike膠水樽
Nike舞動派對閃燈襟章

愚人節

今日係愚人節,所以今日我都遇上一樁大整古...

諗番細個,其實都無乜試過俾人整古,亦無見過其他人整古其他人o既印像,諗番,所以我覺得'愚人節'呢個節日虛有其名呢!!!唯一只係幾得小時候我同我細佬妹三粒豆釘係畫紙上畫o左d龜龜,襯我爸放工番o黎同媽咪煮飯時偷偷貼係佢o地背上,哈...

突如奇來

今日本來平平無奇,都係陪o下我媽咪食午飯,買食送,係屋企發夢...!!!!點知下午突如奇來收到我之前interview失敗o個間機構打o黎,話有第二個Position available,問我有無興趣去in,o係毫無心理準備下我只好不斷答'係,係...',由於個post佢地未公開recruit,所以我都唔係好知份工做乜...一切只有留待下星期四上去interview時先揭曉!!而家個心仲係有少少'驚喜'感覺,因為我已經兩個月無寄過信搵工喇,仲諗住一切待我完成學業先打算,雖然人o地唔係話請我,但呢個突如奇來o既電話真係好似打亂o左我陣腳咁,如果真係請o左,最好可以我學期完後先番工就好....噢...我似乎諗得太遠喇...不過都要作定準備,因為我份Final Project仲係原封不動,要打把勁!!!!!!

=====================================================

尋晚無意中上網睇o左陣'聖鬥士星矢',忽然令我諗起我以前好鍾意紫龍同埋入面一個'壞人'女角,上網搵先知個女仔叫'Hilda希露達',原來係北歐神鬥篇入面本來善良o既女仔,但戴上金戒子後變成邪惡!!!!雖然我對星矢o既故仔的確記憶模糊,但我仲記得呢個女仔冷冰冰好吸引...

星矢、冰河、紫龍、瞬、一輝、天馬流星拳、星雲鎖鍊、阿典娜、冥鬥士...忽然好懷念小時候看'星矢'的日子呢!!!!

      

美人兒

唔知大家覺得何謂'美人兒'呢?唔同國家唔同地區都會有唔同o既審美標準,甚至每個人o既審美眼光都會唔同,不過,我想信'靈魂之窗'o係唔同o既審美標準中都佔了重要的位置!!

想做'美人兒',除o左減肥化妝整容外,原來南韓流行帶一種黑色隱形眼鏡,帶上後能令眼珠看上去變成大大的、水汪汪的烏黑色珠寶,令眼神變得如黑洞般具吸引力!!唔使辛苦節食或冒險整形就可以變得可愛如日本娃娃,聽落幾吸引!!!

原來Ayumi一早帶o左,唔怪得佢對眼成日大到怪怪o地咁啦!!!!

其實我之前行街已經見過旺角d舖頭有賣呢種隱形眼鏡,今日我上網再搵,原來韓國興o左一段時間,好多明星都有帶所以先咁有'魔力'!!!睇完後我都好想買番對,唔知香港有無眼鏡舖幫人配呢,等我都可以做o下'美人兒'呢!!!

充實

今日過得好充實,雖然其實都係做o左好少o野,但比我前兩個星期成日呆在家發霉分別已經很大!!!

首先今朝好勤力咁做家務:抹地、抹家具、洗衫,之後就陪我媽咪去食午飯、行街、買食送,再之後我就要番早大開會傾Project!!!個Project係講我o地要重新包裝一個歌手,一傾就傾到五點幾,原果個個project都可以好似呢個project咁有趣就好喇!!!!之後我一直留o係中大直到夜晚九點幾上完堂!!!嘩...雖然我尋晚其實唔多夠訓,所以我成日都係'撐'大隻眼,不過難得咁充實,忽然又覺得有少少開心,真係奇怪!!!