電視精

今日好忙,忙出街,嘻!!!一朝早我陪o左媽咪出去尖沙咀,去o左一間都幾多人食o既麵店,好似叫公和XXX,佢d麵幾特式,我試o左個麻婆豆腐糙米線,OK啦!!!之後我就帶我媽行海港城,不過行o左一個鐘我媽就話支力,不過難得同我媽出,所以我都夾硬拉佢去埋新港中心行街!!行到入去DMop,聽到有個小朋友o係度扭計,一望之下,原來係林曉峰、康子妮同佢o地個仔仔(應該係細o個個!)喎,哈!!!

夜晚同Peggy, Fanny,Alon食飯,除o左講番大家近況同之前份final project d o野外,成晚話題都離唔開娛樂圈,哈,因為我同Fanny都係電視精,睇好多韓劇,而Alon就因為工作關係,所以對呢方面認識好多,成晚我o地就係咁不斷講電視劇同戲,可憐Peggy可能有少少俾我o地悶親呢!!!不過今晚我覺得好開心呢!!

魔鬼電話

我今日收到魔鬼來電,呢個魔鬼就係來自我先前有offer o既大公司,佢又同我講話佢幫我講得掂數,話我可以轉軚accept番個offer!!!!!收o左線後我真係有少少動搖,因為我兩個星期以來再無收過任何叫我interview o既電話,我想入o個間logistics公司亦未有任何回音,真係有少少灰,亦令我再次懷疑當初reject offer o既決定係咪正確!!!!!

不過...好快我就諗通o左,可能係我先前搵工太順利,由我完成功課到搵到工只係短短兩星期,而家其實只係一個月o者,唔使咁快灰心,工唔係得一份嘛!!!!所以我決定add 呢個魔鬼o既電話落手機,下次見到就認得,唔好再接!!!!!

玩得開心d呀!!

臨起身前發o左三個好夢,三個夢都係關於我得到offer o既書面通知!!!!可能真係日有所思夜有所夢吧!!!今日已經係我interview我想做o個份工兩星期o既日子,上次因為我in 時佢o地仲未出個job post,所以同我講我最少要等兩星期,因為佢o地仲要等HR in 人,而我,之前一直都有打電話嘗試接觸約我Interview位小姐,可惜打足一個星期有多都係留言,認真等你等到我心痛呢!!!!希望我個好夢會成真啦!!!

==============================================

細佬今日出發去歐洲旅行,一個多月後先番,但係佢今日仲要趕住跟埋公司d手尾,搞到d行李都係我媽幫佢執!!!佢連自己坐咩航空公司o既飛機又唔知,今晚飛到英國轉機其實係去意大利,但佢竟然以為自己去法國先...佢乜都唔知乜都無預備,真係膽心死我爸同我媽呢!!!!!睇見我爸媽今晚好長氣咁提點我細佬呢樣o個樣,如果我係我細佬,都一定覺得心都煩埋...但而家我係旁觀者,唔多唔少都感覺到我爸媽有幾膽心,話晒都係我屋企第一次有成員單獨離家出國咁耐,又難怪!!!!就算係我,o岩o岩睇住我細佬出門口一刻都難免有種怪怪o既感覺呢!!!!Anyway,一個多月好快過,希望佢唔好咁大頭蝦,玩得開開心心,到時分享佢歐遊o既經歷,等我將來出征歐洲時可以早有準備!!!哈!!!

夢遊歐洲

今日陪o左我媽出沙田睇醫生,順便幫佢拎去歐洲旅行o既資料,因為佢正考慮遲d同親友一齊去,所以睇定d資料!!!雖然唔係我自己去,但去旅行社拎資料真係一樣好開心o既節目,只係望o下d行程,想像o下自己去到唔同國家遊歷已經令人好興奮呢!!!!!

我細佬聽日都同d大學同學去歐洲做電波少年喇,好羨慕,真期望我未來幾年可以踏足歐洲呢個遙遠國度呢!!!!!?????而家呢刻,我只好發住我o既白日夢,當自己夢遊緊歐洲算啦!!!!

清爽髮型

今日終於係屋企附近再剪過!!!!如果講尋日我剪o左三成髮,睇怕今日剪o左有一半...!!!!!真係一d都無誇張,因為個師傅見我頭髮厚(但佢唔知我其實尋日已經剪薄o左...),於是揭開我外層o既頭髮,剪掉我低層o既頭髮,剪到只剩下大約1cm o既長度,佢呢個舉動其實都幾嚇人,我都係第一次咁樣俾人剪走咁多頭髮!!!!!!!!!

而家髮尾短o左,(雖然我仲想短多兩寸,好奇怪尋日同今日個師傅都係將髮尾剪成V形,唔知係咪今年流行呢????)摸上手真係少o左好多煩惱絲,好清爽,成個頭輕晒,感覺好正,哈!!!!!不過我有少少膽心我埋在頭頂內o既(手產)青頭長長o左會唔會叉出o黎俾人發現呢...