第六日: 1100-1300; 2300-0220

今日要番早晚兩間,不過朝早o個間有d無聊,因為份report delay o左,而且大部份client都未番,所以好多都送唔出去!!!

到夜晚喇,放棄唔睇百米飛人,改為出去支持馬術賽,因為今晚多得仙廸幫忙,我終於可以做到觀眾喇!!!!

我大約十點去到會場,同仙廸周圍行同影相,嘻,雖然我都影過o架喇,但今次係著便服,感覺又有d唔同,至少唔使怕俾其他義工/職員話著住義工衫唔俾影相呢!!

著住義工衫最想做o既係同福娃影相,不過好可惜呀,太長龍喇,唯有o係側邊影算啦!!

哈哈,仙廸好喜歡晶晶呀,而我早幾日o係電視睇到晶晶跳舞,真係超可愛,我都好鍾意佢呢!!

Yeah,又做火炬手喇,不過好似著義工衫影出o黎型dd,哈哈!!

今日o既賽事係盛裝舞步,我十點入場時已經見到好多人走,入到場內大約得番一半人,我都有問仙廸佢悶唔悶,但佢話OK喎,於是我都乖乖做觀眾,試試學習欣賞咁多人話悶o既盛裝舞步!!!

o係收音機o既專業旁述同仙廸講解下(佢睇o左大半場,已經學識睇邊d馬表現好同唔好呢!!）,我都發現盛裝舞步都唔太難明呀,至少我都感覺到邊隻馬真係似'跳舞',動作效優美,不過,呢晚我都係睇o左幾隻馬,因為之後又要開工,唔知要我睇晒全場又會唔會覺得悶呢!!!

Yeah!!!難得可以上觀眾席,當然要影番張相留念啦!!

第五日: 1700-0120

呢兩日全民奧運,哈哈,應該話全office奧運先o岩,由於我番緊o個度得幾個人,呢兩日老細唔係度所以都有睇奧運,有時係睇無線,所以都睇到尋日楊威同今日菲比斯o既賽事,好好睇!!!下午老細番o左就就咁online睇住京奧個網refresh分數,下午一次過睇住女子乒乓球團體賽,男子乒乓球團體賽同埋男子籃球,哈哈,估唔到就咁睇住個分都可以好緊張,因為香港男子乒乓波成日duce,最終仲輸埋...

今日我第五日on-duty,而且今日我爸同我細佬仲o黎o左睇jumping添呀,不過我而家先知原來d飛畫晒位o架,仲諗住聽日仙廸入o黎睇時我去扮spectator添...睇o黎有d難度...

至於今晚d report都唔太多啦,仲有時間睇中國女排對美國,睇到我好肉緊呀,點知最後都...唉...

跑o左好幾日又睇o左咁多奧運賽事,忽然好想做番運動呀,我估我都有至少九個月無郁動過吧...筋骨都真係開始硬喇,不過呢排咁忙,真係唔知自己有無恆心做番運動呢!!

是日有義工朋友帶o左好美味o既酒店蛋榚俾大家分享呀,Yummy!!!

心型葉

今日做義工時o係Spectator入口附近見到呢串葉,好可愛呢!!!

等我係度送俾我honey作祝賀先!!

另外,俾多張我做'火炬手'o既相大家睇,嘻!!!

第四日: 1645-0200

對比番尋日,今日o既report數量少好多,天氣又涼爽o左,所以今晚都幾舒服,大家仲有時間週圍行添,我都係第一次行去spectator去o既地方咋,仲見到好多人排隊同福娃影相同埋買手信,好熱鬧呀!!

係Spectator入口外見到o既心型葉,一串咁好靚呢!!!

入口內的拍照景點,我背後右邊就係賣手信o既地方喇!!

Beijing2008, Yeah!!

呢張相影得超好呢!!

Yeah!!!我做o左火炬手呀!!

最後,呢晚放十二點多d,比原定兩點早,實在太好喇!!

第三日: 1230-0130

番完十三個鐘...成身散晒!!!

出門口同媽媽經過屋企樓下巴士站,唔知點解忽然開滿花,早兩日都無,好靚呢!!

今日on-duty13個鐘,其間發生o左好多事呀!!

首先係我今日唔使做runner,而係做operator,即係影印機操作員,所以我唔使跑,而只係o係PRD房,但由於間房都幾凍,所以我面青唇白,個個都問我係咪唔舒服,其實我唔係唔舒服o既,不過就真係幾凍囉,好彩有義工借我風樓,加埋自己o個件,所以之後都唔太凍喇!!

之後我o地義工有個隊員因為地下洗整親,要入醫院縫針呀,搞到成team人都有少少唔開心!!不過後尾知道佢無乜事都好d,而奧馬公司o既職員都即刻猛提我o地送report係要快,但安全先至係第一位呢!!!

到下午六點幾七點,負責睇住我o地o既其中一個奧馬公司職員又拗柴,今日真係多事!!

至於今晚賽事係決賽,有兩面金牌產生,所以今日勁多report,仲以為自己做影印會舒服d,點知都係好忙,而且全日大部份時間都企住,都幾支力!!!

雖然今晚有d辛苦,但送完final result後,我o地都有時間衝出去睇頒獎,第一次睇到奧運會升國簱義式呀,雖然唔係中國,但場面都幾熱鬧o架,睇見德國o既支持者歡呼都替佢o地高興!!!

最後,今日大家都合作o左幾日,運作開始順o左,多o左report可以五分鐘內送到client手上,大家都好開心,而且大家又熟o左,無report送時就一齊睇直播支持中國隊,好似女子高台跳水,舉重,男籃同女足等,成班人一齊睇又真係特別投入同開心呢!!!

好得意o既福娃頭QOO呢!!

P.S. 義工朋友send俾我o既web,有好多今晚比賽o既靚相!!http://61.129.65.8:82/gate/big5/photo.eastday.com/ayhdqxb/20080813_2/index.html

再P.S. 北京奧運網頁有關我o地PRD o既描述!!http://www.beijing2008.cn/volunteers/training/diary/essay/n214531502.shtml