上海世博之旅

o係九月頭3個星期內, 我就去o左2次旅行, 真係我咁大個人第一次去旅行去得咁密!!!

第一個trip係同一班好姊妹一行5人4天台南之旅, 第二個trip就係同老公子o既5天上海世博之旅!!!

台南之旅暫且唔寫住, 都係寫o左同老公子新鮮熱辣o既世博之旅先!!!!

加油!!!

yahoo甜蜜婚照比賽

睇到blog友小藍o既blog知道yahoo有婚照比賽, 雖然拍婚照都己經係超過2年前o既事, 不過貪得意都係參加o左!!!揀相時順便睇番d婚照...原來我以前咁瘦咁白...而家婚後肥晒兼一直曬得黑黑仲未白番...haha!!!!

http://hk.promotions.yahoo.com/wedding2010//gallery-details.html?id=301&page=1

 

大姐會七年之約大成功!!!

7年前某年某月某日, 十位無知少女o係某大學宿舍房間內約定:

7年後9月第二個星期六o係廸廸尼門口等!!!

7年後9月第二個星期六:

雖然前一晚紅雨, 但總算天公造美, 我o地到達廸廸尼時只係落好細雨咋!!!

因為天雨關係, 大家改去disneyland hotel high tea!!!環境好靚呀!!!

wow~~~

好可愛o既米奇茄汁!!

High完tea, 係時候趕番出去巿區探謝大姐, 離去前當然要係廸廸尼大門前留影啦!!!

作狀扮路人!!!

鍾大姐(右一)扮講電話最自然!!其餘...haha, 演技有待改進!!

夜晚七點半, 大家去探謝大姐, 好開心見到佢精神唔錯, 我o地show o左唔少相俾佢睇, 大家都笑得好開心!!!

之後大家去食晚飯, 味道唔錯!!!

今日節目真係好豐富, 大姐會七年之約, 雖然有大姐未能出席, 但我深信大家o既心係在一起的!!!!

謝大姐, 你要加油呀, 大姐們幾時都係你身邊o架!!!!

祝各位準媽媽身體健康!!!

最近身邊兩位好朋友兼準媽媽都因為陀住BB身體唔好而辭職, 其中一位仲嚴重到要入院, 知道呢個消息真係好唔開心亦好擔心, 希望好友身體快D好番, 大人小朋友都健健康康!!!

回味

回來兩天了, 還是很回味跟另外4位女旅伴瘋狂大笑的台南之旅!!!

尋晚俾D相老公子睇, 邊睇邊講番旅程中o既笑話, 實在太回味...

==========================================================

前晚番到香港屋企已經十二點, 一打開門其實已經聞到好香, 但我一直唔為意, 直到老公子叫我入廚房我先望到...

原來係我等o左好多年o既老公子愛心粥!!!

仲有超巨芒果同蘋果添!!!

好感動呀, 我忍唔住邊食邊大讚(仲有少少眼濕濕), 煲粥真係好好味(仲要因為老公子落得太少水, 變成我最鍾意o既爛bet bet粥!!!), 我到而家都仲好記得...好回味!!!

多謝老公子!!!