Our 10 Years mini-photobook 整好喇!!

收到喇收到喇!!由confirm order到今日收到剛好兩星期(製作要十個工作天,好準時!),不過自上次簽名布事件後,我今次都唔敢太大期望,結果Our 10 Years mini-photobook o既成品造出o黎算係剛合格啦!!!

邊位: 由於我所有排版都注重對稱,d字又放得近邊位,雖然我已經跟住大陸公司提示,唔好將d字放o係邊位5mm以內,而大陸公司職員亦已過目,但最後都係出事!!!大部份內頁o既字,特別係相簿上方同左右兩邊o既字,全部都cut o左一半甚至有d係成個字唔見晒...排版幾靚都無用,出到o黎唔對稱,點都無原本咁美觀!!!

真係一大敗筆!!!大家可以睇到上面被cut o既字其實寫咩嗎??

色差: 色差方面,其實都好貼近,只係稍微偏黃,不過我好明白電腦睇同印出o黎真係會唔同,所以我都OK,最緊要佢只係偏少少,睇落其實覺得好自然,無咩問題!!!

我影得差o左少少,圖片比我影o既清,不過顏色當然無原裝電腦設計咁sharp啦!!

封面!

封底!

成品同我o既設計圖顏色只係有少許偏差,可以接受!!

質料: 成本相簿印刷當算OK,內頁是黑色PVC,依我要求不做燙邊,very good,而且PVC好輕,唔錯!!!

PVC頁,為襯番我內頁o既黑調,特地要求用黑色,我諗佢o地都應該有白色!!

價錢: 6"X6"雜誌相冊盛惠約$138港元!!其中$34幾係運費,我屋企人知道後都話幾平!!

總括o黎講,我無咩期望,而且今次主要係試驗性質,雖然好多字都cut走o左,一睇就睇到有d礙眼,但作為一本小小十年紀念相簿,我覺得無咩所謂,因為我同honey呢十年o既變化先係重點!!不過,由於我打算繼續幫襯佢做埋十二寸婚紗相簿,而我o既排版又係著重對稱o既多,雖然婚紗相簿唔會有字,但佢cut走我d對稱位始終無咩意思,睇怕我要再執一執先再send去整!!!

如果想知更多,大家可以去'透明顏料工作室'網站了解!!

我其實都係o係esdlife度見到有JM話二百幾蚊整相冊,好抵,所以PM了解,結果位JM就介紹o左呢間係淘寶網上面o既透明顏料工作室俾我,佢個網上面有晒各類相簿o既尺寸同價錢,唔清楚仲可以add佢msn向客服許小姐查詢,大家知我自己design一定問題多多,但佢都好有耐性!!

雖然我本相冊最終都出現chop走字o既問題,但整體上我都幾滿意o既,最緊要價錢實惠呢!!!大家想整相冊都可以去佢o地網頁了解一下!!!!

行珠寶展!!

我有位'老'朋友係做珠寶出口生意o既,佢成日話我知我用'友情價'幫佢買o既價錢係巿面o既三分一!!!

正喎,三分一!!...我就真係想!!我煩o左佢差唔多成年,佢又煩我又煩,雖然我今日都有幫佢買o左對耳環,但我覺得買得唔係太開心!!

點解咁講??因為佢公司唔係做零售,問佢拎款睇簡直係無可能,因為佢有o既款實在太多,好啦,咁我就係巿面影俾佢叫佢係廠搵類似款啦,不過佢搵到o既又只係得圖片(等佢搵圖片又係好麻煩,因為佢成日要出trip去世界各地擺exhibition!!而我有時又唔想成日煩到佢!!)問佢有無現貨,又會話無,無o既話要特登為我訂造價錢又唔會太平...噢...咁即係點?

好簡單,即係我根本無辨法睇到佢公司o既貨!!但而家講緊要鑽石嘛,唔通我睇都無睇過現貨就大拿拿幾錢幾萬咁買咩...所以經過呢大半年角力,我一直都無機會幫襯到佢!!

好喇,終於等到今日珠寶展喇,佢公司都有份擺,所以我今日大約一點就帶埋我御用stylist 媽咪同honey出去睇!!!

終於睇到佢公司d現貨喇...噢...好失望,因為全部都係碎鑽,仲要可能d款o岩歐洲人啦,講真,無幾多睇得上眼!!!佢解釋係因為每年得十二月呢個珠寶展先俾公眾入場,所以呢個珠寶展唔似之前九月o個d大型,同埋只會擺d好舊款出o黎,所以先做到報紙所講咁,價錢係出面三分之一!!!

噢,得舊款,咁你又叫我睇??總之,由頭到尾,我其實覺得佢無咩'心'去幫我用平價錢買佢d靚o野...

咁如果我through佢買一卡咁大粒呢??會唔會都係三分一價錢??...你就想!!!!!

因為巿場對呢d大粒o既石大約都有一個定價,所以咁大粒o既佢就唔會平到俾我,要平最多都係收齊頭,亦即係平得一二百...噢...

好失望,但我煩o左佢咁耐,認識佢廿年喇,佢真係我心目中一位好重要o既'朋友',雖然而家感情麻麻,但始終我都煩o左佢咁耐,所以又唔好意思唔買,結果,我o地辛辛苦苦揀到對耳環,個款都幾OK o既,wedding時戴都算得體,平時亦買到,不過講真,如果呢款耳環係放係出面d舖頭,我未必會買!!!

我同honey同媽再行埋其他舖,有d舖都有d大型d o既,不過都係o個句,要大粒o既話價錢其實同出面分別唔大,如果係碎鑽款,我媽又話唔保值唔得體,OK...嫁妝係佢買,佢話事!!!不過,經過兩個鐘有多左睇右睇,我o地發現要wedding時得體但又要之後出街戴得番真係無咩可能平衡,所以最後都無其他收獲喇!!!

番屋企拎對耳環出o黎睇,點解唔多閃o既??唔通係鑲o既問題??唯有自我安慰出面同一樣咁大對o既耳環至少過萬啦...哈哈...!!!!

大家睇,'老'朋友嫁時o既排場幾勁,好似台慶咁,真係好sharp好靚,最重要係佢可以免費戴呀,因為間公司係佢家族生意咁滯,所以佢可以拎出show 用o既最靚款式呢!!!

大家睇右下角o個排勁o野,佢話同佢買價值五萬咋,講真,咁大排出面賣廿萬我都信,對比o黎講五萬銀可以咁'得體'真係好'抵'!!!!我尋日係o係佢o個度都睇到一條類似o既,d石疏少少,但都差唔多咁粗o架,唔使四萬蚊,但都係o個句,戴完一晚之後點呢?放o係保險箱??

算啦,都係唔好妄想太多喇,哈哈!!!

=====================================================

行完珠寶展都差唔多四點,之後我同honey再落駱克道睇整'東東'o既舖頭,終於又落o左訂,不過今次我小心o左之餘都feel到今次間舖比上次o個間pro好多,俾到我信心!!雖然而家個價錢比上次貴成倍有多(我今次整大o左件東東),但我諗係值o既,期待見到今次製成品!!

夜晚honey去o左迫入深水土步電腦展,我就約o左班好姊妹開生日會,搞到成十二點幾先番到屋企,出o左街超過十三小時,真係好支力呢!!!

Besstty生日會!!

今日朝早忙完一輪後五點幾係灣仔,距離夜晚大姐會生日仲有兩個鐘,但我又已經支力支力o地,都唔知一個人點Hea呢兩個鐘,所以我最後決定番中大join仙廸影畢業相,雖然我都知一來一回已經兩小時,但好過我一個人係出面呆等嘛!!!

入到中大天都黑齊喇,仙廸,Chris,茄雲同Besstty仲係山上面,咁我就車站度等,嘩,今朝係巿區明明幾熱o架,仲以為自己著多o左衫,估唔到中大咁凍!!

六點幾,佢o岩落山join我再一齊去荷花池影夜景,擺住d高難度動作去攞景之餘仲要手定定影,辛苦晒Chris呢,哈哈!!由於我遲join,所以只影o左好少騎尼相,睇見佢o地'忘我'o既'American's Next Top Model'相我都好想影,因為實在太正喇!!!

八點幾出到TST老飯店,今晚有八位大姐加兩位猛男,今晚茶餘飯後話題係金融海潚,人大o左講o既話題真係唔同以前!! 傾傾傾食食食,又到送禮物時間,今次PIC呼之欲出(因為得番三位,太易估!),所以唔使估,由毛毛娜送生日禮物俾兩位壽星Bessty,兩份都係化妝品xmas set,好靚呀!!

十一點離開飯店,我o地就去栢麗影夜景,不過影得一陣就熄燈喇,可惜!!當大家都預備走時忽然間'喂~',原來係茄雲呀,佢影完畢業相後先走,因為另外約o左friend食飯,估唔到咁又撞番,於是大家又o係路中心影影影,影o左好耐呢,哈哈!!

Confirm Honeymoon機票!!

經過約兩個星期o既資料搜集,前後問o左三間Agent(一間無覆我查詢),今日我終於confirm機票喇,總算鬆一口氣!!由於成個過程我完全感受到平機位好快爆,所以我係呢度都奉勸各位honeymoon想o係暑假去歐洲o既要盡快搵機位喇!!

Agency	Flight		From	To	Ticket	Fuel + Tax	停留費	Total
15/11:
A	Swiss Airline	HKG->ZURICH->ATHENS ATHENS->ZURICH ZURICH->HKG	25/06/2009	N/A	$6,530	$3,000	Free	$9,530
29/11:
A	Swiss Airline	HKG->ZURICH->ATHENS ATHENS->ZURICH ZURICH->HKG	27/06/2009	N/A	$6,530	$3,000	Free	$9,530
B	Swiss Airline	HKG->ZURICH->ATHENS ATHENS->ZURICH ZURICH->HKG	27/06/2009	10/07/2009	$8,700	$2,000	Free	$10,700
B	Qatar Airline	HKG->DOHA->ATHENS GENEVA->DOHA->HKG	27/06/2009	10/07/2009	$5,400	$2,000	Free	$7,400
	Olympic Airline	ATHENS->MILAN	02/07/2009	02/07/2009			Free	$1,200
	Olympic Airline	SANTORINI->ATHENS	02/07/2009	02/07/2009	$550	$300	Free	$830
1/12:
A	Swiss Airline	HKG->ZURICH->ATHENS ATHENS->ZURICH ZURICH->HKG	27/06/2009	09/07/2009	$7,415	$2,500	$1,000	$10,915
B	Qatar Airline	HKG->DOHA->ATHENS GENEVA->DOHA->HKG	26/06/2009	10/07/2009	$5,400	$1,500	Free	$6,900
	Olympic Airline	ATHENS->MILAN	02/07/2009	02/07/2009			Free	$1,200
	Olympic Airline	SANTORINI->ATHENS	02/07/2009	02/07/2009	$550	$300	Free	$830
自己	Aegean Airline	SANTORINI->ATHENS ATHENS->MILAN	02/07/2009	02/07/2009				$1,000

就咁睇個表,相信大家都唔知係咩,等我解釋一下!!

15/11

去o左旅社A,好基本咁問o左六月尾(我無指明日子,但佢話六月尾仲有位!!)去希臘+瑞士大約幾錢,仲同旅行社高層傾o左三個鐘計,OK,機票接近一萬,但唔使轉o黎轉去!!

29/11

我同honey親自上旅社B查詢,除瑞航外,佢仲提供o左坐卡塔爾航空去瑞士+希臘o既方法,不過來回就要係Doha轉機,而由Athens上Swiss o既內陸機就已經無晒位,得番由Athens去Milan,雖然麻煩d,但成程加埋比坐瑞航平約千五!!下午我再打去旅社A問多次,機票同第一次問一樣價錢!!

直到呢一刻,我仲係覺得瑞航係first choice,價錢差千幾,但我唔使轉o黎轉去,亦唔使無端端過o左意大利,見旅社A瑞航價錢平過旅社B,於是我決定盡快去旅社A confirm機位!!

1/12

Lunch我打o左成個鐘電話,再一次打去旅社A明確咁問我26/6出發10/7番到HK o既瑞航價錢,心諗今日開始減燃油附加費喎,應該9千頭可以成行,OK呀!!點知晴天霹靂,成個7月由1號至20號都無晒回程$6530隻機票,10號o既話得番9千幾,早一日9號就有8千3,算最平,亦即係話平均機票要由$6530變成$7400!!!

聽到呢度,我個心已經涼o左截,OK...燃油附加費平番d嘛...唯有自我安慰!!

點知...旅社A話我知停瑞士玩要加多每人$1000停留費!!

o下???????

我無聽錯嘛??我之前問過幾次係咪免費,職員都話係o架喎!!我打去旅社B問,職員答係免費,最多稅項o個度可能貴少少咁多!!OK...於是我又打去旅社A再叫佢check清楚,結果原來係瑞航6千幾至8千幾o既機票先要俾$1000停留費!!!

即係話,要坐瑞航,加加埋埋要俾萬一蚊一個人!!!!!!

呢一刻我心情極down,因為我本來係諗住confirm o架嘛,而家我又一次失去預算!!!!

之後,我成個下午係公司都無專心做o野,只係不斷check各大航空公司o既機票價錢同機位,我發現旅社B職員suggest o既原來真係有機位之中最好同最平o既方法去瑞士+希臘!!

放工,我打去旅社B再問清楚佢suggest o既航線價錢同減燃油費後o既價格,原來去程得番26號凌晨,再好detail咁問我係米蘭上番瑞士o既時間,價錢同方法!!!

夜晚,同honey研究(其實係我將我分析o既資料話佢知先o岩!),好,既然由米蘭上瑞士都係三四個鐘,價錢平瑞航一大截,而我又上網搵到比旅社B suggest更平o既內陸機由Athens上米蘭,一於決定幫襯旅社B!!至於日子方面,既然要早一日出發去14日同早一日出發去15日我都係要請五日no pay leave,一於stay多日追番去o左意大利o既時間啦!!

2/12

上午一到十點即打去旅社B confirm機票,因為經過呢兩星期查詢,我完全feel到去希臘o既平機位有幾爆,我唔想再因為我遲行動而無晒平機位!!

終於,我下午收到旅社B Confirmation Email,心急o既我今日即做full payment,深夜仲上網book埋程內陸機(Touch wood講句,希望呢間無咁大o既航空公司可以頂得住金融海siu),真係有一身鬆o既感覺!!

而家,我o既honeymoon鐵定為:

日期: 26/06/2009 - 10/07/2009 (到HK時間係11號)
地點: 希臘 + 瑞士 + 米蘭(途經)
機票總費: $5330(Qatar機票)+1355(Qatar Fuel Charge + Tax)+1000 (內陸機連稅)=HKD 7,685!!!

比原本瑞航平好多呢,真係喜出望外呢!!!

P.S. 旅社B係出名專做歐洲自己行o個間,之前睇blog都成日見人讚,估唔到d職員真係好pro,好似是但問佢歐洲任可兩個地方佢都可以好快答到你可以點去,幾錢,幾耐時間之類,勁呀,大家想去歐遊o既絕對推介!!!至於旅社A,佢o地其實都OK,但好明顯佢o地唔熟希臘,所以去最common o既d歐洲大國先搵旅社A啦!!

鳴謝: Honeymoon機票總算有著落,係呢度真係好多謝blog友Mabel同好友珍妮俾o左好多有用information我,佢o地俾晒手上搵到o既料俾我,甚至幫我online check埋火車時間,真係好感激,再係度講多次麻煩晒!!

會笑o既天空

我尋日都見到訓低o左o既新月上面有兩粒好光好光o既星呀,但當時竟然無聯想到佢o地砌o左個笑樣出o黎喎,只係覺得點解兩粒星咁近月亮都可以光成咁咋!!

睇到仙廸o既相,好卡娃依呢!!