一年之後

今日Lunch同我honey食,我O地去O左食珊瑚堡,OK啦,但都係貴少少!!不過我好開心可以同honey食lunch!!

下午我要番學呀,真係好唔想好唔想番學呀,人o地HKU平時遲過CU完學期o既都上完堂啦,有乜理由我仲要番埋下星期喎!!!...不過好彩,今日個lecturer早放o左,我o地於是襯有時間就傾下星期交個project同present,咁就唔使再約出o黎開會,太好喇!!我要係星期三番工之前清o左d功課先得,因為我番工後夜晚仲要做而家公司個part-time,到時實好忙lu!!!

我o地係課室開project會o既時候我o地o既師兄師姐入o左課室影畢業相呀!我今日先知道我o地件袍原來係青色領邊加紫色手袖邊,比我想像中靚呢!!一年之後我都會好似佢o地咁係中大校園影畢業相喇,雖然我對中大無乜歸屬感,不過係CU影同係HKU始終係兩種唔同o既味道,唔同o既回憶,唔知一年後o既我又會做緊乜呢...?????!!!!

 

夜晚睇報紙睇到大埔跳樓死o左o個對小情人o既患癌母親好堅強,仲打算番學校同師生分享佢o既感受勉勵其他人,我覺得佢好偉大,我睇到眼濕濕...小情人選擇o左行呢條路真係好可惜,我希望身邊關心佢o地o既人能夠堅強面對...

如果．愛

今日終於'的'起心肝跑步喇,無跑三日,真係吃力O左少少!!!今日好開心呀,因為我收到電話叫我下星期三番TEMP O個份工呀,雖然我而家仲有功課要做,下星期full-time番工後仲要番屋企做最少三個鐘part-time,我已經想像到我會好忙,但temp o者,唔使困身同太上心,我諗我應該handle到,加油加油Fighting!!!!!

下午六點半我出O左沙田陪我HONEY,我本來諗住帶佢去禾輋食好好味O既大排檔,但HONEY太支力喇,又拎住好多O野,所以最終無去到!!不過都好,我O地去O左睇

<<如果．愛>>呢!!!!我O地得半個鐘食O野,仲要去O左太興咁遠,好趕先O岩O岩好趕得切開場!!

套戲開頭我覺得有D悶,劇情太慢,歌舞場面亦唔係我想像中咁多,但無論係戲入面O既真實世界定係戲中戲O既結局都好好,特別係戲中戲O個段,俾到我'唯美'O既感覺!!四位主角我覺得周迅做得最好,佢隻眼幾精靈,雖然皮膚差D,但有時都幾清幾得人鍾意,尾場流漏O既場面演得好好!!金城武就好怪,成套戲成日著住睡袍游水,有少少鬼片feel!!張學友唱歌當然最好聽啦,我番到屋企都成日諗起佢唱O個D歌,但我覺得佢眼神有時太'狠',好似過O左火!!池珍熙呢??噢,如果唔係我之前睇過報紙話佢係個'天使'我真係唔知佢個角色係乜,點解套戲無交代O既??至於歌舞,我就最鍾意周迅由鄰家女孩變做明星O個段,一定要上網搵番首歌叫咩名先得!!!

要保持身心健康呀!!

今日第三日無跑步喇,聽日一定要跑番,我唔可以俾自己懶落去!其實

健康真係好緊要O架,如果而家唔令自己健康,再遲先知健康重要時就要用多幾倍時間同心機先可以推持健康,莫講話要改善身體狀況,所以我應該好好把握而家可以朝早跑步呢種'幸福'先得!!!!

下午同媽媽去O左食蔡潤記,今日d牛腩同牛肚絕對可以用'軟綿綿'o黎形容,好正!!!

帽

今日陪媽媽去O左又一城行街街,此行目的主要都係睇O下有無靚靚頸巾買,但其實我始終都係想買一頂靚帽多D!!!

本來我O地係OPA睇中O左條二百蚊O既白色頸巾,都幾靚O既,但我覺得都係貴O左少少...所以我諗住再行O下先算!!!之後我O地去O左LOGON,入到去,我又忍唔住去睇我尋日睇中O個頂硬質地O既啡色帽,來來回回試O左成半個鐘都有喇,試到個頭髮都亂晒,結果我睇中三頂!!!!

第一頂最平,唔使二百蚊,但係係冷帽O黎O既,白色有D花花圖案,好有聖誕FEEL,但我媽話似玩具,靚就靚喇,但就唔多'襟'睇!!第二頂就係硬質地啡色帽,呢個個換幾斯文,而且係街都好少見呢種'硬'帽,比較特別,但就貴第一頂一百大元!!最後就係一頂黑色帽,呢頂比較平實大方,又'襟'睇,個款又幾斯文,價錢最貴,但亦係咁多頂之中最靚O既!!!

...結果...我掙扎O左一段時間,最終決定為O左心頭愛'豪'O左三百三十大元得到呢頂靚帽帽,好開心呀!!離開LOGON時我竟然撞到尋晚先同佢'反'完O既BESS,我忍唔住即刻戴頂帽俾佢睇,佢都話靚呢!!好彩我無買頸巾O者,唔係再買埋帽我實肉赤死!!!

我發覺我好似愛上O左帽帽,希望自己唔會瘋狂買太多帽啦!!!

孖B生日會

哈哈,實在太凍喇

,我最終今朝都係無勇氣出街跑步呢!!

由於尋晚我O地仲有份禮物未買到,所以今日lunch我同媽咪出O左沙田,開頭以為我一早睇中O既O野賣晒,好彩最終都搵到,而我都順便試O左D帽,其中有一頂係硬O架,我覺得戴O左都幾好睇,但成$280呀,好貴呢,不過我走O左後都仲成日諗住頂帽呀,好想好想擁有佢!!!

大約六點半,我出O左尖沙咀會BETTY,之後BESS,REBEC都陸續到達,我好大頭蝦呀,首先係記錯O左BETTY生日,以為今日係正日,點知係尋日...而我見到BESS時又賴醒叫佢幫我拎O野,但其實佢係主角之一呀,我有咩理由要佢幫我拎佢自己D禮物,哈哈!!!!今次我O地去食四川O野,間O野都幾遠,搵O左好一陣先搵到,不過入面裝修都幾別緻呢!!!本來今晚可以集齊十個O架,但可惜EMILY最終要OT O黎唔到,好慘慘呀,不過無法啦!!!我O地等埋CLOK大約九點先開始食O野,呢度D O野食都幾好味呀,樣樣都好惹味,我又忍唔到口食O左好多!!!CINDY考完試,都好快咁O黎到,我O地仲猛叫佢食O野,好似佢係'味皇',要續樣試食評分咁!!!講開'味皇',我O地就諗起'伙頭智多星'O個D騎尼場面,好似個人會變大啦,火山爆發啦,勁搞笑!!!食完O野之後當然係食'甜品'啦,兩位主角BESS同BETTY就係二胡拉出O既生日歌下切生日蛋榚喇!!!食完蛋榚當然係送禮物啦,BESS O既係香水,而BETTY就係'PEI'肩,佢O地都似乎好鍾意份禮物呀,實在太好喇!!!之後,CLOK無端端問'白雪蘋果'O既故事,咁'Q'KAREN O岩O岩睇完,大家於是勁興奮咁回味番住HALL O既生活,諗起CLOK個'MEI'鏡LOOK,仲有阿BESS講佢做...O個個角色...哈哈哈...好爆笑,我諗大家都好耐無試過食飯食得咁開心咁開懷喇,真係好珍惜同大家一齊O既時刻呢!!!!