老公子尋日成日都剋住我...
1. 一朝就整到我部電腦上唔到網,今朝要搵朋友幫手先整番好!!
2. 夜晚約o左老爺奶奶打邊爐,臨出門口時打爛o左結婚時o既水晶名座,仲一氣撞崩埋我廿幾年o黎無穿無爛o既寶貝鋼琴!!!呢下真係傷心死我,搞到我當場痛哭...最慘係...佢係無心,我又唔可以怪佢,除o左喊,我都唔知可以做咩...
3. 打邊爐時又老公打瀉我碟醬油搞到我成台都係,好彩無整污漕我個人咋!!
4. 老公好心夾o左一舊水餃我食,點知入面仲好生,d肉紅卜卜!!
唉...話老公尋日唔係剋住我都唔信...受傷o既我決定要將佢尋日d惡行寫上blog!!可惡!!
今日CX終於同我傾續contract o既事喇!!
雖然我都好開心佢o地肯同我續,但佢地手頭上咩info都無,大老細只係套料形式咁問我有咩要求有咩request...係人都想要perm位啦,但無可能嘛~~問番大老細過渡唔到新structure o既perm staff都會跌落一個resource pool, promise到明年中至尾唔會俾人郁, 咁我續contract其實係咪等同係個resource pool佢又答唔到,續到一年之後仲有無機會續又唔知...咁大uncertainty,雖然我新工都係得三四個月貨仔,但只少我有個變perm o既希望嘛!!
婉距o左大老細(當然,我有留後路俾自己,就係話我新工得3-4個月,到時新工唔續我再考慮呢度都未前,橫掂呢度仲係咩都uncertain!),佢Lunch後又走埋o黎拍我膊頭玩confirm到extend o既話係1年contract(我心諗,咁咪仲好過跌落pool o個班perm囉?),又話其實新structure仲有d perm位,叫我consider...
哈哈,唔好當我係fresh grad喇,以前我或者會受tum,但而家醒目喇,剛剛d perm先為新structure o既perm位爭到頭崩額裂,你有perm位o者,但都唔會咁易到我apply成功啦!!!所以,我要不為所動,唔可以貪戀呢度o既'hea'!!!!
呢邊廂而家公司問我續contract, o個邊廂agent終於打o黎同我講新公司份約...
份約終於confirm,會係先簽三個月,到第三個月初時會confirm會唔會extend多一個月(即total 4個月),人工就比而家多400蚊一個月...(但到時車費比而家貴200左右...),唉,為左個perm chance,咁短contract都無獅子開大口,我係咪太仁慈??...(不過都係三個月o者...)
一切都有定案,下午有個同事(我老細個老公!!)走o黎同我吹水(其實係攞料吧!!),因為成team得我同佢係contract,佢都想知我去向如何!!我直接同佢講我搵到工,而佢就話俾我知佢未有著落,所以佢會續約CX....
呢個答案expected呢,其實唔少我熟o既同事都咁估~~因為由佢當初靠老婆關係入呢條team就知佢靠咩生存,而家佢老婆過渡到新structure,佢一日留係老婆身邊都可以靠人事靠關係搵到繼續留係呢間公司o既方法吧!!!
......
講講下我都唔知自己想講咩喇!!!總之今日個心硬係有D心大心細,明明做左決定硬係又貪戀放棄o個邊o既好處...而家,呢份工我雖然做左一年零三個月,但已經係我grad以來做得最長o既一份,份工咁'hea',真係令人唔捨得...
而家下星期一會去簽新約,一切落實,三四個月後先再煩搵工啦!!!講到呢度先!!!wish me good luck!!
11月17號係我舅父同舅母結婚o既大日子,亦係我呢位靚舅母o既生日,雙囍臨門,恭喜恭喜!!!
舅父結婚咁大件事,我當然要出席啦,所以無年假o既我今日sick leave!!
手機set o左震機,結果我遲左半個鐘起身,呢日氣溫比尋日降左幾度,天寒地凍下快手快腳換好特登買o黎飲o既靚裙,化個靚妝,十點半會合爸媽出發!!
我地先去藍田接我婆婆,之後就去香港公園!!
去到遠遠望見舅父,佢今日好靚仔呀,一見面當然要講句恭喜啦!!我睇得出佢知到我請假出席仲好開心添呢!!之後,男女家兩邊家人齊齊去左一間叫L16 o既餐廳食lucnh(幾好味o架!!)!!
我地一行近30人坐4張台,哈哈,由於突腳,我竟然被安排到坐主家席,同舅父舅母同埋男家三大長老(婆婆,舅公,舅婆)一齊坐,我爸媽同親友都笑我'升le',飯後又問我有無'口臭'(怕我同三大長老無計傾!),哈哈,其實都OK呀,因為我舅父多野講,舅公舅婆精神又好胃好又好,大家不知食得幾開心...HAHA,當然,食剩o既難免要我呢個'最後生'o既清理!!!
Lunch後我地陪新人係香港公園影相,雖然今日天氣好凍,但新娘子話佢'OK',其實係公園內周圍走,我都覺得唔係想像中咁凍,或者女士都係愛靚唔愛命啦,我記得我去深圳影婚照都係得幾度,但咪又係唔怕,哈哈!!
影到兩點半,係時候去紅綿路註冊處喇,估唔到係平日呢度都係人頭湧湧,我當然襯機望下其他新娘其他姊妹係點啦...HAHA,不過,呢日都係我舅母最靚,嘻!!
十五分鐘註冊儀式,來去怱怱,老實講,唔算感動,但一樣充滿雙方親友o既祝福!!
影多陣大合照大家大約四點就番到去德藝會晚宴場地!!是晚開五圍,簡單招呼
雖然,舅父舅母o既婚禮:
無兄弟姊妹
無感動o既註冊儀式(you know...註冊處怱怱15分鐘趕頭趕命,註冊處職員又交行貨...)
無Decoration
無結婚相簿
無大排延席
但,係我心目中,舅父舅母o既婚姻係目前令我最感動o既,因為佢o地兩個走在一起,並唔容易!!...總之,
Natalie推介下,睇o左山下智久同長澤正美做o既<<求婚大作戰>>!!
睇完真係覺得好好睇,好感動,睇到喊不特止,仲令一向好少懷念中學生活o既我忽然懷念起中學生活...
故事講述男主角山下智久出席由細到大同佢青梅竹馬o既女主角長澤正美o既婚禮!!男主角後悔不已,好彩遇到精靈相助,多番回到過去,希望把握從前所錯過o既機會,勇敢向女主角表達心意,改變今日新娘結婚了,主角不是我的結局!!
故事主旨其實係想表達珍惜眼前人,把握現在,想做就去做以免令未來o既自己後悔o既意思!!呢個道理雖然人人都知,但知易行難,劇中男主角就係因為咁而錯過無數表達心意o既機會,眼白白睇住一直以為會留係身邊o既女主角跟別人拍拖、結婚!!
相信人人都有過後悔o既時候,我都唔例外!!不過好好彩,讀U時好姊妹Rebec同我講過,人生其實無咩事好後悔,因為o係做任何決定o既時候,你自己一定係做出自己當時認為最好o既決定!!無錯,無人可以預知未來,只要目前呢一刻盡力去做'最好'o既決定,便無需要後悔!!就係因為Rebec呢一番話,我想通o左好多,而家極少回望過去,對過去決定自怨自艾喇!!
講番套劇,呢套劇男主角山下智久o既情深亦係令人感動o既地方,劇集尾幾集都有唔少感動位令我喊o左出o黎!!!
其實今次我都係第一次睇山下智久同長澤正美o既日劇,長澤正美真係好清純好靚女,劇入面套婚紗同頸鍊都好靚,不過佢係套劇入面表現一般啦,或者因為套劇始終由男主角角度出發,女主角好少內心戲!!男主角山下智久由頭演到尾,戲份極重,雖然我硬係覺得佢對眼怪怪o地(我成日懷疑佢係咪戴左大眼con!!),但佢幾場喊戲都真係好感人,帶動到我,唔錯!!
呢套劇我俾十個推介!!!
官方網頁: http://www.fujitv.co.jp/propose/index2.html
我諗有唔少老友都知我而家做緊份'懶人工'將會12月31號contract end...
其實搵工我唔驚,最怕其實係無了期o既contract又contract...結左婚,無份穩定o既工作感覺實在唔好受!!而且,我亦要為未來兩三年內生B作準備,係咁contract落去,分分鐘有薪產假o既福利都無!!
所以...我下一份工極想搵份perm~!!!!!!!!!!!!!!!!!
不過,I.T.呢行要搵份perm真係越o黎越難,好似我今日收到個offer,只係3-4個月o既short contract!!!!!!!!!!!!
新工1月1番工(我估應該會變成1月4號吧...HR咁都唔為意1月1係公眾假期都有o既?),緊接我而家呢份,terms & condition仲未知,因為佢地thru agent 做呢個employment,我要等agent打俾我!
咁短contract又要thru agent請,其實我都真係有少少唔滿意,如果唔係識舊同事係入面做,知道呢間公司其實一直有個perm位,我諗我都未必會搏呢一舖!!!
多得舊同事通知,本來今年4月咁上下我曾經有機會in呢個perm位,點知金融海潚忽然美國總公司話要freeze o左個perm headcount,結果搞到我in都無得in...
事隔半年,由於公司有project,公司雖然調動人手去singapore,所以佢地急住請人o係HK幫手,結果,為o左呢個據聞經濟好番出年年尾有可能free 番出o黎o既headcount,我決定接受呢個offer!!!
俾著係你地,你地會唔會咁搏??萬一搏到公司真係開番個位,做生不如做熟,到時我咪有機會轉到perm囉????
其實我都知可能係我一廂情願,但perm-job難求,一試無妨吧??而且我又識人係入面做,份工又有機會成日同美國video conference 開會,有機會講多d英文都係好事吧?
上星期有同事話而家公司re-organize後o既新structure快落實,合約員工好似有d都有得續contract,叫我留意下!!雖然我都俾呢份工養懶晒,但再續又點?perm staff出年都有大部份被outsource,我再續約其實將來都只會係contract又contract吧??而且,老細都無出聲同我傾re-new contract,想繼續打'風流工', '懶人工'似乎無可能lu~~~
接左新offer,我o既失業期由今年12月31推到出年3或4月,出年如何唯有見步行步啦!!我已經盡晒力喇...
