去食'豬肚雞',其實係一大煲o既胡椒豬肚湯同雞,d雞麻麻啦,煮到好鞋,但大至上個湯係幾好味o既,至少佢平,又唔使次次同honey都係食小肥羊!!
埋單,意外就此發生!!執台位姐姐竟然將我打邊爐'畀'出o黎o個碟雞油倒o左落我個靚靚紫色袋度!!個姐姐不斷道謙不斷用濕布幫我抺袋,抺呀抺,當時我都有諗好唔好投訴,但最後都係無咁做,仲同佢講o左句'唔該'!
離開食店,我同honey都話個侍應姐姐一定好慶幸遇到我同honey,比著其他人一定投訴...之後我同honey再討論番件事,回想當時情境,其實我o地未埋單,真係可以屈佢free我o地,但侍應姐姐亦可能要因此扣人工...所以,結論都係一樣,如果再發生多次,我諗我同honey都係唔會出聲!!
最後,個袋都係洗唔番,要掉o左佢...唯有當自己唔好彩!!
髮型: All back髮髻,簡潔醒神!!其實佢面部輪廓咁sharp,佢梳起晒d頭髮真係好好睇!!
化妝: 深啡smoky eyes!影相出o黎幾好睇,不過我睇電視訪問時就覺得個妝好似唔太精神,可能係Kelly忙o左成日本身有d支力啦...anyway,我覺得佢呢個妝唔係佢最靚o既妝,我諗應該可以再化靚d佢!!!
首飾: 我同媽都以為佢屋企開珠寶店,又有金至尊贊助,實有好多鑽飾睇,點知o岩o岩相反,佢成晚d首飾都唔多,好簡單!!!好似佢先後著o左兩套婚妙同一套火紅晚裝,三套衫佢都無戴頸鍊,而耳環同戒子都係最簡單o既一粒款(不過超大粒!!哈哈!!),就算佢著火紅晚裝時戴o既龍鳳金飾都係一兩對,總之就好plain好簡約!!不過三套衫都唔戴頸鍊好似又簡約得滯,我個人覺得可以配條幼身鑽鍊可能更好!!!
WG & EG: 一個字:靚!!!!Kelly身型咁fit,又高,真係著咩都好好睇!婚紗五十尺長拖尾佈滿999朵牡丹,好震憾但又唔覺好累'聚',真係好靚!!至於紅色EG簡直靚到'wow'一聲,我honey話覺得隻紅色好sharp好靚,好似法拉利o個隻紅咁喎!!!
禮服: Alex o既禮服都好簡單,不過簡單得o黎又有d特別,因為佢唔係成套白色o架,褲係黑色,仲有條白黑間...(怪怪,有d似運動褲)唔似general結婚咁白色禮服就全白,白色就全黑!!哈哈,白襯黑又幾特別...不過我諗我都係鍾意全黑或全白多d!!!
兄弟姊妹衫: 兄弟就睇唔到,不過睇電視見到d姊妹著銀灰色姊妹裙,都幾grand幾靚呀!!而伴娘仲戴o左頂帽添,好突出!!!
花球: 白色花球,清雅!!
場地布置: 雖然睇唔到場內係點布置,只聽描述話Kelly用o左紫色水晶布置,但我估都係以簡單為主,好似樓梯佢只得兩條大花柱而無係扶手位圍花就知!!!
Wedding Cake: 真係好簡單o既款式,哈哈,而家睇圖先見到,最頂o個舊好似好得易咁呢!!!
雖然個wedding無o左一份'華麗'o既感覺,但就令人好有親切感,就好似Kelly本身係娛樂圈出汙泥而不染一樣,簡單但係耀目!!!華麗又好,簡單又好,恭喜Kelly嫁到如意郎君,擁有自己最喜愛o既Wedding,祝你倆白頭到老,快d生隊足球隊出o黎!!!
尋日去o左沙田拜太婆,之後食o野再行玩具反斗城買Holloween裝飾品!!!嘩,都唔知自己有無十年無入過去囉,以前le間玩具反斗城係我三兄弟姊妹最愛o既'蒲'點',入面大到不得了,要行好遠先到細lo o既最愛lego同埋我同我妹最愛o既Barbie corner o架!!!...而家,間舖細o左好多喇,仲用晒白白灰灰o既燈,成個feel好'up dup',好似就執咁...!!!
行到賣Barbie o個個櫃...而家得番一角仔賣Barbie咋,仲記得以前係成條巷都係Barbie o架,只係配件都多到不得了,估唔到而家得番一角仔!!!仲要d Barbie好大面好醜樣,又無一件件衫賣,似乎而家d細路女唔再鍾意玩Barbie,搞到Barbie好似就執咁...真係好掛住以前同我妹成日去玩具反斗城幫Barbie揀靚衫o既日子!!!
行完反斗城再去o左一田個超巿買我最love o既冬陰公湯湯包,lum起夜晚o個餐都流口水!!是日一shop就shop到三點,行到好支力呢!!
=====================================================
今日,又捉o左媽咪陪我出旺角,今次唔係shopping,而係去花墟睇花,嘩,雖然係假,但好多絲花都好靚呀,真係好想買o黎DIY...不過問過^.^,佢話大陸雖然少款,但幾蚊一扎呀,le度幾十蚊先一扎,價錢實在差太遠喇,等我之後上大陸搵,真係唔o岩先番o黎買啦!!!!!
之後我媽番屋企先,我就一個人行去深水埗德祥睇o下呢度有咩東東,雖然我咩都無買,但都有d概念有咩可以買,yeah!!!
同媽咪shopping o既呢兩日,我發現我買o野真係好保守,好多時都要做足research先會買,仲要一定要有我最信得過o既honey支持我買我先夠膽買呢!!!
尋日去o左沙田拜太婆,之後食o野再行玩具反斗城買Holloween裝飾品!!!嘩,都唔知自己有無十年無入過去囉,以前le間玩具反斗城係我三兄弟姊妹最愛o既'蒲'點',入面大到不得了,要行好遠先到細lo o既最愛lego同埋我同我妹最愛o既Barbie corner o架!!!...而家,間舖細o左好多喇,仲用晒白白灰灰o既燈,成個feel好'up dup',好似就執咁...!!!
行到賣Barbie o個個櫃...而家得番一角仔賣Barbie咋,仲記得以前係成條巷都係Barbie o架,只係配件都多到不得了,估唔到而家得番一角仔!!!仲要d Barbie好大面好醜樣,又無一件件衫賣,似乎而家d細路女唔再鍾意玩Barbie,搞到Barbie好似就執咁...真係好掛住以前同我妹成日去玩具反斗城幫Barbie揀靚衫o既日子!!!
行完反斗城再去o左一田個超巿買我最love o既冬陰公湯湯包,lum起夜晚o個餐都流口水!!是日一shop就shop到三點,行到好支力le!!
今日,又捉o左媽咪陪我出旺角,今次唔係shopping,而係去花墟睇花,嘩,雖然係假,但好多都好靚呀,價錢仲唔平tim!!!
尋日我一個人整o左頭先,下午又出o左灣仔,之後再入去MegaBox搵friend食飯,雖然成日都係自己一個活動,但由於行動迅捷,睇o左唔少o野!!!
灣仔: 搵趟門/玻璃,見到都有幾間專造玻璃,拎o左d資料,大約了解o既價錢!!
MegaBox: 去o左Spotlight同B&Q, Spotlight真係好多濕星o野,好o岩係入面搵decoration用料,good,不過我咩都無買,只係影o左少少相,特別係價錢牌,做個reference!!之後就行B&Q,原來而家B&Q多o左少少家品,我仲見到都幾好樣o既簿身鞋櫃le,價錢又唔貴,good!!另外,有幾隻地磚d色都唔錯,不過唔知佢係咪都係大陸磚???anyway,我又係影o左d相,遲d等honey得閒再一齊睇!!!
====================================================
今日國慶我o地又出動,今日去o左MK!!食完o野我o地先去上海街,不過今次唔係睇磚,而係睇走廊燈,原來有d燈都幾'的sik' o架,不過就一定用唔多省電膽...um...要靚定係節能好le...一向環保o既我睇o黎都係揀後者...不過真係好唔捨得d靚款燈仔le!!!而家我同honey都有大約idea要咩燈仔喇,得閒要上大陸睇埋先!!!
之後我o地就搵玻璃店,不斷問人下先得MK執淨一間咋,仲要今日唔開,所以我同honey兜o左好大個圈le!!!
最後我o地就上新世紀睇傢俬,honey話佢老細最近屋企裝修係幫襯le度其中一間le,於是去望o下...不過同我o地之前睇差唔多,無咩驚喜,而且le度太少舖,所以我o地都無問訂衣櫃d資料!!!要繼續努力!!
