兩姊弟

One to Ten

餅印爸爸

20130422:

Kobe仔間中有D樣會令我諗起Koey細個, 本來諗住搵番Koey細個對照o下, 點知一對, 兩個B原來都幾唔同!!!


左: Koey@day5; 右: Kobe@day5

眼: 明顯唔同
面形: 完全唔同
鼻: 好似唔同
嘴: 好似唔同

睇o黎Koey係餅印媽咪, Kobe仔就係餅印爸爸呢, HAHA!!

Kobe仔生產記

16/4

又產檢!! 一切正常, 仲係0腳腫...磅重134磅, 比2星期前輕o左0.4kg, 就係呢0.4kg搞到我要見埋醫生先走得, 足足o係健康院留o左2個鐘!!! 不過, 醫生同姑娘都話我個肚唔係細喎, 應該BB出世都會係中碼size, 係就good喇!!!

最後, 今次真係最後一次產檢喇, 因為今日係政府o既預產期, 下星期今日仲未有signal就要入院催生喇!!

17/4

尋日先話緊仲未生一星期後就要催生, 點知今朝一早就見紅喇!! 由於未有陣痛, 所以都唔太緊張, 通知o左爸媽同老公子就o係屋企等痛, 點知等到下午都無咩痛, 但就怕第二胎生得快, 下午4點幾老公子都係陪我入院!

去到醫院4點幾, 我o地仲嘆o左個炸雞tea先去產前房登記!!

因為就到5點半探病時間, 所以老公子可以一直陪到我7點半先走...不過呢, 可能我又唔多痛, 我又唔係第一次入產前房, 兩公婆坐o係度都無咩o野想傾, 有D相對無言o既感覺, 係到老公子要走喇, 我意會到我真係又要一個人面對十級陣痛, o個種恐懼令我忍唔住嘴扁扁眼紅紅, 喊到引起姑娘注要, 要勞煩佢同對面床位產婦同我傾計安慰我, 我先慢慢心情平伏番!!!

夜晚, 陣痛開始明顯少少, 不過好疏, 成10幾分鐘先一次, 仲要只係比M痛少少...對面床位產婦已經開始比較痛喇, 我都應該係半夜就o黎料吧??

18/4

半夜, 用一早裝o左個陣痛apps計時, 可惜陣痛實在太疏, 完全無料到, 後尾我都放棄唔計時喇, 都係把握時間訓o下覺仲好!

因為心情緊張, 最終都訓得麻麻o地, 到5點幾6點吧, 都仲係10分鐘先痛一次, 不過就痛o左少少, 開始要配合呼吸忍痛, 但由於仲係好疏, 都仲算行得走得...對面個產掃都落得產房喇, 究竟我幾時先o黎料??

朝早7點幾, 開始又明顯痛o左, 要就住痛完先落床刷牙洗面, 一落床企o係度不得了, 即刻痛得密D, 會3-4分鐘一次, 但一訓番上床又會疏番去, 7-8, 甚至10分鐘先一次, 無乜規律!!老公子打o黎我仲話可能要下午先生得...

姑娘o黎幫我check, 3度, 噢!! 連我自己都估唔到已經3度...姑娘話可以預備落產房, 我好開心, 猛問係咪落到去可以打止痛針...

等等等, 聽到有姑娘話產房未有位, 推o左個開4度o既落去後無姑娘再理我, 於是我出聲問姑娘, 佢o地只係叫我如果再痛D通知佢o地...

呢頭叫完我留意痛楚, o個頭我去toilet就即刻痛到要企係度行唔到, 明顯痛多o左, 甚至開始有D力想向下推, 於是我就大聲通知姑娘, 叫佢o地再check!! 好彩, 今次我唔使又等喇, 姑娘好快o黎幫我check, 5度喇, 問我係第二胎就即刻叫人推床幫我過床落產房, 我連忙打電話俾我老公子, 叫佢即刻趕o黎預備陪產!!! 由3度我話俾老公子知可能有排, 到忽然5度要叫老公子陪產, 前後大約只係半小時...

被姑娘推去落產房, 中間竟然出d意外, 就係困lift!!!! 唔通我要好似拍戲咁o係lift度生仔??

姑娘們邊安慰我, 叫我唔使擔心同緊張, 邊襟機通知師傅搵人開番lift門, 好彩, 成個過程只係困o左我最多5分鐘, 有驚無險!! 

終於去到產房, 助產士一check, 7度喇, 佢o地知我係第二胎個個都好似好快進入戒備狀態, 其中一個仲話如果我想痾, 隨時可以出力添...我心諗, 咁好? 上次我生Koey, 助產士未到10度都唔俾我用力o架, 要我死忍, 今次咁快出得力, 真係好, 但我老公子仲未到喎...

好快, 10點吧, 老公子到喇, 助產士set好晒位就叫我出力喇!! 因為上次生Koey我推足成個鐘先成功, 今次一開始我就出盡力, 希望可以快D啦!! 結果, 今次都要推40分鐘先成功, 中間我亦試過推到無晒力要休息, 但可能助產士o既鼓勵說話有用, 又或者我今次唔使頂陣痛太耐, 力氣比上次大D同有信心, 我無再好似上次咁負面到以為自己最後要開刀先生得出, 結果, 亦終於俾我生到大頭Kobe仔出o黎喇, 真係成個人鬆晒!!!

同老公子高高興興影完合照後, 原來惡夢先開始!!! 助產士拎埋胎盤出o黎後搵唔齊D 胎衣, 懷疑仲留o係我子宮入面, 助產士同醫生係咁挖挖挖, 痛到我飛起, 感覺仲難受過生仔, 痛到我面容扭曲眼淚直流, 忍唔住扁晒嘴, 點解仔都生埋仲要我受痛苦?? 助餐士們都知我辛苦, 搵齊胎衣後都有安慰我, 同我解釋, 醫生亦好言安慰, 話大部份胎衣都搵番, 但當然唔可能100%肯定仲有無D好碎o既留o左係我子宮度, 為免我會因為咁發炎或感染, 著我之後要乖乖食晒D抗生素以防萬一, 亦要我留意惡露有無異常!! 我當時真係無所謂喇, 唔好再挖到我咁痛就OK...

聯埋針, 可以埋身搵人奶, 因為有經驗, 一切都幾順利, 食o左半個鐘, 再休息一陣, 12點幾可以推去產後房喇!!!


等緊我同Kobe仔出o黎~

第一張一家四口合照


Koey做家姐喇, 第一次同弟弟Kobe見面!!

同Koey出世時一樣, 一上產後房就係探病時間, 所以兩邊家人都係晒度, 影住我由產房推lift上產後房, 好熱鬧!!! 因為BB要沖涼檢查, 家人們就輪住入產後房問侯我, 個個都話估唔到我朝早仲話無咁快, 轉個頭竟然生o左, 真係快!!而我自己亦因為痛得短時間, 成個人都好精神, 亦無好似上次生完咁激動到喊, 仲好似好開心咁...HAHA!!

總之, 今次生產經驗真係同上次好唔同!! 因為一個'快'字, 成件事'痛'當然都係'痛', 但唔使'捱', 又唔使點'忍', 同上次o個種無了期o既'恐懼'真係差得遠, 加上傷口又唔係太痛, 產後房又因為無晒雙非好靜好少人, 成個感覺好良好, 半夜就算要餵奶, 我襯Kobe仔訓o左都訓得著, 總之可能真係有晒經驗, 個人比上次鎮定同適應好多, 希望之後都會係繼續咁順利, 幸運!!

19/4

出院喇!!! 番到屋企Koey好乖, 送o左佢最鍾意隻Eeyore公仔俾弟弟, 話陪佢訓覺, 弟弟喊又會話要睇下弟弟, 叫佢唔好喊, 睇o黎佢好接受呢位新家庭成員!! 希望佢同弟弟將來會相親相愛, 互相陪伴, 一齊成功!!






Hi, 我係Kobe仔, 2日大, 以後多多指教!!

20/4: 

今次仔仔係咪似我老公子多D呢???

弟弟隻眼終於開後大D喇!!大家覺得Kobe同家姐Koey似唔似樣???

今日上奶喇, 希望今次都係全人奶, 全埋身, 順順利利!!

21/4: 

健康院第5, 6及最後一次產檢 (36, 38 & 40W)

36周 (20130319):

今次有得做B鏈, 上胎o係大埔無做過, 希望唔好收到電話啦!
摸肚, 照舊細3wk, 醫生睇番私家超聲波只係話腳太短唔o係正常範圍, 肚同頭都正常!! 
最後就係問埋醫生關於我早排跌親尾龍骨, 到而家掂到仲會有瘀痛會唔會影響生產, 醫生摸過話位置算低, 應該影響不大, 希望真係無o野, 因為咁耐都仲痛, 我自己都有D擔心!


38周 (20130402):

本來唔使摸肚, 但姑娘見我之前細o左, 所以特登摸, 佢話又唔覺細喎, 希望係真啦, 事關我短短2星期重o左4磅呀, 而家135磅, 上次生Koey前都係140, 差幾磅就追到喇!!! 另外早幾日開始肚底有D痛, 姑娘話係肌肉痛, 個肚咁重好正常...但我佗Koey無試過o架, 唯有都係乖乖用番托腹帶啦!!! 
2星期後未生得先再產檢, 唔知今次係唔係最後一次??

另外, 搵o左鐘點姨姨幫手做家務喇!! 呢個姨姨係朋友o既朋友用開, 做o野都幾乾淨整潔, 不過係口水多o左少少....HAHA~~~


40周 (20130416):

一切正常, 仲係0腳腫...磅重134磅, 比2星期前輕o左0.4kg, 就係呢0.4kg搞到我要見埋醫生先走得, 足足o係健康院留o左2個鐘!!! 不過, 醫生同姑娘都話我個肚唔係細喎, 應該BB出世都會係中碼size, 係就good喇!!!

最後, 今次真係最後一次產檢喇, 因為今日係政府o既預產期, 下星期今日仲未有signal就要入院催生喇!!

20130412: 39周肚, 有40寸, 體重134磅!!! 肚圍同生Koey前一樣喇, 但體重就比生Koey前輕5磅左右~~~