哈哈,中國人過年總比外國人熱鬧,細個o既時候總覺得過年最開心就係有新衫同糖果盒,當時見到d大人好鍾意拜年時打麻將,總係唔明點解佢o地打得咁開心,但而家大個o左,終於感覺到原來打麻將真係幾好玩,仲可以拉近家人關係添!!!!
今日年初二,我提議係屋企打麻將!!其實我同我細佬妹都係前幾年先開始學打,由於一年打得一兩次,所以到而家好多時都仲未識睇自己叫幾飛,可能走寶食唔到糊,哈哈,但就係因為咁,我o地笑料百出,都幾開心!!!想信今日係我o地有史以o黎打得最多圈o架喇,因為我o地打得好慢,由下午一點打到夜晚十一點(其實食o左頓美味o既開年飯!!)都係打得十圈,打完都係覺得好支力,成身散晒咁,原來打麻將都可以咁用體力,真係唔明點解d師奶可以日日打,仲要打通宵!!!!!
竹戰結果係我做o左大輸家,一個人輸晒,要俾百幾蚊零用我媽喇,哈哈!!!!!!雖然提議打牌o既係我,輸又係我,不過我覺得用輸o既錢買o左一日咁開心o既家庭樂,我覺得好值得呢!!!!!
由於我Final Project Proposal尋日deadline,我結果都係做得太慢,所以做到大年初一凌晨兩點半先訓,好可憐...今日我仲要拜年,帶住一對黑眼圈拜似乎唔太好,所以我訓覺前有'fu' eye mask,希望有少少都好嘛...朝早起身無乜果然無乜精神,但拜年嘛,所以我都有釋心扮靚,由於尋日見到我中二o既表妹都有畫眼線(認真人細鬼大!!),所以我今日都有畫,連我自己都有d睇唔慣,哈哈!!!!<=畫o左花甲o架!!!! ^.^大年初一,恭喜各位心想事成,財源廣進,打工仔升職加薪,情侶們長長久久,單身o既快d搵到另一半成雙成對!!!!!
大約十二點幾,我一家人去到我舅父屋企團拜,除o左一個表妹同表弟無o黎外,其他人都到齊,好熱鬧!!!!今年午餐同往年有d唔同,因為我另一位舅父特登托朋友幫我o地整o左個南瓜每鮮飯,個南瓜趣大個,我諗直徑有三十厘米咁大個,好好味,啖啖蝦肉,我食o左兩碗呢!!!除o左南瓜飯,我當然都食o左唔少羅白榚,年榚,芋頭榚等賀年應節食品,面對住呢d美食,真係好易將節食減肥呢d意志拋諸腦後,一年一次開開心心熱熱鬧鬧,無計啦,哈哈!!!!
食完飯之後大人們當然係開台啦,而我同我細佬妹呢d唔大唔細o既都真係幾無聊,好彩另一位舅父(無錯,再另一位)帶o左草蜢近排出o個隻演唱會DVD o黎,一睇就睇足三個幾鐘,場演唱會真係好精彩無悶場,正!!!!!其實草蜢係我細個o既偶像,我仲好記得自己細個試過因為被媽咪迫我沖涼搞到我無得睇草蜢係電視唱歌跳舞而喊,為o左草蜢輸俾Beyond拎唔到組合金獎而替佢o地不值(嘻,所以我唔極少聽Beyond o既歌,Beyond好多砍我都唔識!!!)o既情景,但因為上年佢o地開演唱會時我o岩o岩睇完비個Concert,而我Honey又唔多想陪我睇,所以最後不了了之,今日一睇個DVD真係不得了,我發覺佢o地依然能令我有'身心跳動'o既感覺,而且佢o地唱o既我都真係識唔少,學林狗話齋,香港有幾多個演唱會可以做到全場觀眾都企係身由頭跳到尾呀???!!!!!作為多年Fans o既我今次決心o黎緊九月一定要去佢o地個個唱,仲要買最貴o既飛,我唔想好似上次睇비咁有'遺憾'o既感覺,我一定要去!!!!!!!!!!!!!!!!!!!!!!!!!
*Step by step 喊出聲 握住手 力量慢慢變強
Inch by inch 慢慢地 慢慢地 在每次交合的時候
Piece by piece 耳朵 脖子 疲累的身軀 拉近這距離 是的
Slowly漸漸融化 Slowly
與世隔絕的 我們兩個 關上窗 誰也聽不到
Yes 現在開始只有我們兩個知道 yeah yes 告訴我你高漲的情緒
用指頭感覺 是的 我也一樣 一直在等待 這一刻
Stop 這緊緊擁抱的力量 stop 讓我們忘記時間吧
(重複*處)
My body's so hot 如波浪 忽大忽小 搖晃的感覺
Yes 拉緊慾望的弓 yes 不顧一切地解放
No need to be afraid 別介意 誰也看不到 只讓你看到
Stop 在時間停住的空間 stop 我們已經分不開
(重複*處)
什麼也聽不見 你的記號 坦率的聲音之外
迫切的找尋 慢慢地讓你只屬於我
慢慢地一點一點地 滲透
讓我們確認彼此的愛 時間還很多 Let's take it slow....
(重複*處2次)!
其實以上呢首係비隻日文碟入面另一首歌'Slowly'呢!!!我都係尋日先第一次聽到呢首歌,日文唔叻o既我當然聽唔明首歌講乜啦,但一聽之下我已經被비把性感沙啞又帶點磁性o既聲音吸引住,呢首抒情歌比起佢之前三隻碟入面o既慢歌又有另一番味道,聽起上o黎好舒服充滿感情好有吸引力!!!!!之後我係網上搵到首歌o既中譯歌詞,一睇之o下真係嚇一跳,原來歌詞咁大膽露骨,簡直令人透不過氣呢!!!!!!由於歌詞大擔,所以我搵歌詞時都已經睇到唔少人討論呢首歌,後來我係비o既香港歌迷會網站搵到一篇解釋呢首歌歌詞o既文章,原來只係大家'諗多o左'呢!!!!!!비隻日文碟叫'Sad Tango',入面有兩首歌'Sad Tango'同'Slowly',兩首歌其實係互相呼應o既,學過Tango o既應該會知Tango o既舞步分為三拍"Quick Quick Slowly",所以'Slowly'o既內容其實係描寫兩個戀人或如戀人般充滿情感互動地跳著激情o既Tango,能夠寫得出咁令人'熱血沸騰'o既歌詞,呢位填詞人認真才華洋溢,好勵害!!!!!!我決定要盡快學識唱呢首歌,仲要學晒入面o既日文Terms先得!!!!!!!
雖然無勁歌熱舞,但Slowly真係一首令人'驚艷'o既作品,證明完美o既身體加可愛o既孩子臉以外,비單靠沙啞磁性的嗓子也能散發出充滿張力的性感魅力,簡直就係全亞洲o既男性Sexy Icon代表呢!!!!
http://www.rainhk.com/bbs/viewthread.php?tid=52951&fpage=1&highlight=slowly夜晚一點喇,隻腳好支力呢!!!
今朝想好專心咁寫份proposal,但結果只係搵資料都用o左一段時間,話咁快就要食lunch換衫出門口,所以一版都無寫過...唯有聽日作最後努力吧!!!
今日約o左大學同學去銅鑼灣行街行花巿,我首先出o左金鐘拎番我data-entry張cheque之後先去CWB,去到大約四點啦,我o地陪Agnes揀心口針,最後買o左個價錢合理款式幾清幾靚o既,再之後我去o左Fancl買o野,點知後尾食晚飯時先發現佢無俾番張會員卡我,我有幾分o架,真係麻煩!!!
夜晚Ginnie放工係機場出o黎join埋食o野,我o地去o左強記食越南o野,我o地叫o左好多o野食,好豐富,個春卷最好味,好正呢!!!之後我o地再去維園出法,今日雖然只係年廿七,但都好多人好熱鬧,有d地方仲迫到行唔郁咁滯呢,今年d舖仔都幾有心思,年年都有o既路牌名今年再添新意,我好鐘意'無人可阻我路'同'爆石提防巨響',另外'加油加油揮亭'同'愛いして路'都幾有創意,好得意呢!!另外有唔少舖頭名都用個'狗'字去作d似粗口o既舖名,好似'Sell乜Dog'咁...都幾搞鬼!!!!行o左兩行已經行到十一點喇,真係不知不覺呢,臨走前我o地好專心咁係一間好古怪,好粗魯,好似有背景o既推銷舖頭睇show,因為呢間o野竟然送'刀'喎,好古怪,真係唔使錢,搞到勁多人圍住間舖,我都係第一次見d咁o既宣傳手法,大開眼界呢!!!!!
尋晚我出o左去側魚涌office, hand over我做緊o既o野俾個新part-time,但我估唔到個part-time都可以係屋企做,而且最大問題係佢竟然完全唔知個website o既o野,連廣告賣得咁勁都可以唔知,真擔心佢接手會接得好差,實煩死公司d人呢!!!!今日last-day,係屋企清埋d'麻煩'o野後終於將所有file send番晒俾公司,終於完喇,雖然份part-time可以係屋企做,舒舒服服有錢收,但其實幾'煩'人,幾纏身o架,我之前都講過最討厭做令人有'精神困擾'o既o野,雖然今日quit埋份工我就真正'失業',但都係時候啦,過埋年應該專心搵工,重新開始!!!!!!!!!!!
今日終於睇完"我的名字叫金三顺 내 이름은 김삼순"喇,好好睇,結局雖然係意料之中,平平淡淡咁但又好有味道,成套劇俾人感覺都好舒服,唔似一般催淚式韓劇般要生要死,過於轟烈,可能就係咁,反而平淡得容易令人產生共鳴,加上入面每個角色都好討人喜愛,特別係女主角,佢d演技真係好自然,唔怪得拎咁多獎啦!!!!!!!今日睇完我急不及待就下載o左套劇o既原聲o黎聽,精彩o既故事真係值得令人回味再回味呢!!!!!!!!
<=如果識做蛋榚,都好難唔肥囉,呵呵!!!!
大團圓~好sweet!!!
<=金三順(金善雅),其實都幾清幾靚o架,只係劇情要佢又肥又豪爽咋,睇NG片段覺得佢超可愛!!!!!同埋佢識彈琴呢,係劇入面都有大顯身手呢!!!!
<=俞熙真(鄭麗源),做三石前女友,好靚女,佢笑起上來真係好甜,女仔都會好鍾意,不過我覺得三石移情別戀唔鍾意佢同佢講分手都幾可憐o架,男人貪新忘舊唔要得呢!!!!!另外,佢真係好瘦,好似風都吹得起咁呢!!!
<=Henry(Daniel),勁靚仔,係套劇入面全英語對白,有d似吳彥祖(大家都叫Daniel呢!),好陽光,佢係劇入面學韓文時超可愛,而且對熙真一往情心,黙黙照顧住佢,好似守護天使咁,so cute!!!
嘩,估唔 到一覺訓醒真係天晴喎,人都精神不少呢!!!!!!!!!!
今日朝早清o左幾樣o野,包括約Professor今晚online傾我份final project o既proposal啦,send sms追問上個sem個lecturer我點解無分啦,同埋問CU點樣claim番持續進修基金!!!!結果樣樣都好快有response,個lecturer仲親自打俾我話我知我其實有A-添呀,勁開心!!!!!Yeah!!!夜晚Online同professor web conferencing,佢聽完我個idea之後勁話有得做,幾好,好開心,但希望我唔係獅子開大口啦,到時做唔到就唔知點算喇!!!
下午清埋我part-time d o野,要執得好整齊先得喇,因為我聽晚要番側魚涌office handover呢,yeah,好快就唔使再做呢份'煩'part-time喇,而星期五又交埋個proposal,哈哈,農曆年假要好好relax!!!!!!!!
(又印證o左我真係好易受天氣影響,大家係咪覺得我今日篇日記醒神o左呢!!!)
今日出街勁多人呀,可能下星期已經係過年啦,商場內好多舖頭都大減價,於是好多人辦年貨,好不熱鬧!!!我下午都有同Honey掃貨,結果買o左件裇衫,隻色好靚,嘻,Honey著起好好睇呢!!!
以前都唔覺我心情會咁易被天氣影響,但呢幾日天陰陰,我心情都唔係太好,特別係下星期要交proposal,我而家仲係未做,呢一兩日點都要搵個lecturer Discuss o下,但我始終都係'的'唔起心肝做...自從入U後我就好唔鍾意做功課,因為呢d功課唔係好似中小學o個d咁今日俾聽日交咁爽快,而係俾你做後要你兩星期甚至兩個月後交,雖然我明咁樣唔單止考你知識,仲考你Planning,但我真係好討嚴呢種'拖泥帶水'o既感覺,簡直係精神困擾...唉...如果快d天晴就好...聽日,聽日一定要天朗氣清...而我,我亦要專心d...
下星期過年喇,我媽今日入o左好多朱古力,糖同曲奇送禮同放落自己個糖果盒度,未過年我已經預計到自己實肥梗喇,之但係睇見自己身形越o黎越有'三順'feel,但偏偏又忍唔到口,真係好worry呢!!!!!!!!!!!!!!
今日去o左沙田食'避風塘',因為睇雜誌介紹所以去試o下!個避風塘茄子好正,值得推介呢!!!!之後我o地去o左西田辦年貨,因為下星期尾就過年,所以雖然今日係平日,但係都勁多師奶辦年貨,好熱鬧好迫人呢,但我今日好似好支力咁,腳軟軟無乜心機,只係想快d番屋企咁咋!!!!
今晚無再搞錯上堂時間,但係我就搵唔到課室,仲衝o左入一個勁多人o既課室俾個lecturer問我係咪上錯堂,好瘀!!!!!!!
我今日上呢堂係講音樂呢個行業o既,今日主題係講唱片業,個講師講得好生動有趣,好好玩咁,今日得知原來香港o既'監製'係分咁多種o既,仲得知唱片公司同經理人公司又係乜o野,精選碟又係乜o野...好期待上下一堂呢!!!
其實我對呢個行業真係好好奇,如果我有機會入到呢行見識就好喇,可惜唔知有乜門路,係JobsDB,JIJIS好少會有呢d公司o既job post呢...
天灰 <=唔單止係形容今日o既天氣,仲係形容我今日o既心情!!
Lunch食外賣蔡潤記,就係呢個時候我見到有封信,一拆之下原來係唔批我申請o既信用卡,咁又係,我而家得份part-time又真係唔係好夠'信用'o既,但最煩係我本來Plan o左同我細佬一齊申請(佢本來無需要申請)o黎換個DVD錄影機,而家佢批o左我又唔批(我仲plan埋點使嘛...),Agnes仲話我之就算搵到工都要最少三個月入息證明,到時個DVD錄影機都換完喇...而家認真麻煩,半天吊,又想換機,我又想使我想使好耐o既大錢...好唔好搵我Honey申請好呢?但係個DVD機係我屋企想換,又唔關佢事,硬係好似唔太好...
灰o既事往往係接二連三,就係我俾人話'無信用'之後,我本來諗住睇完'我的名字叫金三順'心情會好番啦,點知係呢個時候我CU個同學打o黎話佢同我一齊做project o個科肥o左!!!!!!我嚇到即刻Online check啦,一check之下發現我都無分,個同學話佢online無分,但今日收到一封CU寄O既信話佢fail喎,雖然我無收到信,但好驚呀,好彩少少o既係另一個同組同學呢就有B-,咁即係我appeal o既話點都唔會fail,唔使retake個course,而家唯有即刻send email俾個lecturer,希望唔使appeal咁煩啦!!!!
再之後,無錯,仲有,就係我份part-time有份新task要做,但個web interface勁慢,有幾百個o既要approve(差唔多每分鐘都增加一兩個要approve),但我一個鐘先approve得四十個,想點呢,做成日唔訓都清唔晒啦,Help!!!!!!!!!!!!!!!!!!!!!!!!
唉,夜晚仲要諗埋個final project要做乜topic...今日心情真係超差,好煩呢,希望聽日天情啦...
************************************************************
尋晚Honey講o左好多好笑o野搞到我笑到肚痛咁滯,所以不知不覺傾到兩點幾,嘻!!!!Honey尋晚問我多啦A夢(Doraemon)個妹叫咩名,我話叫多啦美,以前叮噹o既話就叫叮鈴,點知佢問咁英文係咩,我話唔知,佢之後問係咪叫'多啦Amy'...!!!!!!!!!!!!!!!!!!!!!(我即刻笑到收唔到聲,仲怕大聲到嘈醒我妹....)
今日下午終於'正式'上我今個sem第一堂喇,其實呢堂只係要番幾星期咋,因為呢個COURSE主要係做個大Project,做完就搞畢業...之但係我到而家咩idea都未有呀,好煩惱,好唔想開學,好唔想做功課,因為做功課成日令我有種精神壓力,希望呢個學期快d完啦!!!!!!!!!!!
