而家係06年0時05分!!!!!!!!!!!!!Happy New Year!送舊迎新,心想事成啦!!嘻!!!
今日一早就同我爸爸去o左跑步,一年o既新開始梗係要健健康康咁感受o下個世界,呼吸一口新鮮空氣啦,希望新一年我能夠順利,心想事成啦!!
今日我o地一家人去o左食和民,下午由於大家都係屋企,於是我就提議打麻雀喇,哈哈,因為好耐無打過喇!!!今日係我第一次賭錢呀,我輸o左五十大元呀!!!:p
夜晚好多電視睇,我由八點半American's next top model睇到九點華娛做rain特輯,再由十點半睇叱吒睇到差唔多兩點,好眼訓呢...
今日同honey去o左太興食lunch,之後就去賣我部水浸機,點知去到大埔墟時有檔o野話二百五幫我整喎!!前幾日我係旺角先達d人拆晒機都話整唔番,要成$800整,仲話整完都叫我唔好用...點知大埔o既檔話人o地騙我喎,都唔知邊個真邊個假呢...見係$250咋,咁即管摶一摶啦,整唔番唔收我錢嘛,整得番我都唔好多function都應該唔得o架喇,但至少我可以用高d價trade-in番出去...咁都好o既...希望有好消息喇!!!!!大約三點幾,我同honey去o左沙田,因為我細佬有張columbia七折coupon今日到期呢!!!我honey結果係columbia買o左條褲,七折幾抵呢,不過條褲都幾厚,都唔知我呢個怕熱o既honey會唔會嫌太熱唔著!!!!買完褲之後,我o地去o左Best Berry食乳酪,個乳酪好清,唔太甜,但食落口都幾清涼舒服,係就係貴d,但的確唔錯,唔怪得係韓國有幾百間分店啦!!!我o地係o個度坐o左好耐,因為o個度播緊비個韓國concert同有비做封面o既韓國雜誌睇,嘻...
六點我已經番到屋企lu!!今年我o地唔諗住去倒數...(其實我未試過去CWB/TST倒數o架...),可能係我年紀大啦,哈哈,怕人迫呢!!
今日終於係舊同事A手上拎到部二手X800喇...番到屋企我梗係第一時間檢查部機同盡快install番晒d software務求令我o既寶貝手機'借屍還魂'啦!!!!!!!!!!!可惜,我搞o左成晚,發現部機好有問題,成日hang機同埋彈個聲控出o黎,我install o既program無一個run到,簡單如藍芽都唔work...我個心真係沉晒呀...好彩我同事好人,肯俾我退番部機咋...唉...
本來諗住開開心心渡過埋最後一日假,點知我部手機唔聽話,跳o左入toilet遊冬泳...今日係Boxing Day,亦係Karen影畢業相o既日子!我lunch好快咁同我屋企人食完和民就趕出去沙田,因為我book o左時間做個free o既eye mask,點知間o野都唔係做生意o既,乜價錢都無同我講就'又'我走喎,哈哈!!之後我又'趕'出去旺角先達諗住拎番部手機,點知仲未整好,運o左場吉,可惡!!!
夜晚我o地出o左洞鑼灣食新疆o野,不過我o地太多人坐o左係吸煙區,我仲食o左唔少二手雪茄...好難頂!!!我o地食o左鹿肉同駝峰肉,雖然好似無我係新彊食足八日o個d食送菜,但d味道都令我諗起新彊,忽然有d想再去過呢!!!
Yeah!又到o左大姐會一年一度大function~交換聖誕禮物環節喇!!今年我o地o既budget加o左碼一倍,前年用畫鬼腳,舊年用hello kitty磁石配對,今年就跟年齡大小抽號碼,我抽中Betty由日本買番o黎o既化妝袋,好靚靚呀!!!!
食完飯,我,Cindy,Betty, Bess同Clok去o左唱K,其實得我一個好'恨'唱咋,其他人前幾日都唱過,早知我唔出聲話唱K啦,可能多d人玩熱鬧d!!!!!今晚唱o左好多新歌,嘻,都算俾我過o左少少K癮,今個Boxing Day就係我班好姊妹o既笑聲中渡過!!!!! ^.^
夜晚我o地去o左禾輋食大排檔,因為我屋企人近排都食過o個度d黃金蝦同乳鴿,真係好抵食又好味,所以我特登帶我honey去食!!!我o地食o左黃金大蝦,籠仔蟹飯,乳鴿同拼盤,其實個拼盤可以唔叫o左,但最衰honey,佢以為自己唔夠飽,點知唔係囉,好彩最後都無浪費,食得晒!!!嘩,呢兩日真係食得勁豐富,我已經肥o左好多喇...而家仲肥...雖然係開心o既肥,但始終唔太好啦...
今日聖誕,但我同我honey一向都無送聖誕禮物o既習慣,不過...我今日係先達買o天個靚靚ipod case俾honey,而honey就尋日出o左錢幫我買o個本曰文書,嘻,呢份就係我o既聖誕禮物喇!!!!!
今日朝早扮靚靚之後就同honey去o左大埔墟食和暢,佢o地個咸雞粥真係好好味呢!!之後我o地就去上深圳行街shopping喇!!!本來行街時我睇中o左對好靚o既boot,但個價錢竟然係3080,實在嚇死人呢!!!另外我O地仲去o左書城,今次唔係去我Honey住下面o個間,而係真正出名o個個書城!呢個書城唔係我想像中咁大,不過d書都真係幾多,多到放得有d亂o既感覺!我去o左睇日文書,好開心買到本日漢漢日詞典,因為我上次買o個本d日文漢字全 部無讀音標示,跟本學唔到呢,今次呢本有埋日文漢字發音,好用好多,我有時間一定會慢慢學!!!除o左詞典,我仲發現有本'oshare 手繪日語流行館',入面有好多彩色手繪插畫,都幾靚,最特別係佢入面全部都係講一D潮流用品,好似化妝品呀,衫褲鞋襪飾品o既日本名,仲'quote'埋d日本潮流雜誌o既句子用法,勁'潮',第二時睇日本雜誌都得嘛,勁有用,我仲忍唔住買多本俾natalie添,因為我覺得佢實鍾意!!!
夜晚,我o地去o左食'中森名菜',我honey向我提o左好多次o架喇,話入面好靚...不過我卻無緣欣賞...因為我o地無book位,由於walk in要等好耐,所以我o地被安排坐走廊位呢!!我o地叫o左好多o野食,有三文魚生,花之戀同一個炸o左o既頪似花之戀o既o野,牛肉卷,海鮮脆麵,同埋海胆象拔蚌炒飯,不過個炒飯得勁少海胆同埋d象拔蚌全部都切粒,唔抵,但仲要係最貴添,下次一定唔叫!!!另外,我o地仲叫o左每人一杯o野飲,我o個杯叫'天蠍座',都幾好味,$15之嘛,好味!!!
食完'聖誕大餐'得,我o地就去o左買碟番去睇,本來一心諗住睇'無極',點知未有,所以最終睇o左'Big Fish',其實呢套戲上畫時已經听人話好睇,但我同honey最終都無睇,今晚睇都覺得係幾好睇呢!!!
今日係冬至呀,所謂'冬大過年',所以今日四點就放工等我可以同屋企人做節,今晚有乳鴿,黃金大蝦同搖柱炆冬菇,好好味呢!!食完飯後仲有甜品,就係湯丸喇!!!今次我媽買o左隻紅棗湯丸,味道幾特別,真係好'紅棗',唔錯!!!難得一家五口坐埋一齊食飯,我諗我媽今晚一定好開心o者!!!今晚我成晚都用o左o黎做part-time d o野,由於我唔使番公司做,所以主要同公司d人靠email聯絡,點知近幾日我公司d人唔應我email喎,搞到我做唔到o野,講真,我都有d不滿o架...但無理由'和尚唔急太監急'嘛,佢o地唔答我o野,令到我做唔到o野損失唔係我嘛...唯有希望佢o地快d回應我啦...算啦...我都打算做多一個月o者...
再另外,我今日又係度睇PMP喇,其實我想買好耐...但一部PMP差唔多4千呀...無咁多錢呢...但又心郁郁...而家心水有以下三隻,不過我覺得PMP對於我呢個電視精o黎講最重要就係有得錄電視,所以creative o個部雖然外型最殺食,但我應該排佢最後囉...希望大家俾俾意見我啦,介紹下邊隻好用,THANKS!!!!!!!!
JNC SSF-M60 : http://www.jnc-digital.com/jnchk/chi/products/mp/ssfm60.html
Archos AV 500 : http://www.archos.com/products/tv_centric/av_500/tech_specs.html
Creative Zen Vision: http://hk.creative.com/products/product.asp?category=210&subcategory=211&product=12985
今晚因為要present,所以五點就放工走人!!!番大學途中買o左個包當晚餐,由於平時我媽成日話無益同肥,所以都唔俾我買炸包食,但我今日無端端心血來潮好想買o黎食o下(其實我諗我只食過炸包一兩咋,仲要唔係呢幾年o既事...),點知一食之下...真係好肥囉...食到我成口油呀...個肚好似裝滿油咁,有d唔舒服o既感覺,有d o野唔親自試過係唔知父母o既忠告係幾有point...下次都係唔買呢d無益包!!!!!!哈哈....
Present喇,開頭仲好擔心我o地組無做個budget會唔係太好,點知原來組組都係咁'hae',所以我o地組都算OK咁啦,YEAH!搞掂埋個present我就真係relax喇,下個sem 9號先再開學,以我所知其中一個course唔使上堂,因為要做份大project呀....但我到而家仲未諗做咩topic呀...點算!!!?????
好寒冷o既六年半,嘻!!!!!!!!!!!!!!!!
今日朝早又同Papa跑步喇,不過今日超凍,如果一日早知咁凍可能我都唔願去跑呢!!!今日見面,本來我想同我表妹雪婷坐o架,但最後都係無得一齊坐,本來想關心o下佢近況,陪佢傾o下計,不過見到佢幾精神都幾好!!!!而細表弟健朗依然好似個'波'咁,哈...不過另一位表弟就變o左好多,成個人瘦到得番一半咁...而且無厘神氣面青青,黑眼圈好深,眼又下垂,好似無訓過咁,仲'寒'背添,十足十一個道友...佢而家中二,正處於最反叛o既時期,唉....我o地講乜都應該無用,只會令佢變本加勵同反感...希望佢唔好行錯路同生性d,唔好要d屋企人擔心啦...
尋晚蠢完後,今日仲蠢!!!!!!!!!!
下午present完又要為星期三個present開會,真係慘喇,21號先真正有得relax,但下個sem 9號就開學喇,個sem break得咁短,慘!!!
開完會喇,終於走,係火車站聽到廣播話警方呼喻叫巿民唔好出灣仔,好似發生好大件事咁呢!!夜晚睇番新聞,原來灣仔真係好亂,D示威人示亂咁衝,搞到d警察失o左預算咁,雙方又互相衝撞,警方仲用埋催淚彈添!!!雖然今日班韓農真係激o左d,但唔知我係咪前日被佢o地三步一叩感動o左,我覺得今日都係佢o地表達意見,爭取注意o既另一種方式,雖然係亂同暴力o左少少,但比起外國d '騷亂'其實已經係溫和o架喇,聽日世貿就完喇,希望香港社會各界同埋呢幾日表現好好o既香港警察忍多日啦!亦希望d韓國農民o既訴求亦都能夠得到合理o既回應!!
Buuuuuuuuuuuusy!!!好忙呢!!!之前話要番工前做完d功課,結果都係清唔到,所以我今朝係公司做功課,做到下午一點先開始入o野!!不過我效率都幾高,四點已經入到八 十份喇,所以之後我就用d時間做我另一份part-time,嘻,唔使番屋企做太好喇,朝九晚六就有兩份人工,仲有時間做埋功課,都OK啦!!不過入o野呢d routine work真係做到個人好支力呀,隻手打字就快打到抽筋,個人坐係度唔郁又怕自己骨頭會硬shoulder會痛,會肌肉勞損,我唔想之前o個個月運動o既功夫白費晒呀!!聽日我一定要跑番步同埋盡情relax先得!!夜晚做埋個Powerpoint聽日present,做到差唔多一點,點知好蠢呢,我辛苦做完o既o野俾我另一個人send o黎o既file overwrite o左呀!!!!!!!!!!!!!!!!!!!!!!!!!!!!!!好彩只係個powerpoint,唔係真係要喊囉!!!!!!!!!!!!
今日第一日番份part-time data entry!!用o左成日,我結果入o左六十份o野,比我預期中o既最少目標八十少,可能係我未熟手啦,但我feel到我下午其實已經去到maximum speed o架喇...完來份part-time都唔係想像中咁好搵!!!哈,不過當然好過無啦!!!之但係個位坐得好辛苦,要成日重複打字令到我SHOULDER又好痛喇,夜晚仲要番去做另一份part-time三個鐘,但我仲要做功課!!!噢...忽然又變o左個大忙人添!!!!
唔記得講添,我尋日俾太陽報記者街頭採訪呀,我記得上次睇奧運乒乓波時都試過被訪,印像中好似都係太陽呢!!佢尋日有影我相,問我關於派平安米o既意見!!上次無登,唔知今次又有無得登呢?!見到話我知!!!!
聽日我就要番臨時工喇,所以今日我持登陪我媽去遠少少行街~尖沙咀!!!講開$,而家我得份part-time,收入都唔知夠唔夠我一個月o既支出,雖然聽日開始有份temp幫補o下,但其實我個心都想快少少了結份part-time,唔想再同呢間'恐怖'公司再有聯系,唔知選擇做到農曆年假前係咪一個好o既結束呢??
今日無乜特別呀,都係狂清星期六日無清O既公司O野,不過我係邊睇'棋魂'邊做,因為我爸借O左同事D老翻碟,我用電腦開個細screen係側邊邊做O野邊睇,都幾方便!!!
夜晚七點半出到旺角,因為今晚約O左舊同事食飯聚O下,雖然係星期一,但周圍都好多人咁,我O地最終去o左食一間日本o野!!我o地邊食邊傾計,我忽然間變o左做'少lai',因為我而家生活好'寫意',唔使番工又朝朝跑步做運動,得閒就陪我媽媽出o下大埔中心,沙田,又一城行街,生活真係幾似'少lai',哈!!不過呢d生活星期三就要暫時結束喇!!!!
我o地講o左好多公司o野,知道番d舊公司近況,原來有兩位同事請飲呀!!另外就係前排佢o地annual dinner d搞笑o野、接我手o個個同事走o既時候o既情況,同埋一單'驚'人拍拖消息!!!!!今晚可以笑得咁開心同埋聽番咁多關於舊公司o既o野,我覺得真係好有親切感呢!!!
