唉...番生無望

今日終於係舊同事A手上拎到部二手X800喇...番到屋企我梗係第一時間檢查部機同盡快install番晒d software務求令我o既寶貝手機'借屍還魂'啦!!!!!!!!!!!可惜,我搞o左成晚,發現部機好有問題,成日hang機同埋彈個聲控出o黎,我install o既program無一個run到,簡單如藍芽都唔work...我個心真係沉晒呀...好彩我同事好人,肯俾我退番部機咋...

夜晚,我honey猛問我聽日除夕有乜節目,去邊度好...我無乜點理佢呀,我好努力想諗听日有乜節目,但我個腦全部都係X800呀!!!!而家我手上有兩部壞機,大拿拿千幾二千蚊呀,好驚賣唔到出去,另外又要煩究竟買X800好定新機好...新機一係太貴一係就睇唔上眼,X800呢...出o左半年喇,行貸唔知去邊搵,水貨又怕壞機...

唉...