淡淡的除夕

今日同honey去o左太興食lunch,之後就去賣我部水浸機,點知去到大埔墟時有檔o野話二百五幫我整喎!!前幾日我係旺角先達d人拆晒機都話整唔番,要成$800整,仲話整完都叫我唔好用...點知大埔o既檔話人o地騙我喎,都唔知邊個真邊個假呢...見係$250咋,咁即管摶一摶啦,整唔番唔收我錢嘛,整得番我都唔好多function都應該唔得o架喇,但至少我可以用高d價trade-in番出去...咁都好o既...希望有好消息喇!!!!!

大約三點幾,我同honey去o左沙田,因為我細佬有張columbia七折coupon今日到期呢!!!我honey結果係columbia買o左條褲,七折幾抵呢,不過條褲都幾厚,都唔知我呢個怕熱o既honey會唔會嫌太熱唔著!!!!買完褲之後,我o地去o左Best Berry食乳酪,個乳酪好清,唔太甜,但食落口都幾清涼舒服,係就係貴d,但的確唔錯,唔怪得係韓國有幾百間分店啦!!!我o地係o個度坐o左好耐,因為o個度播緊비個韓國concert同有비做封面o既韓國雜誌睇,嘻...

六點我已經番到屋企lu!!今年我o地唔諗住去倒數...(其實我未試過去CWB/TST倒數o架...),可能係我年紀大啦,哈哈,怕人迫呢!!