簽名布出事了!!!

帶住期待o既心情回家,一入屋便第一時間拆開從廣州速寄到來o既簽名布...好可惜,得到o既係失望...因為顏色嚴重偏綠/藍!!!!

看,皮膚像中毒似!!

晚上向賣家MSN投訴,討論間發現我create o既jpg file可能有問題!!!因為賣家說噴繪簽名布是用CMYK mode,而我o既jpg file是由RGB mode create o既!!!好,就當我自己無問明檔案mode,我問賣家,如果我用CMYK mode create多次jpg,再造多一張簽名布,造出來o既會唔會同先前用RGB mode建立,係電腦上睇o既效果一樣,結果對方只不斷建議我唔好用藍色做background,改用白/粉紅就偏色都唔覺...!!!!!!!!!!

雖然我明白少許偏色好正常,但而家偏成咁,我真係唔信我用白/粉紅就無事,我依然覺得係color mode問題,但對方又因為設計師唔係度問唔到而答唔到我,你叫我可以點??要我放棄自己o既設計嗎?no way!!!但而家對方都唔可以肯定咁答我用番CMYK mode係咪就可以出番我要o既效果,咁我當然無信心再幫襯佢做多一張啦!!!

唉...原本仲以為自己好叻,自己設計再上大陸網訂簽名布save o左好多錢(張簽名布大概百一港元〉,而家都唔知係咪要再造多一張...得不償失...好唔開心呀...

其實...我問過我爸媽,佢o地唔覺有問題,仲以為係我整到張圖偏綠偏藍...但係我同我妹就一睇就覺...嗚...俾著係大家,你會唔會造多一張???如果造,咁再唔再幫襯番同一間??

早睡早起

尋晚睇星期日檔案講小朋友應該早睡早起,話香港小朋友好夜訓,平均比外國小朋友訓遲同訓少成個鐘,令小朋友第二朝番學無精神,學o野都慢d,成績又差d,仲好易脾氣暴燥添!!

我生長自一個有好好管教小朋友早訓覺o既家庭(我同我細佬妹小時時期係睇完八點半娛樂新聞眼就要訓o架!),對於早訓,我都幾執著(因為我幾夜訓都係咁早起!),如果第二時有小朋友,相信我都會迫佢o地早訓!!

不過,迫還迫,我覺得身教最重要!!睇見節目入面有個阿媽十二點幾一點叫個女訓個女喊到拆天,我就覺得係個媽教得唔好,唔關小朋友事!!咪話我話,平時一定係阿媽叫個女訓o既同時自己仲繼續夜麻麻睇電視,小鬼見你有得夜晚玩自己就要訓,唔喊唔扭計就奇!!

就算大人唔可能早訓,都要令小朋友唔知你'唔訓係度玩'!!好似我細個咁,因為係同細佬妹一齊入房訓,有伴一齊玩公仔,跟本就唔會理爸媽係咪仲睇緊電視劇,三個玩到支力就自自然然訓,爸媽完全唔使鬧!!相反,而家d小朋友多數獨生,入房得一個人咁無聊,話咁易俾大人係廳o既聲音吸引,訓唔著不足為奇,衝出房唔肯訓亦好正常!!

總之都係一句,早睡早起身體好啦!!

同未來奶奶睇金器

今日下午同未來奶奶去睇o左陣奶奶衫,仲睇埋金器!!其實我個人o黎講,覺得咩款都無所謂,因為對金鐲一生人只係戴出門o個一陣,不過未來99叫到,所以都要去試!!

我o地去o左周生生試,其實金鐲o既款唔算太多,一望就知邊d款老套邊d唔老套!!我左手試o左一隻八錢再加一隻六錢o既,而右手就試一隻一兩五錢o既,因為未來99之前听sales講,話一樣咁重,戴兩隻好似多d,不過,今日一試,發覺完全唔係咁,而係好明顯地,一隻一兩五o既得體好多!!!

之後我honey同我honey妹都到o左,而我o地就再去另一間大d o既周生生試,呢間因為大d,所以款又多少少!!試完金鐲,再睇金頸鏈,估唔到遇到'叮'一聲o既金鏈!!我一戴上頸,honey同未來99都話好靚,而我自己都覺得的確幾靚,仲一定襯到晚裝添!!Sales話頸鏈唔同手鐲,賣o左後未必有貨番,不過我o地都覺得我仲有大半年先嫁,雖然呢條金項鏈真係好靚,但可能遲d金價會再跌,又或者見到其他更靚呢,所以我o地都係先有個印像,遲d再慢慢睇!!

另外,今日同媽咪行過吉之島見到好多床單做緊折,其中見到有款都幾靚o架,有d紅色心心,但又唔係成張紅當當,唔錯!!其實我對於龍鳳被舖無乜研究,我媽話佢嫁時都唔係訓成張紅當當o既,只係一張新床單再加塊紅色毯係面就得,所以佢都覺我唔使買大紅被舖,費事只訓得一頭半個月後就唔再訓!!!

媽咪無所謂,咁差未來99!!!下午同佢睇金時襯機問埋,佢都話佢當年都無訓呢d大紅被舖,而且佢都好讚成我應該買d第二時用得番o既款!!!!Yeah!!!好開心我媽同未來99都唔係咩傳統人家,我又煩少樣o野喇,哈哈,買自己鍾意o既床單就得,有少少紅,吉吉利利就OK,yeah!!!

P.S. 睇開金,honey忍唔住問點解鑽石有人戴出街,但大大條金鏈就算好似我o地今日睇到o個條又靚又時尚o既都唔會有人戴出街...???

'叮'一聲!!

原來我都幾在意'叮'一聲o個種感覺o架!!!有時上網搵圖見到d正o野,心入面會有'that's it!' o既feeling!!!

目前為止,有'叮'一聲感覺o既item有:

酒席場地@萬麗海景酒店Oasis Room
戒子@ctf2
地磚@B&Q
衣櫃@ikea
簽名布design (比起相簿要design成個月,今次用o左一日就搞掂,整完honey都話個design好OK!!)
pre-wedding相@Michael Law Studio x Sarona Studio
相簿design小部份誇頁(雖然係自己design,但十六版入面得少於五誇頁design完有'叮'一聲感覺咋!!)
Wedding Logo(呢樣都算係我暫時最滿意o既一項,不過honey仲未俾我公開...嘻...!!)
花球(上網搵到有'叮'一聲o既款喇,但唔知點整...)
晚裝@CDL (o係catwalk show見過後就好鍾意,不過唔知自己著唔著得起!!)

...

仲有我honey!!!

仲未有/沒有'叮'一聲感覺o既item有:

相簿design大部份誇頁
婚紗
小禮物
場地布置
姊妹裙
...

應該仲有更多item未遇到'叮'一聲感覺,為尋找'叮'一聲,我要加油呀!!

閒

今個星期繼續上workshop...唔知係咪開始熟習環境,我前日個workshop竟然忍唔住hup眼訓...好彩,break完去完toilet精神番,一路支持到放工...

下個星期終於唔使再上workshop,不過無奈地我仲未有咩concrete task做...只係望o下d report睇o下有咩問題...好彩,今日阿姐話下星期我可以開始做development,咁即係我唔使再扮忙對住d template發呆啦,yeah!!

另外,原來班同事每個月都搞生日會,好彩我趕得及生日前join o者,哈哈!!

==================================================

食飯方面,雖然公司canteen有中餐西餐泰餐,但老實講,我真係開始食厭喇...(唯一有D驚喜係發現呢度有得食泰式青木瓜西柚沙律,酸酸辣辣又健康,好正,一星期兩餐應該可以減到肥!!!)好想帶番飯,但呢度要叮飯都幾麻煩,要落canteen先可以叮...上星期同媽去jusco見到有保溫暖WOO,唔知冬天保唔保到溫呢?咁我就唔使土叮都可以帶飯囉??!!

==================================================

最後,番工放工方面,番工五日入面平均得一朝係有位坐,不過唔知係咪企慣o左,好似無咁辛苦!!就算好彩有位坐,朝早始終剛訓醒,所以成個鐘車程都係訓唔著,最衰就係睇中款電話仲未出...um...唯有再忍耐下啦!!至於放工,經過兩星期訓練,我開始訓得著喇,哈哈,當然唔係太lum啦,有進步!!

仲有,而家日日要七點起身,所以迫自己十一點幾就訓,成績都唔錯,只係間中一兩日夜過十二點,我發現早d訓真係精神好多o架,黑眼圈都好似淡o左少少,要繼續keep住早睡早起呢個習慣先得!!

===================================================

p.S: 我與空姐有個約會有相睇喇!!!

我與空姐有個約會

yeah!!!今日終於約到空姐茄雲食lunch喇,原來佢听日last day training喇,佢開始飛後都未必咁容Yi再約到食飯lu!!!!

原先我o地約十二點半,點知佢training遲放而佢又唔听得電話,我搵唔到佢之下就同同事食!!!好彩,大概一點時終於茄雲打o黎喇,哈哈,而我都只係剛開始食,所以最後都等到佢!!

於Canteen合照!!

wow, 著起空姐制服o既茄雲好型呀,哈哈,剪短o左頭髮好清爽,佢仲俾我睇佢d空姐班相...佢話d同事好後生喎...哈哈,放心,我覺得睇相你望落去young d 喎!!!

之後我就叫茄雲帶我去d crew training o既地方,lum住佢係度我就可以入去影o下相,因為我自己一定唔敢去!!!點知雖然未到上堂時間,但模擬機倉o個度已經好多空姐喇,我呢個'異類'入到去難免俾人眼望望...最後我o地都唔敢影相,改去另一層o既模擬check-in counter影o左張合照,哈哈,張相望落去都幾次o係機場影咁呢!!!

似唔似o係機場撞到即將要飛o既茄雲???

原來我係'世上最常見又最鮮為人知的畸形'!!

我有,我婆有,我媽有,我姨有,我舅父有,我表妹都有...

細細個時覺得自己都幾特別o架,隻耳多o左個'lone'仔,小學時遇到有同學仔都有會覺得'好開心',覺得大家係同類...哈哈...

我媽早幾年發炎割o左'lone'入面個囊喇,o個時我都幾膽心自己都要做手術,不過當我知道我婆咁耐都未發過炎,而我自己又'so far so good',所以都無理佢lu!!

擁有呢個'lone'廿幾年,估唔到要到今日報章提及先知佢係咩東東...哈哈...原來我係'世上最常見又最鮮為人知的畸形'呢!!!!!

「耳前瘻管」70人1遺傳 膿瘡大如蛋 可致耳變形

======================================================

今朝番工又撞到中學同學喇,大家住同一屋苑都撞唔到,估唔到係E車上會撞到!!!原來對方出business trip!!咁多年無見,呢位同學仔都無咩變呀,哈哈,都係o個個style!!!

我倆的婚紗照 ~ 第六擊: 情陷夜中環

上回post o左赤柱o既相,今回就post唔落相簿o既中環相啦!!!

係咪好熟口面?因為之前post過另一張都係同一個景o架,當時我honey鍾意上次o個張,我鍾意呢張,結果就兩張都揀o左...但我始終都係覺得呢張靚d!!

某名店外留影!!有點老套...哈哈!!

人來人往o既蘭桂坊,其實係鬧巿著成咁都幾尷尬o架,不過呢度多外國人,都無咩人理我,嘻!!

求婚後留影!!

睇我笑到...哈哈...

婚禮進度: 倒數八個月!!

今個月好少少,唔再一項都無完成喇!!!今個月終於買o左戒子同埋confirm o左姊妹人選!!!

主要事項
1	大日子	2009年6月20日(星期六)
2	酒席	萬麗海景酒店 Oasis Room
3	註冊地點	6pm@萬麗海景酒店 Oasis Room
4	律師	Anthony Lam
5	化妝	Meggie Yeung @ Red's Beauty
6	攝影攝錄	Lilam & Roger
7	Snapshot	Andersen Chan
8	婚紗禮服&褂	羅浮宮
9	婚紗相	Sarona Studio (已影) & 麥田映像(已落訂,1月9號影)
10	婚紗相相簿	應該上大陸整, 多謝網友介紹,不過未排好版所以未落實!!
11	小禮物	有少少idea,但可以慢慢再睇多d
12	租車	未搵
13	印帖	未搵
14	婚前檢查	未搵
15	戒子	ctf2
16	餅卡	美心, 唐餅未買
17	場地佈置	未諗點整,可能DIY
18	伴娘伴郎	Natalie & Mark
19	兄弟姊妹名單	姊妹名單confirmed: Athena, Betty, Clok, Karen & Jenny!!兄弟有待confirm!!
衣飾類
20	奶奶衫/媽咪衫	未搵
21	姊妹衫	未諗
22	兄弟tie	未諗
23	新睡衣	未搵
24	飾物	化妝師同羅浮宮都包,但可能會自己再買
25	婚紗鞋 & 褂鞋	買o左閃石涼鞋,可能會再買婚紗鞋,褂鞋未搵
26	禮服鞋	已買
27	禮服裇衫	已買
28	Girdle/束褲	未搵
29	花球	未搵
30	主婚人襟花	酒店包,但唔知夠唔夠
31	兄弟襟花、姊妹手花	未搵
中式禮儀類
32	擇各事項吉時	未做
33	過大禮用品	未買
34	上頭用品	未買
35	安床	未做
36	嫁妝	未買
37	利是封、貼紙、囍字貼	未買
38	花車裝飾	未買,亦唔會買車頭公仔,我同honey都唔鍾意
39	男女家對聯	未買
40	茶壺	未買
41	蓮子、紅棗、米、紅豆及綠豆	未買
42	紅繩	未買
43	紅傘	未買
44	cushion	未買
45	接新娘遊戲	未諗
46	回門豬	未買
47	約攝影師visit男女家	未做
48	封利是	未做
晚宴類
49	戒指枕、羽毛筆及結婚證書套	律師包
50	帖既label	未搵
51	派帖	未搵
52	約攝影師visit晚宴場地	未做
53	片頭 (成長mv)	自己整,但仲未學...
54	晚宴司儀	未搵
55	婚禮場刊	可能整,未決定
56	晚宴流程	未諗
57	酒席歌曲	未諗
58	紅酒	可能o係我爸公司買,未confirm
59	賓客簽名筆	未買,可能diy
60	簽名布	未搵
61	放禮既袋	未搵
62	啤牌、瓜子、糖果	未買
63	賓客List + sitting plan	未諗
64	預備各項尾數	未做
65	同酒店、攝影攝錄師、雙方家人、兄弟姊妹brief rundown	未做
66	各人聯絡電話表	未整
67	各人task list	未諗

兜兜轉轉,終於都係你~我倆的婚戒!!!

Yeah!!!睇中o左對戒子咁耐,今日終於買到喇,而家就等佢改圈同埋刻名,如無意外,兩星期後有得拎!!!

其實...我覺得我o地同對戒子真係好有緣!!!

呢對戒子,係honey睇求婚戒時順便睇o既,亦即係佢第一對睇o既對裝戒子!!之後佢帶我去睇,我亦覺得戴上手好sharp,不過當時未睇過其他公司o既,所以就決定要再揀o下先!!

睇呀睇揀呀揀,無錯,其他戒子亦有d款係唔錯,但唔知點解,除番落o黎行陣街後,好多時就已經唔記得對戒子係咩樣,而且,我同honey心入面硬係好似掛住第一對,可能呢d就係緣份,所以我o地就決定唔再睇,一於就買呢一對!!

終於上個星期等到信用卡可以去買喇,點知sales話佢o地收到內部通知,過一個星期後,亦即尋日開始,ctf2會大減價做八五折,所以sales就叫我o地等多個星期先買,雖然又要等,但咁都俾我o地撞o岩做大減價,慳好多o架,真係要好多謝sales提醒!!!!

今日,終於去買喇,sales仲特登係第二間分店搵對同款但平d o既俾我o地,再加埋八五折,嘩,足足慳o左二千幾蚊,仲可以參力大抽獎添呀!!!簽卡,sales忽然問: 高小姐,你係咪讀恩記?

噢!!!!你點知o架?

因為我係你師弟!!我記得以前assembly好似聽過你個名,有d熟!!!

嘩,真係好有緣呀!!!呢個sales係我honey買求婚戒時跟佢單o既sales,求婚到而家成半年喇,我o地間中就會入去麻煩呢位sales,而呢位sales都好好人,仲成日幫我o地check其他分店有無平d o既貨添,估唔到佢竟然係我o地o既小師弟!!!

相認之後當然唔少得吹o下水,問o下大家識唔識呢個o個個同學老師啦,哈哈,估唔到世界咁細!!!

總之,估唔到買戒子都可以咁有'緣份',兜兜轉轉始終係你,仲要因為等信用卡,點知咁o岩等到大減價,最後就係簽卡時俾sales睇到我全名相認番...一切真係好神奇!!!!

Sales預計11月2日會有得拎戒子...噢,當天係我生日呀!!!估唔到婚前最後一個生日o既禮物會係我o地o既婚戒,好開心呀,既然我o地同'你'咁有緣,我一定會更加珍惜你o架!!!

========================================================

是日我仲出o左MK,特登去行H&M,因為自從早排上網睇見件紫綠色裙後就一直諗係咪需要買件靚裙帶去影第二輯婚照o既便服相,可惜網上所見,所謂紫綠色裙o既真身竟然係咁...好失望...於是今日就去o左H&M睇有無平靚正o既裙,點知睇得上o既好貴呀,個人覺得唔多值,嗚...

 

紫綠色裙o既真身竟然係紅+綠...仲要望落一d都唔靚...放棄罷...

原來如此

有過幾面之緣,還記得第一次見面o既印象便是一身煙味,當時已听聞佢出名無故擴工,成日sick leave,又或者番工期間無端端失綜數小時,仲成日問人借錢...當時大家都有猜過佢點解會咁,估佢係咪賭錢?

今日,收到朋友send o黎o既一段網上報道,所有謎底即刻解開...

http://hk.news.yahoo.com/article/081016/4/8r8n.html

番來喇~~~~~依然咁吸引我!!!!

始終覺得短髮正好多!!!!好心急想N記部機快d出,咁買o左後一定入隻MV落去日日等비陪我番工放工...嘻!!!!!!!

Love Story MV

Workshop Week

今日星期成個星期都要上workshop,所以大部份時間都唔係位對住電腦!!不過上workshop其實都幾辛苦o架,坐足成日patpat都痛埋,仲好多information添,聽到我頭都大埋,都唔知幾時要記低d o野幾時唔使...

不過咁都好過坐係度無o野做就咁睇documents o既,至少時間過得快d...

到而家我仲未好知自己個role係要做咩...好想有d concrete d o既task呀,而家無o野做好似好無安全感咁!!!

Lunch,約o左第一日番工撞到o既中學師弟食飯,佢帶o左我出Terminal 1食一間叫The Green o既餐廳,雖然貴少少,但又幾好食喎,good,下次去旅行係機場唔使只係識食Burgar King喇,哈哈!!!!食飯其間,我向師弟了解o左好多公司野,好彩係呢度撞番識o既人,咁我都未至於咩都唔識又唔知問邊個嘛!!!!

一見鍾情

今朝又web surfing, o係一個大陸網見到呢條裙!!!

 

好靚呀,深紫+深綠,剪裁仲好似幾trendy同sexy添!!!一月頭我會去深圳影第二輯相,因為本身無咩靚便服,所以都唔打算帶衫去影,但而家睇o黎要改變主意喇!!!

新工作第三天

今日星期五可以smart casual,但呢度o既smart casual都真係好casual,竟然可以牛仔褲波鞋T-shirt,以前間舊公司或落site o既公司都唔可以牛仔褲,男仔仲要著有領衫o架...等我下星期都牛記笠記先!!

今日繼續睇documents...由於尋晚夠訓,所以今日精神d亦睇得快d!!而家朝朝7點要起身喇,所以我決定以後盡我可能十點半上床,唔知做唔做到呢??

講番office先,我個位唔知點解係有陣陣涼風吹住o架,咁今日就搵同事幫我搵property o既人o黎整,點知Property話我個位d風口熄晒!!o下,咁d風邊度o黎?結果下午要勞煩同事幫我封風口,仲令到同事著o左'Yuen央'襪o既雙腳暴光tim,好搞笑!!

 

====================================================

 

睇中o左部手機喇,N記5800,大Mon加Touchscreen,OS行S60,雖然我好想用WM,但D機實在太貴,而且3.2寸Mon先係新催勢嘛,橫掂又唔係未用過S60,好,就等你出!!

光陰

一如兩年前一樣,初番工o既我0task...成日就對住幾份word睇睇睇,雖然睇成日都未必睇得完一份,但感覺係就算睇完都未必會入到腦...

成日o係度發呆,睇document上網睇blog睇forum...um...我就係想要咁??...係o卦...不過襯未有task做前,真要諗諗有d咩可以靜靜係公司做,唔使浪費光陰!!

是日放工o係城門隧道口塞車,結果由放工落樓到踏入家門要個半鐘!

 

開工大吉...兼運大吉!!!

太過份...點解yahoo無得undo...我辛辛苦苦打完成篇,一個唔小心select all再襟錯掣,咩都無晒..........................................................唯有再打過...

========================================================

第一日番工, 成個感覺係好'似層相識'...

介紹新同事,用臨時access卡,大工作台,一大班上司同事,welcom lunch,參觀大office,介紹新工作,得知大家有o既benefit我係樣樣都無份...兩年前我都o係另一間大公司經歷過,而家再經歷一次,感覺一d都唔陌生...不過就令我不自覺回想番我之前離開大公司o既種種原因...anyway,路係我揀o既,我早有心理準備!!

放工,未能如願於第一天大條道理準時放工,因為同事俾我o既briefing太長氣了...哈哈...不過都係遲o左半個鐘左右o者...

去坐shuttle,唔係我以為咁免費,仲要貴E車幾蚊!!!好,就睇你係咪真係咁快咁值!!!

...點知...運吉o架!!!!!!!!!!!

架車原來行大欖唔行城門隧道,山長水遠去到Tuen Mun先落番上水粉嶺最後先番大埔!!!新界一日遊乎????????仲要係o係火車站落...結果開車到落車足足一個鐘,仲耐過我坐E車,E車落車仲要近我屋企多好多...激死我喇,好有被搵笨o既感覺,唔怪得我問排隊o既人架車去唔去大埔時無人知啦,原來個個都係上水粉嶺落車,係大埔落o既得四個咋,證明架車開去大埔真係多餘!!我以後都唔會再坐!!!

听日又係新一天,睇o黎我都要用唔少時間了解番個system,加油...嘻...不過我仲係好掛住過去一個星期o既師奶生活,哈哈哈!!!

p.s. 一朝番工都未上office就撞到中學師弟,之前係睇中文金曲都撞過一次,估唔到今日又撞番,好橋,即交換contact約食飯,yeah!!!另外,茄雲到月尾都係le度,又可以約食飯!!估唔到去到咁遠番工反而約到咁多friend食飯喎!!!

再p.s. 個個知我番le份工都問我番工係咪好遠,我仲成日答唔耐,時間同過海差唔多,仲唔使轉車...但原來...原來真係好痛苦!!!!番工無位坐,仲要唔似轉車咁有得俾你行o下,企定定好辛苦,又唔似火車咁可以'裝'人份newspaper...wowowowowowow,番工放工成個鐘有多,我又唔識係車訓覺,好浪費光陰呀!!睇o黎我要加速搜尋大mon手機陪我番工放工先得喇!!!!

最後一天大假!

今日入和合石拜完山就出o左去同honey行街街,就咁就過埋我最後一日假喇,真係有d唔捨得...

anyway,听日要開工大吉呀!!!而家時世唔好,我有工番真係好好彩喇!!!