忙完工作,滾水淕腳衝落樓趕shuttle過中環,本來望住車尾走,點知塞車轉唔到出大路,結果我拍門上o左車,仲大呼好彩,點知...呢步原來係令我紅著眼回家的第一步...六點半出到中環,目標係要七點到達順利村上奧馬training(計attendence的!)!!!!今日公事繁忙,lunch只有半小時讓我用同事account上網搵地圖搵巴士,重新確定今晚上堂地點後,終於找到我要的巴士,print出地圖,做足準備包唔會遲到!!!
我查到的巴士係唯一我搵到唔使轉車就到順利村總站o既巴士,巴士站表上除中環外的街道,我一概唔識,橫掂有公司shuttle落中環,所以都無再理有無第二個站近我公司!!!
印象中我check到個巴士站應該o係一條叫干諾道中o既地方,左走走右走走再問問途人,越指越遠,明明記得巴士站應該近海,無理由行得咁'內陸'...於是我決定企定定打電話,點知打晒俾大部份好友(包括義工朋友)同honey都無人接聽,唯有問人吧,點知問o左四五個,唔係唔識就係唔知指o左我去邊,望望手錶,七點十五分,點解我仲係o係中環...
心急如焚o既我覺得好無助,中環街道上放工o既人潮來去'忽''忽'(打唔到個'chung'字o既~),人人都有一個目標方向,而我卻像無主孤魂來來回回的認不清方向,叫天不應叫地不聞,我開始想哭了...
我除了狂地按電話外,都唔知可以點...結果...終於找到好友Jenny同Cindy,可惜,佢o地都唔係電腦旁,無法幫我查出確實位置...再之後打俾Vivi,太好喇,佢o係電腦前即時幫我查,仲教我行,奈何我呢位路痴還是兜o左路先去到巴士站!!!!...原來車站在我'遊中環'路線的中心點,怪不得走極都唔到...!!!!在我找到巴士站後,收到我miss call的朋友(包括honey!)亦陸續回電...'沒事了,想問路罷了...'...
七點三十五分,終於上到車,呢架車原來唔行高速公路,若果我無蕩失路o既話,搖一個鐘車去到都唔係太遲,但而家已經咁晏,真係急上加急,不過個心總算定番,始終我知道十點完堂前我一定到嘛!!!
八點半,到達順利村(要到達順利村可真一點也不順利!!!),再問途人終於搵到社區會堂...
...點解只有一班師奶o係度跳舞o既???一問之下,原來今晚呢度無奧馬training!!!!!打俾義工朋友問,原來今晚的training在我公司步行十分鐘就到的禮頓道!!!!!!咩話????我以百分百肯定的語氣同義工朋友講,我明明尋日同今日都check過,肯定Form上寫的是順利村!!!!!!
淚水忍不住從眼裡湧出,不知道引起了多少途人奇異的目光!!!!情緒激動的我打俾honey瘋狂埋怨,'點解你唔聽我電話?','點解我咁辛苦行到腳到損終於到順利村,而家竟然話我知呢度無堂上??',點解...
九點十五分,我在九龍堂站的月台,放工到而家快三小時,我竟然咩都無做過,站o係我平日六點九應該到達o既地方,沿路我仍然平復唔到心情,眼紅紅,明明自己做好晒準備,點解會得到個咁o既結局???
十點,回到家,家裡空無一人,因為爸媽細佬今晚出發歐遊,妹就跟平日一樣未回家!!!既然上唔到堂,咁我不如留o係屋企送我爸媽細佬出門好過啦...而家搞到我連當面同佢o地講句'玩得開心d'都無機會,點解???想番到屋企搵個人笑o下我傻安慰番我兩句都唔得,點解??honey又唔係HK,又話要忙OT,唔得閒tum我,點解??
十一點半,爸媽臨上機前打俾我,交托我要睇住屋企,心情差勁o既我強裝出一把開心的聲音說了句'玩得開心d',收線一刻眼淚又流出來了...
今天只是我家人去旅行十天的第一次,明天亦是我跟honey的大日子,點解我今日卻已經這麼可憐...
我好憎自己咁蠢,o係中環都可以蕩失路,好憎自己點解double check o左幾次都仲係睇錯上堂地點,好討厭...
朋友們,不用擔心,我心情激動才會寫出以上一大篇癈話,哭一下便沒事!!!另外,要同今日被我騷擾了的好友say句sorry,我在電話上說話可能大聲了,希望沒嚇壞你們,亦多謝你o地盡心盡力幫我搵路...Thank you so much!!!!
!!!