遊新界西

今日同honey去遊新界西,其實我honey唔多想去,但因為我o地好多年無行過o個邊,而且近排睇雜誌話葵涌廣場好多平衫,所以決定去行o下!!!

我o地先係屋企食埋尋日o既pizza,之後上網查o下荃灣有咩好o野食,結果搵到間冰廳,聽個名都知呢間o野有番咁上下歷史,而且網上食評幾好,決定一試!!!

去到荃灣,避過無數地產經紀(萬景峰就o係附近!)後去到冰廳,門口竟然有人排隊喎,又會咁誇張o既!!!等o左一陣後好快有位,叫o左豬頭肉米粉同上網睇人人大讚o既蛋治(我o地叫o左咸牛肉蛋治!),個豬頭肉米粉好好味,有少少豬油渣麵feel,但就唔算太肥,湯底都唔多油,唔錯!至於個蛋治亦真係大件夾抵食,真係未食過茶餐廳份蛋治d蛋可以咁厚咁豐富,食完好飽呢!!!!

食完o野行o左陣荃灣廣場,好多人好迫,搞到我都無乜心機睇,再之後轉戰葵涌,先行新都會再行葵涌廣場,嘩,又係勁勁勁多人,不過真係好平,$50兩件衫都有,雖然都係旺角衫,但仲平過旺角,好吸引!!!不過人實在太多喇,成日同人撞o黎撞去,而且都幾雜,唔係行得太舒服,honey更大叫眼訓,搞到我想行耐d都唔得,最後毫無收獲下歸家...um...似乎想慢慢揀平貨都係襯平日少d人先行好d!!!!