今時今日o既服務態度係唔得o架!!

上星期去探BB所以無打波,硬係覺得成星期無做運動周身唔自在,今日終於打番,仲打足兩個鐘,yeah,似乎大家都習慣o左打波喇,應該唔難keep落去o既!!!!加油!!!

今晚去打波前其實發生o左兩件事,令我有d燥(其實呢幾日心情都麻麻)!!!第一件事就係去整Poster,仲記得前兩次都係七十幾蚊,點知今次貴成倍,老闆話做完promotion喎...之後老闆仲不斷熱情介紹呢樣o個樣,好似同你好熟咁...無可否認佢好'好客熱情',但我覺得過火了,而且得知貴一倍呢,仲點會有心機聽你sell o野!!!

之後去o左7-11交台費,拎張bar code去'o都',職員問我交幾錢...o下??唔係'o都'o左就知o既咩??我話交幾多就幾多o架??我於是拎部手機show個月費SMS出o黎,職員見到$31.73就話: 不如收$32啦!!...o下??四捨五入都應該計到毫子而唔係一蚊o卦??...當然,我唔係計較o個幾仙幾毫啦,但交費交到咁兒戲咁,搞到我好無安全感呢!!!!