The Peak!!

同honey約o左上山頂好耐,襯住今個星期天朗氣清,山頂風景一定比平時少了一陣煙霞,所以今日終於切實執行呢個計劃!!!

我o地先去旺角食粥麵,個炸醬麵係甜o架,第一啖食落怪怪,但後尾又覺得OK,不過有得揀都係唔甜好d!至於個豬手撈麵係就係貴d,但都算多豬手,我honey食得津津有味呢!!!

由於出開中環,所以特登去H&M睇o下,同我同事講o既一樣,質數同ZARA無得比,男裝更擺得似Esprit Outlet咁...不過我都有收獲,副黑超$60唔使防UV,好抵,另外對銀色同紫色髮夾夠晒大,一睇就知佢o地可以應付我把厚頭髮啦,唔可以唔買呢!!

行去坐山頂纜車,台頭一望,天色好靚呀,好期待山頂o既風景呢!!!上到纜車,嘩,我似乎真係太耐無上過山頂喇(唔計Ocamp,我估都有五六年無上過吧??要check check以前d日記先得!),o架車又會行得咁鬼快,條路又會咁鬼斜o既??剌激過過山車喎...

  

我同honey o係淩霄閣shopping,記得之前上o黎佢仲整緊,所以未行過,原來入面都幾大,仲有個地方可以打機,我同honey一齊賽車,好好玩呢!!!

六點幾,我o地去食burgar king(竟然撞到中學同學呢!),因為除機場外得山頂有,仲記得上次個wopper好好味,於是今次再豪d,叫double cheese wopper,但點知味道差d,有d失望,不過個包好大,兩個人share個餐後飽到決定取消唔去今晚打算食o既餐廳!!

食完剛天黑去睇夜景,可惜頭頂一團烏雲呀,景色還是不夠清呢,不過,香港夜景還是很美,若果唔係太多人o係附近,我同honey可以邊吹風邊欣賞夜景都幾浪漫呢!!

哈哈,無腳架下,途人幫我o地影o既合照變了'鬼相'喇!!!浪費了美景!!