我們的八年!!

Honey,八週年快樂!!!

尋晚o係我最炆最傷心o既時候踏入十二點,八年了,o係呢個咁重要o既日子我竟然無晒mood,honey唯有o係電話盡量安慰...好彩我無耐後都無事,相約好今日見面時間後便睡覺去!!!

朝早番工,同事一句關心,問我尋日趕唔趕到車去順利村...唉,本來都無諗住講,點知都係忍唔住滔滔不絕咁講出我尋日o既愚蠢經歷,講著講著竟然仲係好激動,有少少眼濕濕,同事們除o左苦笑外亦深表同情,'唔怪得你眼腫腫啦!'...經一事長一智,同事們都叫我應該認o下路!!!

其實尋日喊得咁傷心都可能係因為搵唔到人聽我訴苦而屈住o左自己,而家情緒得到渲洩,心情終於平復晒...哈哈,成件事又的確係個大笑話o既,算啦...我唔介意大家將我呢件事當笑話o黎同人分享!!!

放工,差d又要OT,好彩我上星期向同事透露過今日係我一個重要日子,於是佢好好人咁幫我擋o左份OT job,話俾我老細知我同我Honey八年...老細好好人想放我走,於是打鑼咁搵第二個OT,當然,我呢個當事人要出聲啦,於是全team都知我今日同honey八週年...噢...太揚了,不過都無計,揚便揚吧,今晚唔使OT先係重點,不過...辛苦了無故要OT的同事,心中萬二分地覺得唔好意思,但老細盛意拳拳,我honey又已經就到,唯有快快鬆人!!

六點半走,唔知係咪我當黑,呢兩日俾各類交通工具玩殘,企o左半個鐘,望住兩架爆滿o既車駛過...幾時先上到車呀,分分鐘我OT埋先走車都未到都唔定!!!到火車站,一上車就"由於前面列車尚未開出...",噢,唔係o卦,當真係人越急時越多阻滯,好彩今日約o既係honey,情況同尋日好唔同,唯有嘆句運滯!!!

七點半有多終於到沙田,快步行完city super再到西田超巿,買了今晚的大餐,之後快快趕回家做大廚!!!哈哈,冬陰公湯烏冬 + Sushi + 煎雞翼腸仔, honey成日都好掛住我曾經著過o既呢d'美食',今晚佢終於等到喇,不過我太耐無下廚,買o既食物雖貴,但質素麻麻,所以Honey話上次食好味d呢!!!

食完八週年大餐已經十點,玩o左陣電腦game(駕駛巴士)就走喇,聽日仲要番工!!!

八週年呢個重要日子就係咁過o左,平淡,但快樂!!!