反叛

端午節,聽收音機聽到阿Lo問觀眾端午係紀念屈原,點解個個要祝大家'端午節快樂'!!!????之後車婉婉幫手解圍話'有得放假咪快樂囉!!!'...諗深一層,阿Lo又講得幾o岩喎...

今日放假,lunch留o係屋企食糉,之後自自在在一個人o係屋企睇碟,仲彈o左一兩首歌,好自在,心情亦好好...唉...點知...

下午發生o左d事,令我忽然覺得時間真係話過就過,有d o野o係不知不覺中原來真係改變o左,最慘仲係自己唔知道變o左,亦唔知係自己變而令到人o地變定係純綷人o地改變...總之感覺好怪,好似失去o左d o野咁...

夜晚一家人出去食飯做節,去o左旺角金雞海港,地方雖細,但d晚飯都幾大碟,好飽!!!席間除o左我妹唔得閒無o黎外,仲少了一個人,我都唔敢當場問'佢'去o左邊,一直到走我先敢問媽媽,媽媽話'佢'已經無番屋企好耐,而'佢'原來一早已經無再番學,瞞住'佢'爸去o左幫人洗頭,'佢'爸向'佢'細佬套問先知對上一次出現在家,已經係兩星期前...唉...我聽完有想喊o既衝動...好無奈,亦唔知自己有咩可以做...唉...唔通呢位年人o既前途/一生,就係咁就斷送????