由於唔敢食太飽,所以我同以往去食自助餐唔同,只係'淺嘗'...哈哈,如果正常狀態下,我估我可以食多一倍!!
基本上,個buffet都算唔錯,湯得一款,但成台人一至讚好!熱盤比想像中多款,最好味係咕嘈肉,因為仲好脆!!至於魚生同海鮮選擇比想像中少,有翡翠螺,青口,蜆,蟹同蝦,當中以蝦最好味!!魚生只係得三文魚同吞拿魚,仲有d手卷sushi咁,但唔多亦唔吸引!!最後就係甜品,好多款,不過我本身唔係太好食甜品,所以都係試o左少少,但當中有一個類似chocolate mousse o既甜品又係大家一至讚好味,另外我仲食o左個'杏浦肉'(個職員係咁講)雪榚,清清地都幾正!!!
唔使自己俾錢有buffet食當然開心,不過成餐飯最開心竟然係撞到茄雲!!大家好日都唔會去食buffet,而且佢今日仲要係唔使飛都入o黎食,咁都撞到,真係超級出奇,見到一刻忍唔住勁大聲咁笑,實在太興奮,仲嚇親我d同事,話咁耐都未見過我咁大聲添...哈哈哈哈!!
食過honey拿手美食~公仔麵後,十二點幾出發去藝展中心!!其實藝展中心分兩期,之前兩次我都係去一期,我成日以為二期應該仲有好多絲花花樽睇,點知原來二期係賣傢俬o既,所以今日都係去番一期尋絲花!!
無錯,又係絲花!!因為我唔識取捨,想整兩個絲花球俾自己(心目中兩款花球都好靚,大貪D唔想取捨!),手頭上有o既o黎o黎去去都無乜襯花,所以又睇!!
行o左不下十幾間,d花貴o既可以貴過香港繽紛,平o既亦唔算好平,都要十蚊八蚊一小束!行o左差唔多兩個鐘(悶死o左我honey,佢悶到十問九唔應咁滯!),買o左百幾蚊花,都幾滿意,但硬係買唔到綠色花仔,算啦,睇下用住手頭上o既花整出o黎係咪已經好夠先算!!
另外仲有意外收獲,原來呢度都有幾間賣水晶廉,我o地買o左少少水晶粒,可以DIY裝飾屋企個走廊燈!!
三點幾四點行去荀崗,嘩,今日好多人呀,一上到去就搵鵬鵬...其實我無格過價,但見網上面d人都好多搵呢間,就呢間啦!!迫入去豆潤咁細o既舖,拎住個兜執貨,其實真係好迷惘,都唔知要買咩,又唔知要買幾多利是封...執執執,又熱又焗心情又唔好,只想快快搞掂,埋單二百六RMB!!之後落地下買簽名布,點知無人明我想買咩,雞同鴨講,又唔肯開d筆俾我睇下係咪我要o既o個種筆,結果買唔成!!
拎住一大堆戰利品番honey宿舍再執過d行李,由於要拎埋影相o既鞋,所以都好多o野拎!!番到HK撞到3月7結婚o既中學同學,當時我又殘又支力,真係唔想見人,但當然都有交流下大家o既準備情況啦,哈!!
是晚真係好支力好支力,但仲係好心急想知^.^去CDL揀衫揀成點,傾傾傾睇睇睇,搞到好夜先訓呢!!
戰利品!!不過我原來我唔記得買褂鞋,哈!!
由於麥田剛裝好修,有個新室內靚景仲有一大批新衫,硬件咁正,令我對今次室內相滿懷希望!!!可惜,可能真係期望太大,結果我都係失望o既多,最主要原因,我覺得係我今次遇著一個認真麻麻o既攝影師!!
再一次,等我對今次拍攝各項續一評分先:
景點:
上到麥田,21樓仲未裝好修,但22樓都己經好靚,特別係新o個個室內景,唔娘,仲好高貴,睇到我wow wow聲!!早幾日上麥田網站見到佢post o既相己經好鍾意,如果要2揀1,我可能會為呢個靚靚鏡景放棄我一直強烈想影o既單色背景!!!
雖然新景可以話無懈可擊,但呢一項我都係要俾低分!!!首先,我本來就極唔鍾意佢個舊景,所以我一開始就同麥田講要影單色背景,好啦,之前佢裝修無o左單色背景d setting,所以我先要隔咁耐再上o黎影!!
到再約時間上o黎影,我msn講明我要影單色,問2月21呢日有得影未,麥田呢邊話有,可以book,咁我咪book囉,點知上到去佢竟然話我知仲裝修緊,無得影!!!o下???點做o野o架,我講o左幾十萬次我要影單色背景,手頭搵o既reference亦全部針對單色背景o架喎,我相信佢o地要查我msn record都一定搵到我講過好多次亦好清楚,佢o地究竟搞乜o架!!!!
好,睇在個新景份上,唔緊要,我搵著o既reference係新景影我諗都ok,算!!!
開始影,但唔係新景,係舊o個個室內景,未影我己經皺晒眉,同攝影師講話我唔鍾意呢個景,要影單色,攝影師話佢唔係影呢個景,主要影牆上塊鏡o者,又話影多個景無壞,陣間幫我搵有無位就去影單色背景相!!!ok,信你,你係攝影師...
由於呢個舊景,再加上最終攝影師都無幫我搵單色背景影,我要扣起好多分!!!
化妝+髮型:
今次化妝師同上次去石門影一樣,由彤彤幫我化,知道係佢化己經放心一大半!!!可惜,今次個妝麻麻o地,不過唔關彤彤事,搞破壞o既係我自己!!!
由於上次眼線又粗又起勾,我一心諗住今次影室內大頭相唔使咁誇,於是叫彤彤唔好幫我劃太粗同起勾,仲要佢用我買o個對比較自然o既假睫毛,結果,成個妝個靈魂~眼就係咁出事,影出o黎d相大部份都無厘精神...唉...
婚紗晚裝:
麥田新番批衫,好得,顏色好sharp好靚,款亦新穎過以前好多,如果我影石門o個時己經番o左呢批新衫就好啦,咁就一定唔會出現上次臨出發唔見衫,我揀無可揀好失望o既事~!!!
本來今次一心諗住揀low cut,點知又忍唔住揀o左著唔到girdle o既掛頸deep v,由於上次覺得戴nu bra好似太誇,今次決定真zone上陣,身材真係無乜,但自然好多!!唯一後悔係我只係試一件就拍板,stupid o左,我應該試多幾件先決定...
另外一個造型就係便裝,我上年年尾大減價時係sogo買o既戰衣,呢件衫一見就有'叮'一聲感覺,好鍾意,可惜美中不足係佢唔係連身裙,無辨法,我問彤彤有無半截婚紗短裙俾我配,佢又話無,亦好似唔太願幫我諗方法,算啦...唯有叫攝影師盡量只拍上半身!!
攝影: 一支花都無,我想俾負負負負負100分!!!
今次攝影師叫阿輝,識講廣東話,一路影影影,佢好似好留意我o既pose又注意到我突o左衫帶(唔似上次阿倫咁,影n張相都睇唔到我突o左衫帶!!),識留意我低頭扭頸會唔會有雙下巴,仲留意埋我個髮型,影o左一半叫彤彤幫我執過添,好似幾細心咁,對佢d相真係幾有期望o架!!!點知...睇到相後又另一回事囉...
真係要數數佢幾宗罪:
1. 舊室內景影太多,又唔幫我影單色背景!!150張相有近50張係舊景,有無搞錯呀,我講明唔鍾意o架嘛!!
2. 俾晒reference佢睇,但影出o黎做唔到我想要o既自然feel,可能佢o地都係慣擺定pose數123,唔識snap!!(呢個可能係大陸攝影師in general o既問題!)攝影師襯我化妝時自己又睇多次,仲讚我d reference影得好自然好靚!!一心諗住佢好似好明我想要咩啦,點知睇番相,只係簡中得一兩張自然d,有d失望!!
3. 我除o左指明要單色背景,另一樣重要要求就係多d影望鏡相!!!結果150張相入面得30張係兩個人一齊望鏡頭,少得可憐!!!
由於上次我俾未來99睇石門d相,佢唔滿意,得出o既comment係'乜咁多擔天望地相o架!!'...接到聖旨,今次未影前己經特登同攝影師講明!!!結果...我係就係好多望鏡頭,但我honey唔係囉(咁先大件事,未來99都係想睇自己個仔嘛...)!!!要知道30張唔係張張都影得兩個人靚o架嘛,真係大件事,我點向未來99交差!!!!
4. 攝影師拍攝技術問題!!!大家話大唔大件事!!!!
首先,最嚴重係,我honey個頭頂成日俾佢斬o左!!!!
另外新景靚就靚,但唔係好多相可揀,因為塊鏡o既倒影照到超級多人,好多相都見到攝影師助手化妝師甚至顧客...好明顯係攝影師未慣呢個新景要點就位先影唔到倒影,而佢又只識留意我個樣,唔留意鏡入面d人,好大意,我個人覺得呢個係攝影師大忌!!一個靚景,就係咁白白浪費,我好唔開心!!
5. 我強調o左好多次我件便服只想影上半身,因為我想扮婚紗,結果便服o既相影得好少,仲要好多影埋我條黑褲,點搞!!
總之,睇到相後我真係幾不滿,技術問題我控制唔到,但攝影師呀攝影師,你唔好扮聽到我要求啦,而家我要o既單色背景又無,兩人望鏡頭相又少,便裝又幫我影埋腳,想點先?我真係讚唔落...
自己:
自問為o左個單色背景,為o左便服相,我真係做足功課!!亦提出晒我要求,但我都係好想怪自己...做乜自己咁衰,要帶'自然'睫毛,做乜唔俾化妝師幫我劃明顯d眼線,搞到個妝無厘精神!!!影相o既時候做乜掛住聽攝影師指示,無為意honey無望鏡頭!!做乜我唔堅決d反對影舊景,唔緊持影單色背景!!
Honey:
Honey今次影相無上次咁肥咁,本來好good,但佢一唔望鏡d相就好似發夢咁(要知佢大部份相都無望鏡,亦即係話佢好多張都發緊夢...),又無為意自己好多相都唔望鏡頭,如果佢自己留意到,我諗就可以影到多d望鏡相!!
其他:
道具方面,我自己帶o左兩束小玫瑰絲花去影,其實唔用我都ok,但偏偏攝影師叫我honey拎住影而唔係叫我拎,好奇怪!而我honey又唔識拎花,仲奇怪!!
總之,好老實,雖然輯相未至於好核突,作為準新娘吹毛裘痴係人之常情,但每一張相可以挑剔o既地方都唔止一樣就真係過份o左!!!雖然呢d瑕疵我唔講大家未必留意,photoshop技術亦可能可以補救(我而家唯一希望就o係晒設計師o既photoshop技術度...!),但係呢一輯相,可能只係麥田想要,攝影師想要,但絕對唔係我想要!!!
我明白...每間公司有自己風格,我揀o既reference再好都無可能要求攝影師影得一模一樣,但我今次最唔開心,係佢o地成日表現到好似收到我要求,但最終都係做唔到俾我!!!
而家訓唔番,越諗越唔開心,怪完人,又開始怪自己!!!
點解自己唔俾化妝師化番上次個靚妝?點解我無留意到honey原來好少望鏡?點解我無堅持唔影舊景,只影單色背景??雖然攝影師技術係好大問題,但如果我留意到以上幾點,相信我可以揀o既相一定多過而家!!
怪完自己,我個腦又不斷係度諗excuse安慰自己!!!係咪我太大貪呢?150張相係俾我揀o者,無可能張張perfect嘛,之前第一輯相我四百幾張都係買o左八十幾張之嘛,精挑細選緊係靚啦...我麥田呢度落相簿加埋石門都係得40張相,要揀,雖然選擇有限,但都未至於揀唔出呀...!!!想影我做足reference o既單色背景相同我件便服o既上半身相,可以留番大婚o個日叫andersen或lilam幫我影呀,甚至可能同^.^影june bride照時影...
諗呀諗,我忍唔住喊...
Honey o係睡夢中俾我發脾氣嘈醒,用發口夢咁o既語氣,好溫柔咁話'做乜事咁曳呀,等我tum番'...
我呢一刻,好感動...
但係,有得揀,我寧願輯相滿意我唔使發脾氣自怨自挨,開開心心唔使honey tum好過!!!
