今日主題有兩個,就係食同埋搞wedding o既o野!!
食方面,出街前honey先買o左個麻辣雞腿包,話肚餓喎~,但其實我o地已經預備出法去深水土步食豬潤麵,咁都忍唔到,真係為食!!
夜晚我o地去到又一城Dan Ryan(我之前一直誤會book o左Outback Steak,但原來無位book唔到!),要五點半就去食,因為我o地太遲book...哈哈!!!
本來想叫拼盤+Ribs+心太軟,點知侍應話今日情人節得limited menu,無心太軟,好失望呀,唯有叫多個意粉,點知兩個人食呢d美式食物實在太滯,有d後悔,早知應該叫salad或湯應該無咁滯胃!!
夜晚一齊睇o左葉問,都幾好睇,估唔到仲有d搞笑位!!!睇完戲一齊食外賣o既彩虹糖水,有我好鍾意o既'糖癡豆',仲有楊枝甘露,好味,夠晒甜,哈哈!!!
至於Wedding方面,今日先去o左長沙灣睇印帖公司,其實都係諗住望望佢d質素咁解,未使咁快決定住!!之後就去o左中環睇o下d印logo o野,再之後就去婚紗展!!
我o地去到剛好三點半,趕得切睇Sarona(我第一輯相o既婚紗設計師!)個婚紗show,仲要好好彩霸到catwalk runway正前方o既位,個view好正,睇得d衫好清楚!!
去相!!
咁多件我最想著上面呢兩件上身!!!
右邊呢件個款都唔錯!!
大家睇到上面件衫嗎??有無覺得好熟口面???咪就係我著過o架囉,不過...我當然無model著得咁靚啦!!
中間o個位就係Sarona喇,佢真係又靚又叻女呀!!
睇完相再撲過去CDL,點知原來成日o既catwalk已經行完,我miss o左...今次入場主要其實就係睇CDL個show o架...無辨法啦,影唔到相就唯有直接睇新衫,不過d衫迫埋一堆其實都睇唔清楚!!不過職員話今次CDL番呢批衫都好多A-line款,就咁睇suki幫cdl影o既新catalog都覺得d新衫幾靚,好開心呀,希望過兩星期去揀衫時真係可以順順利利,揀到心水啦!!
CDL新衫!
經過weddingart,佢o地個booth好多人,似乎生意唔錯咁喎!!由於見siufei太忙喇,所以都無去打招呼!!
最後,夜晚仲去埋奇華買唐餅卡同埋去拎番已經整o左三毎星期o既求婚同婚戒,對戒子終於靚番喇(不過硬係覺得中間突出位置好似無以前咁尖,變圓滑o左咁...),今日都算收獲豐富呢!
P.S. 係婚紗展真係撞到Wendy(同我一齊影麥田識o個位blog友!),我走之後又收到另一個friend電話,原來佢都去o左婚紗展,哈哈,越o黎越多friend結婚呀,感覺好似好熱鬧呢!!
沒有留言:
張貼留言