ZZZ...

自星期日上完奧馬training後,我一直等奧馬公司負責人send個excel俾我update,點知直到尋日都唔send o黎,你唔急我咪唔急囉,點知尋日下午收到佢o地電話'吹'我呢,於是我咪叫佢o地send個file俾我盡快update囉!!!

我利用lunch搞掂好個file之後send番去,點知佢就叫我整個cheering plan出o黎,仲要今日朝早前send俾大家等大家星期日個training前可以做好準備工作...但係我尋晚唔得閒嘛,夜一夜先番到屋企,之後又好眼訓,於是唯有今朝五點幾起身做,估唔到做義工都可以咁忙...(o黎緊呢個星期六日都要training呀,無晒週末o既休息時間,真係慘!!!不過由於我有車牌,而我條team亦有需要,所以星期六我可以去上水學駕駛Golf Kart呀,好興奮!!)

好眼訓咁番工,點知一早係火車站行上自動電梯時見到最上一位女士的紗裙吹起了,成個pat pat(白色底)全露出o黎,噢...眼訓o既我精神為之一震...心中大叫該煨...

===============================================

女同事又又又又請病假了,同事陸續離職後office已經人很少,現在就更加冷清,睇住senior的同事們pick up了離職同事們的東西後都很忙,忙得沒空閒assign工作給我,沒人理之下,自己都算自動自覺搵o野做,點知同事連approve o既時間都無,最衰仲係我又無得上網喇(星期一開始o係公司又上唔到網喇,好唔開心呀,仲以為之前連續兩星期上到,之後都會上到唔會再cut添...),唯有o係公司發呆...慘!!!

不過,我份perm contract總算到手了,簽了後總算安心了,不過,可能也是煩惱的開始呢!!

見工(請用私人回應!)

今日有interview呀,成年無見過工,都有少少怕技巧生疏,不過懶,最終我都無prepare,哈哈!!

由於怕露出蛛絲馬跡,所以我帶備了化妝工具、束頭髮用的橡筋、隱形眼鏡同一條西裝裙準備放工後大變身,不過由於怕西裝裙會縐,所以我著o左係面裙內,變相著o左兩條裙番工,好彩都唔太熱,哈哈!!

放工,第一次撘正五點十五分走,咁o岩我爸打俾我,原來佢係附近,於是我就有順風車坐去interview,點知...我變身需時再加塞車,開頭好驚遲到呢,好彩,最終剛好六點十五分去到,沒遲沒早o岩o岩好,簡直?一把汗!!

填表加Interview大約一個鐘,原來我舊同事都係被呢間公司employ後才認識該interviewer,等我仲一直以為佢本身識呢間公司d人才refer我呢!!Interview都算順利,interviewer更不斷強調呢個position佢o地唔介意請無任何經驗的人,還著我有朋友想轉工都可以refer(佢o地正積極expand緊!!),就咁聽落,我有一年經驗呢,請的機會不少吧!!!

In完後同同事同佢女友食飯,去o左詠黎園,今餐佢請(佢最後一日無請同事食西餅呢!),到我真係有offer時一定要請番佢食餐好o既以表謝意先得!!!

夜晚,同honey傾電話,一齊研究如果真係有offer我應該點做,得出o既結論就係最好現公司不作counter offer,咁我就唔使煩,疊埋心水resign!!!!

等我再總結下做consultant公司同in-house的好壞先:

Consultant Firm:

好:
學到IT Project Workflow
公司肯投資,條team已由兩月前的2人增至7人,還繼續expand中
學到最新system Version o既skills
接觸不同system
可以擴闊人際網絡
薪籌滿意

壞:
工作地點不定,Client是誰便要往那裡工作,可能要番大陸
工時較in-house長,因為對外,所以可能要通宵趕deadline
一年contract
做了一年又轉工,CV唔靚

In-House:

好:
人事變動後我於team中的地位提升了
做多一年CV靚d,唔會令人覺得我成日轉工
可以睇多d department的內部運作
Perm,褔利較好及全面
放工時間早

壞:
只剩我一人做development,未來OT的日子將急升
亂,學不到IT Project Workflow,做壞手勢
公司system沒打算upgrade,學不到最新Version o既skills
薪籌低

另外,仲有個大大大難題,就係公司剛轉了我做perm,上星期爭取加人工時我先講過自己很有誠意留低,若果consultant公司出了offer,我真的不敢相像自己如何開口resign...很怕會激嬲老細或令公司失望,因為我百分之二百肯定同事們無expect過我會resign,我的resign絕對係襯佢o地病?佢o地命!!!...

 

熱情有時是很可怕的!!

唔知大家識唔識有d人係特別熱情,熱情o既程度可謂令人覺得'可怕'!!!

今日的義工活動我便認識了一位主動熱情的女孩,佢熱情的不斷癡住我'了'我講o野,更主動地送飲品俾我,似乎'特別'留意我同對我好,令我第一次懷疑認識的人可能是'Les'...希望只是我對佢o既'熱情'敏感吧...

不過,對於'熱情',我還是有深刻而又痛苦的體會,一切自兩年前開始...

兩年前我仲o係舊公司做marketing o既時候我認識了一個做summer的女孩,佢熱情主動,雖然只係做兩個月summer,但佢好快就同同事混熟,亦好快睇通公司內的人事關係問題,當時我大約做了八九個月啦,但都仲係矇盛盛,反而要佢提點番!!!

我同佢先後離開公司,之後佢就成日主動搞Re-U食飯,開頭我都覺無咩所謂,當聚舊,但聚多幾次就越o黎越唔想去,只係難以拒絕佢o既熱情而免為其難出席,有時真係幾辛苦!!!

點解我咁唔想去?最重要原因就係我跟本同舊同事唔熟!!!熱情o既女孩每次約Re-U都會約大約五六個舊同事,但其實,除女孩外,我一個都唔相熟,沒話題不特止,每次唯有講番舊公司的某某某某是與非,老實講,舊公司同事的事,我完全不感興趣,唯唯諾諾地坐一整晚聽是非,我真係覺得好無聊好悶,每次都令我覺得時間過得好慢好難受!!!

第二個原因,係佢o地每次都好豪!!!!豪o既程度同我而家d同事不相上下!!!每次Gathering不是他生日便是另一個他生日,還記得有次去了CWB一間普通的餐廳食飯,佢o地有7-80元的晚餐不吃,竟然齊齊話'高興'而要食豪d,全部叫了百幾元的牛扒据,可憐我堅持叫了80元的晚餐,最後連生日禮物及蛋榚,平均除後還是每人盛惠二百多元...!!!!錢,花在願意花的地方多多都會覺物有所值,但花在不願花的地方時,就會令人非常肉痛!!!!自問我跟某某同事講過的說話少得可以數出來,為何我要豪花數百去賀佢呢???

所以,現在每次收到女孩的電話我都感到很害怕,因為我知道每個電話就等於數百元,於是我開始用不同的藉口推卻約會,對上一個星期二我便扮OT而爽約了...內心其實都好唔好意思,好像背棄了女孩似的,但我知道如果我應約,我當晚一定更加難受!!!!

其實,我是知道女孩的熱情是沒惡意的,但我始終不敢向佢坦白"其實我同你同舊同事都唔太熟",因為我知道這樣一定會傷害到對方!!!如今最好的應對方法,可能是選擇不聽對方來電,極間中才無奈應一次約吧!!!

Morph!

好耐之前介紹過一個叫myheritage o既網,只要upload張相佢就會話你知你有幾多%似某某明星名人,而家佢出o左個新功能,就係幫你整個漸變動畫,都幾得意呢,有興趣可以睇o下!!! 

http://www.myheritage.com/FP/Company/member-celebrity-morph.php?xml=http%3A%2F%2Fstorage.myheritagefiles.com%2FH%2Fstorage%2Fsite1%2Ffiles%2Fl2%2Ffk%2F32%2Fl2fk32_492169412aca64fctqjg32.xml

http://www.myheritage.com/FP/Company/member-celebrity-morph.php?xml=http://storage.myheritagefiles.com/H/storage/site1/files/li/zo/32/lizo32_632985dad9ca64duvcpu32.xml

Cheering...

八點半起身,因為今日又要入體院義工training,本來好期望今日呢個job-specific training,點知負責帶training o既manage得唔太好,結果我都唔知今日學o左d咩!!!

九點半入到火炭,由於今次同平時聯絡開o既分組唔同,所以部份人都係第一次見面/認識,而我o個組入面十三個義工,得兩個女仔,連自己都覺得自己好珍貴呢,哈哈!!

在奧馬公司同事的帶領下,今日重點竟然落在構思Cheering Activities上...而且明明已經過了training完結的時間,但佢仲好似無所謂地繼續講無聊笑話,令其他心急要走的義工頗為不滿!!!

雖則我明白一條team入面Cheering o既重要性,但我認為Cheering應放在認識最基本的工作之後呢!!!結果我今天的感覺就只係浪費了大半天,我還是不知道我半個月後的好運北京比賽中的工作...十分無奈...

不過今日都仲有d值得記o下o既事發生o既,就係今日我第一次有機會吃會場provide o既伙食,而且仲好豐富添!!!午餐有六款,小食有雪榚,榚點,生果,朱古力,汽水,電解質飲料x2,同果汁,聽到都覺飽呢!!!只要義工番夠八個鐘shift就可以享用咁豐富o既食物,都幾開心,不過我今日約o左honey lunch,所以只係食o左d小食,未試正餐,不過美心o既質素,而且仲係會賣俾觀眾o既,我估都唔太差吧!!!

(今日拍了照呀,不過要等人send番俾我,遲d補番!!)

滿身盡帶肥羊味~

原來都差唔多半年無上深圳喇,時間過得真快呢!!!今日上o左深圳行街,o係羅湖城睇鞋,見到我近排o係旺中買的高跟鞋,深圳平十蚊啦,之後又見到我o係香港睇中過o既涼鞋,呢度平三十啦,但點知無我碼,可惜...結果今日咩收獲都無!!!

夜晚食小肥羊,其實都知實會食到好飽好熱氣,但又真係太耐無食過喇,依然好美味,食得好開心,不過之後番到屋企都仲係全身小肥羊味,仲勁過去唱K飲o野後o既煙味,有少少難頂,哈哈!!!

破記錄!!!

破記錄,兼好肉痛...盛惠$178!!!!!

Lunch去o左間法國餐廳食扒,Set-Lunch由108至138不等!!我食o左羊扒,老實講,我唔係食家,真係唔識分別味道o既好壞係咪真係充份o係價錢度反映到(講真,我次次食完都對主菜無乜感覺,反而覺得貴餐廳d餐包、餐湯同甜品真係好味好多!!!),只係深深覺得邊食邊肉赤咁辛苦又何必...

今日呢個仲要係farewell飯,不過還好,今日都有十個人share番,算多了...唉,人食lunch我食lunch,點解我日日帶飯做慳妹,結果每星期食o個一餐lunch o既價錢竟然就足夠人o地食一個星期...認真無陰公...

結果,我就係咁破o左之前$160 o既記錄,同今日恆指相反,再闖新高...

 

峰迴路轉???(請用私人回應!)

今日食完午飯後好眼訓,feel到個腦轉得好慢,而且唔知點解今日個肩頸位好痛(我覺得同尋日打波無關,似坐姿唔正確多d!),所以今日做o野o既效率好低!!!

好不容易放工,番到屋企又得番我同我媽兩個人食飯,好少人...食食o下差唔多八點電話響,一聽,竟然係同事幫我apply o個間consultant公司打o黎叫我下星期interview喎,我第一個反應係"o下,咁夜仲打o黎,好夜放工喎!!!",第二個反應係"噢,乜d timing咁唔夾..."!!!

我決定唔理三七二十一 in o左先!!!!

得,就多個choice,不過而家我未簽合約,絕對唔可以resign,如果唔係呢幾日份糧唔知會點,而且我同公司bargain完後又resign,感覺好似好無誠意,令老細/公司印像唔好,如果真係得o左,真係要好好諗清楚點樣處理!!!!

唔得,就當見識多d,練o下久違了的interview skills,又可以知道自己的料子去到邊,都好o既~!!!!

不過,講到尾,如果呢個interview係上星期發生就好啦,話唔定in成o左我就可以好豪爽咁學同事咁一日通知就離職...而家我未簽新約但又口頭上答應renew,時間唔三唔四...

打波

今日終於無再因OT放Agnes同May飛機,可以一齊打squash喇!!!!!!由於大家最近o係工作上都有d改變,好多計要傾,所以都特登早少少放工,未夠七點出到黃埔!!!

本來我o地有coupon,諗住去珊瑚堡,點知罷o左烏龍去錯地方,最後食o左間澳門餐廳,叫食送食飯,有湯有甜品有餐飲,又幾豐富喎!!!!

打波,點知飯氣攻心喎,好快就好眼訓,都唔係太有精力打,好想訓覺!!!無心機打就緊係變o左吱吱喳喳傾計啦,!除講工作外,仲講去唔去同學o既婚禮同股巿,哈哈,大家都好積極學習投資,打波休息其間不忙拿著報紙學看經濟版...不過現階段大家都仲係羊哩...

Agnes,你要努力呀,祝你工作上都快d有好消息!!!!!!

大公司

沒有合約在身的我照常上班,事實上我真的可以不上班呀,而且我已經嘗試push老細,問他我沒有合約在身上班會有甚麼保障,得到的答案當然是'你放心啦,份新合約公司高曾已經簽了,effective date係七月二十四日,所以唔會出現無保障問題'!!!!

大公司大公司,若果我呢幾日因公事身亡了(啋!),合約上的簽名我到時想補也補不來,談何保障???大公司咁多個腦唔通唔知咩??最過份係我仲要o係呢間公司o既HR department做,HR處理咁多人事問題,竟然沒嘗試去保障公司及員工,避免沒合約在身上班而出現意外時所引至員工及公司的損失,實在說不過去!!!

為保障自己,我決定用blog記下此事,雖然我未能在此提供任何真憑實據去證明自己說的,但至少讓有份看我blog的朋友們為我作個證!!!!作為打工仔,相信大家都明實際情況下,沒有合約而上班都係為勢所迫(做得太絕會飯碗不保的!!!),我唔想得罪老細而令自己往後日子變得難過,若果未簽約前發生甚麼意外,希望大家出句聲支持我!!!!

唉...

==============================================

老細今日係office了,朝早十點就搵我傾了幾句,談了十分鐘吧,不過他所說的其實亦沒有甚麼特別,不過聽後我個心係舒服o左少少o既~

算啦,要爭取,將來還是有機會的,現階段,我應該專心點,努力工作,爭取表現亦係爭取更好待遇的一種最實際方法!!!!

新的一天開始了,加油!!!

完

Keep住前日被激起的一把火,今朝番到公司第一件事就係send email俾老細話佢知我對佢上星期五說的terms有feedback/request,點知原來老細今日唔會番office,整天都要留在中環開會,不能面對面傾始終不大方便,結果老細九點二十分打俾我,我o地進行了十二分鐘電話對話!!

要說的都說了,各有各立場似乎討論中並沒有得出一個結果(唉,動之以情,說之以理從來都係一種很難學會的技巧!!)!!老細話會幫我向上面(上上上,唔知有幾多層...)反映,我亦順道說出我今天contract end 的事實,我很有誠意留在公司,但明天後天沒新合約在身,我亦想知道對我有何保障...由於想盡快得到答覆,我亦不會介意過去中環同另一位專責處理employment o既同事當面相討!!!

現在已經一個上午了,電話沒有響起,只剩下半個工作天,希望...希望一切順利,我能得到合理答覆!!!

=============================================

忽然想起,原來同事帶住不滿last day離開只係一個星期前的事,不知何解,感覺上我以為過了至少兩星期呢!!或者,這證明了今個星期實在發生了太多事...

不過...感覺漫長而滿是煩惱事的一星期,相信係時候結束了!!!!!

下午四點半,老細給我回覆,我要求的,他們滿足不了,但改以另一個形式以示希望我留下的誠意,可惜實質上有多少及是否一定兌現並沒有以白紙黑字記下來(我當然有要求過!),感覺還是很沒安全感,但係自問已經絕了力去bargain了,結果雖然未盡如己意,但至少比沒出聲好...算吧,乖乖'捱'多半年(我已預了未來的日子晚晚OT到十一點了!)再作打算,在此公司,能學到的應該還是有的吧!!??(選擇離去的同事對此不表認同!)

一年的contract今天正式結束!!明天,我要沒有contract在身做'義工',不過,還是一個新開始吧,努力呀!!!!

お帰り！

Honey回來了!!!

我七點到機場接機,企了很久很久都不見honey,望望Billboard,原來飛機比原定時間遲很多才著陸,企到我腳仔都軟呢!!!

等候其間見到一個好似'老翻碧咸'o既鬼佬,好高好eye catching(外貌算吸引的,但係屬於唔討好o個種!!),佢身邊仲有個豆釘般o既辣妹,細細粒都唔知有無150高,古銅色皮膚加粉紅色連身短裙,仲要無帶bra突點,成隻小妖精般同'碧咸'咬耳仔,鬼咁親熱,令好多人都不時打量佢o地,仲有人用相機偷影呢對咁耀眼的外國情侶!!!講真,我覺得佢o地真係d唔知咩二打六外國明星都唔奇呢!!!!

七點七,收到honey電話呀,好開心,但原來佢仲等緊行李,於是我繼續企o係接機大堂等,大約八點,終於見到honey出o黎喇,我見佢左望右望咁,望極都望唔到我呢,哈哈!!!

買Burger King番屋企同爸媽分響,之後同honey坐機場巴士,點知可能未食o野,好快就轉到暈暈o地好唔舒服,都無乜心機講我公司o既情況俾honey知添!!!不過唔怕,之後呢個星期慢慢講番都得,哈哈!!!!

好開心又可以晚晚同Honey傾計,多謝honey買番o黎o既手信,好靚!!!

我有無bargaining的餘地???

算係喊住口咁訓,睡了八個鐘,似乎都仲未cover得番之前一日o既睡眠時間,還是很累沒精神!!

起床一刻我feel到自己還是在諗住個program,噢,不要再纏擾我了,簡直是惡夢!!!!所以,起床一刻起了一個念頭,就是想反抗!!!

我認為我是有bargaining的餘地的,我不應該任由公司宰割...

撞鬼,又咁早起身!!

想點呢~尋晚OT到咁夜,番到屋企沖完涼點半,一online離職了的同事即MSN我,講我份新terms講公司形勢,聽得出佢仲好有怒氣!!!傾傾傾,兩點半先訓,點知成個腦仲係份program,似乎唔慣OT的我精神有點緊張,訓唔著!!!

我估三點幾睡著了吧!!點知晨早八點俾太陽曬到熱醒,之後個不自覺在運轉,訓唔番了...一晚OT便換來需要幾個月睡眠才淡化了的黑眼圈,太過份!!!

唉...幸好今天honey還未回來,我無街出,希望我尋晚幸苦完成的工作無任何差池...(都幾難...)...我不想真要remote access番公司做...

=================================================

今日舅父同舅母o黎我屋企,雖然我今日吽吽o下,但都有打番兩圈,仲不受我眼上的黑氣影響,旺氣迫人呢!!!!

=================================================

夜晚同同事MSN,唔係o卦,又想改個program design??????不知不覺講到無名火起,今日老細call(我miss o左!)原來係想我又改program,想點呀,如果係我尋晚OT到咁夜改的program有bug要我改相信我唔會氣憤,而家分明不是我問題,而係user未諗清諗楚而又想改呢樣o個樣o既問題!!!!!

有點氣憤添...或許唔夠訓心情煩燥,一股怨氣不自覺向同事講晒出o黎...唉....

我仲o係公司OT中呀!!!

Oh!!!OT了六個鐘,十一點幾先走,破晒紀錄,我仲要拎埋公司notebook番屋企,預備未來兩日假日隨時on-call remote access番公司做o野...不過...我係咪應該慶幸呢個OT o係我做了一年後先第一次出現呢!!!???老細話佢今日同我講新terms o既目的唔係想我做到咁夜...哈哈...我都知,但...似乎呢d亦係我相對要付出o既代價,只係希望呢d代價同新terms成正比,不要太過份!!!

整天做做做,contract end是星期一,點知今日到五點幾老細仲未搵我傾,於是忍唔住開口問了!!!就像預期中一樣,呢間公司認真唔掂,新contract還未預備好,我極有可能o係無contract下當幾天'義工',不過,老細亦口頭同我講了我的新terms!!!!!

由於之前已從同事口中知道了一個大概,正式知道時竟然無特別興奮,反而因為離職/將離職的同事同我講過我而家的profile在巿場上的價值後,對今次公司給與我的新terms感到有點不夠滿意,或許不知道出面環境的話,我知道今次新terms會開心同滿意一點!!!

至於新terms呢,就包括了salary adjustment,promotion同轉perm,還記得幾個月前已經放棄了轉perm的念頭,但因為呢個月內太多人走,headcount多了才輪到我,而promotion呢,亦可能因為公司準備請fresh grad以填補流失的空缺,為免我同fresh grad同級而promote我,所以,o係今次'公司政變'中,我可算係'漁人得利'!!!!

我,是會接受新terms的,而且,我並沒有其他選擇!!!近日同事們猛去interview,相信很快我便做'大姐姐'了,不再在team中最小的'o靚妹'!!雖然離職/將離職的同事向我分析了很多公司的缺點,但我知道以我的淺經驗,留在這裡還是有o野學的!!!

但經過同事們鼓勵,我對自己於巿場中o既競爭力亦開始有點信心,所以,現在我決定短期目標為半年,半年後拎埋年尾花紅出去闖,當然,我亦要於半年來keep住update 巿場形勢,以免好似今次咁,一切太突然而準備不足,亦唔想好似而家咁對自己的價值有幾多都唔知,對自己好蝕底!!

現在,一切都定了,一個星期的風波算是有了結局!!!現在,我只寄望公司快快請多d人分擔我這個唯一的developer的工作,不然,未來幾個月我將極多機會晚晚OT到今日咁夜了!!!!

P.S. 同同事們食完宵夜十二點九先打的由灣仔番屋企,第一次打的坐咁遠,原來車資無想像中咁貴,七折後百四多d,大約半個鐘番到,同事個個話我OT到咁夜最抵...哈哈!!

仲有,我要多謝呢個星期幫過我,俾過我意見,聽過我訴苦的大家,多謝!!! ^3^

想

幾天以來每晚只能同honey講幾分鐘電話,你知嗎,呢個星期我在公司的發展簡直日日新鮮呢,真係我有好多好多o野想同你講呀!!!快d番啦!!!

收埋最新留言一排先!!

最近我被公司的事煩著,日日寫的都同公司有關,所以全部都set了做私人日記,但yahoo留言卻會公開朋友在私人日記的留言,所以我決定暫時收埋blog右方的'最新留言'一欄,費事走漏任何風聲...

不便之處,敬請見諒!!!

討厭做決擇...但我有選擇嗎???

聽聞我的新terms firm了,同老細相熟的同事透露了大約情況我知,雖然還未從老細口中確定消息,但我想也有八九成兌現吧!!!另外,得知朋友幫我refer o既銀行IT工落空了,因為空缺已被fill up呢!!!

前途/學習機會/穩定性/薪籌....以上四種工作因素於不同的工作選擇中佔有不同比重...要選擇的時候真的感到很惱人!!!

Consultant Firm: 學習機會多,可以學到IT project workflow,所有o野都systematic d,薪籌比in-house高,但工作較focus,即所學的technical skills可能太專,出路可能較窄,而且大公司的project完了接不到job便無o野做,穩定性低...

In-House: 薪籌雖然比consultant firm低,但大公司始終較穩定,而且我apply 的是一間大銀行,從project中一定學到IT project workflow,學到所有IT project related o既documentation!!

現職: 薪籌最低,無IT project workflow可言,唔systematic,但由於夠亂,所以可以學到不同technical skills...但IT project中最重要的workflow同documentation統統無得學...而且公司現況出玩倒三角架構,management level有幾個,但得番我一個做development,工作量亦不會反映在薪籌上...

就咁睇,現職o既條件好似最差,但...事實上我而家跟本只有現職一個選擇...唉...星期一便contract end,如果new terms真的firm了,老細聽日或後日應該會同我confirm new terms了...煩惱多天,最後似乎還是要留在原地...

我的價值

第一日上班見不到同事呢,望著新office內我坐的area,四個partition入面一個未搬有office前已離職,尋日又多一人消失,再一個月後,team內我唯一的女同事也要離開...另一條team的女同事今日行過我桌前也對我說"Feon,你遲d咪坐晒4張台??"...唔只四張台,仲係做4個人o既工作...如果人工可以豆番四份又唔區...

想著想著,如果我可以好似同事咁1日通知就忽然消失都唔錯...

夜晚,同事打俾我交換情報,原來老細同同事上星期五傾contract一刻其實未firm package...似乎...我要有心理準備我可能要無contract在身去番工,甚至package唔理想都要accept...

我問同事,以佢多年經驗睇,我現在的profile在出面巿場價值多少,出來的答案嚇了我一跳呢...

似乎,我對自己o既價值有多少還是毫無概念,同事講得o岩,我應該出去見o下工,就算一心打算留係而家間公司都好,至少知道自己價值幾多,唔可以任由而家公司擺佈!!!!!

我要努力!!!!

Bye!

今日同事last day,嘻嘻哈哈食過farewell lunch,放工一刻都有點不捨得呀,話晒番呢份工成年以o黎,除上星期開始變為'背對背'坐外,其餘日子大家都要share一個partition'面對面'坐,做o野做到悶時'吹吹水',所謂'朝夕相對',我同呢位同事都算最熟了,雖然事前都預o左,但1日通知就走,始終太突然了!!

夜晚8點收到老細電話,都估到大約講咩了,不出所料,佢怕同事的離職(正確點說,應該係contract end)會嚇怕我,所以向我交代我的contract正等待高層批核,同事走的原因只是有'better opportunities',而公司其實offer了perm及salary adjustment給同事的!!我當然明白啦,但我離contract end只差一星期了,我還未知將獲得的package,雖然我好'Hup',但並示代表我一定要accept公司的offer呢,到時我唔accept,公司又要再adjust及再等approve,我也難保我contract end後未有contract在身會不會上班呢!!!

同事已把我resume send去一間consultant公司了,希望早日有得interview啦,學同事們話齋,我要strong d先得!!

快d番呀!!!

今朝一online諗住寫blog,點知見到honey留俾我o既message,驚喜萬分,搞到有少少眼濕濕添!!!其實前兩日開始,honey未出發我已經開始唔捨得喇,一個簡單o既message當然足以令我眼濕濕啦!!!!

Honey一星期後先番,我以為自己早就慣了honey星期一至五不在身邊,每星期只見面一兩次甚至一兩小時,但今日Honey飛了,還是好唔捨得呀,可能係因為honey太耐無試過離開我咁耐啦(佢話佢離開我一個星期不知幾開心喎,可惡!!)!!

嗚...之後一星期無得晚晚煲電話喇,但你記得要打俾我話我知你的Training Course如何、看了昇旗禮、做了好漢未呢,仲有,影多幾張靚相同買多d手信俾我呀,無手信我實唔放過你的!!!!哈哈!!

上course唔好hup眼訓,學多d見多d,玩得開心d!!!!!

==============================================

Honey十一點幾飛前打過俾我,估唔到三點幾已經收到honey的長途電話,原來佢公司有provide sim card俾佢同佢同事用呀,太好喇,唔使就住計住幾分鐘咁打,好開心呀!!!夜晚無得傾電話可以早d訓,忽然又收到honey電話,仲以為佢今日打o左唔會再打添!!!

...原來,這麼遠那麼近,唔使一日就慣喇喎,哈哈!!!

同同事飲茶

尋日下午出o左旺角同同事們飲茶,自從無打波行山後都好耐無試過星期六/日見同事了,今日咁好興志,可能都同最近公司發生o既事不無關係,不過,都好開心佢o地預埋我份,嘻,可惜我塞車,遲晒大到,真唔好意思呢!!!

今日我+三位同事再+其中一位同事GF,五人去o左潮樓飲茶,都算叫得幾多食物,埋單每人$44,又OK喎!!!我o地當然有談論公司的事啦,星期一同事last day,太突然了,真唔捨得,唔知仲有無彎轉呢??

之後去行o左陣先達睇電話,同事們都猛叫我買,雖然我真係幾鍾意部機,但實際需要唔大,要上網,我而家部機都可以,要上早上了,所以我懷疑我買了新機都係唔會Online,咁咪浪費了部機囉!!!如果真係買,我最多利用個keyboard番工放工坐車時打日記,但honey話我又打得幾多喎...咁又係...但白色機好靚呀,亦好想玩window mobile 6...嗚...掙扎中,好唔好用gratuity買好呢...

再之後上同事家打Wii,網球同捧球我今次第二次玩咋,棒球依然強勁,上次7分今次6分,全壘打之餘仲要係場外全壘打,同事大叫有天份呢,哈哈!!!!不過之後玩另一隻game係射擊o既,我就好明顯好弱喇,仲慢到連畫面都hang了,好搞笑,換轉俾另一位同事玩,佢好快就打完呢,勁!!!

番到屋企,以為今日打得一陣Wii雙手唔太支力,點知真係俾同事講中,舉高手時真係有d無力呢,哈哈,聽日實好支力呢!!!

驚喜

老婆我好愛你

第尾

尋晚約了honey食晚飯(其實本來我要打波的,臨時甩底唔好意思呢!!),我先到側魚涌再同honey一齊坐巴士去旺角,沿途我當然係不斷訴說我工作上的不如意事啦...

睇o左陣電話,我又心郁郁了,其實大半年前同事們買了的那款手機我一直很想買,而家出了白色更令我心動,之但係...我買的目的似乎只係貪靚同埋想玩window mobile,如果我買了不用來上網打字(個機有keyboard),其實是浪費了這部好機的...um...要效慮清楚我的實際需要先得!!!!

honey陪我行街,買o左對鞋,個款幾靚,好開心,點知原來旺角中心大把喎...還好,我買的比旺中還要平接近$20蚊,七十多元的鞋子,出街撞便撞吧,而且個款都算大方,撞都唔怕!!!!另外,我仲係旺中買了對耳環,好似勁多年無係旺中買耳環了,似乎係旺中,我的確年紀大...哈...

食飯,去了'第尾牛扒',上openrice其實佢好似叫'茅屋牛扒',而餐排就係'大興',名字真多!!!食完羊同牛,侍應無問幾成熟,出o黎熟了點,'un'了點,但味道不錯,而且保證新鮮熱辣,鐵板上的汁'jaja'聲彈得好勵害,睇見都開心!!!

網上食評成日話d侍應態度差,嫌客慢,其實都唔係,都算有禮貌呀,速度快反而幾令我同honey欣賞,因為上菜時間控制很好,侍應見食到咁上下便會自動上下一道/問你點飲品,客人完全不用等,亦唔怕一次過台面上滿菜無位放/食物變涼!!!!不過快還快,侍應太快令我都急埋,問o野飲時好似都要好快咁答佢,搞到我諗唔切亂叫,估唔到太快都有壓力,哈哈!!!!

最後,俾錢時我又傻了,拎十蚊結果拎了十五蚊,變相俾多了錢,雖然係小數目,但感覺自己好似派錢/送錢咁,硬係有種唔甘心o既感覺...哈哈...