會爬了!!

試用MamaMia多功能揹帶

又試揹帶喇!!!

好坦白, 比起上次環型揹帶同X揹帶, 今次呢條多功能揹帶明顯感覺笨重好多, 要扣少少印象分!!!

外型唔睇得, 又睇下揹起上o黎點先!!

首先, 預備Baby Kobe一個!!

預備好!!

跟住就係扣, 扣, 扣, 扣 & 扣!! 

完成!!

睇番相先知, 我件衫原來遮住o左揹帶箍住條後腰o個個承托帶添!!! 失策!!

唯有再post 多次產品相啦!!!

睇到嗎? 呢個就係腰部承托帶喇!!!

我將佢扣到最緊, 的確feel到揹帶將BB重量分散到腰部, 唔使全部力都聚晒o係肩位, 我揹住Kobe一段時間肩位都唔太攰, 要讚!! 

不過呢...請大家留意揹帶個'X'位, 唔知係咪我揹得唔o岩定係真係咁, 佢位置比較近頸部, 令我覺得頸位好似被壓住, 揹o左一陣已經有D唔舒服...

Overall o黎講, 呢條多功能揹帶俾我印象只係普通咋, 或者之前X揹帶同環型揹帶俾我印象唔錯啦, 所以今次有D期望...

最後就係, 話明係'多功能揹帶', 但包裝盒內無說明書講解揹帶有邊幾種配帶方法或功能, 呢樣真係要改善一下呢!!

Mamamia以實惠價錢提供一系列高質素母嬰用品，現於全線荷花親子店、新都城百貨公

司、爸媽部落等各大商店火熱發售。

      http://www.facebook.com/mmm.hkg

      查詢電話&電郵: 3520 2026 / sales@parakeet.com.hk

      更多分享: www.Yes-Parents.com / http://www.facebook.com/YesParents

試用MamaMia2合1 嬰兒睡袋

天氣轉涼喇, 呢張MamaMia 2合1嬰兒睡袋係時候出動喇!!!

 

打開晒成'L'形, 半歲前可以當簿被用!!

 

不過Kobe仔開始大個仔, 天氣又涼o左, 唔係太夠kum!

另一個用法: 

拉埋拉鏈位, 再貼埋魔術貼就變成被袋喇!!

被袋仲有個細心位, 就係有孔可以俾BB車o既安全扣穿過, 係車仔度用都得!!

 

睇o下Kobe仔訓得幾舒服, 咁樣出街訓o左都唔怕吹親, 又唔使怕普通毯仔咁, 好快被踼到跌落地! 另一樣就係, 呢個睡袋唔算太厚, 秋涼用真係好適合, BB仔體溫較高, 訓o係度好多時背部都會好熱, 呢個睡袋厚簿就好適中, 擋風之餘唔會焗身, 真係唔錯!!! 

Mamamia以實惠價錢提供一系列高質素母嬰用品，現於全線荷花親子店、新都城百貨公

司、爸媽部落等各大商店火熱發售。

      http://www.facebook.com/mmm.hkg

      查詢電話&電郵: 3520 2026 / sales@parakeet.com.hk

      更多分享: www.Yes-Parents.com / http://www.facebook.com/YesParents

接近成功!!

Kobe仔半歲喇!!!

Kobe仔半歲大喇!!!

大個仔, 人奶開始供不應求lu!!! 呢排 Kobe半夜個幾2個鐘醒一次食奶, 搞到我半夜起3-4次身, 仲辛苦過初生時!!! 所以早幾日開始餵粥仔喇, 但暫時份量唔多, 當餐同餐之間o既小食...而家煩緊點set schedule, 因為佢一直都係3小時一次奶, 如果要改4小時一次, 唔知佢會唔會好早喊餓...或者學朋友提議, 先試3.5個鐘一餐先: 0900, 1230(粥), 1600, 1930(粥), 2300? 半夜任佢...希望OK啦!!

另外, Kobe半歲前1日終於識用飲管喇, 慢過Koey呢, 仲記得Koey 5個月多d 已經識用飲管飲粥水, Kobe仔試o左大半個月都唔識, 尋日終於無啦啦掌握到, 時間真係o岩o岩好, 咁我就唔使煩食o左粥之後點餵佢飲水喇!! 

至於爬呢, 睇番Koey細個, 佢係半歲10日識爬o既, 細佬呢幾日都開始gut pat pat, 唔知真係識爬又係幾時呢? 雖然係好期待, 但我知細佬識爬後我將會超忙, 怕困佢唔住同會亂咁搞o野, Koey就算係管家婆性格, 但都未必時時刻刻理佢, 一諗起將會好忙, 有時又唔想佢咁快識爬lu, HAHAHA!!!

最後就係, Kobe開始食固體, Koey對細佬o既一切轉變都好有興趣, Kobe用飲管柸佢又要用, 爭住話要示範, Kobe食無味粥又爭住要食, 仲話好好味, 但自己D有味飯菜就照舊唔食...總之就隔離飯香, 都唔知好嬲定好笑!!!

話俾Koey知細佬半歲生日, 叫佢送吻之後再攬o下細佬!!

排排坐, Koey要學細佬個坐姿!

上次Kobe 5個月著蜜蜂衫時好想影到佢同Koey5個月大一樣pose, 但影極都唔得, 點知半歲大呢日一影就得!!! 好似照鏡咁呢, 好得意!!

Kobe半歲食魚粥慶祝!! 好想影到你好似Koey細個呢張污嘴狗樣!!

Kobe VS Koey@半歲!! 同一件衫Kobe fit身好多, 又難怪, 因為Kobe最少重Koey當時起碼3磅!!

Koey又話要影番張對比相, 大個女...但一樣咁瘦囉!!

是晚爸爸買o左個Halloween蛋榚俾Kobe!!

Happy Birthday to Kobe!!!

一家四口合照!!

細佬有得睇無得食, HAHA!!!

Kobe仔咁就半歲喇!!! 唔再係細BB, 近日佢d反應都好似唔同o左, 多o左出聲'了'人同佢玩, 笑起上o黎又好似好得戚咁, HAHA, o黎緊半年佢會學Bye Bye, 飛吻請請, 好快唔BB, 真係要好好珍惜佢仲係BB呢段日子呢!!!

===========================================================

期待已久, 俾Kobe仔食第一口蘋果!!! 點知佢反應...

竟然係咁平淡... 之不過, 食多幾啖呢...


唔知係咪越食越酸, 終於見到佢變樣喇!!!

HAHAHA!!!!

不過, 對比番Koey, Kobe仔反應真係唔算大!!!

因為Koey佢係食到打埋冷震添o架!!! 不如大家一齊回顧下!!!!

試用MamaMia環型揹帶

環型揹帶我都有一條, 即管又試試MamaMia呢條好唔好用先!!

拆盒第一個反應: 隻色好香艷喎, 襯唔襯Kobe仔o架!!??? (Haha, 雖然做o左媽咪, 但依然貪靚!)

不過一摸上手, 質料好簿好滑, 仲好柔軟, 未揹上身已經覺得會好舒服, 而且佢肩位有軟墊, 仲有得調校揹帶長度, 比我現有o個條只得大中細size揀更有彈性, 讚!!

試o下先!! 

一揹上身, 可能係布料有D滑, 第一個反應係有少少怕Kobe坐坐o下塊布會走位!! 不過習慣o左之後呢個錯覺就無o左喇, 大家睇下, 雙手離開晒都好穩陣, 當然, 行路fing o下fing o下難免都要用一隻手傍住!

由於肩位有軟墊, 雖然都係聚晒D力係膊頭位, 但唔似我原本用開o個條咁, 因為無墊而扯住肩頸位, 係舒服好多! 另外仲有個貼心位, 就係揹帶兩邊都有軟墊, 咁樣Kobe仔左邊抱又得, 右邊抱亦得, 適合晒唔同媽媽需要!!! 

最後就係...HAHA, 呢日我同Kobe又橙又藍咁, 條揹帶隻色又夾到喎, 比我想像中易襯衫, Good!!!

Mamamia以實惠價錢提供一系列高質素母嬰用品，現於全線荷花親子店、新都城百貨公

司、爸媽部落等各大商店火熱發售。

      http://www.facebook.com/mmm.hkg

      查詢電話&電郵: 3520 2026 / sales@parakeet.com.hk

      更多分享: www.Yes-Parents.com / http://www.facebook.com/YesParents

分離焦慮?!

近來, Koey o既膽量好似越o黎越細, 同人相處越o黎越慢熱!!

基本上而家無論去到邊, 只要有陌生人佢就一定要拖住我, 如果我唔拖佢, 佢好快就會緊張到爆喊!!! 如果o個D 陌生人係小朋友尤甚, 只要一埋Koey身, Koey 就以9秒9退避, 避唔到又係爆喊收場, 所以Koey基本上去親遊樂場都係睇/喊多過玩!!

好似早幾日一家四口去科學館玩咁, Koey又一貫因為爸媽唔陪佢入去, 於是只好一個人全程留o係軟墊外圍望住其他小朋友玩, 一步都唔敢走入去...

唉, 又恨去玩但又唔敢去玩...

老公子後尾同我講, 佢見到在場20-30個小朋友, 係得Koey一個係咁!!!

噢?! 咁多個小朋友得Koey係咁?! 會唔會Koey真係有D問題? 

'分離焦慮' <== 呢個term即刻浮現出o黎!!! 

上網search下, 睇到呢篇文章:

缺乏安全感

這是一個普遍缺乏安全感的社會，許多父母也發現自己的孩子相當缺乏安全感，在日常生活的表現是：大人不在旁邊就容易焦慮不安；不敢一個人上廁所；太暗會怕，關燈會不敢睡；沒有大人陪伴就靜不下心做功課；常常黏在父母身邊，一刻也不能離開他的視線，即所謂的「分離焦慮」 ；不敢主動和別的小朋友交往，或在外頭被欺負了，不敢反擊，甚至回家也不敢講。

以上都是孩子內心缺乏安全感的現象。如果沒有好好的面對及處理，在逐漸長大的過程中，可能會以各類變化多端的身心症狀呈現。諸如經常的頭痛、肚子痛，一再的感冒發燒，頻繁的氣喘發作，跑遍各大醫院及大小診所；或演變為日後的精神官能症，比如焦慮症、恐慌症、強迫症，社交畏懼症、厭食症、暴食症，或瘋狂購物仍無法滿足的扭曲心理。

那麼，既然孩子缺乏安全感不但會對身心發展、學習能力及身體健康造成重大影響，更會對日後的成就（許多孩子的表現不佳都不是因為能力不足或不夠聰明，而是因為缺乏安全感所導致的自信心不足，影響了學習表現及未來發展）、人際關係的好壞及婚姻的美滿與否（再次的，不是每個婚姻的破裂都是外遇導致，縱使有外遇及觀念不合的因素存在，但究其根本，彼此內心的缺乏安全感恐怕才是真正的原因吧！）影響甚鉅。因此，好好來探討一下孩子「缺乏安全感」形成的原因，或究竟我們要透過怎樣的「身心靈全人教育」才能栽培出健康、勇敢且充滿安全感的孩子，我想是非常重要的。

一開始，我們得先建立起一個重要觀念。沒錯，有時孩子的缺乏安全感來自先天敏感及內向的氣質，但大家一定要記得：「不安全感」是會遺傳的。意思是說，不管是透過遺傳基因、照顧孩子的心態及方式、所有語言及非語言的表達，父母對自身、未來存在、金錢及健康的不安全感，都會深深地影響孩子。

因此，這樣的畫面於焉形成：一個無微不至的照顧者，事先想到了孩子每個可能的危險及需求，竭盡全力地保護及照顧，希望孩子有最大的安全感。孩子的每次跌倒都會令大人們飛奔而至，還沒來得及自己爬起來，便已身在照顧者的懷中；在孩子因為輕微的擦傷，正在感受身體的疼痛，及學習如何自我療傷，或得到宇宙及大自然的撫慰之前，照顧者便「提早介入」，由一個外在客體立即提供安慰及支持。看起來，這個照顧者正全力避免孩子受傷，並提供最佳的保護及安全感。可是，也許事實剛好相反，因為孩子真正感受到的不是被呵護的安全感，而是那照顧者本身內在深深的焦慮及不安全的情緒。

孩子被剝奪了獨處的機會（當然，這種獨處不是疏於照顧，或將孩子一個人丟在家中），沒能在獨處的過程中，感受到來自內在客體（即所謂的內我）及外在大自然環境的支持陪伴。因此，孩子在獨處時是孤單、害怕、恐懼及缺乏安全感的，也造成長大後的「缺愛」及不斷的「討愛」，但內心卻一再的空虛和寂寞。

當孩子跌倒時，如果這是一個安全的環境，有一對溫暖且充滿愛心的眼神，及一雙隨時可以幫助他的有力雙手適時給予支持，但卻不急著慌張地、充滿擔心地衝過來抱他，孩子會明白「痛的覺受」是生命中一個重要且自然的現象，並非 「不好的」且「令人害怕及感到脆弱的」，因而心中升起一種力量及應付危險環境的安全感，同時感受到來自宇宙及內心的深深支持及撫慰。此時，他不會因為父母不在身邊、一個人獨處而感到脆弱及害怕，卻已將父母給他的安全感、自己內心升起的力量和安全感，以及宇宙的善意保證，內化為自身內在的踏實與自信。

如果孩子的跌倒、獨處、小病痛，都立刻被大人慌張地介入，提供過度的保護，那麼，這孩子的自我保護、自我撫慰能力不但養成不了，而且「內心深深的不安全感」、 「我是脆弱且無力面對外界威脅的」、 「外界環境是危險的」、 「痛楚及孤單是令人難以忍受的」這類信念及感受將開始惡性循環。總而言之，孩子的不安全感被加強了。

因此，身為現代父母，為孩子提供安全的成長環境，隨時掌握狀況，卻不提早介入、過度的保護，讓孩子建立起和自己內在、和宇宙那種自在的安全感，才是根本之道。

──（摘自《在孩子心裡飛翔》）http://www.ylib.com/Preview/default.asp?DocNo=215&SNO=915 

Um...其實我對Koey跌倒/病, 反應都唔會過大, 有時甚至見佢喊得太大聲太耐而話番佢, 著佢收聲...我又唔認為係因為我'過份介入'或'過度保護'而令佢產生'不安全感'! 而且, 我出街一向都唔介意同陌生人傾計/微笑/打招呼, 如果對方有小朋友, 我亦一定會'了'佢o地傾計, 有時我都唔明, 點解Koey o係呢方面, 連我一成都學唔到, 仲係咁怕接觸其他小朋友!!

唔通, 係我性格影響到Koey? 就好似文中提到: 父母對自身、未來存在、金錢及健康的不安全感，都會深深地影響孩子。

我性格的確係一個好'well planned' o既人, 如果有我計劃以外o既事發生, 我就會覺得好心煩意亂, 甚至心情煩燥!! 唔通就係我呢種'不安全感'影響到Koey?

...anyway, 或者係我太敏感了, 可能只係純綷性格問題, 又或者係Koey思想較細密成熟, 諗得太多, 唔似其他小朋友心入面只係諗住'玩'就天不怕地不怕吧??

而家, 我唯有繼續觀察住先, 另外就係盡量帶Koey多D出街見人, 並繼續以身作側, 希望Koey會慢慢進步, 咁樣, 出年佢番學我就無咁擔心佢同其他小朋友如何相處喇!!

恭賀SparksFly開張~

恭喜恭喜!!

好姊妹Athena 位於利時135號舖o既服裝店SparksFly 於10月9日正式開張喇, 恭喜晒新任老闆娘呀!!

呢日我就同另一位姊妹Betty, 仲有Koey & Kobe呢兩位VIP去Shopping喇!!!

SparksFly

係呢間喇!! 睇廚窗都已經聞到陣'潮'味!!

恭喜晒老闆娘Athena!!!

大合照!!!

全店出售o既都係韓國服飾, 格調一個字: 型!!

型唔型?

 

型唔型?

d衫唔止型, 質料仲好滑好靚, 唔通坐飛機番o黎真係唔同D?

haha, 我呢位'少婦'雖然受唔起咁'型', 不過o係呢度都揀到心水o架!!!

型唔型?

型唔型?

睇o黎Shopping真係女人o既天性?

Kobe仔一於你有你Shopping, 我有我食...計數機!!! 未試過, 好味!!!

呵呵呵, 我都算餓o左Shopping買衫好耐喇, 番到屋企即試上身!!!

Fashion Show on my own runway featuring Koey Chau!!!! (外套 & 褲 from SparksFly)

顯醜了!!! 

都係睇番SparksFly FB page o既official圖片示範啦!!

 

型!!

睇到好姊妹由FB網上店開始, 到而家開埋實體店, 真係好欣賞佢對時裝o既熱誠!!! 開舖呢, 背後真係要投資唔少時間金錢, 仲要付出唔少汗水, 佩服佩服!!

加油呀老闆娘, 祝你生意蒸蒸日上, 賣衫o既買衫o既都開開心心!!!

店舖資料:

SparksFly
地址: 尖沙咀利時商場1樓35號舖
Facebook page: https://www.facebook.com/sparksfly.b

新張期內買2件仲有9折添!

身為全埋身人奶媽媽, 竟然第一次用母乳餵哺圍巾!

大家無睇錯, 雖然我由Koey 到而家Kobe都係全埋身人奶媽媽, 但我真係一直都無用過母乳餵哺圍巾!!

點解唔用? 因為之前比較少機會去戶外太耐, 而香港大型商場都設有母乳餵哺室嘛, 所以一直都無需要用圍巾!

不過, 近來天氣又越o黎越涼爽, 再加上兩位小朋友越o黎越大個, 特別係Koey, 佢開始到o左愛上流連兒童遊樂場o既年紀, 如果我下下因為要餵Kobe而要成日就住D時間, o係Koey玩得興高采烈時催佢走真係會好無癮...

...或者, 我係時候需要一條母乳餵哺圍巾!!

所以今次MamaMia 產品試用大募集活動中, 我指定想試o既產品, 就正正係母乳餵哺圍巾!! 

收到第一個印像: 個花幾靚喎~

拆開, um..好似圍裙, HAHA!!

 

Koey都當佢係圍裙~~~

由於我始終未試過o係自己屋企同育嬰室以外o既地方餵奶, 所以第一次試用, 我唔敢去室外地方, 而係o係我朋友屋企, 當然只有我, Koey & Kobe, 同另外兩位已經做o左媽咪o既女性朋友, 大家都明白餵奶係咩一回事, 無咁尷尬~

haha, 原來我蓋實晒Kobe~~~我唔係扮餵o架, 影相時我真係餵緊Kobe o架!!

MamaMia 呢條圍巾質料好簿好柔軟, 好似我上面咁蓋住o左Kobe咁, 都唔會太焗!! 不過呢, 可能就係因為佢太簿太輕喇, Kobe仔又開始大個, 食住奶都郁手郁腳, 餵奶頭個幾分鐘都仲OK, 但餵到後尾, Kobe不斷扯條圍巾, 搞到我要不斷同佢鬥扯, 避免圍巾被扯開而走光, 都咪話唔手忙腳亂...

所以為免走光, 我之後都無o係多人o既戶外地方用呢條圍巾, 只係襯人少少, 一大朝帶Koey & Kobe去公園玩, 地方大又無乜人時用~~

呢日我一拖二去公園!! 陽光好好, 人都精神D!!

睇相都見, 開學後, 早上o既公園真係少人到只得Koey 同Kobe, 地方大人又少, 有o左條圍巾, 我就唔使再為餵奶而就住D時間, 方便o左我之餘Koey又玩得開心!!

================================================================

上星期尾終於收到之前缺貨o既2合1 嬰兒睡袋, 多功能揹帶同環型揹帶, 又有新o野試, yeah!! 

Mamamia以實惠價錢提供一系列高質素母嬰用品，現於全線荷花親子店、新都城百貨公

司、爸媽部落等各大商店火熱發售。

      http://www.facebook.com/mmm.hkg

      查詢電話&電郵: 3520 2026 / sales@parakeet.com.hk

      更多分享: www.Yes-Parents.com / http://www.facebook.com/YesParents