毛毛娜&茄雲生日派對

又話賀一賀o既?無錯,係賀一賀,不過唔係賀我八年八月八日,而係賀毛毛娜同茄雲生日!!!!

今晚我o地大姐會七個人加四位猛男(歡迎Clok BF第一次出席大姐會活動呀!)去o左一間奧地利餐廳食西廳,d o野食都幾好味,特別係d德國腸,另外就係成晚食o左好多薯條同薯仔,慘喇,呢個星期為o左做姊妹而"盡量"食少o左,今日又白費功夫喇,哈哈!!!

至於今個生日,係大姐會第一次用secret PIC o既方式搞o既,估唔到secret PIC真係夠晒secret,只係為o左估佢出o黎都玩o左唔少時間,仲要大家都估錯,無人估到,最終估錯o既要猜拳定勝負,結果...結果我輸o左呀...要食芥辣呀...簡直"感動"到滿眼淚水...阿Bess,你真係夠secret呢...haha...

嘻嘻哈哈完一輪,又係時候送禮物俾壽星女毛毛娜同茄雲喇!!!生日快樂!!!

囍事當然唔好俾佢停啦,大姐會又有一樁囍事喇,恭喜晒呀!

於八年八月八日紀念的今天,我倆宣佈: 我們要結婚了!

今天是我倆拍拖八年八月八日紀念日,巧合地遇上了四年才一潤的二月二十九日,在這麼美好的一天,我倆決定正式向全世界公佈:

我們要結婚了!!!!

大日子是2009年6月20日,我倆拍拖十週年紀念日,這個日子對我倆別具意義,亦希望我倆的大日子能取其意義,十全十美!!!

其實薵備到現在已經有一段日子,除了幾位知心好友外,我倆一直低調地進行一切計劃,等待今天這好日子才為大家帶來驚喜!!!!此日誌記載了我倆自開始計劃以來的點滴,雖然談不上任何心得,最多只算分享,但我真係好希望大家能夠見證我倆的喜悅!!!

多謝愛護我倆的大家!!!

八年八月八日紀念!

今天是我倆拍拖八年八月八日紀念日,巧合地遇上了四年才一潤的二月二十九日,在這麼美好的一天,我倆決定要賀一賀佢!!!!

仲係有少少緊張!!

哈哈,先後同伴娘同姊妹們宣佈後,跟住當然係我cogsc入面最friend o既May同Agnes啦!!!

自從打波出意外後不知不覺都五六個月無見,時間真係過得好快好快呢!!!咁耐先見番,第一時間當然要睇o下阿May個額頭點啦,好彩,條痕唔算太明顯,如果唔係破o左相就慘喇!!!

食飯後,阿May講起佢都拍拖喇,恭喜呢!!!!坦白講,我當時仲諗緊幾時講我o既事添,襯May講完我正好順勢講埋,嘻!!!!佢o地都好開心呀,問東問西,仲話我有咩要幫手隨便出聲呢,先謝謝呀!!!

哈哈,估唔到宣佈o左幾次,今日宣佈都仲係會有少少緊張喎,哈哈!!!

前波友

哈哈,自從打波出意外後不知不覺都五六個月,時間真係過得好快好快呢!!!咁耐先見番,第一時間當然要睇o下阿May個額頭點啦,好彩,條痕唔算太明顯,如果唔係破o左相就慘喇!!!

Recharging Day

今晚六點就走,因為要去CWB出席奧運馬術義工個recharging day!!

今日呢個gathering比上年好,因為而家仲有百幾日先到奧運,但我o地義工o既duty schedule已經出o左,我要番九日,不過呢九日並唔係我所request咁連住,變o左成個period 好似長o左咁,我請假o個度都可能麻煩d,而且番兩日義工番一日工,可想而知都唔方可以專心上班...

仲有仲有,明明話第三batch義工會有好多人,而家得番十幾人咋喎...有少少打o左個突...

另外,除schedule已經出o左外,仲有埋d義工衫size,全套都係三間贊助,連鞋襪都provide埋,好正,可以買少對波鞋呢,哈哈!!!

不過,今晚呢個活動搞到十點半先完,太夜喇,而且因為我張相唔合奧委會規定,所以我要影過d證件相,仲要幾日後office hour 拎出CWB...嗚...諗起就煩喇...我唔想又咁早放工,我已經算係偏早放工o架喇,再成日咁早放,真係怕老細唔鍾意呢...

最後,今晚雖然見番好多上年一齊做義工o既朋友,睇見人人都仲好熱心,相較起o黎,我明顯無o左份熱情...唔知點解呢...不過我會堅持o既,香港辦奧運機會難得,要好好珍惜!!!

BJ Wedding 之 Site Visit

今日下午兩點去o左君豪會,因為今日珍妮同雞泡要brief我o地一班兄弟姊妹!!!

我開頭仲疑惑點解要brief成日咁耐,但當我o地去到會場,聽o左佢o地o既run down後就開始覺得搞一個婚宴,原來比相像中復雜,因為有好多細節o野要考慮同注意, 好似燈光,播片播歌,仲有我o地姊妹們負責o既reception,登記來賓,收人情,收拍車飛等等等等等,珍妮佢o地個run down都好詳細,睇得出佢o地用o左好多時間心機完成,好勁呀,佢o地個婚禮一定可以盡善盡美o既!!!

團拜

今日朝早係大埔行o黎行去,仲要落雨,搞到我到boot濕到變兩截色,好驚乾o左都係咁呀...嗚...

何解要行o黎行去?因為honey囉,佢繼上年去台灣旅行三度折返洒店拎o野o既壯舉後,今日再o黎一次案件重演!!!!!唉...做乜只係逗留係一個地方一陣間就可以放底晒手頭上拎住o既o野o架...放底記得拎番走就話o者...唉...結果今日又行o左三轉怨枉路,honey,你呢個壞習慣真係要改,唔係一定激死我!!!!

夜晚出o左旺角同honey d親友們團拜,雖然我只是第二次出席,但honey同佢妹妹試o既親友都只係多我少少...因為佢o地實在太笑見喇,睇怕佢o地出街撞到都未必認得,好搞笑!!!!

今晚收獲都唔錯,嘻!!

最美麗的第七天

今天睇電視,見到"最美麗的第七天"o既廣告,原來劇中兩位男主角都係八月的第七天出生,劇名的第七天,相信就是這一天!!!

真係無獨有偶,我Honey也是這一天出生,嘻...從來都無諗過原來呢一日係咁美麗o既~嘻!!!

同媽咪行街

今日我同媽咪行o左好耐街,主要目的係搵姊妹衫!!

我o地由十二點幾行到差唔多三點,由舊墟行到巿中心,邊行邊傾計,好開心,好似好耐無試過兩母女行街呢!!!我o地睇o左好多舖頭,o係舊墟發現有d舖頭d衫都幾好,有間舖仲有好幾件好靚,但亦好貴o既姊妹/伴娘裙同晚裝,好驚喜呢!!!

之後仲入o左去兩間係呢區都幾耐歷史o既婚紗舖,其中一間好似係黑店,另一間就唔錯,d婚紗都幾靚,不過晚裝就少款d,唔太多選擇,不過呢度做地區生意,所以價錢差唔多係出面o既一半,真係好抵呢!!!

之後行o左好耐,終於有收獲喇,條裙好靚,而且價錢唔算太貴,最重要係佢可以著出街,實在太太太滿意喇!!經sales配襯後,我仲買o左條有少少款o既珍珠色底裙添!!

番到屋企,我即刻換o黎睇,仲搵晒我衣櫃入面可配襯o既衣飾出o黎,原來我有件淺粉紅背心襯得條裙仲靚,反而條珍珠色底裙領口太低,好易走光,噢...有少少後悔買o左條底裙添...

o係我媽充當顧問下,我左配右配,終於襯好,估唔到做姊妹襯姊妹裙已經可以咁開心,唔知到我著起婚紗晚裝時,心情係咪會仲興奮呢,嘻!!!

陪媽咪行街

今天我同媽咪行o左好耐街,主要目的係搵姊妹衫,由於我仲要番屋企趕公司o野,所以只係o係屋企附近行!!!

我o地由十二點幾行到差唔多三點,由舊墟行到巿中心,邊行邊傾計,好開心,好似好耐無試過就咁兩母女行街呢!!!我o地睇o左好多舖頭,o係舊墟發現有d舖頭d衫都幾好,有d驚喜呢!!!

行o左好耐,終於有收獲喇,條裙好靚,而且價錢唔算太貴,最重要係佢可以著出街,實在太太太滿意喇!!經sales配襯後,我仲買o左條有少少款o既珍珠色底裙添!!

番到屋企,我即刻換o黎睇,仲搵晒我衣櫃入面可配襯o既衣飾出o黎,原來我有件淺粉紅背心襯得條裙仲靚,反而條珍珠色底裙領口太低,好易走光,噢...有少少後悔買o左條底裙添...

o係我媽充當顧問下,我左配右配,終於襯好,終於有衫去做珍妮姊妹喇,好期待3月8號快d到呀!!!

紐約愛樂樂團

早於兩星期前已經收到飛,不過除爸爸外,無乜人有興趣去睇,本來我細佬都想陪我爸,但最後因為要番學而無去,結果張飛便落入我手中!!

終於,今日臨急搵o左仙廸去睇,佢原來聽過呢個樂團呢,果然係知音人,如果唔係佢有興趣,相信呢兩張飛最後應該會被浪費了呢!!!既然有伴,雖然我興趣唔大,但最後都去o左!!

好趕咁食完飯趕入場,我都係第一次聽呢d演奏會,我留意到周圍o既人都著得好整齊高貴,而且不乏名人聽眾(我今晚見到任七招!),每奏完一首全場又會報以數分鐘熱烈掌聲以示尊重,我都係第一次置身呢d場面,忽然都覺得自己高級o左呢,哈哈!!!!

成個演奏會差唔多兩個鐘,d歌好好聽,好正,諗起交響情人夢,特別欣賞佢o地奏一d節奏好快o既旋律時齊到好似一個人彈奏咁,好犀利,唔知佢o地要練幾耐先可以咁齊呢!!!!

聽完今次演奏會,我諗下次再有免費飛,我一定會去,今次令爸爸走寶,真係唔好意思喇, 不過有機會,我下次一定會陪爸爸去o既,,嘻!!!

番到屋企,爸爸笑笑口叫了我一聲'衰女包',嘻,下次唔敢喇!!!

有商有量

今日去o左婚紗展,好彩有Pat Pat幫手,如果唔係一定要排好耐隊先入到場!!!由於場地方面已經搞掂,所以今日我o地旨在周圍行拎o下資料,而且今次仲有同樣打算結婚o既仙廸一齊行,所以有傾有講都幾開心!!!

夜晚同仙廸MSN到好夜,因為honey要忙溫書,所以我有時都唔敢同佢講太耐結婚o野怕煩到佢,而家有好朋友同我差唔多時間結婚,大家可以一齊share資料,感覺多o左個伴,好開心,努力呀,而家只係剛起步,一齊加油!!

門匙

一條門匙...

...望住呢條匙,心入面感覺好特別,自出娘胎後第一條擁有的門匙,是屬於一個溫暖的家的,有了這個家,就算我人生遇到甚麼挫折,只要我手上拿著呢條匙,我便可隨時投入呢個家重新振作,所以真係好多謝俾呢條匙我o既爸媽!!

從今天起,我手上多了另一條匙,忽然間好似有種使命感咁,因為,我真係好希望我可以同honey一齊用呢條匙建立另一個溫暖o既家呢!!!

而家,我手上面有兩條門匙,我會好好珍惜同愛佢o地o架!!!

終於落訂喇!!!

終於酒店出o左個package俾我喇,由於就正expo,所以酒水平o左,好開心,當然,其他offer只係普通啦,唔係樣樣都offer到...anyway,落埋訂,終於終於場地在手,又煩少一樣!!!Yeah!!!

簡單

今日情人節,我放工後同honey去伍仔記食飯,個黃金南瓜魷魚好好味呢!!!

今日我o地建立o左一個秘密基地!

驗樓狂想曲

今日未夠放工時間就走o左,其實都唔係幾好意思,但無辨法,因為今日一定要去驗樓!!

自對上一次睇樓到而家有一個月了,終於再一次去探我同honey未來o既家,真係好開心好興奮,驗樓其間,我仲開心到係房入面團團轉,幻想o下將來o既屋企佈置,嘻!!!真係想快d搬入去呢!

開工大吉

今日初五,祝大家開工大吉!!

今朝先番黃埔開team meeting,仲尷尷尬尬咁跟隊掃利是,之後就去漁人碼頭食開年飯!!!由於公司唔太多人,所以今日收獲唔算太豐富咋,其中有兩位高層用抽獎方式派利是,可惜我都抽唔到大額利是,哈哈!!!

忽然諗起上年放假錯過o左團拜機會,錯失二十幾封利是o既事添...都係大公司多d利是豆呢!!!

而今日收獲係十三封,聽日應該都唔會有o架喇,因為新蒲崗o個邊得我同d teammate,唔會有利是豆呢!!!

赤口上深圳

今日上o左深圳,好耐無上去喇,今日天氣好好,所以去o左購物公園行街,不過其實都係大商場一個,無乜o野睇(早知去另一個我更想去o既地方啦!)!

Honey講番先記起,原來之前我o地試過跟住飲食書去呢度附近食一間叫巴蜀風月o既o野,之前o黎四圍仲係爛地一片,而家竟然開o左個咁大o既商場,真係勁呢!!

夜晚打邊爐,死啦,呢幾日真係食得太多,個肚其實唔餓o架,但深圳打邊爐真係平香港好多,所以忍唔住又打,今次唔再係小肥羊喇,去o左另一間,雖然質素的確比小肥羊次一級,但還是可以的,而且食完唔會成身小肥羊味,個豬骨湯底又清d無小肥羊咁濃咁油,唔錯,不次用埋送o既coupon就仲抵!!!

捧住肚子番honey宿舍睇DVD,由於先前買開間老翻唔見o左,今次買大陸正版,買o左色戒同不能說的秘密,(其實仲想買父子...不過無!!),呢幾套想睇好耐,但一直都係pending中,今日終於睇o左不能說的秘密,個結局的確幾有心思,終於明白上映時點解個個都讚呢!!!

P.S. 我買的大陸豪華版中送了那首秘密琴譜,回到家彈,點知...好難聽...哈哈...要彈會應該唔難,不過要花時間...可惜現在的我已經沒有了練琴那份恆心了,哈哈!!

恭喜發財!祝大家大飽口福!

恭喜發財!大年初一祝大家萬事如意、心想事成!

今年呢個新年好凍,不過可能已經連續凍o左好多日,所以都慣慣o地,至少少o左縮頭縮頸o既動作,哈哈!!!同舊年一樣,今年我都無行花巿,唔知今年又有咩應節鼠樣玩意能夠o係年宵巿場大賣呢?

今日,同以往o既大年初一一樣,成家去舅父屋企聚首一堂,好熱鬧,而且今日有五部NDS齊集,所以我呢d'大'小朋友就可以同d'小'小朋友一齊玩太鼓,賽車同奧運,成日就係咁嘻嘻哈哈地結束!!!

P.S. 尋晚年三十去o左德藝會,咁大個女第一次食咁大隻原隻鮑,好'林'好好味,仲有好滑o既東星斑同其他一般酒樓少有o既美食,食到好飽呢!!!!至於今日,當然又係大食一餐啦,不過今日得年榚(後尾先知係太姨婆蒸o既!!!軟軟的,好味!!)同芋頭榚,其餘都無乜特別,因為係屋企煮,所以好多食物都凍o左呢!!!不過,值得一讚係個芋頭蕃薯糖水,簡直十個正呢!!!聽日又開年喇,又有大把美味年榚食呢,過年要忍口真係好難呀!!!!!

我的伴娘

今晚約o左中學同學兼好友Natalie食晚飯,因為而家係新蒲崗番工,佢又住附近,約食飯好方便!!

當然,番工近約食飯方便並唔係約今次食飯o既主因啦,今日o既重要任務,係邀請呢位好朋友當我伴娘!!!

哈哈,Natalie聽到我o既喜訊後都係一貫冷靜,嘻,不過我還是好高興見到你為有機會當伴娘而開心,太好喇,有你當日陪住我,我一定可以放心!!!

傾傾傾

今晚約o左好友Natalie食晚飯,因為而家係新蒲崗番工,佢又住附近,約食飯好方便!!

或者都算幾耐無見,今晚雖然得兩個人,但講講講竟然都傾到十點半先走喎,除講o下近排o既網上疑似藝人照之外,仲update o左大家唔少近況, 期待下一次再約你出o黎呢!!!

我的姊妹團~大姐會

今晚係Rebec o既生日派對,雖然無之前幾次咁多人出席,但我都照宣佈我o既喜訊,哈哈,大姐們聽到都好興奮,我仲以為佢o地第一次(即珍妮o個次)先會特別興奮呢!!!

好多謝姊妹們o既開心回應,之前俾搵場地o既事而煩惱,都未真正感到有喜悅o既感覺,估唔到宣佈俾好友們知感覺係咁開心o既,多謝你o地呀!!!

Rebec生日會 & 第五屆大姐會選舉

今晚係Rebec生日會,亦係大姐會成立五周年o既日子,估唔到時間過得咁快呢!!!

待續...