早幾日post o左自己細個同我對龍鳳胎細佬妹o既合照,好多大家都覺得我o地得意呢!!!!等我今日再一次過講俾大家知我同我細佬妹細個o既o野先!!!
無錯,我細佬妹係龍鳳胎呀!!!聽我爸媽講番,以前帶住我o地三隻馬騮出街時,特別係我細佬妹排排坐o係架孖車度時,係非常引人注目o架!!!不過我只係大我細佬年半多d,所以我有記憶以o黎,我已經有兩個成日同我爭o野玩o既細佬妹,從來無因為有對龍鳳胎細佬妹而覺得特別興奮呢!!!...哈哈,覺得佢o地可愛,都係我大個o左睇番呢d相時先覺咋
!!!!
至於我呢,因為要見人,所以揀o左張自己都可愛d o既相同大家分享,哈哈!!!其實我細個幾怕醜o架,好怕生保,好彩我爸係搞笑能手,所以我o地三兄弟姊妹影o既相大部份都係笑騎騎!!!當然,我亦有呆滯同面矇o既一面啦!!!!
哈哈,下面呢張攝於我小六o既時候,係咪好醜樣呢?
今日難得地keep住有o野做,本來係好事,但衰在其中一半都係因為自己唔小心做錯而要再做...唉,好'火文'自己咁唔小心,擺埋晒d蠢烏龍,雖則老細好好人咁教我,但自己硬係覺得自己好鬼無用!!!!!
今日落力用lunch時間打俾大姐會班姊妹同中學同學,因為分別想搞camp 同大型re-u, 兩個活動我都有提早Set定survey問人preference,本來預早o左問,但而家始終都係要一個個咁打電話問,唉...
似乎工事私事我都犯o左樣毛病,就係唔夠細心諗多幾步...
其實近排心情已經好麻麻(可能番工同放假o既生活都太苦悶!),工事私事上d蠢烏龍雖然係小事,但自己好似好介意咁,覺得自己番o左兩個月工,點解仲係乜都唔識咁,極之心急想自己快d上手,唔想睇見自己進度咁慢...正如我爸所講一樣,我做o野自顧及眼前一 步,唔識睇遠d,所以容易犯錯...似乎我真係要培養o下"放長雙眼睇遠d" o既習慣!!
今日我爸又'鵝' o左我好耐,叫我出o黎做o野要好似我駕車咁,一定要諗定下一步點行先可以知道而家條路行得o岩唔o岩...唉...我都明...!!!之後又問我有無咩會咩會可以入,聽完後我有少少無名火起,我又唔係讀咩專業,唔會有咩會計法律工程學會可以入嘛...正因為我知道自己讀o既o野唔'專',所以先會搵而家呢份同電腦相關o既工!!!所以我覺得我爸講o既正正刺中我弱點,令我覺得佢講o既o野更加煩!!!
=============================================
另外,近排硬係覺得同honey好少見咁(每星期見一兩個鐘!),所以尋晚特登係電話一齊諗今日有乜節目...結果...又係行大埔...
由於張飛係七點半,所以我o地無時間食o野就要趕入場!!套戲成兩個鐘多d,餓親honey呢!!!睇完戲去醫肚,由於溝通上出現誤會,我以為honey肯陪我食粉麵,點知原來佢勁唔想食o架!!!結果搞到佢今餐食得好唔自在添...似乎Honey要食餐'夜宴'先滿足呢!!! 講番套戲,我覺得中規中距啦,(免費先會去睇!)故事都係講謀朝篡位,太子復仇呢d大路故事!!!節奏頗慢,但都唔算悶,因為畫面同宮廷景拍得好靚!!!套戲比我想像中血腥...點形容好呢,殺人自殺等流血場面頗多,而且全部用慢鏡捕足咁滯,不過襯托住溫婉o既慢歌,營造出血腥唯美o既感覺,感覺幾特別!!另外,片中o既御林軍全副武裝好似星戰o既黑武士, 太子帶面具跳舞好詭異,有d似"千與千尋"!!!http://www.thebanquetthemovie.com/ 
一星期有多無見過honey,襯佢係HK所以約食晚飯見一見!!臨放工前收到中大同學Alon電話,原來佢有"夜宴"免費飛,見今日難得同Honey食飯,順道去睇埋戲拍o下拖都好呢!!
今日朝早好好太陽呀,再加上今日無帶眼鏡又可以smart casual番工,所以今日特別醒神呢!!!!
十二點幾一大班人出去客家好棧食飯,因為大大老細請食飯,慰勞上兩星期忙得好緊要o既大家(當然我無份忙,但有份食...嘻!)!!!食飯其間大家有講有笑,同事們仲第一次見我咁'刷'得呢,哈哈!!!(兩台人最細係我,同事們當然話我有quota,所以猛叫我食o野,想唔'刷'得都難呢!!)
番到office,同事們又無咁忙,仲得閒走o黎我位附近吹水,所以今日時間過得幾開心幾快!!!臨放工,忽然要我拎o野去中環俾大老細,同事們古古怪怪咁提起中環某同事,話我唔識佢但佢識我喎...古古怪怪!!!
雖然5點9就走,但我過到中環再坐船去到尖咀,之後等巴士等o左半個鐘都無車喎,好激氣!之後唯有行去坐火車,番到屋企比平日夜成個鐘不特至,仲遇著勁大雨,短短一百米路程我就全身濕晒,真係狼狽!!!
今日係我爸媽結婚二十五週年紀念,亦即係銀婚之日,爸媽星期日已經約定我o地三姊弟記得番屋企食飯,點知我妹今日竟然唔記得o左!!!結果當然係我爸媽特登買同準備o既蛋榚乳鴿大蝦統統都食唔晒啦,食唔晒事少,但我睇得出我媽唔係太開心我妹咁無心裝載 (其實身為屋企大家姐o既我都唔係太有心肝,我都係放工時先醒起今日呢個特別日子...)!!!
另外,我媽今日得知一名壞女孩鄰居雖然中五畢業,但讀完一年職訓後都入到poly,於是佢更加介懷我妹的不長進、不生性...唉...睇見爸媽係今日呢個大日子因為擔心我妹的種種事而未能笑開懷,我都有唔開心...!!!雖則我爸媽的確有點思想守舊,開口埋口只懂講學歷而從未嘗試以我妹的角度思考問題,但我妹咁大個人(佢細我年半,但成日仲以為自己係中學生囉~!),不講讀書不講學歷也罷,我諗只要佢識好好為自己將來打算,至少爸媽也不用這麼操心吧!!!!!
銀婚紀念了,二十五個年頭佔了二十二年有多是不斷為著我們三姊弟而過活的!!!爸媽頭上的銀絲正反映著他們多年來為我們付出的辛勞!!現在是我們三姊弟長大成人,好好報答爸媽的時候了,希望我妹快點生性,懂得盡點孝心,不要再令爸媽操勞吧!!!!
...爸媽,希望你o地放開一點心情,好好渡過今日呢個特別日子,祝你們銀婚快樂,我會努力令你們將來笑開懷的!!!
睇完由上戶彩主演o既《Attention Please》!!!呢套劇係講一個愛玩Rock N Roll o既男仔頭美笑洋子點樣成為出色o既空中服務員o既經歷!!過程輕鬆搞笑,上戶彩將角色演譯得好生鬼,睇呢套劇時絕對唔會覺得悶!!!值得推介!
某d角度,我覺得上戶彩幾似容祖兒,不過係靚版啦,哈!!
今日下午約o左Agnes去玩Lipton 搞o既戶外Yoga活動,大約兩點去到奧海城,完來有個史前動物展,都未見過咁人迫人o既奧海城呢!!!
去到會場,本來仲擔心落雨要轉入戶內玩,點知去到會場勁好陽光!!!!觀察一番後,發現呢個活動同我o地理想有出入!!
首先係今日勁猛太陽,尋日落大雨,今朝又陰天,我咩防曬都無預備,認真唔想戶外做yoga曬到變燒豬!!第二,會場勁細,主辦單位明顯無控制人流,所以未開場已經見到會場擠滿人,好迫,完全想像唔到點樣咁多人迫埋一齊做Yoga!!!最後,就係參加者全部都係師奶級人馬,再唔係就一家大細同婆婆,無乜二幾三十o既OL,我有誤闖異域o既感覺...結果我o地決定拎o左紀念品就走,無等到廖碧兒同吳卓羲出場!!!!好彩個禮品包都幾豐富o者!!!
之後,我,Agnes同佢同事去o左行朗豪坊,上o左Pure Yoga睇o下有無得試玩,點知聽完一大輪介紹後個promoter見我o地毫無意思俾錢就變臉,咁又係...望望四週,全部都年紀有番咁上下o既女士,我o地三個成個o靚妹又難免要俾人看扁...可惡呢!!
真係要多謝Agnes同我Honey陪我email chat呀(因為公司block晒d messanger),所以我今日時間都唔太難過!!
終於捱完呢個無o野做o既星期喇,今日老細同我講話下星期一或二先俾到o野我做呢,終於唔使係公司呆坐喇!!
睇番過去一星期日記似乎真係好無聊添,寫得好鬼悶,希望唔好悶親大家!
================================================
夜晚同honey去番大埔食陳漢記,個花蟹粥好正呢!!yummy!!!
沒完沒了的竟然唔係工作,而係我空閒沒事幹的日子...!!!
今日同事們似乎遇到工作上o既麻煩事,睇住佢o地係我面前轉o黎轉去,似乎難題很難解決...佢o地忙得沒完沒了,而我...亦無所事事得沒完沒了...唯有上網無無聊聊咁試o下搵舊同學o既blog o黎睇同埋試o下睇d日文website...呆o下呆o下希望時間可以過得快d!!!!
================================================
夜晚約o左舊同事食飯,補祝番生日,但主角好似提唔起勁,真係好想cheer up佢呢!!!是夜消費都幾貴...雖然d o野食的確唔錯,但呢幾日真係要慳少少...
=================================================
P.S. 朝早番工,係巴士往外看時竟然見到一張似曾相識的面孔在沿著我上班必經的斜路上走著...我用力張開雙眼希望能認出佢係咪我中學同班同學...可識我唔能肯定,對方的步資的確相似(寒背的!),但身形似乎變壯了!!!
夜晚同我honey講番件事,佢話呢位同學應該做緊消防,無理由我會見到佢...如果對方真係我中學同學,而且真係番同一間公司,咁都幾有趣,可惜我同呢位同學無乜o野講!!!
========================================== 私は苦悶している，仕事がすべて完成したから、とても暇です。だから，日本語で書くことが練習しています。 私は日本語を勉強することがもう七年と思います。でも、私の日本語はまだ悪いです。日本語が上手になるあの日は見たいです。 ==========================================http://www.csd.gov.hk/guardian/issue_203/cover_c.html出名係大懶蟲o既我唔想養懶自己,今日同老細講我做晒手頭上o既工作,請問有無其他事幫手!!!可惜原來我要等另一位同事做好佢o個part先可以一齊check,所以我暫時未有o野做喇又...不過都好,至少我通知了老細,唔係我懶,而係佢o地無工作安排俾我而已,咁樣我懶都懶得心安理得d!!
