呢頭多謝完大家咁俾面俾足耐性追晒大日子o既blog,轉頭又有d唔好意思喇,因為而家又係另一個考驗大家耐性o既時候喇: Honeymoon瑞士篇!!
唔知9日瑞士篇要寫幾耐呢 (其實我8月時都打左大部份遊記,但仲差2日仲未寫...所以大家唔好太驚雅點解我相隔半年仲可以寫得咁仔細呢...hehe!!)......
經過6日寫意o既愛琴海浪漫假期,我同老公子o既9日瑞士之旅接住展開...雖然有如'塵世美'o既景色真係好靚,但瑞士之旅行程太緊密,我o地其實覺得'辛苦'多過'enjoy'...
如果想refresh番我去希臘o既honeymoon遊記,可以去fc的甜蜜蜜月睇番!!
=============================================================
2/7 (THU): Santorini -> 雅典轉機 -> 意大利米蘭 -> 速遊米蘭大教堂 -> 米蘭火車站 -> 瑞士Lugano -> Hostel settle down -> Bellinzona -> Lugano
5點起身,5點半出門口!!多謝酒店負責人俾我o地o既打包早餐同幫我o地call的士,的士好準時到,20euro出機場!!
右: 酒店負責人真係好好人,我o地特地寫o左張notes多謝佢!!
清晨o既Santorini好靜,天開始光,我o係車上面好期待日出!!到達機場時6點,我o地算早check-in,人唔算多,但我o地check-in後即開始大排長龍呢!!
入閘後見到兩個gate o既距離超近,好好笑!!
日出了,雖然因為check-in睇唔到佢由海面升上o黎一刻,但總算俾我見到希臘o既日出,好靚呢!!
第一次坐第一行!!起飛!!
上: 彎月型o既Santorini
下左: Imerovigli
下右: Oia
雖然只係逗留o左係Santorini幾日,但真係好唔捨得呢, byebye喇Santorini!!
o係雅典機場等o左一個鐘後再轉機去米蘭!!
上左: 老公子帶住希臘陽光送俾佢o既印記離開希臘喇!!
上右: 飛機雜誌o既酒店廣告,原來就係Shine Hotel負責人成日同我o地講,遠過Shine少少,一晚要幾萬蚊o既豪華酒店!!
下: 望到地下有個大形運動場館,唔知係咪雅典奧運其中一個場地呢??
2個鐘機程我不斷對住地圖,haha,無錯的話,右上係佛羅倫斯,右下係Rome, 左邊就係米蘭喇!!
其實,為o左程內陸機,我o地付出就大囉!!...因為,我o地為左上機,先要掉o左兩支大水(因為Santorini兩晚都有水送,o係Mykonos Market買o個1pack6支水,就算我o地上機前狂飲,最後都係剩番整整兩支!!
另外,插o係行李外袋o既瑞士資料,寄艙後全部唔見晒,最後,亦係最嚴重o既,就係我o地件大行李,o係米蘭機場拎番o既時候,竟然連車輪都爛埋!!!(我已經即時影晒相,諗住番到香港claim番,話晒個gip新買...但點知原來要係當地機場寫證明,我o地唔識,所以最後都claim唔番...!)
去到米蘭機場,語言、人o既高度、外貌等等,成個感覺已經同希臘唔同晒,而且米蘭機場好舊,俾我感覺好似舊啓德機場,乜米蘭呢個時裝之都,就係咁o架喇??
睇住路牌搵巴士出番米蘭巿中心,點知搵錯地方,去左個無乜人o既巴士站,等左半個鐘唔對路,問人又雞同鴨講,最終要巴士司機先知我o地去錯巴士站,要行番入機場第二個出口先o岩!!
車上沿路風光!!重點係中間o個位意大利型男!!!
比原來計劃遲o左成個鐘先出到米蘭!!去到米蘭火車站,由於個gip爛左行動唔方便,加上車站又大,搵左一輪先搵到寄存放行李o既地方,時間更加買少見少!!
靚靚o既米蘭車站!!
點解車站都可以成咁!!
搞掂d行李後,終於可以遊覽米蘭喇,不過勁衝忙!!
坐Metro去到Duomo站,當然係去米蘭大教堂啦!!
一出站已經忍唔住wow一聲,係幾宏偉o既,唔怪得知係世界第三大教堂!!
腳架係Santorini時已經爛左,唯有搵人幫我地合照,由於一早知意大利冶安麻麻,所以我地都主力搵番亞洲人同我地影相!!
成身一袋二袋,好似走難咁...
之後去行Galleria Vittorio Emanuele II ((艾曼紐二世商場, 全部都係名店o既購物大道)!
Galleria Vittorio Emanuele II
資料顯示: 拱廊天花是玻璃與金屬, 大量自然光投射到內, 地下是大理石與馬賽克鑲嵌畫!十字拱廊交叉處的八角形廣場頂上, 有以馬賽克貼出, 象徵亞, 非,歐及美洲的半月楣飾。
(後尾媽咪話番我知我先知呢度係由皇宮改建,唔怪得咁靚!!)
最衰無時間,本來真係好想係意大利食番個PIZZA或意粉,...不過我o地都有食番杯Galetto,大大杯,好好味!
o係購物大道另一邊盡頭有達文西像!!
Plazza della Scala
資料顯示: 近年證實 '達文西' 只是出生地, 李奧納多才是名字。
基石四面刻有達文西重要事蹟, 有神聖的「最後的晚餐」工程、繪畫「蒙娜麗莎」情況等!米蘭市最人氣的景點是達文西的「最後的晚餐」, 據聞聖母教堂(Chiesa di Santa Maria delle Grazie)為了保護壁畫, 限制人數(每次一組十多人, 限時十五分鐘, 隔着多層保安玻璃, 嚴禁拍照), 要觀賞一點也不易, 有興趣的可上網查詢。
達文西像後面是Theatre Scala (La Scala)是世上最有名的歌劇院, 可容納3000人!1778年正式開幕, 歌劇院坐位分低座, 包廂和高座, 包廂坐位編佈成U形, 因為上演的表演都是有戲劇、舞蹈和演戲原素如Cats, Phantom of the opera、Chicago等. 所以, 觀眾除歌唱部分外,都希望看到表演者的表情和動作因此坐位編佈成扇形!多名歌手如已故三大男高音歌手之一的Luciano Pavarotti亦是在Theatre Scala殿定大師級地位!
本來仲想行遠D去Castello Sforzesco ( 史科斯古堡), 因為應該係附近, 但行o左一個街後都唔見,又唔知方向,我o地時間亦好緊迫,所以好快就放棄喇!!
搵古堡時行經意大利街頭!!
又番o黎艾曼紐二世商場, 俾我o地見到佢...
相傳踏在金牛座圖案金牛的睾丸上轉一圈就能帶來好運,結果...牛睾丸部份都陷下去了!
之後我o地就快手快腳衝番去教堂行上塔!!
資料顯示: 米蘭大教堂是歌德式建築, 在1386年開始興建, 歷時500年!因為外牆有2245個聖人雕像, 頂部有135座尖塔。
行上塔要5euro, 唔係想像中咁辛苦,不過轉到頭到暈!!
上到去,嘩,好靚,d雕刻好細緻,仲要條條柱都唔同,好勁!!
右上: 睇番d相,真係想話我老公好耐...做乜張張相我個人都咁細粒,而且仲要縮係相中一角,cut o左我大半個身...
上到最頂,嘩,塔晒台o既,原來開show,搞到我o地辛苦上o黎只係影到Banner同台,核核突突!!
核突還核突,點都要影張相留念!!
望番成個米蘭巿!!
底: 玻璃頂o既艾曼紐二世商場!
上: 聖西路球場, 老公其實好想去,不過無時間,唯有遠觀啦!!
下: Castello Sforzesco (史科斯古堡), 由達文西幫忙設計重建, 內有博物館及美術館,是米蘭的權力象徵 。城堡是 1368 年所建的防禦,後被改為金碧輝煌的公爵居所,企圖變成文藝復興時期義大利最豪華的社交中心,因此城堡呈現後哥德及文藝復興的混和形式。
上完塔,走,三點幾四點先去醫肚!!人生路不熟,又趕時間,麥當勞係唯一救星!!七個幾euro一個餐+一個包,好貴,茄汁都要錢...但我o地無得揀!!
食完坐metro趕番火車!!
拎埋行李時間距離上瑞士o既火車開車時間只差十幾二十分鐘,好彩!!一望標牌,原來我o地架火車delay 10min,雖然已經身在火車站,但直到呢一刻,心情先安樂番!!
月台聚滿遊客,我o地仲遇到一個癲婆,佢大大聲邊行邊大力咳,令所有人都為之側目!!我到而家都仲好記得佢o既怪行...!!!
等火車時因為太口渴,我o地又掉晒希臘d水,迫仲買o左呢支全程最貴o既水, 盛惠1.8euro!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
終於上o左火車喇!!Bye bye 米蘭, bye bye Italy!!
火車窗外開始見到美麗o既湖泊同綠悠悠o既山, 瑞士, 我o地o黎到喇!!
隨住我o地到達瑞士, 趕頭趕命趕火車o既瑞士行程,就由呢一刻展開!!!米蘭已經少景點,但我o地都已經走馬看花成咁,之後o既瑞士行程,同樣因為趕時間而未能真正enjoy,瑞士美景,就係咁而浪費了,所以老實講,瑞士行程呢一部份honeymoon,其實唔算太enjoy,好可惜...
Milano上Lugano,只係1個鐘!!其實,如果唔係無希臘去瑞士內陸機,唔係為o左坐Bernina Express,我諗我都唔會stay係Lugano呢個位於瑞士南部,充滿意大利風情o既瑞士城巿!!
Lugano火車站!!對比米蘭火車站,呢個火車站絕對係蚊型!!不過過馬路要橫過火車軌, 對於大鄉里o既我感覺好新鮮!!
呢晚住o既地方o係小山坡上,拖住件爛行李,上完段大斜,終於可以check-in!!
一入到房,嘩,好靚,呢間酒店係瑞士行程第二平(其實都要125CHF!),但間房好掂,又大又乾淨又整齊,感覺好舒服!!(後尾先知,大同整齊乾淨,原來係瑞士酒店基本特點,之後間間都有番咁上下大,只係之前希臘d房比較細,所以第一晚住瑞士酒店比較興奮!)
不過,我o地無時間欣賞間房喇,因為又要趕住坐火車去Bellinzona睇瑞士文化遺產之一o既三座城堡(UNESCO World Heritage簡介: http://whc.unesco.org/en/list/884)!!
去到Bellinzona,由於已經7點半有多,天陰陰落住微雨,舖頭又關晒門,成條街好似得番我o地兩個咁,人影都無!!
雖然一出火車站已經見到兩座城堡,但叫得三座城堡嘛,我一定要搵個角度影齊三座城堡!!
行行行,行左大半個鐘,硬係未能搵到一個位置可以影晒三座城堡,好失望,唯有一座都照影先!!
天色快黑,唯有回程番火車站吧!!
忽然,見到喇見到喇,哈哈,好開心好興奮!!
三座呀,三座一次過見到晒!!!
三座城堡: 卡斯特爾格朗德(Castel Grande)、卡斯楚•蒙特貝羅(Casgello di Montebello)、卡斯楚•薩索•科爾巴洛(Castello di Sasso Corbaro)
無腳架無人o既情況下,用相機帶吊住部機,咁都俾我o地影到合照,哈哈!!
影完相,安心番歸,仲有心情欣賞呢區o既瑞士小屋!!
原來呢區好多屋門口都會種繡球花,勁靚!!!
行到上面個廣場時,八卦下俾我地發現一班瑞士小朋友,正鑽入城堡玩喎!!我仲以為城堡一早close o左無得入添,山長水遠o黎到,當然要入去望下啦!!
城堡好大,只有我o地兩個同班瑞士小朋友,班小朋友追o黎追去捉依因,好好玩咁!!至於我地,就四圍影影影,慢慢o係城堡散下步!!
城牆上o既洞望去另一座城堡!!
城堡上面有個平台,原來係一間餐廳o黎!!可能仲有博物館都未定,太夜close晒,我o地無入去!!
老公子行咁遠o既?
哦~~原來係去影靚相!!!
又係三座城堡!!
城堡上仲種滿葡萄呢!!
行完,個天真係黑喇,再唔番去,今晚o個餐就無著落!!
靜靜o既Bellinzona巿!!
城堡都開燈喇!!!
番到Lugano 9點,跟住另一個瑞士人夾硬衝入正在關門o既超巿,買左個即食飯先番酒店!!
酒店窗外o既Lugano夜景!!!其實Lugano俾我感覺好可愛好靚!!!!可惜我o地第二日就要離開喇!!!有機會都好想再o黎探索下呢個充滿意大利風情o既瑞士城巿!!!
上: 左邊就係夾硬衝入起巿買o既即食飯!!味道OK,但D飯好油,5CHF一個晚餐,仲想點!!
下: 煮埋希臘買o既羅絲粉,煮好放d o係santorini叫外賣無食到o既芝士粉同紫菜焗一陣,哈哈,估唔到都幾好味,連老公子都讚!!
經過一日忙碌咁東奔西跑,由希臘到意大利再到瑞士,雙腳真係好疲累!!!望望雙腳, 原來希臘o既陽光送o左一個記號o係我o地雙腳上!!!希望我o地可以帶住呢個印記,將希臘行程o既快樂延續到瑞士啦!!!
