15/6/2016 星期三 晴
尋晚好夜, 都無留意原來間房無窗!!!
其實係有o既, 就係o係滑梯上面有個細窗, 尋晚拉晒簾都無留意, 呢朝起身拉開望望, 原來咩景都無o既, HAHA!!!
我梳洗到咁上下, 細佬都訓醒喇!!
一訓醒又鍚個妹!!!
妹妹心情好靚!!!
家姐最遲起身!!!
今日約o左尋日位的士哥哥 (Hogan) 9點半係民宿樓下, 我同小朋友梳洗換衫, 老公就一早出去買早餐!!!
一早起身, 小朋友Sir兩Sir都無再好熱烈咁玩滑梯喇, 可能朝早未warm up又或者已經玩夠吧!!
間房咁靚, 緊係要影o下相啦, 下午去完街番o黎就唔係住呢間房o架喇!!!
有早餐喇!!! 同Hogan所講一樣, 呢間民宿最大缺點就係附近除o左Mos Burger 後就無乜好o野食!!!
所以呢朝, 我o地都係要食Mos Burger!!!! 好彩小朋友都幾棒場!!!
我帶o左幾對襪仔Kodi襯衫, 但可能太新奇, 都未出門口就俾佢扯甩o左o黎食, 之後幾日都係赤腳罷啦!!
食完早餐pack好行李放o係房, 準時9:30落到樓下!!!
小朋友超掛住呢個彩色波波池滑梯, 雖然都有d趕時間, 但不能避免點都要俾小朋友快速玩一陣!!!!
好喇, 終於上的士!! 因為今日我o地轉房, 所以民宿職員己經先將今日o既房間鎖匙交俾Hogan, 認真貼心!!!
上到Hogan架的士已經差唔多9:40am, 其實我心目中係打算10am前到達
國立自然科學博物館o架, 因為上網check, 逢星期三10點前入場係可以免費o架!!!
不過, 因為我事先無好著緊咁同Hogan提起, 加上就算要俾入場費都唔係太貴, Hogan又好好客咁一邊駕車一邊介紹沿路景點, 我都唔太好意思催促呢!!!
大約15-20min車程, 終於到喇!!!
Hogan好好客, 臨別仲主動幫我o地影相留念呢!!! (但其實我當時都有少少心急, HAHA)
影完相, 同老公快步去博物館, 見門就入, 結果...
睇到嗎? 雖然out focus, 但大家應該留意到我手有個印仔!!! 無錯, 我同老公剛剛趕及10點前免費入場, 呢個印仔就係認證, 有呢個印出入場館係免費o既!!!
一入到去見到呢個館, 好吸引, 小朋友都有d期待, 可惜當我o地影完相想入去時先知, 呢個特別展場係要另外付費!!!!
好啦, 唯有先睇免費o既展館啦, 如果有時間先再o黎!!!
正當我o地回頭搵另一d地方參觀, 我o地都見到門口吸印位職員正在離開, 我冋老公都覺得有少少運氣呢!!!
之後, 我o地坐電梯落o左一層!!!
個展館講顏色同形狀, 門口有幾個呢D display, 都幾吸引!!
Koey Kobe話要擺pose~~HAHA!!!
我o地先去o左講形狀o個邊, 介紹自然界界入面o既各種形態, 好似雪花, 魚/雀鳥o既流線形等等, 不同形態有不同作用!!!
館內有幾個呢D玩意, Koey Kobe以為好好玩, 實際上我無細心睇D展覽都未必明點玩!!!
之後有下面呢D 考腦筋玩意, 好似香港科學館o個D!!!
形狀唔係太睇得明, 我o地就行去睇顏色!!!
剩係入口都吸引好多, 好colourful呢!!!
呢度介紹唔同o既色板, 叫小朋友指住佢o地鍾意o既顏色!! Koey 好consistent咁指綠色, 但細佬就一時指黃色一時指紫色...睇o黎佢都唔多知自己鍾意咩色呢!!!
呢個襟下掣, 相對顏色會著光!! 另外仲有展板介紹不同顏色會帶俾人咩唔同感覺, 同Koey 睇佢明明o地, 都幾有趣!!!
介紹不同雀鳥同顏色o既關係!!
呢度講聲音!
有好多唔同動物o既聲音介紹, 剩係襟掣發聲o既互動都夠Koey Kobe慢慢玩!!! 唯一係Kobe仲細唔太明, 如果只係帶Koey 一個時間又充足, 呢度可以再睇耐D呢!!!
好喇, 睇完11點幾, 餵完奶再去另一邊展館!!!
到此一遊!!!
好喇, 另一邊展館有隻老虎仔, 好似好o岩小朋友呢, 於是落去睇下!!!
不過落到去地方好大但無乜人, 黑黑o地唔多o野睇!!
有幾部機有得襟下, 但唔係太知點玩!!!!
呢個'光魔法'幾得意, 幾夢幻, o岩小朋友!!
呢部機影相再畫公仔, 右邊D Sticker全部拉唔到出o黎玩唔到!!!!
呢個影出o黎幾有趣, 但其實唔係好知係咩!!
由於實在太黑太悶, 最後都係走!!
電梯寫住5樓有幼兒科學園地, 於是去睇o下, 點知下一個section係12點半, 仲有成個鐘先到, 可惜!! 於是我o地就出戶外園地望下!!!
呢度有幾個缸, 入面有有四腳爬爬~~
仲有蛙睇...
無乜o野睇, 我o地唯有又番番去先前另一邊大樓, 呢個時候室內地都濕晒, 但出猛太陽, 原來剛剛落o左場好短o既大雨!!!
好, 雖然時間唔多, 即管去睇埋恐龍啦!!!!
問完職員, 我o地就周圍亂行!!!! 睇o黎呢邊先係主場館, 好多學生團, 亦有唔少本地客參觀, 但好似我o地呢d外地遊客就真係唔太多, 印像中只見到少少外地客, 香港人都無個!!!
台灣發掘到o既古時大象模型
扮驚!!!
好得意!!!
行行o下有展館介紹食物!!!
介紹不同囍慶節日會有咩傳統食物!!!
呢隻係真o既巨形章魚標本, 好大隻呀!!
入面講進化!!!
連講海膽o既展館都有, 總之有時間有心機慢慢睇, 我同老公都覺呢度可以行足一日呢!!!
可惜...小朋友耐性麻麻, 特別係Kobe, 因為無樣o野睇得明...我o地見到2樓有小動物睇, 於是就去睇o下, 希望小朋友會覺得得意D啦!!!!
上到去, 原來所謂小動物, 係一缸缸養o既~~
其實我有少少失望o架, 不過Koey Kobe又唔係咁諗喎, 佢o地都幾有興趣睇呢, 好彩o者!!!
竹節蟲 (原來竹節蟲都有唔同款色o架!!!)
仲有好細隻o既魚蝦蟹螺等等...後尾仲有D大形少少o既...算佢啦, 都有番D睇頭~~~
大蟒蛇!
大蜥蝪
睇完小動物, 咦? 仲未見恐龍o既? 睇o黎我同老公又行大運喇!!! 搵lift時見到假動物!!!
其實D動物都整得幾靚o架, 不過呢度又係又大又無人, 我o地都無咩意欲去睇!!!
終於, 再過睇清楚指示牌, 我o地終於搵到睇恐龍o既展館, 原來我o地之前有經過, 但個入口同恐龍無咩關係, 所以miss o左!!!
展館有地球天地初開有微生物開始講起~~~
地殼變動!!! 張椅會震, 好似4D影院咁, 當時坐滿o左人, 都算係我o地入博物館見到遊人最'密集'之處喇!! :p
由於Koey不停大叫肚餓, 時間亦真係唔早, 我o地唯有走馬看花咁行, 都無乜停留介紹俾小朋友知點解會有恐龍出現, 同物種如何進化...
開始有大形爬蟲出現喇!!!
到喇到喇, 係呢度喇!!!
Kodi: 你邊位呀?
留意Kobe, 始終佢仲係細個, 見到恐龍有d驚, 佢d表情反應好得意~~~
好喇, 睇完恐龍, 小朋友同大人都滿足喇, 我o地就怱怱走人, 打的去食lunch喇!!!
呢間係食fusion 菜, 上google map搵博物館附近美食, 見佢評分同食評唔錯, 所以就特地o黎食, 開頭諗住行o架, 但太陽好猛, 博物館職員話行要30min, 結果我o地都係打的!!! 其實的士好快就到, 但日頭太猛, 要行都真係幾辛苦!!!
入到去未叫食物就有杯好香o既枸杞菊花老紅茶!!!
之前一晚太夜訓, Kobe好攰, 加上餐廳內似乎無開冷氣, 熱到咩心機都無!!!
我o地叫o左花卷, 羊肉飯, 醬烤雞九層塔意粉!!! 右下角個薯條本來叫俾小朋友, 點知辣, 想叫佢o地換, 侍應表示願意唔收錢, 但無得退 (都明, 退o黎都係掉), 最後佢o地仲幫我o地打包!!!
(不過好可惜, 呢日最後都係唔記得食o左佢, 最後都係掉o左, 早知再飽都食埋啦, 咁浪費...嗚....)
打卡仲送飲品!!!
唔知係咪天氣太熱, 細佬又訓得差, 佢由呢餐開始全程一食o野就發脾氣, 食幾啖就話飽, 仲好唔願意影相, 好唔合作!!!
妹妹食飽奶好合作!!!
呢餐食o左NTD925, 其實唔係平, 但坐得都舒服, 加上食物味道唔錯, 我同老公都覺得值得一試, 因為d菜式的確幾有創意呢!!!
食完我o地就步行去附近o既勤美誠品綠園道!!!!
明明出發前話台中落大雨, 估唔到呢日好天成咁, 簡直曬到唔願行呢, 真係好開心, 曬總好過落雨嘛!!!
見到勤美天地喇!!!
其實我知呢度一帶有唔少互外o野可以睇下行o下, 但實在太熱, 我o地第一時間都係入o左戶內直上誠品算數!!!!
去旅行心情唔同D? 點解坐個電梯都好似特別D, HAHA!!
見有少少時間, 快速講幾本童書, 同桌仲有其他台灣小朋友同家長, 可能平日少遊客, 聽到我用廣東話講故事都眼望望!!!
大半個鐘後, 講完有趣o既繪本書, 小朋友都好滿足咁, 乖乖合作離開!!!
誠品樓下就有好多的士, Good, 即刻打的去宮原眼科附近o既洪瑞珍!!!
細佬眼利睇到消防車!!!
到洪瑞珍喇, 的士話呢間係台中總店, 噢!!!! 原來好似香港好舊好舊o既麵包舖咁呢!!!!
老實講, 真係幾其貌不揚呢!!!!
老公同細佬未入去已經表示無興趣, Koey就自己揀o左個朱古力卷!!!
2件共NTD68!! 不過俾錢時就有D嬲, 我明明排緊隊D人都可以當我透明咁, 我先後被2-3個人插隊, 真係好嬲, 係咪蝦我? 最後都係叫老公高頭大馬D幫我俾錢!!!
買完即試, 都唔記得未食前影張!!!!
我買呢個係綜合味道, 又的確幾好味!! 其實我都唔係太食得出入面有咩餡, 不過食到D牛油定芝士涼浸浸咁o既感覺, 甜又唔太甜, 總之係幾好味!!! 迫老公試o左啖, 只換到"OK啦"一句!!!
不過呢, 因為洪瑞珍舖內都無乜冷氣, D三文治都係放室溫, 都唔難想像點解運番香港會有菌...好似我咁即買即食算好D喇!!
呢個朱古力卷入面勁多Cream, 最後Koey都無食晒!!! 浪費!!!!嬲!!!
之後我o地就行去相距2個街口o既宮原眼科喇!!!
天氣實在太熱喇, 早知洪瑞珍舖細細買完就走得, 就聽的士司機講, 停車埋一邊買完直去宮原眼科先落車啦!!!
門口有蟻!!小朋友跟住踩踩踩!!!
舊式建築翻新過後真係幾靚!!!
o係呢度見到好多香港團遊客, 同埋唔少人買手信!!!
o係室內逗留o左一陣, 我o地就去買雪榚喇!!!
因為有團, 所以都排o左10min左右先買到!! 我o地睇到地上o既排隊劃線, 我諗weekend排隊情況一定好誇張!!!!
只係朱古力都有咁多款!!!
本來老公想試100%朱古力, 但我怕苦, 結果只試80%, 好後悔呢, 因為80%一D都唔苦仲好甜!!!
(後來叫朋友試100%, 佢都話唔苦好好味!!!)
老公叫o左3球加配料 (NTD305), 嘩, 好大個, 食唔食得晒o架?
我o地揀o左80%朱古力, 熱情果同埋菠蘿(Koey指定)味!!!
餵雀仔時間!! :p
d配料都好有份量, 好似蝴蝶形脆餅, 芝士蛋榚等等, 食配料可能都好飽!!!
Kobe得個樣, 一啖雪榚都無食!!!
只係食D配料!!!
Koey都好叻, 幫手食o左唔少!!!
呢隻紙摺匙考起我o地, 唔識摺, 求其刮到食到算, 後尾D雪榚溶濕o左隻匙, 要再摺第二隻食...都幾唔方便!!!
由於天氣太熱, 我o地又唔願行去職員建議我o地可以坐低慢慢食o既分店, 結果...
D雪榚溶o左3分1變晒水...仲浸到個脆筒淋晒無食...又浪費!!! 一日浪費咁多食物真係好失敗好肉赤, 但又有D無可奈何...!!! 真可惜呀, 早知叫2球算呢!!!
食完行番民宿!! 睇地圖行13-15min就到!!!
沿路見到'大埔', HAHA!!
仲有呢張巨人國版有輪木椅, 好有趣呢!!!
行o左15min左右, 終於番到民宿喇, 小朋友都好開心, 又可以玩喇!!!
由於Koey Kobe要玩波波池滑梯, 我就先抱妹妹上房!!!
嘩, 今次間房大過之前一晚好多呢!!! (房價貴NTD1000左右架!!)
重點!!!!
仲有個小廚房!!
其實牆身圖畫好簡單, 但出o黎效果好得, 大人小朋友都覺得好開心!!!
估唔到廁所都有D驚喜, 個浸浴缸出奇地大呢!!!
另一邊仲有淋浴間
坐廁仲有小朋友廁板, 真係好細心!!!
食飽奶阿妹又試好開心, 不停望住我甜思思咁笑!!!
難得無乜o野忙, set 機自拍o下先, 2隻大馬騮番o黎就無得影喇!!
屋內有千秋, 真係唔少人童年夢想!!!!
Koey Kobe上o黎喇!!!!
細細個就怕打千秋o既細佬都敢玩一陣呢!!!
洗完面休息一陣, 又再出發喇!!! o係民宿出面截o左一陣先有的士!!
大約10車程, 到喇!!!
就o係呢條小巷!!!
點解會搵到呢間火鍋? 因為奄尖o既老公話要食火鍋, 於是我就上google睇下民宿附近有咩火鍋店, 見到呢間'初 鍋物' google 評分高達4.9, 於是就搵下資料, 見到D食評都真係幾吸引幾唔錯, 於是就book位預約喇, 希望唔會失望啦!!!
我o地坐二樓房, 有私人空間, 唔錯!!
有兒童餐具, 未開飯玩飲水碰杯都咁happy!!!
因為呢間店有D似私房菜形式, 呢晚除我o地仲有另一台客人坐1樓!! 店細細客唔多, 全晚由同一位職員serve我o地, 有少少尊貴感覺, HAHA!!
職員好細心介紹餐牌, 我o地叫o左個豪華海鮮套餐同牛肩卷套餐, 另外再散叫!! o係食呢方面, 特別係去o左旅行, 我老公好似發o左達咁, 好似叫咩都好抵唔使理幾錢咁...HAHA!!!
前菜 (忘記左邊係咩, 右邊係筍)
Koey竟然好鍾意, 食o左大半支!
妹妹太攰訓o左, Good, 我開餐喇!!!
豪華海鮮鍋
牛肩肉
呢度主打用料新鮮, 所以火鍋用清水無湯底o架!!! 仲有, 職員亦會幫我o地煮埋海鮮, 可能怕我o地唔識煮幾耐, 浪費美食!!!
因為清湯, 所以除醬油外, 仲有灰色岩鹽可以點下!!!
海鮮鍋有蝦, 蜆, 帶子, 飽魚...!! 唔係講笑, 又真係樣樣都好鮮味軟糯呢!!!
老公再加點o左碟雪花牛, 雪花牛雖然脂肪多D肥美D, 但牛肩肉食落反而牛味重D好味D呢!!!
上面有個雜錦丸子, 包括九層塔, 泡菜同韮菜丸!!! 3種丸都好好味, 特別係泡菜同九層塔, 味道好特別, 老公本來想encore來呢, 但仲叫o左好多其他o野食被我阻止o左!!!
冰豆腐~
墨魚汁滑!!! 呢個超級好食, 好有咬勁又彈牙, 入面食到粒粒墨魚肉, 好正!!! 10個推介!!
食完再叫普通魚墨魚滑, 呢個都好滑好彈牙, 係差少少粒粒墨魚肉無黑色o個個咁有咬口, 都唔錯!!!
仲有呢碟豬!! 不過食落唔覺太特出, 牛好味好多!!
最後職員仲會用個湯底o黎煲粥!!! (職員o係我o地食緊期間有間中pit油, 所以唔使怕多油唔健康!!!) 簡單落o左蛋, 葱, 紫菜等配料, 所有食物精華煲出o黎o既粥真係好清甜好味, 食完好滿足!!!
仲有呢碟咸鳳梨, 係可以餸粥食, 但我同老公都有少少食唔慣, 因為菠蘿味好重好甜, 同粥唔太夾咁!! 不過小朋友就超鍾意, Koey Kobe夾分K.O. o左!!!
最後, 仲有呢個甜湯!!! 我同老公都未飲過呢種味道, 覺得超級好飲!!!
我o地再三問職員, 但係聽唔明台灣d terms, 我同老公聽o左好多次都唔係好知職員講o既係咩生果, 職員話係台灣有o既食材, 類似香粉圓之類!!!
(後尾係第4日o係賣手信地方見到, 叫'薩旦娜'...我o地買o左, 但原來只係呢個'薩旦娜'係無乜味, 只係o個d粒粒o黎, 真係好想再飲多次呢碗糖水呢...haha)
呢餐好豐富呢, 盛謂NTD4609!!!
貴嗎? 少少吧, 但都值o既, 因為食材的確幾新鮮甜美, 當然平少少會覺得仲抵食啦!!!
最後職員仲幫我o地call 埋車, 送埋我o地上車添, 呢種5星級貼身親切o既招待, 都值回少少票價o架!!!
呢日, 我o地不停答的士, Koey Kobe都留意到台灣係左軚車呢, 好觀察力呀!!
是晚9點左右番到民宿, 小朋友又掛住玩唔願梳洗喇!!
妹妹沖先!!! 不過似乎認地方, 一邊沖一邊望望下好唔對路好不安咁樣!!!
家姐細佬就係大浴缸'游水', HAHA, 真係好大好好玩咁!!!
對拖鞋...
係Koey Kobe自己揀o既...HAHA!!!
沖完涼乾淨晒, 妹妹好開心呢!!!
訓喇!!! 家姐揀o左上格床訓!!!
其實我同老公暗地裡都覺得好出奇Koey敢一個人離開爸媽咁遠訓o架, 睇o黎一起身可以sir落床o既吸引力真係好大呢, HAHA!!!
呢晚小朋友11點訓晒!!!!
臨訓前, Koey: 聽日係咪番學港喇?
我: 未~~~你唔記得約o左靖靖一齊旅行咩? 我o地都未見到靖靖, 未咁快番屋企呀~~~
HAHA~~睇o黎玩o左2日小朋友已經好滿足及好夠皮, 開始想家呢?
之後老公出去7-11拎出發前o係香港上網訂o既書!!!
因為'周'字廣東話'CHAU'同國語'Zhou' o既分別, 職員以為無我o地o既書, 好彩後尾都搞番掂, 順利收貨!!!
開箱!
全程最期待o既手信, 正!! 其實如果唔係怕重, 真係想再買多D, 因為真係平香港好多好多!!!
宮原眼科買o既手信!!
(番到香港先知俾佢display騙o左, 明明佢放出o黎盒手信係用CD盒裝住d花生糖, 點知買番o黎只係CD紙盒...唔係display o既CD膠盒...)
是晚宵夜!!!由於呢晚仲夜過前一晚出去買宵夜, 都無乜選擇, 無尋晚咁好味!!!
Good Night!!
之後一日會合好友Agnes一家一齊反轉日月潭, YEAH!
