雖然只係番o左兩星期工,但呢幾日公事繁忙,仲要呢個o個個去旅行,搞到要我執手尾,而家都仲要online做o野,好慘呀...唉...希望呢幾日真係可以真正'relax'一下啦...
等我而家快快手做好d o野先...
===============================================
忘記工作,要好好享受呢三日假!!!
為o左聽朝唔使咁早起身,決定今日同honey先上深圳!!!為o左唔想食完小肥羊周身味,honey帶o左我去食廣東菜,味道不錯,最特別係"炸龜岭膏",微甘o既龜岭膏再加上鬆脆兼沾上蜜糖o既外層,係香港真係未食過呢,好特別好美味呢!!!
今日一朝要入側魚涌開會,一開就開到兩點,食埋飯三點,所以最後都無番office喇,因為番得o黎都四點放工lu!!!
開開心心四點就番到屋企,之後等到五點幾再出門口去旺角王家沙做節!!!
今日終於一家五口都齊人喇,去到再等齊d親友後,舅父拎o左個榴蓮冰皮月餅分享,嘩...d味臭到離晒譜呀,搞到舖頭職員都忍唔住要出聲阻止我o地,因為太臭,影響到其他食客呢!!!!今晚好齊人,除o左我妹外,仲有表妹,而表弟就長高晒,成個人好瘦呢,差d認唔到...而家d年青人變化真大...
十一點幾,同honey出去行海濱公園,d花燈好靚呀,以前要出到沙田先有得償花燈o架,而家唔使去到咁遠喇,雖然少o左人玩燈籠蠟燭,不過d花燈亦令呢個中秋氣氛熱鬧好多呢!!!其中我覺得最靚係o個條掛滿心心花燈o既路,真係好靚呢!!!
祝大家中秋都開開心心!!!
之後去行潮流特區,好似都好耐無去過喇,當然要去探o下我最愛o既龍貓精品啦,估唔到無睇一排,竟然多o左咁多新o野,好靚呀...好想據為己有,不過太貴lu!!!!
再之後會合毛毛娜去覆診,我同毛毛娜都將成個星期所有疑問都問晒醫生,我o既"四葉草"係正常現像,至於我左眼o既影係角膜損o左所至,測到有50度散光呀...不過醫生話損o左o既話正常只要兩三日就好番,但我已經成個星期喇,要勤力d滴眼藥水滋潤先得,如果唔係角膜復原得唔好就真係會有散光o架喇...好擔心!!!!!至於左眼隻飛蚊,而家得一點其實問題唔大,不過醫生話忽然有好多點就要特別留意喇!!!
呼~希望過多個星期情況會再好d,睇o野唔再"四葉草"亦唔好有散光就好喇!!!
之後細佬帶o左我去行一間叫"奇趣天地"o既舖頭,嘩,估唔到間o野咁大喎,有好多出面好少見到o既精品,睇得我好開心呢!!!!
下午番到公司繼續埋首工作,噢...雖然唔使OT,但呢個星期六日就要番屋企做o野呢...加油!!!!
===========================================
一星期終於完喇,硬係覺得呢個星期過得好慢,可能因為未適應新工,日日番工都好想放工,再加上雙眼狀態唔太好,日日都好辛苦呢!!!
經過一星期,預計到將來的挑戰應該不少,因為我過去一年o既經驗絕對太少,system o既新version有好多o野我都唔識,所以呢幾日都盡了所能積極惡補...可惜都唔係咁易話識就識...
不過,辛苦還辛苦,我feel到我o既態度"正確" o左,唔似我之前做過o個份"地獄"工咁,第三日就番屋企喊,兩星期後仲放棄埋!!!或者今次呢份工我比較有興趣啦,而且又有舊同事"睇住"(雖然我明白有人"睇住"唔係必然!!!),自己對於將來o既目標又清晰o左,所以我今次好似積極o左,加油呀,希望我呢個態度可以保持落去啦!!!!
唔知係咪戴住眼罩唔舒服定係我個人緊張,怕訓覺會整親眼,尋晚訓得唔係太好,難得有假都七點幾醒o左!!!
張開始,無相像中清,仲係白矇矇咁,之後o係媽媽陪同下出旺角會合毛毛娜去覆診,其間不斷望車外d 遠o野,咦,點解左眼好似有影o既!!!有少少擔心係咪手術做得唔好而有散光,又怕係我尋日唔聽醫生話成日眨眼令角膜瘉合得唔夠好添!!!
上到診所,醫生幫我照一照,話"好好,埋得好靚",呼~鬆一口氣!!!咁點解我左眼有影o既?醫生話我眼太乾,所以眨眼整損o左少少,慢慢會好番!!醫生仲話睇到我眼有霧氣添,佢話呢d霧氣可能個幾兩星期先消失,噢,咁我呢個幾星期咪要繼續好似睇緊"四葉草"咁,望咩都好似用緊soft lens咁囉...希望快d清啦,好想感受真正o既"清晰"呢!!!!
覆完診都係十一點,之後同Athena去食雲南o野!!!難得一日平日假呀,仲要有毛毛娜陪,所以好曳,掛住去shopping,結果要我媽自己番屋企,哈哈...好衰添!!!行完朗豪坊再戰沙田,o係ZARA睇中件衫,可惜得番一件甩線o既,買唔到添,可惜!!!睇飾物,試太陽鏡(唔使'控'個頭埋鏡都睇到自己戴太陽眼鏡o既樣,正,不過後尾俾我媽話近排紅眼症利害,話我仲亂試眼鏡,萬一有菌入眼就大件事!!),試衫,吱吱喳喳,八八卦卦,嘻嘻,好多謝毛毛娜陪我番新工前過o左咁開心o既一日呢!!!!
番到屋企做d簡單家務,話時話,今日帶住黑超係平日shopping,番到屋企做d輕巧o既家務,今日o既生活都幾有闊太feel,哈哈!!!!
夜晚,慰唔住都係想同大家分享我呢兩日o既感受,所以都係開o左電腦,不過,大家放心,我唔會玩太耐,而且我大部份字都係合埋眼打o架(嘻,我d倉頡好純熟的!),所以雙眼都唔會太支力,不過下星期一要番工喇,聽聞好忙,希望我爭取到時間休息隻眼喇,我唔想近視番發呢!!!
工作了一年零差唔多兩個月,今日(13/9)係最後半天,由於時間太衝忙,交代呢樣o個樣,而且同事們仲就我點半去醫院而提早十二點同我出去食farewell 飯,結果我竟然趕到連預備好o既goodbye email都唔記得send呀...噢,咁樣無聲無色咁走,好似好無禮貌咁添...!
去o左就近醫院o既地方食各民,同同事最後一餐飯喇,竟然都無乜唔捨得喎!!!
再見喇,公司&同事!!!!
==========================================
會合特地請假陪我的honey,之後準時一點半去到醫院,點知醫生未到,等到毛毛娜都到埋,接近兩點半先真正見醫生!!!簽完名交晒錢拎埋葯後入手術室喇,今日有三個人做手術,我係第二個,毛毛娜係第三個,由於第一個係做intralase,割開角膜後要等d氣泡消散先可以再做,所以我唔使等o左好耐就入手術室,雖然都有少少震,但比相像中都算無咁驚喇!!!
開始了,醫生用o野箍住我隻眼,然後我跟住指示望燈,聽住刀片轉動o既,要割開角膜了,不自覺緊張起o黎,不過過程好快,只係短短七秒咋,之我見到角膜被打開,紅燈即刻變到好散,都唔知應該望邊點,好驚自己望錯位令手術做得唔好呀!!!!
之後'啪啪啪',激光打入眼,雖然望唔到無感覺,但係就聞到陣陣'lone'味呢!!成個手術大約二十幾分鐘,話咁快就整完,醫生幫我搣開癡實眼睫毛o既膠紙時仲讚我d眼睫毛真係好長呢!!!哈哈,連日日都對住眼睛o既醫生都話我d睫毛長呀,好開心!!!!
眼矇矇咁行出手術室,毛毛娜已經坐o係出面準備就緒喇,同佢好興奮咁講手術過程,之後到佢入手術室,我就乖乖咁聽醫生話合埋眼休息,以免雙眼因眨眼太大力而令剛合上o既丑膜移位!!!
等等等,毛毛娜都做完喇,乖乖再坐多個鐘先走,其間俾醫生話我成日張開眼呢...五點幾,估唔到要咁遲先走得,不過亦因為咁,可以坐到我爸順風車!!車毛毛娜番西貢,因為我爸唔熟路,兜o左好耐,番到屋企仲夜過平時放工呢!!!可憐我honey坐o左大半日,雖則話佢好醒目咁買定報紙,但我都有少少唔好意思,多謝honey!!
!!!
夜晚,屋企人唔俾我睇報紙,自己都唔敢咁曳開電腦,結果唯有做唔使用眼o既娛樂,就係傾電話!!!打俾同事問新公司o野,亦托了同事幫我send出goodbye email,總算了結了一件心事,然後再打俾Athena講o下大家雙眼o既狀況,再同honey傾計!!!
十一點入扆訓覺,望見台面上戴了多年o既眼鏡,心諗"我唔再需要你喇!!",我知道就算我再戴上佢,佢都唔能夠令我睇o野清楚喇,忽然有種好奇怪o既感覺,哈哈!!!
戴上醫生提供o既護眼罩訓覺,合上雙眼,期待明天張開雙眼望到o既景像!!
再見喇,眼鏡&Contact Lens!!!!
下午,同同事食飯,因為最後兩日機會(我星期四唔會同佢o地食!),貴d都唔怕啦!!!我靜雞雞同另一條team o既manager傾計,佢一向都同我o地team食飯,而且仲係而家我office內唯一女伴,所以都幾好傾,於是我話佢知關於請假呢件事,結果,佢以manager o既身份,好肯定我last day 請假,老細係唔需要再向上一層要求approve o架...換句話,佢好肯定我老細只係個人唔想我走而"玩o野"...
如果我同事無估計錯,咁我老細即係"扮"拎approval 囉...真係衰...
Anyway,而家我請到假,而且同老細無因拗唔掂數而令關係變疆,都算係好結局,呼~
今晚OT,八點幾走,算係我o係呢間公司比較夜放工o既日子...不過,我知道我新公司o既最早放工時間可能都係八點幾...我要好好珍惜呢個星期喇...!!!
