舞動全城

噢...打完一大篇...竟然無o左...太可惡喇!!!!!!成個feeling都無o左喇,唔想再打咁滯添...

話說我其實想講我細佬尋日俾o左一段片我睇,段片係我妹去校園show時拍o既,俾我細佬幫佢燒碟!!!

段片內我妹隊dance team表演o左三首歌(唔知係咪叫jazz呢,總之就係d歌星唱快歌d dancer跳o個種啦!),只見我妹企o係正中,無論舞姿定身型都係最好o個個,或者我只留意住我妹啦,但總之感覺上,我覺得我妹都幾搶!!!!

自上次好唔清楚咁o係電視見到我妹為花車巡遊表演後,今次先算係正式睇到佢跳舞,睇見佢跳得咁好,都算有少少'安慰'o既感覺!!!!

當初我妹選擇行呢條路時,家人(包括我)都有微言,而家睇見佢跳得咁好,而且佢亦真係好鍾意好俾心機,都總算接受了!!!不過,風光背後,我o地都其實好清楚佢付出有幾多!!!!

為排舞,佢已經好少留o係屋企,每次見到佢,佢唔係o係度拉筋就係做運動,仲不時叫我媽幫佢買護膝按摩膏,仲霸住我本來送俾媽o既按摩器放o係床邊,可想而知佢付出o既汗水同傷都唔少,亦難怪我媽會心痛同擔心!!!!

不過,我其實有d羡慕佢可以做自己喜歡o既,始終係佢自己選擇,家人其實好應該支持佢,點都好,要做就做到最好,希望佢真係可以o係呢一行做點成績吧!!!!

P.S. 早前佢有份幫劉華拍MV,做足廿個鐘,最後MVo既開首,我妹出現了幾秒(佢應該係最開頭企o係左邊,面對住劉華,有機會同劉華對望一秒,拎住酒杯o個個)!!!佢拍完後講番,話劉華拍MV好認真好嚴肅,佢o地都唔多敢望佢對眼,感覺好驚喎!!哈哈!!!!!

除以下MV,我妹仲試過o係Janice同庾澄慶o既表演跳舞,兩次都有報紙影到我妹,我妹都有叫我幫佢scan入電腦呢!!!!