退化

今日放半日假,唔講唔知,其實我出o黎做o左咁耐今日係第一次請半日假咋,因為我住得遠,番工車費同時間不少,請半日好似好浪費,所以一直都無請過,不過今日一請,原來番半日都幾happy,朝早又唔會太忙太多o野做,仲一定唔使OT,下午off又唔使人迫人,可以好自在咁shopping!!!一日內又番工又shopping,時間好似好見使咁呢!!!!

其實我今日請假o既主要目的係約o左Athena去做checking呢!!!我o地先去買黑超,之後我帶o左Athena去食我好鍾意食o既一間越南o野,yummy!!!!

之後就係去提款,點知行足半個鐘都搵唔到櫃員機喎,平日明明見到周圍都有咁呢...行到腳仔軟終於提到款,去到醫院都只係遲5分鐘,你知啦,遲太多醫生唔等我o地就唔好啦!!!!

去到喇,我先去檢查,之後到Athena,大約每人15-20分鐘啦!!!!照照照、驗驗驗,之後一齊見醫生,我o既檢驗結果係"厚,不過太平,而且有d退化"!!!!

退化??呢個terms好得人驚喎...不過醫生話好輕微,但叫我留意下自己會唔會睇到飛蚊/好似閃電咁o既光/睇o野矇,如果有先再做修補都OK!!

最後,我同Athena角膜都算健康,唔使做修補,仲一齊約o左下星期一齊同眼鏡Say Goodbye添,好期待呀!!!(不過我仲有個難題,就係我做Surgery o個日係我last day呀,聽日都唔知點開口同老細講我要早半日同大家say goodbye添!!!)

離開醫院,雖然眼睛因為曾被放大瞳孔而睇得唔多清,但都無損我o地去shopping o既興誌,仲齊齊買o左對鞋添,本來我o地仲諗住去IT 1折開倉睇o下有無o野買到,點知太夜喇,最後放棄o左,如果我o地早少少睇見d宣傳單張就好啦,咁就唔使搞到要同d放工人潮迫呢,有少少可惜添!!!不過,今日難得放半日,可以同Athena一齊shopping真係幾happy呢!!!