四葉草世界

踏入第三日,其實呢幾晚都訓得麻麻咋,唔知點解呢,可能係個眼罩戴得唔好o卦...總之硬係朝朝都眼腫腫無咩精神!!!

今日起身,雙眼都仲係睇o野白矇矇,好似拍緊"四葉草"咁...呢幾日天氣又差,想望出窗望遠d試o下自己眼力都唔得,因為出面都係白矇矇一片...

左眼仲係有影呀,好擔心,而醫生上次話我左眼退化,叫我留意有無飛蚊,我呢幾日留意到我左眼o既右上角真係有隻飛蚊呀,諗諗o下,呢隻飛蚊仲應該出現o左好耐添,只係以前唔為意,唉,死啦,好驚自己眼角膜脫落呀...點解我左眼明明淺d近視,但而家好似咁多問題o架...

星期六覆診要問o下醫生先得呀...